Maak 11
11
Kanya Døny Jecu Yi Jerucalem Ni Ena Bäät Nya Arëën
(Mathiew 21:1-11; Luk 19:28-40; Jøøn 12:12-19)
1'Ba na tïm karge ni cään ki Jerucalem, yi Bethpec ki Bethani, buut Kïn Ølip, Jecu bääge ariiø ajääŋŋe, 2ni kööe jïge, ni «Cou paanø ni en nyïmmu enø. 'Ba kanyo dønynyu yie ennø, u puta jïtö ki nya arëën mo otwöö piny, mo poot bäŋ dhaanhø mo oeth bääte. Wär pätu ni kälu gø. 3'Ba ni näk da ŋat mo cäännö ki uuni, na ‹?Aperŋø ni tïïyu gïn?› wär caannu jïre, ni ‹Kwäärö manynya gø, 'ba olaar duu kany.› »
4Ni cige ni jootge nya arëën no otwöö piny dhi øtø buut waŋjöö jaak. Ni pätge gø. 5'Ba jøøa cuŋŋö kaace, gena köö jïge, na «?Agïnaŋø ni tïïyu ni pätu nya arëën en?» 6Ni caange gïna caan Jecu jïge, ni wëëk geni wääth. 7Ni kälge arëënögø baŋ Jecu ni peethge abïïkge bääte. Ni ö Jecu ni pï bäät gø. 8Ni ö jiyi mo thööth ni peethge abïïkge waŋjöö, ni ö jø møga ni peethge bøøk jenni waŋjöö moa ŋøtge dï pwöth. 9Ni ö jøøa bwödhö nyïm ki jøøa cäädhö cään, ni rëëtge, ni
«Odhaana! Pwøc en jï Jwøk!#11:9 Odhaana beeye dhi Ibaru, ni tiere beeye Piem waani kawaane! 'Ba køøre cään atïmö na dwøl mar pwøc.
Gwïëth en ri ŋat ööi en ki nyeŋ Wuuö Jwøk.
10Gwïëth en ri buc kwarø ma Deebit noo ööi.
Wui, Odhaana! Pwøc en jï Jwøk ni en maalø!»#Dut Pwøc 118:25-26
11Ni ö Jecu ni døny yi Jerucalem, ni ci yi Øt Jwøk Mana Dwøŋ. 'Ba na neen jammi bëët, ni cäŋ oløny ni thiinh, ena aay ni døø yi Bethani ki bääge na näk apaar kurriiø.
Kanya Ö Jecu Na Cien Olaama Näk Ree Bäŋ Nyïëdi
(Mathiew 21:18-19)
12'Ba na tïme na aruunnø man, kanya nø tïŋge ki yi Bethani, Jecu anäk käci. 13'Ba na neen olaam ki kany mo bäär mo dëëre da bøøge, ena ci kuna neen gø, ki man näk mo da nyïëdi mo joode dëër gø. 'Ba na pïïe buut gø, bäŋ gïn mo ee joodø, 'ba beeye bøøge jaak. Kiper patha kanya doo olämmi ciek yie. 14Ni kööe jïgø, ni «Kär dee dhaanhø mo cämö dëërï ki nyïëdi këët.» 'Ba gïnögø awïny bääge.
Kanya Ö Jecu Na Rïëm Jø Gath Wøk Ki Yi Kal Mar Øt Jwøk
(Mathiew 21:12-17; Luk 19:45-48; Jøøn 2:13-22)
15Kanyøgø gena ö yi Jerucalem. Ni ö Jecu ni døny yi kal mar Øt Jwøk Mana Dwøŋ, ni täge ki man riem jøøa gädhö ki jammi wøk bëët yi øt Jwøk, ki jøøa ŋëëö, ni jaal tharabëëte mo jø wø wïïdö ki gwel, ni jaal köömmi mo jø wø gädhö ka akuyi. 16Ni bäŋe ŋat mo ee wëëk ŋøl dï Øt Jwøk Mana Dwøŋ ni tïëdö ki gïrpiny. 17Ni kööm geni ni kööe, na «?Aŋø, paa ogöörö, ni ‹Øda doo cwølø ni øt lam kiper mïëri bëët›?#Aydheea 56:7 'Ba atïïyu na kar dïmute.»#Jeremaya 7:11
18'Ba gïnögø awïny kwääc laammi ki dïpööye mo ciik Jwøk ni määnyge ki jöö man 'näkge eni ki gø, kiper na lwäärge ki eni, kiper mana tïm lwaaki bäre ni yïthge orëëm ki pwöc moe.
