MACAAFA FAARFANNAA 115
115
Waaqayyo Isa Jiraataaf Ulfina Kennuu
1Nuyiif miti, yaa Waaqayyo, nuyiif miti,
gaarummaa kee fi amanamummaa keef jedhii,
maqaan kee ulfina akka argatu godhi!
2Sabni lafa irraa,<<Waaqayyo isaanii eessa jira?>>
jechuudhaaf maaliif karaa argatu*?#2 42:3; 79:9-10; Yoe 2:17; Mik 7:10; Isa 48:11
3Waaqayyo keenya waaqa irra jira,
waanuma isatti tolu in hojjeta.
4Waaqayyoliin isaanii warri tolfaman
meettii dha, warqee dha,
harka namaatiin hojjetamanis;
5afaan itti jira, garuu dubbachuu hin danda'an;
iji itti jira, garuu arguu hin danda'an;
6gurri itti jira, garuu dhaga'uu hin danda'an;
funyaan itti jira,
garuu fuunfachuu hin danda'an.
7Harka isaaniitiin qaqqabachuu hin danda'an;
miilla isaaniitiinis adeemuu hin danda'an,
laagaa isaaniitiinis sagalee hin dhageessisan.
8Warri isaan tolchan,
warri isaan amanatanis
hundinuu akuma isaanii ti*.#4-8 135:15-18; Mul 9:20
9Yaa warra Israa'el, Waaqayyoon amanadhaa!
Inni gargaarsa keessan, gaachana keessanis.
10Yaa mana Aaron, Waaqayyoon amanadhaa!
Inni gargaarsa keessan, gaachana keessanis.
11Isin warri Waaqayyoon sodaattan Waaqayyoon amanadhaa!
Inni gargaarsa keessan, gaachana keessanis*.#9-11 135:19-20
12Waaqayyo nu yaadateera, inni nu eebbisa;
inni mana Israa'el in eebbisa,
inni mana Aaron in eebbisa;
13inni warra Waaqayyoon sodaatan,
warra xixinnaa, warra gurguddaas in eebbisa*;
14Waaqayyo isin haa baay'isu,
isin, ijoollee keessanis mana haa guuchisu*!
15Waaqayyo isa waaqaa fi lafa uumeef,
kan eebbifamtan in taatu*!#13 Mul 11:18; 19:5 14 127:3 15 134:3
16Bantiiwwan waaqaa kan Waaqayyoo ti,
lafa garuu ilmaan namaatiif kenne*.
17Warri du'oon,
iddoo warra calluma jedhaniitti kan gad bu'an,
Waaqayyoon jajachuu hin danda'an*.
18Nuyi garuu ammaa jalqabnee hamma bara baraatti,
maqaa Waaqayyoo in eebbifna.
Waaqayyoon jajadhaa!#16 8:6; Uma 1:28 17 6:5; Isa 38:18
Currently Selected:
MACAAFA FAARFANNAA 115: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
