MACAAFA FAARFANNAA 3
3
Kadhata Ganamaa
(Faarfannaa isa Daawit yeroo ilma isaa Abishaaloom duraa baqate faarfate)
1Yaa Waaqayyo, diinonni koo attam baay'ee dha!
Baay'een kan ana irratti ka'an jiru.
2Baay'een waa'ee koo in dubbatu,
<<Inni Waaqayyo biraa gargaarsa
hin qabu>> in jedhu.
3Ati garuu yaa Waaqayyo,
naannoo kootti gaachana anaaf in taata;
ati ulfina koo ti,
mataa koos ol ol in qabda*.
4Ani sagalee koo ol fuudheen Waaqayyoon waammadha,
inni immoo tulluu isaa isa qulqulluu irraa
deebii anaaf in kenna*.#3 Bau 15:1-2 4 20:2; Isa 14:32
5Ani nan ciisa, nan rafa,
Waaqayyo waan ol na qabuuf deebi'ee nan dammaqa*.
6Ani warra kumaatama
ana irratti ka'anii na marsan hin sodaadhu*.#5 4:8 6 27:3
7Ka'i yaa Waaqayyo, na gargaari yaa gooftaa ko!
Ati diinota koo hundumaa mangaagaa in rukutta,
ilkaan warra jal'ootaas in caccabsita*.
8Gargaarsi Waaqayyo bira jira;
eebbi kee saba kee irra haa jiraatu!#7 Lak 10:35
Currently Selected:
MACAAFA FAARFANNAA 3: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