19'Ba na tïme na abøøya, Jecu ki bääge gena aa wøk ki dï pääny.
Kanya Bäp Olaama Cien Jecu
(Mathiew 21:20-22)
20'Ba na tïme na amöölla man ni Jecu ki bääge ge cäädha jöö, olaam aneenge no obäp, ni tägi ka lweedi moe. 21Ni ö Piterri ni par wïïe ni kööe jï Jecu, «Dïpööy, neen olaama cienï, abäp.»
22Ni løgi ya Jecu jïge, «Ŋääthu Jwøk. 23Adïëri møn a caana gø jïïu, ŋato wäro cäänni ki kïti, ni ‹Tïŋ riï ni leeŋï riï yi naama dwøŋ›, ni cwïnye bäŋ ataa, 'ba ojïëy ni ŋäädhe ni gïna caane thura kare, di tïïö jïre. 24Kiper manøgønø, a caana gø jïïu, ni gïn wäro pëënynyu ki lam wär ŋääthu ni gïnögø cøøa jïïu. 'Ba oci jïïu. 25'Ba kanyo wäro cuŋŋu nou lämö, ni näk da gïn mo ena cwïnynyu ki ŋat mør, wär weyu, kiper nee Wääu thuwø ni en maal nee mou na dhallu wiie.»#11:25 Täk luubö man nut ki dhi Gïrïïk yïth weet Maak møøk moa cääŋŋe: 26 'Ba ni näk raac ŋat mør ba weyu, Wääu ni en maal mou na dhallu ba wiie thuwø.
Kanya Pëëny Jecu Ki Jöör Teek Mare
(Mathiew 21:23-27; Luk 20:1-8)
27Ni ö Jecu ki bääge ni cäŋge ö yi Jerucalem. 'Ba kanya cäädhe yi kal mar Øt Jwøk Mana Dwøŋ, kwääc laam, ki dïpööye mo ciik Jwøk, ki jaae aö baŋe. 28Ni köge jïgø, na «?A teega ŋø ni wø tïïyï gïïögøøni ki gø? ?Na aŋa na wëëk ïïni teegøgø ki man tïïyï ge?»
29'Ba Jecu aköö jïge, no «U pëënynya pëënynyö ki pïëc aciel. 'Ba noo løgu gø jïra, teek man wø tïïa gïïögø ki gø ocaana jïïu. 30A pëënynya uuni, ?lwøk mana löö Jøønni ki gø na nyuudhi, käla maal na bëëde, wala käla baŋ jiy? Løgu jïra.»
31Ni jït yïthakicge keerge ki pïëm, ni «Noo caanø gø, ni ‹Käla maal›, eni köö, na ‹?Aŋø nø, na ba jïëyu ni ŋääthu eni?› 32?'Ba olønye jïïø nidïï ki man kööø, ni ‹Käla baŋ jiy›?» Kiper ge lwäär ki jiy, kiper mana bëët jiyi bëët ni geno jïëy ni Jøøn a nyikuŋ Jwøk mana na adïëri.
33Kiper manøgønø, aløkge jï Jecu, ni «Kucwa.»
Ni kö Jecu jïge, «Aani thuwø, teek man wø tïïa gïïögø ki gø, ba caana jïïu.»
