MACAAFA FAARFANNAA 47
47
Waaqayyo Guutummaa Biyya Lafaa Irratti Mootii Dha
(Geggeessituu warra faarfatootaaf; faarfannaa ilmaan Qoraahi)
1Yaa saba garaa garaa hundumti keessan,
harka keessan walitti rurrukutaa!
Sagalee keessan ol fuudhaa
Waaqayyotti gammaduu keessan dhageessisaa!
2Waaqayyo inni hundumaa gara irraa jiru sodaachisaa dha,
inni guutummaa biyya lafaa irratti mootii guddaa dha;
3inni saba garaa garaa harka keenya jala in galche,
namoota hundumaas miilla keenya jala kaa'e*.
4inni biyya dhaala keenyaa nuuf in fo'a,
Yaaqoob inni Waaqayyo jaallatu biyyichaan in koora*.#3 2:8; Iya 23:3-5 4 Kes 32:9
5Waaqayyo gooftaan sagalee gammachuutiin,
sagalee fiinootiinis ol ba'eera;
6Waaqayyoon faarfannaadhaan jajadhaa! Isa faarfadhaa!
Mootii keenya faarfannaadhaan jajadhaa! Isa faarfadhaa!
7Waaqayyo mootii guutummaa biyya lafaa waan ta'eef,
isa faarfadhaa, mararoodhaan jajadhaa*!#7 93:1-2
8Waaqayyo saba warra kaan irratti in mo'a,
Waaqayyo teessoo isaa isa qulqulluu irra in taa'a;
9gurguddoonni saba garaa garaa,
saba Waaqayyoo isa kan Abrahaamitti dabalamanii,
walitti sassaabamanii jiru,
warri biyyaaf gaachana ta'an
kan Waaqayyoo waan ta'aniif,
inni guddaa ol kaafameera.
Currently Selected:
MACAAFA FAARFANNAA 47: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
