Röm 2
2
Ŋøl Luup Mar Jwøk Beeye Adïëri
1Kiper manøgønø, ï na dhaanhø, këël mo ïïna ŋa cøøn, kany wø ŋølï luum dhaanhø mør piny, riï ba diï maara piem. Kiper kany wø ŋølï luum dhaanhø mør piny, ï jääla riï. Kiper ïïni ni wø ŋut piny, ï poot bëëdö niï tïïya gïïögø ki dëëtge. 2'Ba ŋääø ni ŋøl mar Jwøk kany wø ŋøl jø wø tïïc teeŋ gïïögø wøk, mare beeye adïëri. 3?A ï na dhaanhø nø, iï caarø ni kany wø ŋølï jø wø tïïc teeŋ gïïögø wøk, niï poot tïïya geni ki dëërï, niï doo bøth ki mano ŋøl Jwøki piny? 4?Aŋø, met yi Jwøk na päl na bëëde ni cwïnye ee cïp piny ni ba laar jøømø iï taaø? ?Aŋø, kuyï ni met yi Jwøk beeye kiper nee cwïnyï løgï? 5'Ba kiper cwïnyï na teek na ba maarï løk, ï känna riï ki wëër mo päl, yi cäŋo ö wëërri yie, kanyo ö ŋøl luup mar Jwøk na näk adïëri noo nyoodhi. 6Kiper eno cïpi jï jiy bëët, ni ŋati man nø ojïti ki mo orømø ki gïïa tïïe. 7Ni eno cïpi ki kwøw mana näk adïëri mo bäŋ cuŋŋe jï jøw wø tïïc gïïa beyø ni cwïnyge ege cïp piny, ni ge caya ajiem, ki wödö, ki kwøw mana näk bäŋ thøø ree. 8'Ba mar jø wø ŋäc dëëtge keerge ni wø ba leŋ adïëri ni ge jïëya raay, beeye gootø ki wëër noo en nyïmge. 9'Ba da gïï mo leth ki gïï mo reyø mo pïï dëët jiy bëët mo wø tïïc gïno raac. Ni tägi ka jø Juuth këël mano këët baŋ jøw mo patha jø Juuth. 10'Ba beeye ajiem ki pwøc ki bëët-mëër noo cïp jï jiy bëët mo wø tïïc gïno beer. Ni tägi ka jø Juuth këël mano këët baŋ jøw mo patha jø Juuth. 11Kiper Jwøk luumme aciel kiper jiy bëët.
12Jiy bëët moa bääö ni ciik Jwøk bäŋgø jïge, geno ränynyi ni bäŋ ciik Jwøk jïge. 'Ba jiy moa bääö ni ge bëënna ciik Jwøk, luup moge oŋøl piny ki køør luup moa en yi ciik Jwøk. 13Kiper patha jø wø wïny ciik Jwøk ni wø marge beer nyïm Jwøk, 'ba beege jø wø tïïc moa en yi ciik Jwøk noo jïëc ni marge beer. 14'Ba juurre na näk bäŋ ciik Jwøk jïge, kany wø tïïcge moa caan ciik Jwøki ki køør mana en cwïnyge, marge tïmö keda ciik Jwøk jïge, këël na bäŋe ciik Jwøk jïge; 15ni manøgø, ge nyootha gø ni moa caan ciik Jwøki ogöör cwïnyge, ni cwïnyge wø cara gø thuwø ni da ciik Jwøk. 16Ni ge cädö ni kanymør ge di jäälö wala ge di ŋunnö dïcäŋöca, kanyo ö Jwøki noo ŋøl luup jiy piny moa näk ege kanø, ki køør Krictø Jecu, kaawat man wø en ri luumma nyään na met ni wø køba.
