Macaafa Iyoob 14
14
Barri Jireenya Namaa Gabaabaa Akka Ta'e Dubbachuu Isaa
1<<Nama ta'ee lafa irratti kan dhalate,
barri isaa gabaabaa dha,
rakkinni isaa immoo baay'ee dha*;
2inni akka daraaraatti ol in ba'a,
in coollagas;
akka gaaddisaatti in darba, hin turus*;
3kan akkasii kana in ilaaltaa ree>>
Ana immoo firdiidhaaf
of duratti in dhi'eessitaa ree>>
4Eenyutu wanta qullaa'aa hin ta'in keessaa,
wanta qullaa'aa baasuu danda'a>>
Namni kana danda'u tokko illee hin jiru*.
5Barri jireenya namaa muramaa
erga ta'ee,
lakkoobsi ji'a isaatiis si bira
erga jiraatee,
akka inni irra darbuu hin dandeenyeef,
situ daarii itti godhe*;
6akka inni boqotutti,
akka nama qacaramee hojjetuuttis
bara isaa kanatti akka gammadutti,
ati isa dhiisiitii
ija kee isa irraa deebisi*!#1 7:1 2 8:9; Far 90:5-6 4 Far 14:3 5 Far 39:5-6; 31:15 6 7:1-2,19
7<<Mukti yoo murame iyyuu
deebi'ee waan latuuf,
damee godhachuun isaas
waan hin oolleef abdii qaba*;
8hiddi isaa lafa keessaa yoo dulloome iyyuu,
gufuun isaa lafa keessatti yoo goge iyyuu,
9foolii bishaaniitiin in lata,
akka biqiltuu haaraas damee in baasa;
10namni garuu in du'a, in badas;
erga hafuurri keessaa yaa'ee,
egaa namni eessa jira ree>>
11Akkuma kuufamni bishaanii
manii isaa keessaa badu,
bishaanis yaa'aa isaa keessaa yaa'ee dhumu*,
12akkasuma namni in ciisa,
deebi'ees hin ka'u;
bantiiwwan waaqaa hamma dhabamanitti,
namni hin dammaqu;
yookiis hirriba isaa keessaa hin kaafamu*.#7 19:10; Isa 6:13 11 Isa 19:5 12 7:9-10
13<<Dheekkamsi kee hamma darbutti,
iddoo lafa jalaa keessa
utuu ana dhoksite,
akkan hin argamnes utuu goote,
yeroo muramaa laattee utuu na yaadatte,
attam gaarii dha!
14Namni erga du'ee deebi'ee in jiraataa ree>>
Hamma inni na furu dhufutti,
baran dadhabbiidhaan lafa irra jiraadhu hundumaatti
isa nan eeggadha;
15ati hojii harka keetii in yaadda;
kanaafis ana in waamta,
anis nan owwaadha.
16Amma tarkaanfii koo in lakkoofta,
cubbuu koo immoo hin caqaftuu ree>>
17Irra-dadarbaan koo korojoo keessa buufamee,
itti cufamee,
mallattoon itti in godhama;
ati immoo yakki koo akka hin mul'anne in goota.
18<<Akkuma tulluun caccabee jijjigu,
kattaanis iddoo isaatii butatu,
19akkuma bishaanonni dhagaa qarseessan,
bokkaan yandoonis biyyoo lafa irraa dhiqu,
atis akkasuma abdii namaa in balleessita;
20ati raawwattee isa in moota,
innis in du'a;
fuula isaa in geddarta, isas in calaafta.
21Ilmaan isaa yoo ulfina argatan,
inni hin beeku;
yoo isaan gad deebi'anis,
inni hin argu;
22isatti dhukkuba dhagna isaatii duwwaatu dhaga'ama,
kanaaf inni ofuma isaa duwwaadhaaf in boo'a>> jedhe.
Currently Selected:
Macaafa Iyoob 14: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
