Obeec Dudi 5
5
Luubö Mana Caan Dïcwøø Jï Cïïe
1Wui! coka, ni bee ï dhaagø-thiinh mara,
aana ö ya ajïniina mara,
dwøk 'moa acooŋa, ki jenni 'moa mo wø ŋwääi ni met;
aani, ogat kïc ki maar kïc mara acama,
ni maadha køøŋ nyïïomøki ki caak 'moa.
Luubö Mana Caan Nyïïawäädi Jï Dïcwøø Ki Cïïe
Wui! nyïïawäätwa, cämu ni mädhu.
Wui! omëërri, mädhu ni rømmu.
Luubö Mana Lääŋ Dhaagø-Thiinhnhi Ki Yi Cwïnye
2'Ba ni aano butö, cwïnya abëëdö ni nëënö.
'Ba dwøl aputa wïnynyö, no omëër mara dööŋö dhi øtø, ni kööe,
«Wui coka, nyimëëc cwïnya, na bëëtö mare beer,
na mwöl kaamar akuuru, jap dhi øtø jïra.
Aani wïïa atïmö ni thec ki thööy,
ni tïm jïëc wïïa ni thec ki thööc wäär.»
3'Ba aløøa, ni «Aani, abïï mara yaa nø gööny wøk;
?aŋø, cäŋa ka dwøk dëëra?
Aani, tieta yaa nø lwøk;
?aŋø, ge cäŋa ka wëëk cullö?»
4'Ba omëër mara cere aput rwää baŋa ki dhi øtø kanya ŋaam,
ni put cwïnya tägö ki pärö kipere.
5Køøre aana päny maal nee dhi øtø jaba jï omëër mara,
ni ceŋŋa onijwöc ki maar riia,
ni lweeta thec ki gø,
ni put tøøn bäät dïdëët.
6'Ba kanya jaba dhi øtø kiper omëër mara,
ree ee nø daak ni tøør këët;
ni puta bëëtö ni cwïnya pärö ki køør mana cääne ki aani dïkwøŋ.
Ni manynya gø døc, ni kära eni joodø,
ni cwøla gø, 'ba eni kär duunnö jïra.
7'Ba jø koor mo wø kurö ni ge wïdö dï pääny, ni beege jø wø koor kiir,
aana jootge ni putge aani pwöt, ni moocge dëëra ki ŋwiili,
ni kälge aleeŋŋa mara ni aacge ki gø.
8Wui, nyïïakuk Jerucalem, a cäänna uuni,
ni näk mo omëër mara jootu joodø, wär caannu jïre ni kööu,
no «Omëër marï dëëre onøkiil ki mëër.»
Pïëc Moa Pëëny Nyïïakuk Jerucalemmi
9Wui, ï na dhaaŋŋa mïërö døc dï mään,
?aŋø, omëër marï okadhø ka ŋø ni kaala cwøw bëët?
?Aŋø, omëër marï okadhø ka ŋø døc,
ni bëëdï ni wa iï cemø kipere en?
Luubö Mana Løk Dhaagø-Thiinhnhi
10Omëër mara kïte mïërö døc ni dëëre pulli,
ni eni di ŋiiø ki yïthakic cwøw ma kume apaar.
11Täärnyïme paŋŋi kaamar warkey mana tøŋ,
ni jïëye na näynäy ni cøl kaamar okwöre mo agaak.
12Ni nyeŋŋe mïërö ni tar kaamar akuyi mo ena buut pïï mo kwödö,
mo geno lwøk ki caak,
ni ge mïërö kaamar nyeŋ kïte moa perge leth.
13Ni mïërö mar pïte bëëdö kaamar pwöth jer wø ŋwääi ni met,
ni buny dhee caala apiitø mo oŋøøk mo tøøn ki maar riia.
14Bäädi moe nëëni kaamar athøc warkey
mo otïïö ni mïërö ki nyeŋ kïte mo perge leth.
Bäp yie mïërö kaamar lëëc liec mo otïïö ni pøøth,
mo oŋwaŋŋø ni mïërö ki nyeŋ kïte mo perge leth.
15Tiete nëëni kaamar were mo otïïö ki kïdi mo mïërö,
mo ocwöth bäät warkey mana tøŋ,
ni dëëre mïërö kaamar Lur Libaanø,
ni leth pere rööma jenni mo gø.
16Eni buny dhee ŋweeth kiree,
ni ena ŋat mo cwïny pärö kipere døc.
Wui, nyïïakuk Jerucalem! Ŋatøgø beeye omëër mara,
ni ŋatøgø beeye nyawatwa.
