Macaafa Hisqi'el Raajichaa 6

Iddoon Sagadaa Waaqayyolii Tolfamoo Akka Balleeffaman Dubbachuu Isaa

1Dubbiin Waaqayyoo gara koo dhufee, 2<<Yaa mucaa namaa! Ati fuula kee gara tulloota Israa'elitti gara galchiitii isaan irratti raajii dubbadhu*! 3Isaaniinis,<<Isin yaa tulloota Israa'el, dubbii Waaqayyo gooftaa dhaga'aa!>> Waaqayyo gooftaan tulluudhaan, gaaraan, dho'aadhaan, dachaadhaan,<<Ani kunoo! Billaa isinitti nan fida, iddoowwan sagadaa keessan warra ol ka'oos nan balleessa; 4iddoon aarsaa keessanii in diigama, iddoon ixaanni irratti aarfamus in caccaba; warra qalamanis waaqayyolii tolfamoo keessan duratti nan gata*. 5Reeffa ijoollee Israa'el waaqayyolii tolfamoo isaanii dura nan kaa'a; lafee isaanii naannoo iddoo aarsaa keessanii irratti nan facaasa*. 6Iddoon aarsaa keessanii onee akka diigamutti, waaqayyolii tolfamoonni keessan caccabanii akka balleeffamanitti, iddoon ixaanni irratti aarfamus akka muramutti, wanti isin hojjettan lafa irraa akka badutti, iddoo isin jiraattan hundumaatti mandaroonni keessan in onu; iddoowwan sagadaa keessan warri ol ka'oonnis in onu. 7Namoonni qalamanii isin gidduutti in kukkufu?, yommus ani Waaqayyo akkan ta'e isin in beektu*.#2 36:1-2; Mik 6:1 4 Lew 26:30 5 2Mot 23:14 7 22:22; 33:29

8<<Haa ta'u iyyuu malee, billaa duraa ba'anii biyya keessatti saba lafa irraa gidduuttis fafaca'anii akka oolaniif namoota muraasa isiniif nan hambisa*. 9Ani yaada isaanii isa ejjummaadhaan ana irraa gara gale waanan cabseef, ija isaanii isa kajeelaa xuraa'aadhaan gara waaqayyolii tolfamoo isaanii ilaales waanan jaamseef, isin keessaa warri hafan iddoo itti saba lafa irraa gidduutti booji'aman sanatti ana in yaadatu; isaan hojii isaanii isa ciiggaasisaa hundumaan hamaa waan hojjetaniif of in jibbu*. 10Ani wanta hamaa kana isaanitti fiduudhaaf dubbachuun koo akkasumaan hin turre; isaanis kanaan ani Waaqayyo akkan ta'e in beeku!>> jedhe*.#8 Isa 6:13; 10:21-22 9 20:42-44 10 5:13; 17:21; 33:33

11Waaqayyo gooftaan,<<Harka kee walitti rurrukuti, miilla keetiinis lafa dhidhiiti, sababii wanta ciiggaasisaa isa hamaa manni Israa'el hojjete hundumaaf isaan billaadhaan, beelaan, dha'ichaanis waan dhumaniif<<Wayyoo!>> jedhii iyyi! 12Inni fagoo jiru dha'ichaan, inni dhi'oo jiru billaadhaan, inni kana jalaa ba'es beelaan in du'a; akkasitti dheekkamsa koo isaan irratti nan raawwadha* 13isaan keessaa warri qalaman waaqayyolii tolfamoo isaanii gidduu, naannoo iddoo aarsaa isaanii, iddoodhuma isaan foolii garaa nama ciibsu waaqayyolii tolfamoo isaanii hundumaaf aarsaa dhi'eessan, gaara ol ka'aa hundumaa irra, bantii tullootaa hundumaa irra, mukkeetii baala lalisaa qaban hundumaa jala, qilxuu baala qabu hundumaa jala in ciciisu; yommus ani Waaqayyo akkan ta'e isin in beektu*. 14Ani harka koo isaan irratti ol nan fudhadha, biyyichas nan onsa; iddoo isaan jiraatan hundumaas lafa duwwaa isa gara mirgaatii hamma mandara Diiblaatitti akka onu nan godha; yommus ani Waaqayyo akkan ta'e isaan in beeku>> jedhe.#11-12 5:12,16-17; 7:15; 12:16; 14:21; Er 14:12 13 Hos 4:13; 1Mot 14:23

Currently Selected:

Macaafa Hisqi'el Raajichaa 6: MacQul

Highlight

Copy

Compare