Macaafa Naahom Raajichaa 1

Waaqayyo Nanawweetti Dheekkamuu Isaa

1Mul'anni waa'ee Nanawweettiif

Naahom Elqoshichatti mul'ate macaafa kana keessatti

caafamee jira*.#1 Yon 1:1-2; Isa 10:5-19

2Waaqayyo hinaafaa dha,

gooftaa ijaa baafatuu dhas;

Waaqayyo ijaa in baafata,

dheekkamsi isaas sodaachisaa dha;

Waaqayyo warra isaan morman irratti

ijaa in baafata,

dheekkamsi isaas baruma baraan

diinota isaa irratti in hafa.

3Waaqayyo aangoo guddaa qaba,

dheekkamuuf hin ariifatu,

isa yakke immoo adabuu hin dhiisu;

inni qilleensa bubbisuu fi

bubbee humna-qabeessa keessa in adeema,

duumessoonnis awwaara miilla isaatii ti*;

4inni galaana ifatee in gogsa,

lagoonni hundinuus

akka gogan in godha;

Baashaanii fi Qarmelos in coollagu,

daraaraan Liibaanonis in harca'a*.

5Fuula isaa duraa tulloonni in raafamu,

gaaronnis in baqu;

lafti, biyyi lafaa,

wanti ishee keessa jiraatu hundinuus,

fuula isaa duraa in hollatu*.

6Dheekkamsa isaa dura

eenyutu dhaabachuu danda'a>>

Aarii isaa isa sodaachisaa duras

eenyutu ijaajja>>

Dheekkamsi isaa akka ibiddaa in boba'a,

kattaawwanis fuula isaa duraa in caccabu.#2-3 Bau 20:5-6; 34:6-7; Kes 4:24 4 Far 106:9; Amo 1:2 5 Far 18:7; 97:4-5

7Waaqayyo gaarii dha,

yeroo rakkinaattis iddoo baqaa ti,

warra isa amanatanis beeka*;

8Nanawwee garuu tinfa lolaatiin

raawwatee in balleessa,

diinota isaas ari'ee

dukkanatti in galcha.

9Isaan Waaqayyo irratti maal koratu>>

Inni raawwatee isaan in balleessa;

egaa rakkinni deebi'ee hin argamu.

10Isaan akka qoraattiitti wal xaxanii,

dhugaatii isaaniitiinis machaa'anii,

akka cidii gogaatti in gubatu.

11Yaa Nanawwe, inni Waaqayyo irratti koratu,

inni wanta jal'aa mari'atus si keessaa ka'e*.#7 Far 18:2 11 2Mot 19:35-36

12Waaqayyo gooftaan,<<Isaan humna guutuu

yoo qabaatan, baay'ee yoo ta'anis,

duguugamanii in balleeffamu;

yaa Yihudaa, ani kanaan dura

si dhiphiseera yoon ta'e iyyuu,

si'achi deebi'ee si hin dhiphisu;

13egaa ani waanjoo isaanii

gurmuu kee irraa nan cabsa,

hudhaa isaas si irraa nan cira>> jedhe*.#13 Isa 9:4

14Yaa Nanawwe, Waaqayyo,

<<Mana waaqayyolii keetii keessaa

bifa qirixamaa fi

waaqayyolii baqfamanii hojjetaman

diigee nan balleessa;

ati jibbisiisaa waan taateef,

akka ati awwaalamtu nan godha;

si'achi immoo sanyiin maqaa kee waamsisu

siif hin dhalatin!>> jedhe;

Waaqayyo waa'ee keetiif jedhee

murtoo kana dabarseera.

15Yaa Yihudaa, gara ergamaa

isa tulloota irratti misraachoo himuu,

gara isa nagaa labsuus ilaali!

Ayyaannan kee ayyaaneffadhu,

wareega kees raawwadhu!

Warri hamoonni raawwatanii

waan balleeffamaniif,

si'achi deebi'anii si hin balleessan*.#15 Isa 52:7

Currently Selected:

Macaafa Naahom Raajichaa 1: MacQul

Highlight

Copy

Compare

Want to have your highlights saved across all your devices? Sign up or sign in

Learn More About Macaafa Qulqulluu Afaan Oromoo