Luum Bëëtö Mar Jø Juuth Ki Ciik Jwøk
17?'Ba ni näk riï iï cwølø ni ïïna ŋat Juuth, ni ïïno göök ri ciik Jwøk, niï töödö kiper Jwøk, 18ni moa manynye ŋäyï, niï wø jïëya gïno beer, kiper mana näk ïïno pwönynyö ki ciik Jwøk, 19ni ŋäyï døøc ni ïïna dïpeec cööye, na tar kiper jø wø en yi muudhö, 20na dïtiit luup mo jøøa bäŋ wïdhi, na dïpööy mar obwöre, ni moa doo ŋäc dhaanhe, ki mana näk adïëri, iï joodø ri ciik Jwøk, 21aŋø, ïïni ni wø pwöny jø møøk nø, dëërï ba diï pwönynyö? ?Ï ni wø pöö, ni «Kärï kwätö,» ï doo kwätö? 22?Ï ni wø köö, ni «Kär dee ŋat känni ki luk,» ï doo kännö ki luk? ?Ï ni wø ciil ki gïï wø lam, ï doo mudö uut juu? 23?Ï ni wø töödö kiper ciik Jwøk, nyeŋ Jwøk diï raanynyø niï dhala ciik Jwøk? 24Kiper ogöörö, ni «Nyeŋ Jwøk ajøøŋŋi dï juurre kiperu.»#Aydheea 52:5; Edhikiel 36:20
25'Ba daŋ beeye gïn mo beer møn ni näk mo ciik Jwøk iï gwøø. 'Ba ni näk ciik Jwøk dhalï dhalø, daŋ marï tïmö ni rööma ŋat mo kär daŋø. 26?'Ba ni näk ŋat mo kär daŋø luup moa caan ciik Jwøki wø gwøe gwøø, aŋø, mare na käri daŋø ba jïëc ni daŋ? 27Kiper manøgønø, jø wø näk kär daŋø, 'ba ciik Jwøk ege gwøø, uuno jäälge kiper man bëëdu en nou poot dhala ciik Jwøk, këël na bëëde ni ciik Jwøk ki luum daŋ nut baŋu. 28Kiper dhaanhø ba doo tïmö na ŋat Juuth ma adïëri kiper mana nywöli ni ena ŋat Juuth. Ni daŋ ma adïëri patha gïn wø tïïc wøk dëër dhaanhø, 'ba beeye gïn wø en cwïny dhaanhø. 29'Ba dhaanhø wø tïmö ni ena ŋat Juuth ma adïëri kiper man wø en cwïnye. Ni daŋ ma adïëri beeye gïn mo ena cwïny, na gïr jwïëy ni patha gïn mo tïïc ka cenø. Ni pwøc mare ba käl baŋ jiy, 'ba käla baŋ Jwøk.
Currently Selected:
Röm 2: AnyuB
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Ethiopia
Röm 2
2
Ŋøl Luup Mar Jwøk Beeye Adïëri
1Kiper manøgønø, ï na dhaanhø, këël mo ïïna ŋa cøøn, kany wø ŋølï luum dhaanhø mør piny, riï ba diï maara piem. Kiper kany wø ŋølï luum dhaanhø mør piny, ï jääla riï. Kiper ïïni ni wø ŋut piny, ï poot bëëdö niï tïïya gïïögø ki dëëtge. 2'Ba ŋääø ni ŋøl mar Jwøk kany wø ŋøl jø wø tïïc teeŋ gïïögø wøk, mare beeye adïëri. 3?A ï na dhaanhø nø, iï caarø ni kany wø ŋølï jø wø tïïc teeŋ gïïögø wøk, niï poot tïïya geni ki dëërï, niï doo bøth ki mano ŋøl Jwøki piny? 4?Aŋø, met yi Jwøk na päl na bëëde ni cwïnye ee cïp piny ni ba laar jøømø iï taaø? ?Aŋø, kuyï ni met yi Jwøk beeye kiper nee cwïnyï løgï? 5'Ba kiper cwïnyï na teek na ba maarï løk, ï känna riï ki wëër mo päl, yi cäŋo ö wëërri yie, kanyo ö ŋøl luup mar Jwøk na näk adïëri noo nyoodhi. 6Kiper eno cïpi jï jiy bëët, ni ŋati man nø ojïti ki mo orømø ki gïïa tïïe. 7Ni eno cïpi ki kwøw mana näk adïëri mo bäŋ cuŋŋe jï jøw wø tïïc gïïa beyø ni cwïnyge ege cïp piny, ni ge caya ajiem, ki wödö, ki kwøw mana näk bäŋ thøø ree. 8'Ba mar jø wø ŋäc dëëtge keerge ni wø ba leŋ adïëri ni ge jïëya raay, beeye gootø ki wëër noo en nyïmge. 9'Ba da gïï mo leth ki gïï mo reyø mo pïï dëët jiy bëët mo wø tïïc gïno raac. Ni tägi ka jø Juuth këël mano këët baŋ jøw mo patha jø Juuth. 10'Ba beeye ajiem ki pwøc ki bëët-mëër noo cïp jï jiy bëët mo wø tïïc gïno beer. Ni tägi ka jø Juuth këël mano këët baŋ jøw mo patha jø Juuth. 11Kiper Jwøk luumme aciel kiper jiy bëët.
