Macaafa Iyoob 3
3
Iyoob Komee Dubbachuu Isaa
1Iyoob afaan isaa saaqqatee, guyyaa dhaloota isaa in abaare. 2Iyoob dubbatee,
3<<Guyyaan ani itti dhaladhe haa balleeffamu!
Halkan itti,<<Ilmatu
garaatti hafe>>
jedhame sunis haa balleeffamu*!
4Guyyaan sun dukkana haa ta'u!
Waaqayyo waaqa irraa gad
isa hin ilaalin,
ifnis isa irratti hin ifin!
5Halkanii fi dukkanni sodaachisaan,
<<Ati kan keenya>> isaan haa jedhan!
Duumessi isa irra haa buufatu!
Dukkanni guyyicha dukkaneessu,
isa haa naasisu!#3 10:18-19; Er 20:14-18
6<<Halkanicha dukkanni limixiin haa qabatu!
Guyyoota waggaa keessatti hin dabalamin!
Lakkoobsa ji'aattis hin galin!
7Halkan sun maseena haa ta'u!
Isattis ililleen hin dhaga'amin!
8Warri guyyaa abaaran,
warri Lewaataanin kaasuudhaaf qophaa'anis
halkan sana haa abaaran!
9Urjoonni dimimmisa gaafasii
ba'an haa dukkanaa'an!
Halkan sun ifa haa eeggatu,
garuu isa hin argatin!
Boruu baqaqus hin argin!
10Innoo balbala gadameessa haadha kootii hin cufne,
rakkinas ija koo duraa hin dhoksine.
11<<Maaliifan gadameessa keessatti hin du'in!
Gadameessa keessaa yommuun ba'es
maaliifan badduu hin ba'in>>
12Gudeedi haadha kootii maaliif na baate>>
Harma ishees maaliifan hodhe>>
13Silaa yoona kana calluma jedhee nan ciisa,
rafees nan boqodhan ture;
14moototaa fi gorsitoota lafaa,
warra iddoowwan isaan ijaarratanii turan
duraa diigamanii wajjin,
15gurguddoota biyyaa warra warqee qaban,
warra manneen isaanii keessa
meetiin guutee ture wajjin nan boqodhan ture.
16Yookiis maaliifan
akka isa du'ee garaadhaa ba'ee balleeffamee,
akka daa'imota
raawwatanii ifa hin argin hafanii hin ta'in*>>
17Achitti namoonni jal'oonni
gooluu isaanii in dhiisu,
kan dadhabanis achitti in boqotu;
18warri booji'aman achitti
walii wajjin nagaa qabu,
sagalee warra humnaan isaan hojjechisanii
achitti hin dhaga'an;
19xinnaa fi guddaan achi jira,
garbichi harka gooftaa isaatii
jalaa ba'eera*.#16 10:19; Lal 6:3 19 21:26; Lal 9:2-3
20<<Maaliif warra rakkina keessa jiraniif ifni,
warra jireenyi itti hadhaa'eefis jireenyi kennama>>
21Warra du'a eeggannaan,
warra badhaadhummaa dhokfame
qotanii barbaadan caalaattis
du'a barbaannaan,
isaaniif dhufuu dideef*,
22warra awwaala bira yommuu ga'an,
sagalee gammachuu dhageessisanii
baay'ee gammadaniif,
23nama karaan jalaa dhokfameef,
nama Waaqayyo naannessee
karaa itti cufeef,
maaliif jireenyi kennamaaf*>>
24Gaddi koo akkuma buddeenaa anaaf dhufa,
aadnaan koos akkuma bishaanii dhangala'a*.#21 7:15; 11:20; Mul 9:6 23 19:8 24 Far 42:5; 80:6; 102:9
25<<Wanti ani sodaadhe ana irra ga'e,
wanti ana naasisu anatti dhufe;
26ani raafama duwwaa malee
nagaa hin qabu,
gabii hin qabu, boqonnaas hin qabu>> jedhe.
Currently Selected:
Macaafa Iyoob 3: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
