Macaafa Amos Raajichaa 1
1
Ittiin Lixa
1Kun dubbii Amos, inni warra mandara Teqo'aa keessatti hoolota horsiisan keessaa tokko ture dubbatee dha; inni bara biyyi Yihudootaa iddoo lamatti hiramee, Uziyaan biyya Yihudaatti, Yerobi'aam ilmi Yeho'aash immoo biyya Israa'elitti mootota turanitti, waa'ee Israa'eliif waan itti mul'ate dubbate; kun immoo raafamuu lafaa isa beekamaa sana dura waggaa lama ture*.
2Inni,<<Waaqayyo tulluu Xiyoon irraa in qaqawweessa'a,
Yerusaalem keessaas
sagalee isaa in dhageessisa;
kaloon warra tiksituu in goga,
gubbee tulluu Qarmelos irraas
margi in coollaga>>
jedhee dubbate*.#1 7:14; Zak 14:5; 2Mot 15:1-7; 14:23-29; Isa 1:1; Hos 1:1 2 Er 25:30-31; Yoe 4:16; Hos 11:11; Far 29:3-9
Firdii Irra-Daddarbaa Isaaniitiif Biyya Warra Olloota Israa'el Irratti Dhufuuf Jiru
Isa Sooriyaa Irratti Dhufuuf Jiru
(Isa 17:1-3)
3Amos itti fufee,
<<Waaqayyo akka jedhu!
<<Warri mandara Damaasqoo
ulee sibiilaa
isa ittiin midhaan cagadaniin
warra biyya Giil'aad
waan cagadaniif,
ani irra-daddarbaa isaanii
isa keessa deddeebi'aniif
adabni akka irraa deebi'u hin godhu!
4<< <Kanaaf ani
mana Hazaa'el mootichaa irratti
ibidda nan erga;
inni immoo mana jajjabaa
isa kan Ben-Hadaad mootichaa
sana in fixa*.
5Danqaroota karra Damaasqoo nan caccabsa;
warra dachaa Aween keessa jiraatan,
isa ulee mootummaa baatus
Bet-Edeenii nan buqqisa;
warri Sooriyaas booji'amanii
biyya Qiir in dhaqu>>
jedha Waaqayyo>> jedhe*.#4 2Mot 13:3 5 2Mot 16:9; Amo 9:7
Isa Filiisxiyaa Irratti Dhufuuf Jiru
(Isa 14:28-31)
6<<Waaqayyo akka jedhu!
<<Warri mandara Gaazaa
dabarsanii warra Edoomitti kennuudhaaf,
saba guutummaatti waan boojisiisaniif,
ani irra-daddarbaa isaanii
isa keessa deddeebi'aniif
adabni akka irraa deebi'u hin godhu!
7<< <Kanaaf ani kellaa Gaazaa irratti
ibidda nan erga;
inni immoo mana ishee warra jajjaboo in fixa.
8Ani warra mandara Ashdood
keessa jiraatan,
isa ulee mootummaa baatus
mandara Ashqalon
keessaa nan buqqisa;
mandara Eqroon irratti
harka koo ol nan fudhadha,
warra Filiisxiyaa keessaas
kan hafan badduu in ba'u>>
jedha Waaqayyo gooftaan>> jedhe.
Isa Xiiros Irratti Dhufuuf Jiru
9<<Waaqayyo akka jedhu!
Warri mandara Xiiros
saba guutummaatti dabarsanii
boojuudhaaf warra Edoomitti waan kennaniif,
kakuu obbolummaas
waan hin yaadatiniif,
ani irra-daddarbaa isaanii
isa keessa deddeebi'aniif
adabni akka irraa deebi'u hin godhu!
10Kanaaf<<Ani kellaa Xiiros irratti
ibidda nan erga;
inni immoo mana ishee warra jajjaboo in fixa>> jedha>> jedhe.#9-10 Isa 23:1-16; His 26:1?28:19; Yoe 4:4; Mat 11:21-22
Isa Edoom Irratti Dhufuuf Jiru
11<<Waaqayyo akka jedhu!
Warri biyya Edoom
billaa fudhatanii
obboloota isaanii waan ari'aniif,
oo'as waan hin argisiisiniif,
aariin isaanii yeroo hundumaa
waan boba'uuf,
dheekkamsi isaaniis bara hundumaa
waan itti fufeef,
ani irra-daddarbaa isaanii
isa keessa deddeebi'aniif
adabni akka irraa deebi'u hin godhu!
12Kanaaf,<<Ani mandara Temaan irratti
ibidda nan erga;
inni immoo mana mandara Bozraa
warra jajjaboo in fixa>>
jedha>> jedhe*.#11-12 Isa 34:5-17; Kes 23:7; Er 49:7
Isa Amoon Irratti Dhufuuf Jiru
13Waaqayyo akka jedhu!<<Warri biyya Amoon
daarii biyya isaanii bal'ifachuudhaaf jedhanii,
biyya Giil'aaditti
garaa dubartoota ulfaa iyyuu
waan tarsaasaniif,
ani irra-daddarbaa isaanii
isa keessa deddeebi'aniif
adabni akka irraa deebi'u hin godhu!
14Kanaaf,<<Ani kellaa Raabaa irratti
ibidda nan bobeessa;
inni immoo mana ishee warra jajjaboo in fixa;
kunis guyyaa duulli wacutti,
guyyaa qilleensi bubbisuttis in ta'a.
15Mootiin warra Amoon gurguddoonni isaas
isaa wajjin,
booji'amanii in adeemu>>
jedha gooftichi>> jedhe*.#13-15 Er 49:1-6
Currently Selected:
Macaafa Amos Raajichaa 1: MacQul
Highlight
Share
Compare
Copy
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
