MACAAFA FAARFANNAA 149
149
Faarfannaa Galataa
1Waaqayyoon jajadhaa!
Faarfannaa haaraadhaan Waaqayyoon faarfadhaa!
Walga'ii warra isaaf of kennanii keessatti
jajuu isaa dhageessisaa*!
2Israa'el isa isa uumetti haa gammadu,
ijoolleen Xiyoon
mootii isaaniitti gammaduu isaanii haa mul'isan*!
3Sirbanii maqaa isaa haa jajatan,
dibbee fi kiraara rukutuudhaanis isa haa faarfatan!#1 33:3; 96:1 2 100:2
4Waaqayyo saba isaatti in gammada,
warra gad deebi'aniifis mo'icha kennuudhaan
ulfina in argachiisa*.
5Warri isaaf of kennan
ulfina kanatti haa gammadan,
afata isaanii irrattis guddisanii haa faarfatan!
6Waaqayyoon jajatanii ol himuun afaan isaanii keessaa,
billaan gar lamaan qaramaanis
harka isaanii keessaa hin bu'in!
7Saba lafa irraa irratti ijaa ba'uudhaaf,
saba warra kaanis adabuudhaaf
8mootota isaanii fuuncaadhaan,
ulfina-qaboota isaaniis
funyoo sibiilaatiin hidhuudhaaf,
9firdii caafamee jiru isaan irratti in raawwata,
kun warra isaaf of kennan hundumaaf ulfina!
Waaqayyoon jajadhaa*!#4 147:6 9 Isa 63:4-6; Yoe 4:2-14
Currently Selected:
MACAAFA FAARFANNAA 149: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
