Mathiew 23
23
Ajäla Mana Ö Jecu Na Jääl Dïpööye Mo Ciik Jwøk Ki Jø Paricith Ki Gø
(Maak 12:40; Luk 11:39-42, 44, 52; 20:47)
1Kanyøgø Jecu lwaak ki bääge aluumme, ni kööe, 2ni «Dïpööye mo ciik Jwøk ki jø Paricith geno dööŋ kar Modhe ni ge pöö. 3Kiper manøgønø, tïïyu gïn wäro caange jïïu ni gwøgu gø, 'ba gïn wø tïïcge kär tïïyu. Kiper gïrpiny wø køpge købø, ni ba tïïcge gø. 4Kiper ge wø twöya tëër mo dwøŋ mo peek ki man tïëti, ni kïthge geni göök jiy. 'Ba ge ki dëëtge gïïögø ba maarge gut këël ki lweetge kiree. 5Ni tïïe moge bëët wø tïïcge kaper nee neen jiyi. Kiper opïri moge mo wø twöö dëël na näk tiet weet Jwøk okwøø yïthge wø tïïcge tïïö ni døøŋŋø, ni tïïcge okuri mo waare mo wø twöö ceŋ aleeŋŋe moge#23:5 Luubö mo cäänö kiper okuri mo waare mo wø twöö ceŋ aleeŋŋe løny ki man kwaani yi wëël Kwään Jiy 15:37-41. ni thøøthge bäyö døc, 6ni yïthge met ka kwör mo ge di wøørø yïthge kwör caammi, ni yïthge met ki kwör bëëte moa beyø geni yïth uut acook lam, 7ni ge manynya man määth geni kwör gath, ni ge cøør jiyi cøørø ni Dïpööye. 8'Ba uuni, u ba doo cwølø ni Dïpööye. Kiper jïïu da Dïpööy aciel, ni uuna nyïïmëëe bëët. 9Ni bäŋe ŋat cwøllu ni wääu bäät piny. Kiper jïïu da Wääu aciel mo ena maal. 10Ni ba cwøl u ni uuna kwääri. Kiper jïïu da Kwäärö aciel, ni beeye Krictø. 11'Ba ŋato kare dwøŋŋa eni dïïu, otïmö ni tïnynya uuni. 12Kiper ŋat wø døøc dëëre mo dwøŋ, odwøk piny. 'Ba ŋat wø dwøk dëëre piny, kare otïïc ni dwøŋ.
13«'Ba u dïpööye mo ciik Jwøk ki jø Paricith, u na jø atade, otïmö ni raac jïïu, kiper buya käl maal you mänö ki jiy. Kiper u ki dëëtu u ba ci yie, ni jøøa doo ci yie ba wëënnu thuwø.#23:13 Täk luubö man nut ki dhi Gïrïïk yïth weet Mathiew møøk moa cääŋŋe: 14 Otïmö ni raac jïïu, u dïpööye mo ciik Jwøk ki jø Paricith, u na jø atade, kiper u wø dar uut määr thuunhnhi, ni lämu ki lam mo bäär nou nyootha rou. Kiper manøgønø, uuno jïti ka ajäla mo dwøŋŋa eni. 15Otïmö ni raac jïïu, u dïpööye mo ciik Jwøk ki jø Paricith, u na jø atade, kiper u wø wïïrö nou cäädhi ka yïth näm ni cäädhu ki wøk kiper nou jïtu ki dhaanhø aciel mo løk ree. 'Ba noo nø løk ree, døøyu mo raac døc, ni tïme na ŋat mo orømø ki man leeŋi yi maac kar ajäla ni kaala uuni.
16«Otïmö ni raac jïïu, u na dïpïëye ma cööye, u wø köö, ‹Ni näk dhaanhø kööŋŋa ŋëët Øt Jwøk Mana Dwøŋ, pere ba leth døc, 'ba ni näk dhaanhø kööŋŋa ŋëët warkey mar Øt Jwøk Mana Dwøŋ, eni gïna kööŋe kipere ba dee wiiø.› 17?U na cööye ni bäŋ wïdhi en, aŋø, a mane ni dwøŋŋa eni, beeye warkey wala Øt Jwøk Mana Dwøŋ na tïïc warkey ni ena kur keere na mar Jwøk? 18Ni kööu, ‹Ni näk dhaanhø kööŋŋa ŋëët gïn wø cïp olämme bääte, pere ba leth døc; 'ba ni näk dhaanhø kööŋŋa ŋëët olämi mano cïp bäät gïn wø cïp olämme bääte, gïna kööŋe kipere ba dee wiiø.› 19?U na cööye en, aŋø, a mane ni dwøŋŋa eni, beeye olämi wala gïn wø cïp olämme bääte na tïïc olämi ni ena kur keere na mar Jwøk? 20Kiper manøgønø, ŋat wø kööŋ ŋëët gïn wø cïp olämme bääte, kööŋŋa ŋëët gø ki jammi bëët mo wø en bääte. 21Ni ŋat wø kööŋ ŋëët Øt Jwøk Mana Dwøŋ, kööŋŋa ŋëët gø ki ŋëët Jwøk ni wø bëëdö yie. 22Ni ŋat wø kööŋ ŋëët maal, kööŋŋa ŋëët wäl Jwøk ki ŋëët Jwøk ni wø bëëdö bääte.
