Macaafa Amos Raajichaa 9
9
Firdiin Israa'elin Eeggatu Kan Hin Oolle Ta'uu Isaa
1Ammas Waaqayyo gooftaan
iddoo aarsaa gara irraa
utuu dhaabatuu mul'ataan nan arge;
inni,<<Manichi guutummaatti
akka raafamutti
mataa utubaa isaa rukuti!
Mataa hunduma isaanii irrattis caccabsi!
Warra kana irraa hafanis
billaadhaan nan ajjeesa,
isaan keessaa tokko illee
danda'ee jalaa hin baqatu,
tokkos illee jalaa hin ba'u*.
2Isaan qotanii
iddoo lafa jalaa yoo ga'an iyyuu,
harki koo qabee achi keessaa
ol isaan in baasa;
bantii waaqaatti yoo ol ba'an iyyuu,
achii gad isaan nan buusa*.
3Gubbee tulluu Qarmelos irra
yoo dhokatan iyyuu,
achi irratti argee isaan nan qaba;
ija koo duraa galaana gad fagoo keessa
lafa bira ga'anii yoo miliqan iyyuu,
achitti iyyuu bofni galaana keessaa
akka isaan idduuf nan abbooma.
4Booji'amanii diinota isaanii dura
yoo oofaman iyyuu,
achittis billaa isaanitti nan ajaja,
innis isaan in ajjeesa;
gaariidhaaf utuu hin ta'in,
ija hamaadhaan isaan nan ilaala>> jedhe*.#1 7:1-9; 8:1-3; Isa 6:1; Amo 8:8 2 Iyo 26:6; Far 139:7-12; Er 23:24 4 5:27; Er 44:11
5Waaqayyo gooftaan maccaa
harka isaatiin laficha in tuqa;
lafichi in raafama,
warri isa irra jiraatanis in boo'u;
guutummaan biyyichaa akkuma laga Abbayyaa ol in ka'a,
akka laga Abbayyaa
isa Gibxi keessa yaa'uus
gad in gala*.
6Waaqayyo gooftaan mana isaa isa gara irraa,
bantiiwwan waaqaa keessatti in ijaare;
bantii waaqaa isa naannoos
lafa gara irraa in dhaabe;
inni bishaan galaanaa waamee,
irra lafaatti lolaasus
maqaan isaa Waaqayyoo dha*!
7Waaqayyo,<<Yaa namoota Israa'el, isin anaaf
akkuma ijoollee Kuush
warra fagoo sanaa mitii ree>>
Warra Israa'el biyya Gibxiitii akkuman ol baase,
warra Filiisxiyaa biyya Kaftor keessaa,
warra Aaramis biyya Qiir keessaa
nan fide mitii ree?>>
jedhee dubbateera*.#5 8:8; Far 104:32 6 Far 104:3 7 3:1-2; Er 47:4
8Kunoo! Waaqayyo gooftaan mootummaa
biyya cubbamaa kana
ija dheekkamsaatiin in ilaala;
Waaqayyo,<<Ani lafa irraa
isa nan balleessa;
haa ta'u iyyuu malee, sanyii Yaaqoob guutummaatti hin balleessu*.
9Kunoo, ani saba lafa irraa
isinitti nan abbooma,
akka nama midhaan gingilchuus,
isin warra Israa'el
akka gingilchan nan godha,
kan hin barbaadamnes tokko illee
gingilchaa keessa hin darbu.
10Saba koo keessaa cubbamoonni warri,
<<Wanti hamaan nutti hin dhi'aatu, nu hin qaqqabus>> jedhan
hundinuu billaadhaan in du'u>>
jedhee dubbateera*.#8 6:8-10 10 6:3; Mik 3:11
Israa'el Deebitee Dhaabamuuf Akka Jirtu
11Ammas Waaqayyo,
<<Gaaf tokko immoo manni Daawit
inni jige ol ka'ee
akka dhaabatu nan godha,
keenyan mana isaa isa dhagaas nan deddeebisa,
isa hurraa'es wal nan qabachiisa,
akka isaa duriittis deebisee nan ijaara.
12Isaan biyya Edoom keessaa warra hafan,
saba lafa irraa keessaa
warra kan koo ta'anii beekaman
hundumaas haa qabatan!>>
jedhee dubbateera;
gooftichis kana in godha*.#11-12 2Sam 8:1-14; 1Mot 5:1; HoE 15:16-18; Oba 19-20
13Waaqayyo,<<Kunoo barri tokko in dhufa;
bara sanas utuu
namni sanyii facaasuu,
booddee isaatiin immoo inni tokko haamaatti in ka'a;
akkasumas utuu inni tokko
ija waynii cuunfuu,
inni kaan dhaabuuf
lafa baqaqsuutti in ka'a;
tulloonni, cuunfaa waynii
isa haaraa in coccophsu,
gaaronni hundinuus in fiilu*.
14Saba koo Israa'elin gara gaariitti nan deebisa;
isaan mandaroota diigaman
deebisanii ijaaranii keessa jiraatu;
iddoo dhaabaa waynii in qopheeffatu,
daadhii waynichaas in dhugu,
lafa muka ija kennu dhaabatan in qabaatu,
ija isaas in nyaatu*.
15Biyya isaanii irra isaan nan dhaaba,
biyya ani isaaniif kenne keessaas
deebi'anii hin buqqifaman>> jedhe*;
inni kana dubbate immoo Waaqayyo gooftaa kee ti*.#13 Lew 26:5; Yoe 4:18 14 Kes 30:3; Isa 65:21-22; Er 31:5; Hos 14:8 15 Er 24:6
Currently Selected:
Macaafa Amos Raajichaa 9: MacQul
Highlight
Share
Compare
Copy
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
