MACAAFA FAARFANNAA 1
1
Macaafni Inni Duraa
(Faarfannaa 1–41)
Jireenya Nama Qajeelaa Fi Jireenya Nama Jal'aa
1Namni akka gorsa warra jal'ootaatti hin deddeebine,
karaa cubbamoonni irra adeeman irra kan hin ejjenne,
warra ga'isanii wajjinis tarree kan hin teenye gammachuu qaba*!
2Qooda kanaa isa gammadu kanatti seerri Waaqayyoo itti in tola,
innoo halkanii fi guyyaa waa'ee seera Waaqayyoo in yaada*.
3Inni akka muka isa bishaan yaa'aa qarqara dhaabamee,
yeroo yeroo isaatti ija kennuu, baalli isaas gogee hin harcaanee ti;
wanti inni hojjetu hundinuus wal in qixxaataaf*.#1 26:4-5; 119:1-3; Fak 4:14; Er 15:17 2 119:148; Iya 1:8 3 92:13-15; Er 17:8
4Warri jal'oonni garuu akka kana miti;
isaan akka abaqii qilleensi fuudhee adeemuu ti.
5Egaa warri jal'oonni firdii duratti hin jabaatan,
cubbamoonnis walga'ii qajeelotaa keessa hin dhaabatan.
6Waaqayyo karaa qajeelotaa duukaa bu'ee in beeka,
karaan jal'ootaa garuu gara badiisaatti in geessa.
Currently Selected:
MACAAFA FAARFANNAA 1: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