12Jiy bëët moa bääö ni ciik Jwøk bäŋgø jïge, geno ränynyi ni bäŋ ciik Jwøk jïge. 'Ba jiy moa bääö ni ge bëënna ciik Jwøk, luup moge oŋøl piny ki køør luup moa en yi ciik Jwøk. 13Kiper patha jø wø wïny ciik Jwøk ni wø marge beer nyïm Jwøk, 'ba beege jø wø tïïc moa en yi ciik Jwøk noo jïëc ni marge beer. 14'Ba juurre na näk bäŋ ciik Jwøk jïge, kany wø tïïcge moa caan ciik Jwøki ki køør mana en cwïnyge, marge tïmö keda ciik Jwøk jïge, këël na bäŋe ciik Jwøk jïge; 15ni manøgø, ge nyootha gø ni moa caan ciik Jwøki ogöör cwïnyge, ni cwïnyge wø cara gø thuwø ni da ciik Jwøk. 16Ni ge cädö ni kanymør ge di jäälö wala ge di ŋunnö dïcäŋöca, kanyo ö Jwøki noo ŋøl luup jiy piny moa näk ege kanø, ki køør Krictø Jecu, kaawat man wø en ri luumma nyään na met ni wø køba.
Luum Bëëtö Mar Jø Juuth Ki Ciik Jwøk
17?'Ba ni näk riï iï cwølø ni ïïna ŋat Juuth, ni ïïno göök ri ciik Jwøk, niï töödö kiper Jwøk, 18ni moa manynye ŋäyï, niï wø jïëya gïno beer, kiper mana näk ïïno pwönynyö ki ciik Jwøk, 19ni ŋäyï døøc ni ïïna dïpeec cööye, na tar kiper jø wø en yi muudhö, 20na dïtiit luup mo jøøa bäŋ wïdhi, na dïpööy mar obwöre, ni moa doo ŋäc dhaanhe, ki mana näk adïëri, iï joodø ri ciik Jwøk, 21aŋø, ïïni ni wø pwöny jø møøk nø, dëërï ba diï pwönynyö? ?Ï ni wø pöö, ni «Kärï kwätö,» ï doo kwätö? 22?Ï ni wø köö, ni «Kär dee ŋat känni ki luk,» ï doo kännö ki luk? ?Ï ni wø ciil ki gïï wø lam, ï doo mudö uut juu? 23?Ï ni wø töödö kiper ciik Jwøk, nyeŋ Jwøk diï raanynyø niï dhala ciik Jwøk? 24Kiper ogöörö, ni «Nyeŋ Jwøk ajøøŋŋi dï juurre kiperu.»#Aydheea 52:5; Edhikiel 36:20
25'Ba daŋ beeye gïn mo beer møn ni näk mo ciik Jwøk iï gwøø. 'Ba ni näk ciik Jwøk dhalï dhalø, daŋ marï tïmö ni rööma ŋat mo kär daŋø. 26?'Ba ni näk ŋat mo kär daŋø luup moa caan ciik Jwøki wø gwøe gwøø, aŋø, mare na käri daŋø ba jïëc ni daŋ? 27Kiper manøgønø, jø wø näk kär daŋø, 'ba ciik Jwøk ege gwøø, uuno jäälge kiper man bëëdu en nou poot dhala ciik Jwøk, këël na bëëde ni ciik Jwøk ki luum daŋ nut baŋu. 28Kiper dhaanhø ba doo tïmö na ŋat Juuth ma adïëri kiper mana nywöli ni ena ŋat Juuth. Ni daŋ ma adïëri patha gïn wø tïïc wøk dëër dhaanhø, 'ba beeye gïn wø en cwïny dhaanhø. 29'Ba dhaanhø wø tïmö ni ena ŋat Juuth ma adïëri kiper man wø en cwïnye. Ni daŋ ma adïëri beeye gïn mo ena cwïny, na gïr jwïëy ni patha gïn mo tïïc ka cenø. Ni pwøc mare ba käl baŋ jiy, 'ba käla baŋ Jwøk.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Ethiopia