Macaafa Isaayaas Raajichaa 39
39
Mootiin Baabilon Hisqiyaasiif Kennaa Erguu Isaa
(2Mot 20:12-19)
1Merodaak-Baladaan ilmi Baladaan mootiin Baabilon, Hisqiyaas dhukkubsatee akka fayye yommuu dhaga'e, caaffataa fi kennaa namootatti in ergeef; 2Hisqiyaas jarreen ergaman sana gammachuudhaan simatee, mana qabeenya isaatii keessa kan jiru hundumaa, meetii, warqee, urgooftuu, dhadhaa ejersaa isa ba'eessa, mi'a waraanaa, badhaadhummaa biyya isaa keessa jiru hundumaa keessaa tokko illee utuu hin hambisin isaanitti in argisiise.
3Kana booddee Isaayaas raajichi gara Hisqiyaas mootichaa dhufee,<<Jarreen kun maal jedhan>> Eessaas gara kee dhufan?>> jedheen; Hisqiyaas immoo,<<Baabilon biyya fagoo sanaa ba'anii na bira dhufan>> jedhe; 4itti fufees Isaayaas,<<Mana kee keessatti maalfaa argan?>> jedhee gaafate; Hisqiyaas immoo deebisee,<<Wanta mana koo keessa jiru hundumaa arganiiru; qabeenya koo keessaa wanti ani isaanitti hin argisiisin tokko illee hin jiru>> jedhe.
5Kana irratti Isaayaas raajichi Hisqiyaasiin,<<Mee wanta Waaqayyo gooftaan maccaa jedhu dhaga'i! 6Kunoo! Guyyaan itti qabeenyi mana kee keessa jiruu fi wanti abboonni kee hamma ammaatti walitti qaban hundinuu gara biyya Baabilonitti geeffamu in dhufa; wanti tokko illees siif hin hafu; 7ilmaan ati godhatte keessaas kaan gara biyya Baabilonitti in geeffamu; achittis xu'aashii ta'anii mana mootii Baabilon keessa in ergamu>> jedha Waaqayyo. 8Yommus Hisqiyaas,<<Hamma ani jirutti nagaanii fi gabiin in ta'a>> jedhee waan yaadeef, Isaayaasiin,<<Dubbiin Waaqayyoo inni ati amma dubbatte kun ba'eessa>> jedhe.
Currently Selected:
Macaafa Isaayaas Raajichaa 39: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
