MACAAFA FAARFANNAA 138
138
Deebii Argataniif Waaqayyoon Galateeffachuu
(Kan Daawit)
1Ani garaa koo guutuudhaan,
galata siif nan galcha, yaa Waaqayyo!
Waaqayyolii durattis jajuu kee nan faarfadha.
2Ani gara mana qulqullummaa keetti gara galee nan sagada;
wanta ittiin maqaan kee beekame gara irraatti
ati abdii kee waan ol kaafteef,
gaarummaa keetii fi amanamummaa keetiifis,
maqaa keef galata nan galcha*.
3Guyyaa ani si waammadhetti na jalaa owwaatteetta,
ati na jabeessite, lubbuun koos humna godhatte.#2 5:7
4Dubbii afaan kee keessaa ba'u waan dhaga'aniif,
mootonni biyya lafaa hundinuu
galata siif in galchu, yaa Waaqayyo!
5Ulfinni Waaqayyoo guddaa waan ta'eef,
isaan waa'ee karaa
isa Waaqayyo ittiin hojjetuu in weeddisu.
6Waaqayyo akkas ol ka'ee utuma jiruu,
warra gad deebi'an in ilaala;
warra of gurguddisan garuu
inni fagootti in beeka*.#6 Isa 57:15
7Ani gidiraa keessa yoon deddeebi'e iyyuu,
ati lubbuu anatti in deebifta;
dheekkamsa diinota koo irrattis,
ati harka ol in fudhatta;
harki kee mirgaas ana in oolcha*.
8Waaqayyo akeeka isaa anaaf in raawwata;
gaarummaan kee yaa Waaqayyo, bara baraan in jiraata,
hojii harka keetii ati hin dhiisin!#7 Isa 43:2
Currently Selected:
MACAAFA FAARFANNAA 138: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
