Röm 12
12
Cïpu Dëëtu No Olämi Mo Kwøw
1Kiper manøgønø, nyïïmera, a kwaya uuni ki køør met yi Jwøk na päl ki man cïpu dëëtu no olämi mo kwøw ni ena kur keere, na gïn wø jïëc Jwøki, ni beeye lam maru ni wø en cwïnynyu. 2Käru bëëdö nou caala jø pinyi en këët, 'ba tïmu nou nyärö ki køør mana døøc cwïnynyu mo nyärö, kiper nee mana many Jwøki nee ŋäyu døøc, ki gïn mo beer ma kare man wø jïëc Jwøki.
3'Ba a cäänna uuni u bëët ki køør met yi Jwøk na wëëk aani, nee bäŋe dhaanhø dïïu mo caar dëëre ni eno kadhø ni kaala mana dee caarø. 'Ba ŋati man nø wïïe wär caare døøc no orømø ki ŋäädhe mana wëëk Jwøki eni. 4Kiper ŋääø ni dëël aciel da thäŋi mo thööth, ni thägögø ba tïïc tïïc aciel. 5Kaawat manøgønø, këël na thöödhø, øøna dëël aciel ri Krictø, ni ŋati man nø ena thääŋö ri wati maya. 6'Ba na tïme ni jïïø da muuce keda mana cïbi jïïø na teeŋi ki met ec, beerra man tïïø ki geni. Ni näk ma køp dwør Jwøk, beerra man købø gø no orømø ki ŋäädhe marø. 7'Ba ni näk beeye tïïc man tïny jø møøk na wëëk øøni, beerra man tïnynyø ge. Ni ŋato wëëk pwöc, wär pööe. 8Ni ŋato wëëk köömmö man kööm jiy, wär jiy köömme. Ni ŋato wëëk muuy man muu jammi, wär muue ki bäth ec. Ni ŋato wëëk nyuunhnhö man nyuunh jiy ki luup, wär jiy nyuunhnhe ki cwïnye bäre. Ni ŋato wëëk køny man kunye, wär kunye ni yie met.
Bëët Jø Krictø
9Beerra man mëërru ki mëër mo ree bäŋ atade. Männu ki gïno raac ni magu gïno beer. 10Ŋati man nø mëëre ki wati maya ki mëër man wø mëër nyïïmëëe ki gø. Ni ö ŋati man nø ni laar wödö wëëk wati maya. 11Käru jøøm ki tïïu, 'ba bëëdu nou tïnynya Wuuö ni täärnyïmmu leer ki Jwïëc Jwøk ni en cwïnynyu. 12'Ba yïthu mïnge ki ri ŋäädhe maru, ni cïbu cwïnynyu piny ki gïïo leth ni wø pïï dëëtu, ni lämu cooth. 13Nywaagu japu ki jø Jwøk mo wø can, ni bëëdu nou pänhnha jiy.
14Gwïëthu jø wø caan uuni. Gwïëthu geni ni ba ciennu ge. 15Yïthu mïnge ki jø wø yïthge met. Ni jwöŋu ki jø wø jwöŋi. 16Bëëdu ki cwïny aciel. Käru tïmö nou töödö, 'ba ŋïïyu ki jø wø can. Ni ba caarru gø ni kadha uuni. 17Kär nou dwøga gïn mo raac jï ŋato caan gïn mo raac dëëtu, 'ba caarru gïno beer ki jï jiy bëët. 18'Ba ni näk mo løny jïïu ki kun ni da kuru en, u doo bëëdö ki bëët-mëër ki jiy bëët. 19Omëëya, kär kwöri mou coollu ki dëëtu, 'ba wiiu cer Jwøk kanyo wëëre. Kiper ogöörö, ni «Kö Wuuö Jwøki, ni ‹Cool kwöri beeye mara, ni beeye aani noo cool ge.› »#Tiet Ciik 32:35 20'Ba
«Ni näk nyimännï ree da käc, caamï.
'Ba ni näk mo onäk riewi, mooc eni ki gïn maadhe.
Kiper noo tïïyï manøgø, ï kïtha cuk mo oäpö wïïe.»#Pwöc Leec Wïc 25:21-22
21Kärï bööt raayi, 'ba raay wär böötï ki gïno beer.
Currently Selected:
Röm 12: AnyuB
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Ethiopia
Röm 12
12
Cïpu Dëëtu No Olämi Mo Kwøw
1Kiper manøgønø, nyïïmera, a kwaya uuni ki køør met yi Jwøk na päl ki man cïpu dëëtu no olämi mo kwøw ni ena kur keere, na gïn wø jïëc Jwøki, ni beeye lam maru ni wø en cwïnynyu. 2Käru bëëdö nou caala jø pinyi en këët, 'ba tïmu nou nyärö ki køør mana døøc cwïnynyu mo nyärö, kiper nee mana many Jwøki nee ŋäyu døøc, ki gïn mo beer ma kare man wø jïëc Jwøki.
3'Ba a cäänna uuni u bëët ki køør met yi Jwøk na wëëk aani, nee bäŋe dhaanhø dïïu mo caar dëëre ni eno kadhø ni kaala mana dee caarø. 'Ba ŋati man nø wïïe wär caare døøc no orømø ki ŋäädhe mana wëëk Jwøki eni. 4Kiper ŋääø ni dëël aciel da thäŋi mo thööth, ni thägögø ba tïïc tïïc aciel. 5Kaawat manøgønø, këël na thöödhø, øøna dëël aciel ri Krictø, ni ŋati man nø ena thääŋö ri wati maya. 6'Ba na tïme ni jïïø da muuce keda mana cïbi jïïø na teeŋi ki met ec, beerra man tïïø ki geni. Ni näk ma køp dwør Jwøk, beerra man købø gø no orømø ki ŋäädhe marø. 7'Ba ni näk beeye tïïc man tïny jø møøk na wëëk øøni, beerra man tïnynyø ge. Ni ŋato wëëk pwöc, wär pööe. 8Ni ŋato wëëk köömmö man kööm jiy, wär jiy köömme. Ni ŋato wëëk muuy man muu jammi, wär muue ki bäth ec. Ni ŋato wëëk nyuunhnhö man nyuunh jiy ki luup, wär jiy nyuunhnhe ki cwïnye bäre. Ni ŋato wëëk køny man kunye, wär kunye ni yie met.
Bëët Jø Krictø
9Beerra man mëërru ki mëër mo ree bäŋ atade. Männu ki gïno raac ni magu gïno beer. 10Ŋati man nø mëëre ki wati maya ki mëër man wø mëër nyïïmëëe ki gø. Ni ö ŋati man nø ni laar wödö wëëk wati maya. 11Käru jøøm ki tïïu, 'ba bëëdu nou tïnynya Wuuö ni täärnyïmmu leer ki Jwïëc Jwøk ni en cwïnynyu. 12'Ba yïthu mïnge ki ri ŋäädhe maru, ni cïbu cwïnynyu piny ki gïïo leth ni wø pïï dëëtu, ni lämu cooth. 13Nywaagu japu ki jø Jwøk mo wø can, ni bëëdu nou pänhnha jiy.
14Gwïëthu jø wø caan uuni. Gwïëthu geni ni ba ciennu ge. 15Yïthu mïnge ki jø wø yïthge met. Ni jwöŋu ki jø wø jwöŋi. 16Bëëdu ki cwïny aciel. Käru tïmö nou töödö, 'ba ŋïïyu ki jø wø can. Ni ba caarru gø ni kadha uuni. 17Kär nou dwøga gïn mo raac jï ŋato caan gïn mo raac dëëtu, 'ba caarru gïno beer ki jï jiy bëët. 18'Ba ni näk mo løny jïïu ki kun ni da kuru en, u doo bëëdö ki bëët-mëër ki jiy bëët. 19Omëëya, kär kwöri mou coollu ki dëëtu, 'ba wiiu cer Jwøk kanyo wëëre. Kiper ogöörö, ni «Kö Wuuö Jwøki, ni ‹Cool kwöri beeye mara, ni beeye aani noo cool ge.› »#Tiet Ciik 32:35 20'Ba
«Ni näk nyimännï ree da käc, caamï.
'Ba ni näk mo onäk riewi, mooc eni ki gïn maadhe.
Kiper noo tïïyï manøgø, ï kïtha cuk mo oäpö wïïe.»#Pwöc Leec Wïc 25:21-22
21Kärï bööt raayi, 'ba raay wär böötï ki gïno beer.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Ethiopia