MACAAFA FAARFANNAA 33
33
Guddinaa FI Gaarummaa Waaqayyoo Jajachuu
1Isin qajeelota nana, Waaqayyotti gammaduu keessan
guddisaa dhageessisaa!
Waaqayyoon jajachuun warra qajeelotaaf in ta'a.
2Kiraaraan Waaqayyoon galateeffadhaa,
mi'a ribuu kudhan qabuun isa faarfadhaa!
3Faarfannaa haaraadhaan isa faarfadhaa!
Ribuu mi'ichaa ba'eessa godhaa bubbutaa,
gammaduu keessan guddisaa dhageessisaa*!#3 96:1; 98:1; 144:9; 149:1; Isa 42:10; Mul 5:9
4Dubbiin Waaqayyoo qajeelaa dha,
hojiin isaa hundinuu immoo amanamaa dha.
5Inni qajeelummaa fi
wanta seeraan eegame in jaallata,
laftis gaarummaa Waaqayyootiin guutuu dha.
6Bantiiwwan waaqaa dubbii Waaqayyootiin,
wanti bantiiwwan waaqaa keessatti argamanis
hafuura afaan isaa keessaa ba'uun hojjetaman*;
7galaana akka tuullaa midhaaniitti
walitti in sassaaba,
bishaan baay'ees
wanta akka gombisaatti in galcha*.#6 8:3; Uma 1:6,14 7 Iyo 38:22
8Biyyi lafaa guutummaatti Waaqayyoon haa sodaatu,
namoonni lafa irra jiraatan hundinuu
isaaf safuu haa buufatan!
9Inni in dubbate,
wanti inni dubbates in ta'e;
inni in abboome,
wanti inni abboomes ka'ee dhaabate*.#9 Uma 1:3,6,9; Isa 48:13
10Waaqayyo maree saba lafa irraa in diiga,
yaadni namoonni qopheessanis
hojii irra akka hin oolle in godha*;
11mareen Waaqayyoo garuu bara baraan in dhaabata,
yaadni garaa isaas
dhalootaa hamma dhalootaatti in hojjeta.
12Sabni gooftaan kun Waaqayyo isaa ta'eef,
warri Waaqayyo ofiif isaan fo'ates haa gammadan*!#10 Isa 8:10 12 Bau 19:5; Kes 33:29
13Waaqayyo bantii waaqaa keessaa gad in ilaala,
ilmaan namootaa hundumaas in arga.
14Inni iddoo ofii taa'u sanaa,
warra lafa irra jiraatan hundumaa in ilaala.
15Inni guutummaa garaa namootaa tolche,
wanta isaan hojjetan hundumaas
gargar baasee in beeka*.#15 94:9-11
16Mootiin humna baay'inaan mo'icha hin argatu,
jagnis humna-jabinaan hin hoofkalu.
17<<Fardi mo'ichaaf
nama in gargaara>> jechuun gowwummaa dha,
humna isaa isa jabaadhaanis nama hin oolchu*.
18Kunoo! Iji Waaqayyoo warra isa safeeffatan,
warra gaarummaa isaa
abdiidhaan eeggatanis in to'ata.
19Inni lubbuu isaanii du'a in oolcha,
beela keessattis jireenyatti isaan in eega*.#17 20:7 19 1Mot 17:8-16
20Lubbuun keenya abdiidhaan Waaqayyoon in eeggatti,
inni gargaarsa keenyaa fi gaachana keenya.
21Eyyee, garaan keenya isatti in gammada,
maqaa isaa isa qulqulluus in amananna.
22Abdiidhaan akkuma si eegganne,
yaa Waaqayyo, gaarummaan kee nuuf haa ta'u!
Currently Selected:
MACAAFA FAARFANNAA 33: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