23«Otïmö ni raac jïïu, u dïpööye mo ciik Jwøk ki jø Paricith, u na jø atade, kiper u wø cïpa paac wïth jammi jï Jwøk røk gïï wø thenh thenh wø piith lak paac,#23:23 Gïï wø thenh thenh moøgø beege gïï wø ŋwääi ni met ni wø kïth yi kadø. ni weyu moa perge leth ri ciik Jwøk, teeŋ ka ŋøl luup ni beer, ki køny, ki ŋäädhe. Gïïögø beege gïïa dou tïïö, ni ba weyu moøgø thuwø. 24U na dïpïëye ma cööye, u wø thïï twöŋö wøk ni mwønynyu athïrööl.
25«Otïmö ni raac jïïu, u dïpööye mo ciik Jwøk ki jø Paricith, u na jø atade, kiper u wø penya ŋää awal ki ŋää athäänh, 'ba yïthge päŋ ki møt ki rääö. 26U jø Paricith, u na cööye, kwøŋu ya awal ki ya athäänh peny, køøre ŋäthge otïmö ni waany thuwø.
27«Otïmö ni raac jïïu, u dïpööye mo ciik Jwøk ki jø Paricith, u na jø atade, kiper u caala bwör mo orwødhø ki booya mo tar, ni wø nëëni ni mïërö ki wøk, 'ba yïthge päŋ ki cuu jiy mo othøw ki gïï mo reyø bëët. 28Kaawat manøgøøni, u nëëni na jiy mo beyø ki jï jiy, 'ba yïthu päŋ ka atade ki rääö.
29«Otïmö ni raac jïïu, u dïpööye mo ciik Jwøk ki jø Paricith, u na jø atade, kiper uuni, uut bwör mo nyïïkuk Jwøk wø geerru geerø ni ŋwaŋŋu bwöc jøøa beyø ni mïërö, 30ni kööu, ni ‹Doo naa ø nut ri nïr kwäyø, ø ba doo dwätö ki geni ki man kønynyø rem mo nyïïkuk Jwøk piny.› 31Manøgøøni, u køpa rou ni uuna nyïïkwaac jøøa tïïc gïï mo leth dëët nyïïkuk Jwøk ni 'näkge ge. 32'Ba ennø, putu bëëtö nou tïïya gïna tïïc kwäyu. 33?U na thwöre, ni nägu nyïï thwöre, uuno bøthu nidïï ki man ŋøl ajäl maac bäätu? 34Kiper manøgønø, nyïïkuk Jwøk, ki jøøa wïthge leer, ki dïpööye mo ciik Jwøk jääŋŋa jääŋŋö baŋu. Jø møøk dïge 'nägu nääö, ni guru ge bäät jenni moa no odëëdö, ni pöötu møøk yïth uut acook lam mou, ni riemmu geni wøk paani nø, ki paani nø. 35'Ba kwör rep jøøa beyø na køny piny bäät piny oduu bäätu, ni tägi ka rem Eebel na näk mare beer këël mano këët ri rem Dhekaraya o Barakia,#2 Luup Nyeye 24:20-22 ŋata 'nägu yaakic Øt Jwøk Mana Dwøŋ ki gïn wø cïp olämme bääte. 36Adïëri møn, a cäänna uuni, ni gïïögø bëët opïï bäät jø pinyi en.