Currently Selected:
Obeec Dudi 5: AnyuB
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia
Obeec Dudi 5
5
Luubö Mana Caan Dïcwøø Jï Cïïe
1Wui! coka, ni bee ï dhaagø-thiinh mara,
aana ö ya ajïniina mara,
dwøk 'moa acooŋa, ki jenni 'moa mo wø ŋwääi ni met;
aani, ogat kïc ki maar kïc mara acama,
ni maadha køøŋ nyïïomøki ki caak 'moa.
Luubö Mana Caan Nyïïawäädi Jï Dïcwøø Ki Cïïe
Wui! nyïïawäätwa, cämu ni mädhu.
Wui! omëërri, mädhu ni rømmu.
Luubö Mana Lääŋ Dhaagø-Thiinhnhi Ki Yi Cwïnye
2'Ba ni aano butö, cwïnya abëëdö ni nëënö.
'Ba dwøl aputa wïnynyö, no omëër mara dööŋö dhi øtø, ni kööe,
«Wui coka, nyimëëc cwïnya, na bëëtö mare beer,
na mwöl kaamar akuuru, jap dhi øtø jïra.
Aani wïïa atïmö ni thec ki thööy,
ni tïm jïëc wïïa ni thec ki thööc wäär.»
3'Ba aløøa, ni «Aani, abïï mara yaa nø gööny wøk;
?aŋø, cäŋa ka dwøk dëëra?
Aani, tieta yaa nø lwøk;
?aŋø, ge cäŋa ka wëëk cullö?»
4'Ba omëër mara cere aput rwää baŋa ki dhi øtø kanya ŋaam,
ni put cwïnya tägö ki pärö kipere.
5Køøre aana päny maal nee dhi øtø jaba jï omëër mara,
ni ceŋŋa onijwöc ki maar riia,
ni lweeta thec ki gø,
ni put tøøn bäät dïdëët.
6'Ba kanya jaba dhi øtø kiper omëër mara,
ree ee nø daak ni tøør këët;
ni puta bëëtö ni cwïnya pärö ki køør mana cääne ki aani dïkwøŋ.
Ni manynya gø døc, ni kära eni joodø,
ni cwøla gø, 'ba eni kär duunnö jïra.
7'Ba jø koor mo wø kurö ni ge wïdö dï pääny, ni beege jø wø koor kiir,
aana jootge ni putge aani pwöt, ni moocge dëëra ki ŋwiili,
ni kälge aleeŋŋa mara ni aacge ki gø.
8Wui, nyïïakuk Jerucalem, a cäänna uuni,
ni näk mo omëër mara jootu joodø, wär caannu jïre ni kööu,
no «Omëër marï dëëre onøkiil ki mëër.»
Pïëc Moa Pëëny Nyïïakuk Jerucalemmi
9Wui, ï na dhaaŋŋa mïërö døc dï mään,
?aŋø, omëër marï okadhø ka ŋø ni kaala cwøw bëët?
?Aŋø, omëër marï okadhø ka ŋø døc,
ni bëëdï ni wa iï cemø kipere en?
Luubö Mana Løk Dhaagø-Thiinhnhi
10Omëër mara kïte mïërö døc ni dëëre pulli,
ni eni di ŋiiø ki yïthakic cwøw ma kume apaar.
11Täärnyïme paŋŋi kaamar warkey mana tøŋ,
ni jïëye na näynäy ni cøl kaamar okwöre mo agaak.
12Ni nyeŋŋe mïërö ni tar kaamar akuyi mo ena buut pïï mo kwödö,
mo geno lwøk ki caak,
ni ge mïërö kaamar nyeŋ kïte moa perge leth.
13Ni mïërö mar pïte bëëdö kaamar pwöth jer wø ŋwääi ni met,
ni buny dhee caala apiitø mo oŋøøk mo tøøn ki maar riia.
14Bäädi moe nëëni kaamar athøc warkey
mo otïïö ni mïërö ki nyeŋ kïte mo perge leth.
Bäp yie mïërö kaamar lëëc liec mo otïïö ni pøøth,
mo oŋwaŋŋø ni mïërö ki nyeŋ kïte mo perge leth.
15Tiete nëëni kaamar were mo otïïö ki kïdi mo mïërö,
mo ocwöth bäät warkey mana tøŋ,
ni dëëre mïërö kaamar Lur Libaanø,
ni leth pere rööma jenni mo gø.
16Eni buny dhee ŋweeth kiree,
ni ena ŋat mo cwïny pärö kipere døc.
Wui, nyïïakuk Jerucalem! Ŋatøgø beeye omëër mara,
ni ŋatøgø beeye nyawatwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia