Dut Pwøc Dudi
Dudi
Duut Mo Pwøca Wuuö Jwøk Kiper Køny Mare
1Wui, ï na Jwøk, gwøk aani, kiper raa yaa kan buutï.
2Aana köö jïrï, ï na Wuuö Jwøk, ni «Beeye ïïni na kwääya,
jammi bëët moa beyø na en jïra käla baŋï.»
3Jøøa bëëdö na jic Jwøk yi ŋöömmi, gena jiy mo owøørø,
ni beege jøøa met yia ki geni døc.
4'Ba jø wø jier juu møøk ge meeta kïmmö bäätge.
Aani a ba cïpi ko olämme jï juu moge,
ni ba kïtha nyeŋ juu moge dhaa.
5Wui Wuuö Jwøk, gïna pere leth na tïïyï jïra beeye ki man bëëdï ni ïïna Jwøk mara,
ni gum dëël mara ena cerï.
6Adïëri møn, bëëtö mara bäre atïïyï ni beer,
ni caala dhaanhø mo ojïtö ki ŋøøm mo beyø mo duunnö ki met ec jïre.
7Aani Wuuö Jwøk wø pwøa pwøø, eni ni wø pwöny aani;
ki wäär thuwø, acaare moe na näk yaa kan cwïnya wø cäŋa cïpö ki pwöc jïra.
8Aani a wø bëëdö naa lääŋŋa Wuuö Jwøk cooth;
a ba pädhi kiper mana bëëde ni eni nut buuta.
9Kiper manøgønø, yia atïmö ni met, ni kanynya,
ni puta bëëtö ni aano gwøø.
10Kiper jwïëya ba wiiï kar bëët jwïëc jøøa no othøw,
ni ö dëër dhaanhnhï na en kur keere ni ba wëëgï gø bëëtö yi bwörö.
11Øtjöör kwøw wø nyuunhnhï aani,
ni døøyï yia mo met døc kiper man wø nudï buuta;
'ba gïï wø cïpi ki met ec nutö buutï cooth.
Currently Selected:
Dut Pwøc Dudi: AnyuB
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia