Macaafa Isaayaas Raajichaa 45
45
Qiiros Yommus Waaqayyoof Mi'a Hojii Ta'uu Isaa
1Waaqayyo, inni Qiirosin moosise,
<<Qiiros saba lafa irraa harka isaa jala akka galfatuuf,
moototas mi'a waraanaa
akka hiikkachiisuuf
<<Harka isaa mirgaa qabee
isa nan gargaara?;
balbaloonni biyya garaa garaatti geessan
isaaf in banamu,
karrawwan mandarootatti galchanis
isatti hin cufaman>> jedha.
2Qiirosiin immoo,<<Ani si dura adeemee
isa ol ka'e hundumaa
gad nan deebisa,
balbaloota sibiila borrajjii irraa hojjetaman
nan caccabsa,
danqaraa sibiilaas nan hurreessa;
3ani qabeenya iddoo dukkanaa keessa jiru siif nan kenna,
badhaadhummaa iddoo dhokataatti
walitti qabames
harka kee keessa nan buusa,
yommus ati,
ani gooftaa akkan ta'e
maqaa keetiinis kanan si waame,
Waaqayyo isa kan Israa'el ta'uu koo
kanaan in beekta;
4yoo ati ana beekuu dhabaatte iyyuu,
Yaaqoob garbicha koo fi
Israa'el isa ani fo'adheef jedhee,
si waamee maqaa ulfinaa
siif kenneera.
5Waaqayyo ana duwwaa dha,
ana malees Waaqayyo
kan biraa hin jiru;
yoo ati ana beekuu dhabaatte iyyuu
ani immoo si hidhachiisee sin jabeessa*.
6Kanaanis ba'a-biiftuutii
hamma lixa-biiftuutti,
ani kophaa koo Waaqayyo akkan ta'e,
ana malees Waaqayyo kan biraa
akka hin jirre
namoonni in beeku.
7Ani ifa, dukkanas nan uuma;
nagaa nan buusa, gooliis nan kaasa;
ani Waaqayyo kana hundumaa nan hojjedha*.#1-5 41:2; 42:6-7; 43:14; 44:28; 45:13; 46:11; 48:14-15; 'z 1:1-4 7 Amo 5:8; faaru 3:38
8<<Bantiiwwan waaqaa haa banaman,
duumessoonni qajeelummaa
gad haa roobsan,
lafti banamee fayyina haa biqilchu,
qajeelummaanis isaa wajjin
biqilee haa guddatu!
Ani Waaqayyo kana hundumaa
nan godha>> jedha*.#8 Far 85:11
9Nama uumaa isaa qoccoluuf wayyoo!
Inni akka suphee
harka nama qodaa suphee dha'uu
keessa jiruu ti;
supheen dhooftuu isaatiin,
<<Ati maal hojjetta?>>
jechuu danda'aa ree>>
Wanti inni dha'es,
<<Ati harka hin toltu>>
ittiin jechuu danda'aa ree*>>
10Mucaan abbaa isaatiin,
<<Ati nama attamii
na dhalchuuf>> jetta>>
Haadha isaatiinis,
<<Ati nama attamii
na da'uuf jetta?>>
jechuu danda'aa ree>>
11Waaqayyo inni qulqulluun kan Israa'el
inni isa uume,
<<Waa'ee wanta ta'uuf jiruu na gaafadhaa!
Waa'ee ilmaan kootii
warra ani uummadhee garuu,
anumatti dhiisaa!
12Ani lafa uumeen,
namootas isa irratti uume;
bantiiwwan waaqaa anatu
harka kootiin diriirse,
macca isaanii hundumaas
anatu abboome*;
13ani qajeelummaadhaan Qiirosin kaaseera,
karaa isaa hundumaas
isaaf qajeelcheera;
inni mandara koo in ijaarsisa,
warra na duraa booji'amanis
gad in dhiisisa;
kana yeroo godhus
gatii yookiis badhaasa
fudhata miti>> jedhe;
Waaqayyo gooftaan maccaa
kana dubbateera*.#9 29:16; Iyo 40:2; Er 18:6; Rom 9:20-21 12 44:24 13 45:1-5; 52:3
Waaqayyo Saba Lafa Irraa Hundumaa Gara Fayyinaatti Waamuu Isaa
14Waaqayyo,
<<Wanti warrii Gibxii hojjetanii argatan,
bu'aan nagada warra Kuushis
siif in ta'u,
warri Saabaa warri dhedheeroonis
gara kee dhufanii,
kan kee in ta'u, of kennanii si duukaa in bu'u;
siif qoomma'aniis <<Waaqayyo dhugumaan sii wajjin jira,
isa malees Waaqayyo
kan biraa hin jiru>>
in jedhu>> jedhe*.
15Yaa Waaqayyo, fayyisaa Israa'el,
ati dhugumaan Waaqayyo
isa dhokataa dha*;
16warri waaqayyolii tolfamoo
tolfatan hundinuu,
in yeellaasifamu, in salphatus;
walii wajjinis in salphifamu*;
17Waaqayyo garuu fayyina bara baraatiin
Israa'elin in fayyisa,
yaa Israa'el, ati bara baraan
hin yeellaasifamtu, hin salphattus.#14 60:4-14 15 43:3,11 16 45:20; 44:9-20
18Waaqayyo inni bantiiwwan waaqaa uume, inni Waaqayyoo dha;
inni lafa bifa itti godhee, tolchee jabeessee yommuu dhaabe
akka irra jiraataniif malee,
bifa hin qabnee fi onaa
akka ta'uuf hin uumne;
inni,<<Ani Waaqayyoo dha,
ana malee kan biraa hin jiru*.
19Ani lafa irratti, iddoo dukkanaatti
dhoksaatti hin dubbanne,
ani sanyii Yaaqoobiin,
akkasumaan <<Na barbaadi!>> hin jenne;
wanti ani Waaqayyo dubbadhu dhugaa dha,
wanti ani himus qajeelaa dha*.#18 Uma 1:2 19 48:16; 65:1; Er 29:12-14; Mat 7:7
20<<Warri fakkeenya waaqayyolii
muka irraa hojjetaman
baatanii yaa'an,
warri waaqayyolii
nama fayyisuu hin dandeenyetti sagadanis
beekumsa hin qaban;
isin warri saba garaa garaa keessaa
badiisa ooltan,
walitti qabamaatii kottaa,
as dhi'aadhaas!
21Walitti himaa, walii wajjinis mari'adhaatii
dhimma keessan dhi'eeffadhaa!
Kana eenyutu beeksise>>
Duraan dursees
eenyutu raajii dubbate>>
Ana Waaqayyotu kana godhe mitii ree>>
Ana malee Waaqayyo
kan biraa hin jiru,
Waaqayyo inni qajeelaanii fi inni fayyisaan
ana malee hin jiru*.
22Isin warri andaara lafaa
jiraattan hundinuu,
gara kootti deebi'aatii fayyina argadhaa!
Ani Waaqayyoo dha, ana malees
kan biraa hin jiru;
23jilbi hundinuu anaaf
akka jilbeenfatu,
arrabni hundinuu
anaan akka kakatu,
wanti qajeelaan afaan koo keessaa ba'es
akka hin deebine,
ani maqaa ofii kootiin kakadheera*.
24Namoonni,
<<Qajeelinnii fi jabinni Waaqayyoo
duwwaa bira jira>>
jechaa gara koo in dhufu;
warri anaan morman garuu in yeellaasifamu;
25sanyiin Israa'el hundinuu
humna kootiin in mo'u,
ana Waaqayyo isaaniitiin
ulfina in argatu>> jedhe.#20-21 41:1-4,21-29; 43:11; 45:15 23 Rom 14:11; Filp 2:10-11
Currently Selected:
Macaafa Isaayaas Raajichaa 45: MacQul
Highlight
Share
Compare
Copy
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
