Obeec Dudi 7
7
Dïcwøø Paaga Cïïe
1Wui, ï na nyi ŋat mo kare dwøŋ!
Tietï moø ni iï kïth yi war yøø
mïërö marge ka akadhø døc,
ni bathï pøøth ni caala jap mïërö
mo wø tïïc jø wø nyeŋge reegø.
2Peellï legø ni nëëni keda wïlli
mo yie päŋ ki køøŋ nyïïomøki,
ni yiï bäre nëëni ko omeenø ka apiite mo oŋøøk,
ni caala acooŋ nyeŋ beel mo ogëëŋö.
3Thunh moï moø na ariiø yøø mïërö
ni caala nyïï purre ariiø ma cïp-jwøk.
4Ŋutï nëëni keda øt koor mo otïïö ki lëëc liec,
ni nyeŋŋï nëëni keda pulli mo wø en pääny Ëcbön
ni beege moa en buut dhi kiir man wø cwøl ni Bath-Rabim.
Umï nëëni ni mïërö keda øt koor man wø en Libaanø
ni raŋŋa Damacka.
5Wïïï nëëni ni mïërö kaamar Kïn Karmël,
ni jïër moï rege døøllø ni mïërö, ni caala waare ma dïmuur,
ni mïërö mar jïëyï, nyeya pute ka böötö.
6Ïïni, ï mïërö døc ni ec mïnnö ki ïïni.
Wui omëëya! Bëëtö mar dëërï bäre mïërö døc møn!
7Yi cwääc marï tiir kaamar jaath twöö,
ni thunh moï nëëni keda jwale mo nyïï twöö.
8Ni kööa, na «A etha maal bäät twöö,
nee nyïï gø lema.»
Beerra man tïm thurï kaamar jwale mo nyïïomøki,
ni tïm jam dhiï ni ŋwääö ni luy,
9ni tïm nuum dhøk marï kaamar køøŋ nyïïomøki mo nyään.
Luubö Mana Caan Dhaagø-Thiinhnhi Jï Cwøre
Beerra man ö køøŋ nyïïomøki manøgø ni put aay ni coonya baŋ omëëya,
ni møle ki bäät buny dhee ki lage.
10Aani, aana mar omëër mara,
ni eni cwïnye lääŋŋa aani.
11Omëëya, ööï, nøø aa wøk ki dï pääny;
ö waa cøø yïth atude moa en wøk,
ni thöörø wäär kunece.
12Beerra man laarø møøl yi pwöth omøki nee neenø;
kanymør geno nø ŋøø,
wala geno nø nipäta,
wala adïkwäle geno nø ŋøø.
Køøre nø, mëër onyoodha jïrï kaace.
13Nyïï ocøøk ŋwäänyge ajääŋge wøk;
ni dhi øtø marø päŋ ki nyïëdi mo nyärö ki mo oruu,
mo yaa cooŋ piny kiperï, ï no omëër mara.
Currently Selected:
Obeec Dudi 7: AnyuB
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia
Obeec Dudi 7
7
Dïcwøø Paaga Cïïe
1Wui, ï na nyi ŋat mo kare dwøŋ!
Tietï moø ni iï kïth yi war yøø
mïërö marge ka akadhø døc,
ni bathï pøøth ni caala jap mïërö
mo wø tïïc jø wø nyeŋge reegø.
2Peellï legø ni nëëni keda wïlli
mo yie päŋ ki køøŋ nyïïomøki,
ni yiï bäre nëëni ko omeenø ka apiite mo oŋøøk,
ni caala acooŋ nyeŋ beel mo ogëëŋö.
3Thunh moï moø na ariiø yøø mïërö
ni caala nyïï purre ariiø ma cïp-jwøk.
4Ŋutï nëëni keda øt koor mo otïïö ki lëëc liec,
ni nyeŋŋï nëëni keda pulli mo wø en pääny Ëcbön
ni beege moa en buut dhi kiir man wø cwøl ni Bath-Rabim.
Umï nëëni ni mïërö keda øt koor man wø en Libaanø
ni raŋŋa Damacka.
5Wïïï nëëni ni mïërö kaamar Kïn Karmël,
ni jïër moï rege døøllø ni mïërö, ni caala waare ma dïmuur,
ni mïërö mar jïëyï, nyeya pute ka böötö.
6Ïïni, ï mïërö døc ni ec mïnnö ki ïïni.
Wui omëëya! Bëëtö mar dëërï bäre mïërö døc møn!
7Yi cwääc marï tiir kaamar jaath twöö,
ni thunh moï nëëni keda jwale mo nyïï twöö.
8Ni kööa, na «A etha maal bäät twöö,
nee nyïï gø lema.»
Beerra man tïm thurï kaamar jwale mo nyïïomøki,
ni tïm jam dhiï ni ŋwääö ni luy,
9ni tïm nuum dhøk marï kaamar køøŋ nyïïomøki mo nyään.
Luubö Mana Caan Dhaagø-Thiinhnhi Jï Cwøre
Beerra man ö køøŋ nyïïomøki manøgø ni put aay ni coonya baŋ omëëya,
ni møle ki bäät buny dhee ki lage.
10Aani, aana mar omëër mara,
ni eni cwïnye lääŋŋa aani.
11Omëëya, ööï, nøø aa wøk ki dï pääny;
ö waa cøø yïth atude moa en wøk,
ni thöörø wäär kunece.
12Beerra man laarø møøl yi pwöth omøki nee neenø;
kanymør geno nø ŋøø,
wala geno nø nipäta,
wala adïkwäle geno nø ŋøø.
Køøre nø, mëër onyoodha jïrï kaace.
13Nyïï ocøøk ŋwäänyge ajääŋge wøk;
ni dhi øtø marø päŋ ki nyïëdi mo nyärö ki mo oruu,
mo yaa cooŋ piny kiperï, ï no omëër mara.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia