Macaafa Isaayaas Raajichaa 47
47
Biyyi Baabilon Akka Kuftu Himuu Isaa
(Isa 13:1-22; Er 50:46)
1<<Yaa intala Baabilon,
yaa ishee takkaa hin tuqamin jirtuu,
ka'ii gad bu'ii awwaara keessa taa'i!
Yaa intala Kaldootaa,
teessoo kee irraa ka'ii lafa taa'i!
Ati si'achi,
<<Ishee lallaaftuu yookiis qananiituu>> hin jedhamtu;
2shaashii kee isa haguuggatte of irraa fuudhii,
majii qabadhuu midhaan daaki!
Uffata kee ol soqoladhuu
gudeeda kee mul'isii,
bishaan keessa adeemi!
3Uffanni kee si irraa in fuudhama,
qullaan kees in argama;
ani ijaa nan baafadha,
kan kana na dhowwus hin jiru!>> jedhe.
4Maqaan isa nu furuu
<<Waaqayyo gooftaa maccaa ti?,
inni isa qulqulluu
kan Israa'el*.#4 43:3
5Waaqayyo ammas Baabiloniin,
<<Yaa intala Baabilon,
namni si'achi,
<<Ati giiftii mootummoota biyya lafaa ti>>
siin jedhu hin jiru;
kanaaf dhaqiitii calluma jedhii dukkana keessa taa'i!
6Ani saba kootti nan aare,
kanaafan warra dhuunfaa koo ta'an
akka waan xuraa'aatti,
harka keetti dabarsee kenne;
ati immoo warra dullooman irra iyyuu
waanjoo ulfaataa in keesse,
isaaniifis garaa hin laafne*;
7ati illee,<<Ani bara baraan giiftii ta'een jiraadha>>
jettee yaadde malee,
kun booddee attam akka ta'u
itti hin yaadne;
waan tokkos yaadatti hin qabanne*.#6 Zak 1:15 7 37:24-25
8<<Yaa ishee qanani'uu jaallattuu!
Yaa ishee bir'aa malee teessuu,
egaa dhaga'i!
Ati illee garaa kee keessatti,
<<Ana malee namni biraa hin jiru,
haadha hiyyeessaa ta'uun ana irra hin jiru,
ijoollee koo dhabuunis ana irra hin jiru>> in jetta;
9wanti kun lamaan garuu
dingata guyyaa tokkotti
sitti in dhufu,
ijoollee kee dhabuun kee fi
haadha hiyyeessaa ta'uun kee hin hafu,
isaan kun hundinuu
wal ga'anii sitti in dhufu;
warra qoricha namatti godhan
baay'ee yoo qabaatte iyyuu,
warri nama dawweessan danuun
achi yoo jiraatan iyyuu,
homaa si hin gargaaran*.#8-9 Sef 2:15; Mul 18:7-8
10<<Ati jal'ina kee amanattee
<<Namni na argu hin jiru>> jette;
ogummaan kee fi beekumsi kee
karaa irraa si kaachise;
ati garaa kee keessatti,
<<Ana malee namni biraa
hin jiru>> jette*.
11Kanaafis wanti hamaan sitti in dhufa,
ati garuu lafa inni ba'u hin beektu;
badiisi sitti in dhufa,
ati garuu of irraa deebisuu hin dandeessu;
diigamuunis dingata sitti in dhufa,
ati garuu akka inni dhufu hin beektu.
12Warra nama dawweessanii fi
warra qoricha namatti godhanii fi
warra mucummaa keetii jalqabdee
dadhabaafii turte sanaa wajjin
mee ka'ii dhaabadhu!
Isaan tarii diinota kee
ittiin sodaachisuudhaaf
si gargaaru ta'a;
13gorsa baay'ee dhaga'uun si dadhabsiiseera;
warri naannoo bantii waaqaa
gargar hiranii bifa isaa qoratan,
warri urjoota ilaalan,
warri baatii ji'aatti
wanta sitti dhufuuf jiru
sitti himaa turan,
mee ka'anii si haa oolchan kaa!#10 Far 10:11
14<<Kunoo! Isaan akka cidii ti,
ibiddi xaph isaan in godha;
isaan humna ibidda sanaa
jalaa of oolchu hin danda'an;
inni barbadaa ibiddaa isa qaammatan
yookiis isa bira taa'anii
haasa'an miti;
15nagaadonni kee warri ati mucummaa keetii jalqabdee
wajjin dhama'aa turte hammasuma;
tokkon tokkon isaanii kara karaa in badan,
tokko illee si gargaaruu hin dandeenye>> jedha*.#15 Mul 18:15
Currently Selected:
Macaafa Isaayaas Raajichaa 47: MacQul
Highlight
Share
Compare
Copy
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