Kanya Ö Jecu Na Jwøk Per Jerucalem
(Luk 13:34-35)
37«Wui, Jerucalem, Jerucalem, ï wø nääŋ nyïïkuk Jwøk ni këërï jø wø jääŋŋi baŋï ki kïte. ?A kwöre adïï naa manynya man cooŋa nyïïï kanya ciel, kaawat man wø tïïc gwienø wø cooŋ nyïïe tiet bwöpe, nou kweeyø? 38'Ba neennu, pou adööŋ jïïu no oränynyö. 39Kiper a cäänna uuni, naa ba jootu këët, këël mano kööu, ni ‹Gwïëth en jï ŋat ööi en ki nyeŋ Wuuö Jwøk.› »#Dut Pwøc 118:26
Currently Selected:
Mathiew 23: AnyuB
Highlight
Share
Compare
Copy
Want to have your highlights saved across all your devices? Sign up or sign in
© The Bible Society of Ethiopia
Mathiew 23
23
Ajäla Mana Ö Jecu Na Jääl Dïpööye Mo Ciik Jwøk Ki Jø Paricith Ki Gø
(Maak 12:40; Luk 11:39-42, 44, 52; 20:47)
1Kanyøgø Jecu lwaak ki bääge aluumme, ni kööe, 2ni «Dïpööye mo ciik Jwøk ki jø Paricith geno dööŋ kar Modhe ni ge pöö. 3Kiper manøgønø, tïïyu gïn wäro caange jïïu ni gwøgu gø, 'ba gïn wø tïïcge kär tïïyu. Kiper gïrpiny wø køpge købø, ni ba tïïcge gø. 4Kiper ge wø twöya tëër mo dwøŋ mo peek ki man tïëti, ni kïthge geni göök jiy. 'Ba ge ki dëëtge gïïögø ba maarge gut këël ki lweetge kiree. 5Ni tïïe moge bëët wø tïïcge kaper nee neen jiyi. Kiper opïri moge mo wø twöö dëël na näk tiet weet Jwøk okwøø yïthge wø tïïcge tïïö ni døøŋŋø, ni tïïcge okuri mo waare mo wø twöö ceŋ aleeŋŋe moge#23:5 Luubö mo cäänö kiper okuri mo waare mo wø twöö ceŋ aleeŋŋe løny ki man kwaani yi wëël Kwään Jiy 15:37-41. ni thøøthge bäyö døc, 6ni yïthge met ka kwör mo ge di wøørø yïthge kwör caammi, ni yïthge met ki kwör bëëte moa beyø geni yïth uut acook lam, 7ni ge manynya man määth geni kwör gath, ni ge cøør jiyi cøørø ni Dïpööye. 8'Ba uuni, u ba doo cwølø ni Dïpööye. Kiper jïïu da Dïpööy aciel, ni uuna nyïïmëëe bëët. 9Ni bäŋe ŋat cwøllu ni wääu bäät piny. Kiper jïïu da Wääu aciel mo ena maal. 10Ni ba cwøl u ni uuna kwääri. Kiper jïïu da Kwäärö aciel, ni beeye Krictø. 11'Ba ŋato kare dwøŋŋa eni dïïu, otïmö ni tïnynya uuni. 12Kiper ŋat wø døøc dëëre mo dwøŋ, odwøk piny. 'Ba ŋat wø dwøk dëëre piny, kare otïïc ni dwøŋ.
13«'Ba u dïpööye mo ciik Jwøk ki jø Paricith, u na jø atade, otïmö ni raac jïïu, kiper buya käl maal you mänö ki jiy. Kiper u ki dëëtu u ba ci yie, ni jøøa doo ci yie ba wëënnu thuwø.#23:13 Täk luubö man nut ki dhi Gïrïïk yïth weet Mathiew møøk moa cääŋŋe: 14 Otïmö ni raac jïïu, u dïpööye mo ciik Jwøk ki jø Paricith, u na jø atade, kiper u wø dar uut määr thuunhnhi, ni lämu ki lam mo bäär nou nyootha rou. Kiper manøgønø, uuno jïti ka ajäla mo dwøŋŋa eni. 15Otïmö ni raac jïïu, u dïpööye mo ciik Jwøk ki jø Paricith, u na jø atade, kiper u wø wïïrö nou cäädhi ka yïth näm ni cäädhu ki wøk kiper nou jïtu ki dhaanhø aciel mo løk ree. 'Ba noo nø løk ree, døøyu mo raac døc, ni tïme na ŋat mo orømø ki man leeŋi yi maac kar ajäla ni kaala uuni.
16«Otïmö ni raac jïïu, u na dïpïëye ma cööye, u wø köö, ‹Ni näk dhaanhø kööŋŋa ŋëët Øt Jwøk Mana Dwøŋ, pere ba leth døc, 'ba ni näk dhaanhø kööŋŋa ŋëët warkey mar Øt Jwøk Mana Dwøŋ, eni gïna kööŋe kipere ba dee wiiø.› 17?U na cööye ni bäŋ wïdhi en, aŋø, a mane ni dwøŋŋa eni, beeye warkey wala Øt Jwøk Mana Dwøŋ na tïïc warkey ni ena kur keere na mar Jwøk? 18Ni kööu, ‹Ni näk dhaanhø kööŋŋa ŋëët gïn wø cïp olämme bääte, pere ba leth døc; 'ba ni näk dhaanhø kööŋŋa ŋëët olämi mano cïp bäät gïn wø cïp olämme bääte, gïna kööŋe kipere ba dee wiiø.› 19?U na cööye en, aŋø, a mane ni dwøŋŋa eni, beeye olämi wala gïn wø cïp olämme bääte na tïïc olämi ni ena kur keere na mar Jwøk? 20Kiper manøgønø, ŋat wø kööŋ ŋëët gïn wø cïp olämme bääte, kööŋŋa ŋëët gø ki jammi bëët mo wø en bääte. 21Ni ŋat wø kööŋ ŋëët Øt Jwøk Mana Dwøŋ, kööŋŋa ŋëët gø ki ŋëët Jwøk ni wø bëëdö yie. 22Ni ŋat wø kööŋ ŋëët maal, kööŋŋa ŋëët wäl Jwøk ki ŋëët Jwøk ni wø bëëdö bääte.