Currently Selected:
Maak 11: AnyuB
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Ethiopia
Maak 11
11
Kanya Døny Jecu Yi Jerucalem Ni Ena Bäät Nya Arëën
(Mathiew 21:1-11; Luk 19:28-40; Jøøn 12:12-19)
1'Ba na tïm karge ni cään ki Jerucalem, yi Bethpec ki Bethani, buut Kïn Ølip, Jecu bääge ariiø ajääŋŋe, 2ni kööe jïge, ni «Cou paanø ni en nyïmmu enø. 'Ba kanyo dønynyu yie ennø, u puta jïtö ki nya arëën mo otwöö piny, mo poot bäŋ dhaanhø mo oeth bääte. Wär pätu ni kälu gø. 3'Ba ni näk da ŋat mo cäännö ki uuni, na ‹?Aperŋø ni tïïyu gïn?› wär caannu jïre, ni ‹Kwäärö manynya gø, 'ba olaar duu kany.› »
4Ni cige ni jootge nya arëën no otwöö piny dhi øtø buut waŋjöö jaak. Ni pätge gø. 5'Ba jøøa cuŋŋö kaace, gena köö jïge, na «?Agïnaŋø ni tïïyu ni pätu nya arëën en?» 6Ni caange gïna caan Jecu jïge, ni wëëk geni wääth. 7Ni kälge arëënögø baŋ Jecu ni peethge abïïkge bääte. Ni ö Jecu ni pï bäät gø. 8Ni ö jiyi mo thööth ni peethge abïïkge waŋjöö, ni ö jø møga ni peethge bøøk jenni waŋjöö moa ŋøtge dï pwöth. 9Ni ö jøøa bwödhö nyïm ki jøøa cäädhö cään, ni rëëtge, ni
«Odhaana! Pwøc en jï Jwøk!#11:9 Odhaana beeye dhi Ibaru, ni tiere beeye Piem waani kawaane! 'Ba køøre cään atïmö na dwøl mar pwøc.
Gwïëth en ri ŋat ööi en ki nyeŋ Wuuö Jwøk.
10Gwïëth en ri buc kwarø ma Deebit noo ööi.
Wui, Odhaana! Pwøc en jï Jwøk ni en maalø!»#Dut Pwøc 118:25-26
11Ni ö Jecu ni døny yi Jerucalem, ni ci yi Øt Jwøk Mana Dwøŋ. 'Ba na neen jammi bëët, ni cäŋ oløny ni thiinh, ena aay ni døø yi Bethani ki bääge na näk apaar kurriiø.
Kanya Ö Jecu Na Cien Olaama Näk Ree Bäŋ Nyïëdi
(Mathiew 21:18-19)
12'Ba na tïme na aruunnø man, kanya nø tïŋge ki yi Bethani, Jecu anäk käci. 13'Ba na neen olaam ki kany mo bäär mo dëëre da bøøge, ena ci kuna neen gø, ki man näk mo da nyïëdi mo joode dëër gø. 'Ba na pïïe buut gø, bäŋ gïn mo ee joodø, 'ba beeye bøøge jaak. Kiper patha kanya doo olämmi ciek yie. 14Ni kööe jïgø, ni «Kär dee dhaanhø mo cämö dëërï ki nyïëdi këët.» 'Ba gïnögø awïny bääge.
