Macaafa Hisqi'el Raajichaa 35
35
Waaqayyo Edoomin Akka Adabu Dubbachuu Isaa
1Ammas dubbiin Waaqayyoo gara koo dhufee, 2<<Yaa mucaa namaa! Gara tulluu Se'iiritti gara galii raajii irratti dubbadhu! 3Waaqayyo gooftaan,<<Kunoo ani si irratti ka'eera yaa tulluu Se'iir, ani harka koo si irratti ol nan fudhadha, sin onsa, sin balleessas; 4mandaroota kees nan jigsa, in ontas, ergasii ani Waaqayyo akkan ta'e ati in beekta>> siin jedha.
5<<Bara dheeraadhaaf diina namoota Israa'el waan turteef, yeroo rakkina isaanii fi yeroo adabni isaanii inni dhumaa irra ga'etti billaatti dabarsitee isaan kennite. 6Ani jiraataa dha! jedha Waaqayyo gooftaan, kanaaf ani dhangala'uu dhiigaatiif sin godha, dhiignis si ari'a; ati fira dhiigaa kee waan jibbiteef, dhiiga kee kan dhangalaasu si ari'a*; 7ani tulluu Se'iir onaadhaa fi duwwaa nan godha; warra isa irra darbanii adeemanii fi, darbanii galan irraa nan kuta; 8ani tulloota isaa warra ajjeefamaniin nan guuta; warri billaan isaan rukute gaarota isaa irratti, dachaa isaa keessatti, laga isaa hundumaa keessattis in kufu. 9Ani bara baraan sin onsa, mandaroota kee keessas namni hin jiraatu; yommus ani Waaqayyo akkan ta'e ati in beekta.#5-6 Oba 10-14; His 25:12; Far 137:7
10<<Ati utuma ani Waaqayyo achi jiruu,<<Sabni kun lamaanii fi biyyi kun lamaan kan koo ta'u, nuyi isaan in fudhanna>> waan jetteef, 11ani jiraataa dha! Kanaaf akkuma ati isaan jibbitee isaanitti dheekkamtee, isaanitti hinaaftes, anis immoo akkasuma sin godha; ani yommuun sitti faradu isaan gidduutti beekamaa nan ta'a; ani Waaqayyo gooftaan kana dubbadheera. 12Isa ati tulloota Israa'el irratti ga'ifte hundumaa, isa ati,<<Isaan onaniiru akka isaan nyaannuufis nuuf kennamaniiru>> jette sanas, ani Waaqayyo akkan dhaga'e in beekta*; 13ati ana irratti afaan keetiin akka of gurguddifte, ana irrattis dubbii akka baay'ifte, ani dhaga'eera; 14guutummaan biyya lafaa akka gammaduuf ani Waaqayyo gooftaan sin onsa. 15Akkuma yeroo dhaalli mana Israa'el one ati gammadde, anis akkasuma sin godha yaa tulluu Se'iir! Sii fi guutummaa Edoom nan onsa; yommus ani Waaqayyo akkan ta'e isaan in beeku>> jedhe.#12 25:3
Currently Selected:
Macaafa Hisqi'el Raajichaa 35: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
