MACAAFA FAARFANNAA 40
40
Galataa Fi Waammata
(Geggeessituu warra faarfatootaaf; faarfannaa Daawit)
1Ani abdii guutuudhaan Waaqayyoon nan eeggadhe,
inni immoo gara kootti jedhee,
iyya koos anaaf in dhaga'e.
2Inni boolla huursaa bishaan sodaachisaa keessaa,
dhoqqee akka suphee nama qabatu
keessaas harkisee na baase;
inni miilla koo dhagaa hin sochoone irra anaaf dhaabachiise,
ejjennaa koos anaaf in jabeesse.
3Inni faarfannaa haaraa,
isa ani ittiin isa jajadhu
afaan koo keessa in kaa'e;
baay'een kana arganii isa in sodaatu,
waaqayyummaa isaa in amanatu*.#3 33:3; 96:1
4Namni Waaqayyoon amanannaa isaa godhatu,
warra of bokoksanitti,
warra amantii isaanii gananii,
soba duukaa bu'anittis
inni hin gorin haa gammadu*!
5Yaa Waaqayyo gooftaa ko,
gocha kee isa dinqisiisaadhaa fi,
yaada gaarii nuuf qabdu nuuf baay'ifteetta;
tokko illee kan siin qixxaatu hin jiru;
isaan kana yoon labse, yoon himes,
isaan wanta lakkaa'amuu danda'u
gara irraa in ta'u*.#4 Er 17:5-8 5 139:17-18
6Ati qalmaa fi kennaa midhaaniitti hin gammanne,
qalma gubamuu fi aarsaa cubbuus,
ati hin barbaanne;
anaaf garuu gurra banamaa in kennite*.
7Yommus ani,<<Kunoo ani nan dhufa,
maraa macaafaa keessatti anaaf kan ta'u caafameera;
8yaa Waaqayyoo ko, fedha kee gochuun anatti in tola,
seerri kees garaa koo keessa jira>> nan jedhe.#6 50:8-13; 51:18; 1Sam 15:22; Ibr 10:5-10
9Ani waldaa guddicha keessatti,
waa'ee dhugaa argatanii furamuu misraachoo himeera;
yaa Waaqayyo, akkuma ati beektu,
kunoo, ani afaan koo kana labsuuttii hin dhowwine,
10waa'ee qajeelummaa kee
ani garaatti qabadhee hin dhoksine,
ani waa'ee amanamummaa kee fi
waa'ee gargaarsa kee himeera;
ani waldaa isa guddaa sana keessatti,
gaarummaa kee, amanamummaa kees
afaan kootti hin ittifne.
11Yaa Waaqayyo, ati garaa laafuu kee
harkatti qabattee na duraa hin hambisin;
gaaromuun kee fi amanamuun kee
gaaf hundumaa ana haa eegan!
12Wanti hamaan lakkoobsa hin qabne na marsan,
hamma ani wanta biraa arguu dadhabuttis
irra-daddarbaan koo anatti in dacha'an;
isaan rifeensa mataa koo caalaa in baay'atu,
kanaafis onneen koo in laafa.
13Yaa Waaqayyo, ana oolchuun jaalala kee haa ta'u,
yaa Waaqayyo, na gargaaruudhaaf ariifadhu!
14Warri jireenya koo butachuu barbaadan,
guutummaatti haa yeella'an, haa qaana'anis;
warri hamaan ana argachuutti gammadan,
gara booddee deebi'anii haa salphifaman!
15Warri<<Baga, baga>> anaan jedhan,
qaanii isaaniitiin na'anii haa gogan*!#15 35:21
16Warri si barbaadan hundinuu garuu,
isaanitti haa tolu, sittis haa gammadan;
warri fayyisuu kee jaallatanis
utuu gargar hin kutin,
<<Waaqayyo guddaa dha!>> haa jedhan!
17Waa'ee koof yoo ta'e, ani gadadamaa dha, dhabaa dhas;
garuu gooftaan koo anaaf in yaada;
ati gargaarsa koo, furee koo tis,
yaa Waaqayyoo ko, egaa hin turin*!#17 9:13
Currently Selected:
MACAAFA FAARFANNAA 40: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