23«Otïmö ni raac jïïu, u dïpööye mo ciik Jwøk ki jø Paricith, u na jø atade, kiper u wø cïpa paac wïth jammi jï Jwøk røk gïï wø thenh thenh wø piith lak paac,#23:23 Gïï wø thenh thenh moøgø beege gïï wø ŋwääi ni met ni wø kïth yi kadø. ni weyu moa perge leth ri ciik Jwøk, teeŋ ka ŋøl luup ni beer, ki køny, ki ŋäädhe. Gïïögø beege gïïa dou tïïö, ni ba weyu moøgø thuwø. 24U na dïpïëye ma cööye, u wø thïï twöŋö wøk ni mwønynyu athïrööl.
25«Otïmö ni raac jïïu, u dïpööye mo ciik Jwøk ki jø Paricith, u na jø atade, kiper u wø penya ŋää awal ki ŋää athäänh, 'ba yïthge päŋ ki møt ki rääö. 26U jø Paricith, u na cööye, kwøŋu ya awal ki ya athäänh peny, køøre ŋäthge otïmö ni waany thuwø.
27«Otïmö ni raac jïïu, u dïpööye mo ciik Jwøk ki jø Paricith, u na jø atade, kiper u caala bwör mo orwødhø ki booya mo tar, ni wø nëëni ni mïërö ki wøk, 'ba yïthge päŋ ki cuu jiy mo othøw ki gïï mo reyø bëët. 28Kaawat manøgøøni, u nëëni na jiy mo beyø ki jï jiy, 'ba yïthu päŋ ka atade ki rääö.
29«Otïmö ni raac jïïu, u dïpööye mo ciik Jwøk ki jø Paricith, u na jø atade, kiper uuni, uut bwör mo nyïïkuk Jwøk wø geerru geerø ni ŋwaŋŋu bwöc jøøa beyø ni mïërö, 30ni kööu, ni ‹Doo naa ø nut ri nïr kwäyø, ø ba doo dwätö ki geni ki man kønynyø rem mo nyïïkuk Jwøk piny.› 31Manøgøøni, u køpa rou ni uuna nyïïkwaac jøøa tïïc gïï mo leth dëët nyïïkuk Jwøk ni 'näkge ge. 32'Ba ennø, putu bëëtö nou tïïya gïna tïïc kwäyu. 33?U na thwöre, ni nägu nyïï thwöre, uuno bøthu nidïï ki man ŋøl ajäl maac bäätu? 34Kiper manøgønø, nyïïkuk Jwøk, ki jøøa wïthge leer, ki dïpööye mo ciik Jwøk jääŋŋa jääŋŋö baŋu. Jø møøk dïge 'nägu nääö, ni guru ge bäät jenni moa no odëëdö, ni pöötu møøk yïth uut acook lam mou, ni riemmu geni wøk paani nø, ki paani nø. 35'Ba kwör rep jøøa beyø na køny piny bäät piny oduu bäätu, ni tägi ka rem Eebel na näk mare beer këël mano këët ri rem Dhekaraya o Barakia,#2 Luup Nyeye 24:20-22 ŋata 'nägu yaakic Øt Jwøk Mana Dwøŋ ki gïn wø cïp olämme bääte. 36Adïëri møn, a cäänna uuni, ni gïïögø bëët opïï bäät jø pinyi en.
Kanya Ö Jecu Na Jwøk Per Jerucalem
(Luk 13:34-35)
37«Wui, Jerucalem, Jerucalem, ï wø nääŋ nyïïkuk Jwøk ni këërï jø wø jääŋŋi baŋï ki kïte. ?A kwöre adïï naa manynya man cooŋa nyïïï kanya ciel, kaawat man wø tïïc gwienø wø cooŋ nyïïe tiet bwöpe, nou kweeyø? 38'Ba neennu, pou adööŋ jïïu no oränynyö. 39Kiper a cäänna uuni, naa ba jootu këët, këël mano kööu, ni ‹Gwïëth en jï ŋat ööi en ki nyeŋ Wuuö Jwøk.› »#Dut Pwøc 118:26
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© The Bible Society of Ethiopia