WANGEELA MAARQOS 1

Lallaba Yohannis Cuuphaa

(Mat 3:1-12; Luq 3:1-18; Yoh 1:19-28)

1Kun jalqaba wangeela Yesus Kristos ilma Waaqayyoo ti. 2Macaafni, ?Ilaa, ergamaa koo isa karaa siif qopheessu si dura nan erga!? in jedha. Macaafa Isaayaas raajichaa keessatti immoo*, 3?Sagaleen lafa onaa keessaa in iyya; dhaga'aa dhaggeeffadhaa, gooftichaaf karaa tolchaatii haraa, daandii inni irra adeemus qajeelchaa!? kan jedhu caafamee jira*.#2 Bau 23:20; Mil 3:1; Mat 11:10; Luq 7:27 3 Isa 40:3

4Yohannis cuuphaan lafa onaa keessatti argamee, ?Cuuphamaa, yaada garaa geddarachuu keessan mul'isaa! Waaqayyo immoo cubbuu keessan isiniif in balleessa? jedhee labse*. 5Guutummaa kutaa biyya Yihudaa keessa, mandara Yerusaalem keessa kan jiraatanis hundinuu lafa Yohannis cuuphaan jirutti ba'anii, cubbuu isaanii himachaa laga Yordaanositti of in cuuphsisu turan. 6Yohannis uffata rifeensa gaalaa irraa dha'ame uffate, mudhii isaas teephaan hidhate, hawaannisaa fi damma moggaa nyaachaa jiraate*. 7Innis, ?Inni ana irra jabaatu na booddeedhaan dhufaa jira; gad gugguufee hidhaa kophee isaatii illee hiikuudhaaf ani nama ta'u miti*. 8Ani bishaaniinan isin cuuphe; inni garuu hafuura qulqulluudhaan isin in cuupha? jedhee labse*.#4 HoE 13:24; 19:4 6 2Mot 1:8; Zak 13:4; Mat 11:8 7 HoE 13:25 8 HoE 1:5

Cuuphamuu Yesus

(Mat 3:13-17; Luq 3:21-22; Yoh 1:31-34)

9Bara sanatti Yesus, Naazireet mandara Galiilaatii dhufee, Yohannis Yordaanositti isa cuuphe*. 10Yohannis akkuma Yesus bishaanicha keessaa ba'een, bantiiwwan waaqaa saaqamuu isaanii, hafuurri qulqulluunis akka gugeetti dhufee isa irra bu'uu isaa arge. 11Sagaleen immoo, ?Ati ilma koo isa jaallatamaa dha; gammachuun koos sitti in raawwatama? jedhee waaqa irraa dubbate*.#9 Luq 2:51 11 9:7; Uma 22:2; Far 2:7; Isa 42:1; Mat 12:18

Qoramuu Yesus

(Mat 4:1-11; Luq 4:1-13)

12Hafuurri qulqulluun achumaan Yesusin gara lafa onaatti in baase. 13Yesus lafa onaa keessa guyyaa afurtama bubbule, Seexanaanis qoramaa ture. Achittis bineensota gidduu ture, ergamoonni Waaqayyoos isaaf in ergamu turan.

Yesus Galiilaatti Hojii Isaa Jalqabuu Isaa

(Mat 4:12-17; Luq 4:14-15)

14Yohannis cuuphaan mana hidhaatti dabarfamee erga kennamee booddee, Yesus kutaa biyya Galiilaa dhufee wangeela Waaqayyoo lallabe*. 15?Barichi raawwatameera, mootummaan Waaqayyoos dhi'aateera, yaada garaa geddaradhaa wangeelatti amanaa!? jedhe*.#14 6:17 15 Dan 7:22; Mat 3:2; Gal 4:4

Yesus Bartoota Warra Jalqabaa Arfan Waamuu Isaa

(Mat 4:18-22; Luq 5:1-11)

16Yesus ciisa bishaan Galiilaa bukkee utuu darbuu, Simoonii fi Indriiyaasin obboleessa Simoon kiyyoo isaanii bishaanichatti utuu darbatanii arge; isaan qurxummi-qabduu turan. 17Yesus immoo, ?Na duukaa kottaa! Anis nama kan walitti qabdan isinan godhadha? isaaniin jedhe. 18Isaan achumaan kiyyoota isaanii achitti dhiisanii, isa duukaa in bu'an. 19Yesus takka adeemee, Yaaqoobii fi Yohannisin ilmaan Zabdewos, bidiruu isaanii keessa taa'anii kiyyoota isaanii utuu tottolfatanii arge. 20Inni achumaan isaan waame; isaanis abbaa isaanii Zabdewosin hojjetootaa wajjin bidiruu keessatti dhiisanii, Yesusin duukaa bu'an.

