Ciik Kiper Dïlämme Luubö Mo Cäänö Kaper Wëël Ciik Kiper Dïlämme
Luubö Mo Cäänö Kaper Wëël Ciik Kiper Dïlämme
Luup moa no ogöörö yi wëël Ciik Kiper Dïlämme ena nyïm luup moa no ogöörö yi wëël Bwøth Wøk, ni beeye luup moa caan Jwøki jï jø Icriel ki ri Modhe, ni nyootha yi jöör tïïc mar jøøa jier Jwøki na dïlämme ki røk jø tuuŋ Libay, ni rwöpa ciik moa wara cïp olämme mo lääy ki gø ki muuce mo beel, ki yi jöö man wøør Jwøk ki gø, ki wøør ajwöm ki cääŋŋe moa näk ocïp piny ni wø wøør ki yi cwiir.
Wëëlö man cäänö thuwø kaper bëët Jwøk ki man näk mo Jwøk ena kur keere, ki yi jöör lam man wø ö jiyi wø lamge Jwøk ki gø, ki dwätö man wø en yïthakicge ki Jwøk. Ni yie da ciik thuwø mo cäänö kiper bëëtö mar jiy.
Luubö mør mo di joodø yi wëëlö man beeye kanya røøny Aran ki wääte na dïlämme.
Yïth nïne moøgø, Jwøk lääy wø wëëge cïp no olämme ni køny rem moge piny kiper wëën raay mo jiy. Ni tïïc manøgø bäre nyootha thøø mar Jecu mana køny remme piny na tïmö no olämi mana dwøŋ man wëën raay mo jø bäät piny bëët ki køøre.
Luubö mo pere leth yi wëëlö man di joodø tiel 20:26, «Uuni, bëëdu nou ena kur keeru na 'moa, kiper aani na Wuuö Jwøk, a ena kur keera. Ni beeye aani na cïp uuni kur keeru ki røk wïth juurre møga, nou bëëdu ni uuna 'moa.» Ni maya di joodø tiel 19:18, «Mëërï ki ŋat mør kaawat man wø mëërï ki dëërï.» Ni luubö manøgø beeye riet ciik moa perge leth na caan Jecu.
Luup moa no ogöörö yi wëël Ciik Kiper Dïlämme beege ii:
Ciik kiper yi jöö man wø cïp olämme ki gø (Tielø 1—7)
Kanya røøny Aran ki wääte na dïlämme, ki kanya thøw wääte ariiø moa bääyö (Tiel 8—10)
Ciik kiper gïï mo waany ki gïï mo ba waany (Tiel 11—15)
Luum dïcäŋ man wø tïïc okïdi yie (Tiel 16)
Ciik kiper bëët jiy ki bëët dïlämme (Tiel 17—22)
Ciik kiper yi jöö man wø wøør ajwöm ki gø (Tiel 23—25)
Luum gwïëth ki luum ajäla (Tiel 26)
Ciik kiper jammi mo wø cïp jï Jwøk (Tiel 27) ø
Currently Selected:
Ciik Kiper Dïlämme Luubö Mo Cäänö Kaper Wëël Ciik Kiper Dïlämme: AnyuB
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Ethiopia