Kanya Ö Jecu Na Rïëm Jø Gath Wøk Ki Yi Kal Mar Øt Jwøk
(Mathiew 21:12-17; Luk 19:45-48; Jøøn 2:13-22)
15Kanyøgø gena ö yi Jerucalem. Ni ö Jecu ni døny yi kal mar Øt Jwøk Mana Dwøŋ, ni täge ki man riem jøøa gädhö ki jammi wøk bëët yi øt Jwøk, ki jøøa ŋëëö, ni jaal tharabëëte mo jø wø wïïdö ki gwel, ni jaal köömmi mo jø wø gädhö ka akuyi. 16Ni bäŋe ŋat mo ee wëëk ŋøl dï Øt Jwøk Mana Dwøŋ ni tïëdö ki gïrpiny. 17Ni kööm geni ni kööe, na «?Aŋø, paa ogöörö, ni ‹Øda doo cwølø ni øt lam kiper mïëri bëët›?#Aydheea 56:7 'Ba atïïyu na kar dïmute.»#Jeremaya 7:11
18'Ba gïnögø awïny kwääc laammi ki dïpööye mo ciik Jwøk ni määnyge ki jöö man 'näkge eni ki gø, kiper na lwäärge ki eni, kiper mana tïm lwaaki bäre ni yïthge orëëm ki pwöc moe.
19'Ba na tïme na abøøya, Jecu ki bääge gena aa wøk ki dï pääny.
Kanya Bäp Olaama Cien Jecu
(Mathiew 21:20-22)
20'Ba na tïme na amöölla man ni Jecu ki bääge ge cäädha jöö, olaam aneenge no obäp, ni tägi ka lweedi moe. 21Ni ö Piterri ni par wïïe ni kööe jï Jecu, «Dïpööy, neen olaama cienï, abäp.»
22Ni løgi ya Jecu jïge, «Ŋääthu Jwøk. 23Adïëri møn a caana gø jïïu, ŋato wäro cäänni ki kïti, ni ‹Tïŋ riï ni leeŋï riï yi naama dwøŋ›, ni cwïnye bäŋ ataa, 'ba ojïëy ni ŋäädhe ni gïna caane thura kare, di tïïö jïre. 24Kiper manøgønø, a caana gø jïïu, ni gïn wäro pëënynyu ki lam wär ŋääthu ni gïnögø cøøa jïïu. 'Ba oci jïïu. 25'Ba kanyo wäro cuŋŋu nou lämö, ni näk da gïn mo ena cwïnynyu ki ŋat mør, wär weyu, kiper nee Wääu thuwø ni en maal nee mou na dhallu wiie.»#11:25 Täk luubö man nut ki dhi Gïrïïk yïth weet Maak møøk moa cääŋŋe: 26 'Ba ni näk raac ŋat mør ba weyu, Wääu ni en maal mou na dhallu ba wiie thuwø.
Kanya Pëëny Jecu Ki Jöör Teek Mare
(Mathiew 21:23-27; Luk 20:1-8)
27Ni ö Jecu ki bääge ni cäŋge ö yi Jerucalem. 'Ba kanya cäädhe yi kal mar Øt Jwøk Mana Dwøŋ, kwääc laam, ki dïpööye mo ciik Jwøk, ki jaae aö baŋe. 28Ni köge jïgø, na «?A teega ŋø ni wø tïïyï gïïögøøni ki gø? ?Na aŋa na wëëk ïïni teegøgø ki man tïïyï ge?»
29'Ba Jecu aköö jïge, no «U pëënynya pëënynyö ki pïëc aciel. 'Ba noo løgu gø jïra, teek man wø tïïa gïïögø ki gø ocaana jïïu. 30A pëënynya uuni, ?lwøk mana löö Jøønni ki gø na nyuudhi, käla maal na bëëde, wala käla baŋ jiy? Løgu jïra.»
31Ni jït yïthakicge keerge ki pïëm, ni «Noo caanø gø, ni ‹Käla maal›, eni köö, na ‹?Aŋø nø, na ba jïëyu ni ŋääthu eni?› 32?'Ba olønye jïïø nidïï ki man kööø, ni ‹Käla baŋ jiy›?» Kiper ge lwäär ki jiy, kiper mana bëët jiyi bëët ni geno jïëy ni Jøøn a nyikuŋ Jwøk mana na adïëri.
33Kiper manøgønø, aløkge jï Jecu, ni «Kucwa.»
Ni kö Jecu jïge, «Aani thuwø, teek man wø tïïa gïïögø ki gø, ba caana jïïu.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Ethiopia