Dut Pwøc Dudi
Dudi
Duut Mo Kwaca Jwøk Kiper Ŋøl Mare Na Näk Adïëri
1Wui Wuuö Jwøk, wïny luumma ni beer, ni cegï ïthï ko oduuya,
wïny lam mara man lama ni bäŋ cwøk yie en.
2Beerra man ŋølï mara na kare,
ni raŋï gïna na adïëri.
3Ni näk miï lïïmmö baŋa ki wäär, ni neenï cwïnya,
ni raŋŋï aani døc, bäŋ gïn mo raac mo jootï ri bëëtö mara.
A bëëdö ni dhaa yaa gwøø kiper naa ba bääya kany wø cääna.
4Ki køør luummï, dëëra yaa gwøø ki tïïe mo wø tïïc jiyi;
ni dëëra yaa mänö ki uutjïëth dïwït.
5A wø caatha jöörï cooth,
ni bäŋ gïn mo cwanynya tieta.
6Wui Jwøk, a kwaya ïïni, kiper ŋääa ni gïno kwaa tïïyï tïïö jïra;
cek ïthï ni wïnynyï luumma.
7Ï na dïkunyi mar jø wø kan rege buutï kiper nyïïmän moge;
nyooth mëër marï ni wø ba jøøl ki jöö mo rëëma ec.
8Gwøk aani kaamar guu waŋ,
ni kanï aani tiet bwöpï,
9kiper jø raay ni wø many man raanyge aani,
ni beege nyïïmänna moa näk a ege tii dïër wø many aani naa 'näkge.
10Wïthge ege cïëgö ki gïï wø jwør jø møøki,
ni ge cäänö ni ge töödö.
11Gena nø lään bääta, ni ennø, a ege tii dïër;
ni ge manynya jöö man raanyge aani ki gø.
12Ge caala ŋuu mo manynya gïn jaae nee came,
ni caalge nyi ŋuu mo omøør piny.
13Wui Wuuö Jwøk, ö maal, ni päärï yïthakicwa ni böötï geni.
Køny aani ceŋ jøøa reyø ki køør mano tïïyï ko opëëllö marï.
14Wui Wuuö Jwøk, ki køør teegï, køny aani ceŋ jiy,
ni beege jøøa näk ojäŋ ki jap bäät piny.
Yïthge opääŋï ki gïïa näk iï kanø kiperge,
ni jïtge ko obwöre mo thööth ki køør mana manyge,
ni wecge japge jï obwöre moge.
15'Ba aani ki dëëra, täärnyïmï oneena ni bäŋ ajäla bääta këët.
Kanyo pääa,#17:15 Kanyo pääa kanymør cäänö kaper kwøw køør thøø. a puta bëëtö ni yia met ki køør mano bëëda buutï.
Currently Selected:
Dut Pwøc Dudi: AnyuB
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia