Macaafa Ermiyaas Raajichaa 8
8
Awwaalli Warra Hamaa Hojjetanii Diigamuu Isaa
1Waaqayyo,<<Yeroo sanatti lafeen mootota Yihudaa, lafeen gurguddoota ishee, lafeen luboota ishee, lafeen raajota ishee fi lafeen warra Yerusaalem keessa jiraatanii awwaala keessaa in baafamu. 2Jarreen kun utuu hin du'in aduu, ji'aa fi urjoota jaallachaa, isaaniif hojjechaa, isaan duukaa bu'aa, isaan gaafachaa, isaaniifis sagadaa turan; amma garuu lafeewwan isaanii warri awwaala keessaa baafaman akka kosii maasii keessatti gatameetti aduu, ji'aa fi urjoota jalatti in gatamu malee, deebi'anii hin awwaalaman*. 3Warri qomoo hamaa kana keessaa hafan hundinuu iddoo ani itti isaan tamsaasu hundumaatti jireenya irra du'a in fo'atu; ani Waaqayyo gooftaan maccaa kana dubbadheera>> jedhe.#2 Kes 4:19; Er 9:22
4Ammas Waaqayyo,
<<Namni yoo kufe hin ka'uu ree>>
Yoo karaa irraa ce'es
dafee karaatti hin deebi'uu ree>>
5Sabni Yerusaalem kun
maaliif raawwatee dugda anatti gate>>
Maaliif karaa sobaatti jabaate>>
Maaliifis deebi'uu dide*>>
6Ani isaan caqasee argeera,
namni wanta hamaa
waan hojjeteef gaddee,
<<Ani maalan balleesse laata?>>
jedhee yaadu hin jiru;
akkuma fardi gara lollaatti fiigu,
akkasuma hundumti isaanii
karuma yaada isaanii irra in fiigu.
7Allaattiin hawaannisaa
inni qilleensa keessa balali'u iyyuu yeroo isaa beeka;
gugeen, simbirroo daaloteen,
cuquliisis yeroo isaanii beeku;
sabni koo garuu
seera ani isaaf dhaabe hin beeku*.#5 5:3 7 4:22
8<<Kunoo! Warri
bir'ii sobaatiin caafanii,
dubbii geddaran erga jiraatanii
isin attamitti,<<Nuyi ogeessota
seerri Waaqayyoos nu bira jira>>
ofiin jettu>>
9Warri ogeessonni in yeellaasifamu,
na'anii waan dubbatan dhabanii
afaan isaanii in qabatu;
dubbii koo erga tuffatanii
ogummaan isaanii kun
maal isaaniif godha ree*>>
10Kanaaf ani dubartoota isaanii
namoota kan biraatiif,
maasii isaaniis warra
biyya isaan irraa fudhataniif nan kenna;
isaan isa xinnaadhaa hamma isa guddaatti,
hundumti isaanii bu'aa dalgaa
duukaa in bu'u;
raajonnii fi luboonni iyyuu
namoota in gowwoomsu*.
11Cabni saba kootii
akka waan salphaatti fayyu,
<<Nagaa dha!?<<Nagaa dha!>> in jedhu,
nagaan garuu hin jiru*!
12Wanta ciiggaasisaa akkasii
waan hojjetaniif,
yeella'uun isaan irra ture;
isaan garuu hin yeellaane,
yeelloon maal akka ta'es hin beekne;
kanaaf,<<Isaan
warra kufanii wajjin in kufu,
ani isaan adabuuf yommuun dhufu,
isaan kufaatii guddaa in kufu>> jedhee,
ani Waaqayyo kana dubbadheera.
13Ani raawwadhee saba kana nan balleessa,
isaan akka muka waynii fi
muka harbuu warra ija hin qabnee,
warra baalli isaanii iyyuu coollagee in ta'an;
kanaaf wanti ani isaaniif kenne
isaan irraa in fudhatama>> jedhe*.#9 Iyo 5:12-13 10 6:13-15; Isa 56:11 11 His 13:10 13 Mar 11:12-14
14Yommus sabni sun deebisanii,
<<Nuyi Waaqayyo gooftaa keenya duratti
cubbuu waan hojjenneef,
inni bishaan hadhaan keessa jiru nu obaase,
badiisattis erga gad nu dhiisee,
nuyi maaliif calluma jennee teenya>>
Kottaa walitti qabamnee,
gara mandaroota
masaraa dhagaa qabaniitti
in baqanna*!
15Nuyi<<Nagaatu ta'a>> jennee abdanne,
garuu wanti gaariin hin taane;
yeroo itti bayyaannanutu dhufa seene,
garuu yeroo nu naasisutu dhufe*.
16Fardeen warra diinotaa biyya Daanii
yommuu funyaan dha'an in dhaga'ama;
yommuu isaan himimsanis
guutummaan biyya keenyaa in hollatti;
isaan dhufanii biyya keenyaa fi
wanta ishee irra jiru,
mandarattii fi warra ishee keessa jiraatan hundumaa
in fixu>> jedhan*.
17Waaqayyo,<<Kunoo! Ani bofa hadhaa qabu
isinitti gad nan dhiisa,
mar'ataanis isin in idda,
namni hadhaa isaattii isin fayyisus hin jiru>> jedhe*.#14 4:5; 9:15; 23:15 15 14:19 16 4:15 17 Lak 21:6
18Sababii gaddaatiif fuulli koo bifa in bade,
garaan koos in gubate*.
19Kunoo, iyyi saba kootii
biyya fagoodhaa in dhaga'ama,
<<Waaqayyo Xiyoon keessa hin jiruu>>
Mootiin ishees achi keessaa
in adeemee?>> in jedhu;
inni immoo,<<Isaan maaliif
bifa fakkeenya waaqayyolii isaaniitiin,
waaqayyolii ormaa warra waa'ee hin baafne
duukaa bu'uu isaaniitiinis
tuttuqanii na aarsan?>> in jedha.
20Namoonni,<<Yeroon makarii darbeera,
ji'i bonaas dhumeera,
nuyi garuu amma iyyuu
rakkina keessaa hin baane>> in jedhu.
21Sabni koo waan jooreef, anis jooreera,
gaddee waanan godhus wallaaleera.
22Wanti dibatan Giil'aadin hin jiruu>>
Namni madaa wal'aanee fayyisus
achii hin argamuu>>
Maaliif sabni koo wal'aanamee hin fayyifamne ree*?#18 4:19 22 10:19; 30:17; 46:11
Currently Selected:
Macaafa Ermiyaas Raajichaa 8: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
