Macaafa Iyoob 23
23
Yeroo Waaqayyo Achi Fagaatu Hamaan Harka Fudhachuu Isaa
1Kana booddee Iyoob deebiseefii,
2<<Aaduu keessa ba'ee yoon iyye iyyuu,
rukuttaan isaa anatti cimee
waan jiruuf,
har'as immoo dhibeen koo hadhaa'aa dha.
3Lafan itti isa argu utuun beeke,
gara teessoo Waaqayyoos utuun dhaqe,
4silaa dhimma koo isatti nan dhi'eeffadha,
afaan koo guutees isatti nan dubbadha;
5ani wanta inni anaaf
deebisu nan bara,
wanta inni anaan jechuuf jirus
nan hubadhan ture.
6Inni humna isaa isa guddaadhaan
xiiqii naan qabataa ree>>
Waawuu, inni dhugumaan
anaaf in dhaga'a.
7Namni qajeelaan Waaqayyo duratti in falmata,
anas immoo Waaqayyo abbaan firdii koo
raawwatee gad na dhiisa.
8<<Kunoo, ani gara ba'a-biiftuutti
yoon adeeme,
inni achi hin jiru,
gara lixa-biiftuus yoon dhaqe,
isa hin argadhu;
9gara bitaatii inni in hojjeta,
ani garuu isa hin argu;
inni gara mirgaatti gara in gala,
ani garuu isa arguu hin danda'u.
10Haa ta'u iyyuu malee, inni karaa koo in beeka,
yeroo inni qoree na ilaaluttis
akka warqeetti nan ba'a*.
11Miilli koo jabaatee faana isaa duukaa bu'eera,
karaa isaa qabadheera, isa irraas hin jal'anne.
12Abboommii afaan isaa keessaa ba'u irraa
ani hin fagaanne,
wanta inni dubbates
yaadatti qabadheera*.#10 Far 17:3; 139:23-24 11-12 Far 17:4-5
13<<Yaadni Waaqayyoo kophaa dha,
eenyu iyyuu isa geddaruu hin danda'u;
inni wanta barbaade in godha*.
14Inni wanta waa'ee kootiif murtoo godhe in raawwata,
sanyiin akkasii akeeka isaa keessa baay'ee dha*.
15Kanaafis ani isa duratti nan na'a,
yeroon waa'ee isaa yaadus nan sodaadha*.
16Waaqayyo laphe-laafessa na godhe,
humna isaa isa hundumaa danda'uunis na naasise.
17Kana keessaa immoo ani dukkana sanaan,
dukkana limixii isa fuula koo golguun
calluma hin jechisiifamne.#13 9:12; Far 115:3; Dan 4:32 14 10:13-14 15 Far 119:120
Currently Selected:
Macaafa Iyoob 23: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
