Macaafa Fakkeenyaa 19
19
Ammas Gorsi Solomoon Itti Fufuu Isaa
1Sooressa gowwaa dubbii micciiramaa dubbatu irra,
hiyyeessa dubbii hin balleessine wayya*.
2Beekumsa utuu hin qabaatin
hawwa duwwaa qabaachuun gaarii miti,
namni miilli isaa jarjaru
karaa irraa kaata.#1 28:6
3Gowwummaan namaa jireenyuma isaa in balleessa,
inni garuu garaa isaatti
Waaqayyoon in komata.
4Badhaadhummaan nama baay'ee
fira namaaf godha,
hiyyumni garuu fira irraa gargar
nama kuta*;
5namni sobaan dhugaa ba'u,
utuu hin adabamin hin hafu,
soba kan dubbatus adaba
jalaa hin ba'u*.#4 14:20 5 19:9; 21:28; 24:28; 25:18; Bau 20:16; Kes 19:18-20
6Namoonni baay'een
nama guddaatti firoomuu in barbaadu,
nama waa namaaf kennuufis hundumatu fira.
7Nama hiyyeessa obboloonni isaa iyyuu
in jibbu erga ta'ee,
firoonni isaa immoo hammam caalchisanii
isattii haa fagaatan ree!
Hammam dubbatee isaan deebifachuu
yoo barbaade iyyuu,
isaan hin argaman*;
8namni qalbii qabu ofii isaa jaallata,
nama hubannaa of keessaa qabuuf immoo
wanti inni hojjetu in tolaaf.
9Namni sobaan dhugaa ba'u,
utuu hin adabamin hin hafu;
soba kan dubbatus in bada*.#6-7 14:20 9 19:5
10Qannootti jiraachuun
nama gowwaaf hin ta'u,
garbootaafis gurguddoota bulchuun hin qajeelu.
11Hubataa ta'uun dheekkamsaaf
suuta nama jechisiisa,
balleessaa irra namaaf darbuunis ulfina isaa ti*.
12Dheekkamsi mootii akka aadnaa leencaa ti,
faara-tolinni isaa garuu
akka fixeensa marga irraa ti*;
13ilmi gowwaan abbaa isaatti badiisa fida,
haati manaa qoccoltuun
akka mana yeroo hundumaa dhimm'isuu ti*.#11 14:29 12 16:14-15 13 17:25; 21:9,19; 25:24; 27:15-16
14Manaa fi badhaadhummaa abboota irraa in dhaalu,
haati manaa hubattuun garuu
kennaa Waaqayyoo ti*.
15Dhibaa'ummaan hirriba ulfaataa
namatti fida,
hojii malee taa'uunis
beela irra nama buusa*;
16namni abboommii eegu jireenya isaa in eeggata,
namni karaa Waaqayyoo tuffatu garuu in du'a*.
17Namni hiyyeessaaf garaa laafuu
akka waan Waaqayyoof liqeessuu ti;
Waaqayyos gatii isaa isaaf in deebisa*;
18deebisuudhaaf utuu abdiin jiruu,
ijoollee kee adabi!
Gad dhiiftee akka isaan du'an hin godhin*!
19Namni aaraan adaba ofitti fida,
rakkina keessaa isa baasuu yoo yaalte,
akka inni itti caalu in goota*.#14 18:22 15 6:10-11 16 16:17 17 14:31 18 13:24; Kes 21:18-21 19 14:17
20Gara booddeetti ogeessa akka taatutti,
gorsa dhaga'i, barsiisas fudhadhu!
21Yaada namaa keessa akeeka baay'eetu jira,
garuu wanta Waaqayyo yaadee qopheessetu
jabaatee dhaabata*.
22Amanamummaan namaa bu'aa qaba,
sobduu ta'uu irra hiyyuma wayya.
23Waaqayyoon sodaachuun jireenyatti nama geessa,
namni sodaa Waaqayyootiin guutame
yaaddoo malee in boqota,
wanti hamaanis isatti hin bu'u*;
24namni dhibaa'aan harka isaa waciitii
keessa in kaa'a,
garuu gara afaan isaatiitti iyyuu
danda'ee hin deebifatu*.#21 16:1,9 23 10:27 24 26:15
25Nama ga'isu yoo rukutte,
namni wallaalaan
of eeggataa in ta'a;
nama hubataa ifadhu,
innis beekumsa in argata*.
26Namni abbaa isaa irratti hamaa hojjetu
haadha isaas mana isaatii kan ari'u,
ilma nama yeellaasisuuf arrabsiisuu dha*.
27Yaa ilma ko, gorsa dubbii beekumsaa irraa si kaachisu
dhaggeeffachuu dhiisi*!
28Dhuga-baatuun waa'ee hin baafne
firdii dhugaatti in ga'isa;
afaan nama jal'aa immoo
irra-daddarbaa in liqimsa.
29Warra ga'iftuuf firdiin,
dugda warra gowwootaafis
uleen qophaa'aa dha*.#25 21:11 26 20:20 27 Yaq 1:22 29 10:13; 26:3
Currently Selected:
Macaafa Fakkeenyaa 19: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
