Macaafa Iyoob 21
21
Iyoob Ammas Jaraaf Deebii Kennuu Isaa
1Iyoob deebisee,
2<<Wantan dubbadhu ba'eessa godhaa dhaggeeffadhaa!
Kun jajjabina isin anaaf kennitan haa ta'u!
3Yeroo ani dubbadhu anaaf obsaa!
Ergan dubbadhee booddee ga'isuu in dandeessu.
4<<Ani nama nan komadhaa ree>>
Maaliifanis obsa hin dhabu ree>>
5Na ilaalaatii raajefadhaa!
Afaan keessanis qabadhaa!
6Ani waa'ee kanaa yommuun yaadadhu nan na'a,
dhagni koos in hollata.
7<<Warri jal'oonni maaliif jiraatu>>
Maaliif bara dheeraa jiraatanii dulloomu,
humna godhachaas adeemu*>>
8Ijoolleen isaanii utuma isaan jiranii,
jabaatanii fuula isaanii dura in dhaabatu,
dhalli isaaniis ija isaanii duratti in argamu;
9manneen isaanii sodaa tokko malee jiraatu,
uleen Waaqayyoos isaan irra hin jiru;
10fincaan korommii isaanii
in rimeessa malee, lafa hin bu'u;
saawwan isaaniis in dhalu malee,
hin gatatan;
11mucoolii isaanii
akka karra bushaayeetti gad in baasu,
ijoolleen isaaniis in quruphisu;
12isaan dibbeedhaa fi maseenqootti
sagalee ululleettis in gammadu*;
13isaan qananiitti bara isaanii in raawwatu,
battalattis iddoo lafa jalaatti gad in bu'u.#7 12:6; Er 12:1; Mil 3:14-15 12 Isa 5:12; 14:11; Amo 6:5
14<<Isaan Waaqayyoon,
<<Nuyi karaa kee baruu hin feenu,
nu irraa fagaadhu!
15Nuyi akka isaaf hojjennuuf
inni hundumaa danda'u eenyu>>
Yoo isa kadhanne immoo
bu'aa maalii arganna?>> in jedhu*.
16Kunoo, qabeenyi warra jal'ootaa
harkuma isaanii keessa jira mitii ree>>
Mareen warra jal'ootaa ana irraa haa fagaatu*!#14-15 22:17; Isa 30:11; Er 2:31 16 22:18
17<<Kana keessaa immoo ibsaan isaanii
hammam deddeebi'ee dhaama>>
Badiisis hammam deddeebi'ee
itti dhufa>>
Waaqayyo dheekkamsa isaatiin
dhiphina itti in fida*;
18isaan akka cidii
qilleensa dura jiruu ti,
akka habaqii bubbeen fuudhee adeemuu tis*.
19Waaqayyo gatii yakka namaa,
ilmaan namichaatiif akka kaa'u dubbatameera;
haa ta'u iyyuu malee, namichi akka baruuf,
Waaqayyo gatii yakka isaatii isumatti in deebisa*.
20Innumti badiisa ofii isaatii haa argu,
xoofoo dheekkamsa
isa hundumaa danda'uu
keessaas haa dhugu!
21Erga barri isaa gabaabaadhumatti citee,
waa'een maatii isaa warra hafanii
maaltu itti tola ree?#17 18:5 18 Far 1:4 19 20:10; Bau 20:5-6; Kes 24:16
22<<Namni Waaqayyoon,
isa warra iddoo gurguddaa irra jiraniif firdii kennu,
barsiisuu in danda'aa ree>>
23Namni tokko utuu humna qabuu,
jireenyi itti tolee nagaatti
utuu jiraatuu,
24dhagni isaa utuu gabbina qabuu,
lafeewwan isaa keessas
dhuk guutee utuu jiruu in du'a.
25Namni tokko immoo, jireenyi itti hadhaa'ee,
wanta gaarii ta'e tokko illee
utuu hin mi'eeffatin, in du'a;
26isaan lachuu du'anii
biyyoo keessa in ciisu,
raammoonis isaanitti in uffisa*.#26 3:18-19; Isa 14:11
27<<Kunoo, ani yaada keessan beeka,
akeeka isin gar-malee
anatti akeektanis beeka;
28isin,<<Manni nama guddaa meerree ree>>
Godoowwan warri jal'oonni
keessa jiraatan meerree ree?>> in jettu.
29Namoota warra karaa adeeman takkaa hin gaafannee ree>>
Wanta isaan jedhanis hin fudhannee ree>>
30Akka namni jal'aan
guyyaa badiisaatiif kaa'amee,
hamma guyyaa dheekkamsaatti oolfame hin barree ree>>
31Akka jireenya isaatii kan ijatti
isatti himu,
wanta inni hojjeteefis
gatii isaa kan deebisuuf eenyu ree>>
32Yommuu inni gara iddoo awwaallaatti geeffame,
awwaala isaatti eegduun in godhame.
33Diddiq dachaa sana keessaa
isatti in ho'a,
namoonni baay'een isa booddee in adeemu,
warri isa dura adeemanis
lakkoobsa hin qaban.
34Deebii isin anaaf kennitanoo sobaa,
attamitti wanta waa'ee hin baafneen
ofumaa na jajjabeessitu ree?>> jedhe.
Currently Selected:
Macaafa Iyoob 21: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