Yesus Qifirnaahomitti Hafuura Hamaa Ifachuu Isaa

(Luq 4:31-37)

21Yesus, bartoonni waamamanis mandara Qifirnaahom dhaqan; inni immoo guyyaa Sanbataatti mana sagadaatti galee barsiise*. 22Garaan warra isa dhaga'aniis barsiisa isaatiin rukutame; Yesus akka barsiisota seeraatti utuu hin ta'in, akka nama aboo qabutti isaan in barsiisa ture*. 23Namni hafuura hamaadhaan#Mar 1:23 Hafuura hamaa yookiis ?Hafuura xuraa'aa?. qabame tokko mana sagadaa isaanii keessa ture iyyuu, si'uma sana caraanee, 24?Yaa Yesus nama Naazireet, dhimma keenya keessa maaltu si buuse? Silaa nu balleessuu yaaddee dhuftee? Anoo eenyu akka ati taate si beeka, yaa qulqulluu Waaqayyoo? jedhe*. 25Yesus garuu, ?Gab jedhi, keessaa ba'is!? jedhee hafuuricha hamaa in ifate. 26Hafuurri hamaan sun namicha qabatee ture sana wixxifachiisee, sagalee guddaadhaan iyyee, namicha keessaa ba'e*. 27Isaan hundinuu na'anii, dinqifataniis, ?Maal wanti akkasii? Barsiisa haaraa aboo of keessaa qabu! Inni hafuurota hamoota iyyuu in abbooma; isaanis isaaf in abboomamu? jedhanii walitti dudubbatan. 28Oduun isaa takkaadhumaan naanna'aa kutaa biyya Galiilaa sana keessaa iddoo halle hundumaatti dhaga'ame.#21 6:2; Luq 4:16 22 Mat 7:28-29 24 5:7; Mat 8:29; Yoh 6:69 26 9:26

Yesus Dhukkubsatoota Baay'ee Fayyisuu Isaa

(Mat 8:14-17; Luq 4:38-41)

29Yesus mana sagadaatii akkuma ba'een, Yaaqoobii fi Yohannisii wajjin mana Simoonii fi Indriiyaas dhaqe. 30Yommus amaatiin Simoon dhukkuba dhagna-gubaadhaan qabamtee in ciifti turte; achumaan jarri waa'ee ishee isatti himan*. 31Yesus itti dhi'aatee, harka ishee qabee ol ishee kaase. Dhagna-gubaan sunis ishee dhiise, isheen immoo isaan in keessumsiifte. 32Galgala sana erga aduun lixee booddee, warra dhukkubsatan, warra hafuura hamaadhaan qabamanis hundumaa gara isaatti fidan. 33Namoonni mandara sanaa hundumtuu balbala duratti walitti qabaman. 34Yesus dhukkubsatoota baay'ee warra dhukkuba garaa garaatiin rakkachaa turan fayyisee, hafuurota hamootas baay'ee baase; hafuuronni hamoonni isa waan beekaniif, inni dubbachuu isaan dhowwe*.#30 HoE 28:8 34 HoE 16:17-18

Yesus Galiilaatti Lallabuu Isaa

(Luq 4:42-44)

35Ganama barii amma illee utuu hin ifin ka'ee, gad ba'ee gara iddoo namni hin jirree dhaqee, achitti Waaqayyoon in kadhate*. 36Simoonii fi warri isaa wajjin turan isa barbaacha ba'an. 37Isa argatanii, ?Hundinuu si barbaadaa jiru? jedhaniin. 38Yesus garuu, ?Ani isaaf waanan ba'eef, achittis akkan lallabuuf kottaa gara mandaroota nutti aananii in dhaqnaa!? isaaniin jedhe. 39Inni dhaqee manneen sagadaa isaanii guutummaa kutaa biyya Galiilaa keessa jiranitti lallabee, hafuurota hamootas namoota keessaa baase*.#35 6:46; Mat 14:23; Luq 5:16 39 Mat 4:23; 9:35

Yesus Namicha Lamxaa'aa Qulleessuu Isaa

(Mat 8:1-4; Luq 5:12-16)

40Namni dhagni isaa lamxaa'e tokko gara Yesus dhufee [jilbeenfatee], ?Fedha kee yoo ta'e na qulleessuu in dandeessa? jedhee isa kadhate. 41Kanaaf Yesus garaa laafeefii hiixatee qabee, ?Fedheeraa qullaa'i!? ittiin jedhe. 42Achumaan namichi lamxii isaa irraa fayyee qullaa'e. 43Yommus Yesus namicha cimsee of eeggachiisee*, 44?Beekkadhu, waan tokko illee namatti hin himin! Garuu dhaqii luba of ilaalchisi, fayyuun kee hundumaattuu haa mul'atuuf akka Museen abboomettis qullaa'uu keetiif kennaa kee dhi'eessi!? jedhee isa gad dhiise*. 45Namichi achii erga ba'ee booddee, waan baay'ee waa'ee isaatiif odeessuutti ka'ee, dubbii kana biyyaan ga'e. Kanaaf Yesus lafa namni hin jirre bubbule malee, mul'inatti mandaratti galuu hin dandeenye; namoonnis iddoo hallee gara isaa in dhufu turan.#43 3:12; 7:36 44 Lew 14:1-32

Currently Selected:

WANGEELA MAARQOS 1: MacQul

Highlight

Copy

Compare