Ciik Kiper Dïlämme 19
19
Ciik Ki Man Bëëdö Ki Bëëtö Ma Kare
1'Ba Wuuö Jwøk acäänö ki Modhe ni kööe, 2ni «Caanï jï dhaanh Icriel bäre ni kööï jïge ni Wuuö Jwøk aköö, ni ‹Bëëdu nou ena kur keeru, kiper aani, a na Wuuö Jwøk, a ena kur keera.
3« ‹Ŋati man nø dëëtu, menni ki wänni wär wøøre, ni gwøgu cäŋ jwömö mara. Beeye aani na Wuuö Jwøk, Jwøk maru.
4« ‹Kär nou gaa baŋ juu møøk, ni ba lëënynyu dëëtu ki juu mo lammu. Beeye aani na Wuuö Jwøk, Jwøk maru.
5« ‹Kany wø näk mou cïpö jï Wuuö Jwøk ko olämme mo wø duunni ki mëër, wär cïpu ki jöö mo løny ki man jïëc uuni ki gø. 6Teeŋ olämi manøgø wär put cam dïcäŋo cïpu gø yie, këël amöölla maya, 'ba mano dööŋ noo këët ri dää nïne wär put waaŋ ki maac. 7'Ba ni näk mo dagø mo ocamø ri dää nïne, beeye gïn mo raac ni ba løny ki man jïëy. 8Ŋato cam gø ri dää nïne, ajäla mare ena bääte, kiper eni gïn mo ocïp kur keere jïra, a na Wuuö Jwøk, apääde, ni teeŋ ŋatøgø wär put tïmö ni tøør yïthakic tuuŋge.
9« ‹'Ba kany wäru kayu caammi yïth pwöth mou, kär kayu këël teegi, ni ba døøu køøru ki man kwanynyu caammi moa no odööŋ piny ri kac. 10Ni ba døøu køøru ki man datu nyïïomøki mou wala ki man kwanynyu moa no opäth piny. Beeye aani na Wuuö Jwøk, Jwøk maru.
11« ‹Kärï kwätö, ni ba cäänï ka akaade, ni ba cäänï ki tööt dëër dhaanhø mør.
12« ‹Kärï kööŋ ŋëët nyeŋŋa ki gïn ma tööt, kiper tïmö niï pääta nyeŋŋa, a na Jwøk marï; beeye aani na Wuuö Jwøk.
13« ‹Kär dhaanhø mør caanni, ni ba twierï gø. Ŋat mo tïïö baŋï ki gwel, gwete kär tïïyï nee ruue baŋï ki wäär bäre këël amöölla.
14« ‹Kär dhaanhø ma miiŋ janynyï, ni ba rïï gïn mo cwaanya tielø nyïm cwør, 'ba bëëdï niï lwäära aani, a na Jwøk marï. Beeye aani na Wuuö Jwøk.
15« ‹Kärï ŋudö ki ŋøl mo patha kare kar løøk. Kär niï cwaga ŋata can, ni ba lwäärï ŋata kare dwøŋ; 'ba wär tïme ni mar dhaanhø ŋølï na kare.
16« ‹Kärï wïdö yïthakic jiy ni marï waac nyeŋ, ni ba jølï luubö mo raanynya jwïëc wadu. Beeye aani na Wuuö Jwøk.
17« ‹Kär dee män mo magï maaø ki yi cwïnyï ki ŋat pou. Wadu wär joogï; 'ba ni näk mo ba joogï, bääyö tïmö ni marï thuwø.
18« ‹Kär kwörï coolï, ni ba bëëdï niï män ki jø pou, 'ba mëërï ki ŋat mør kaawat man wø mëërï ki dëërï. Beeye aani na Wuuö Jwøk.
19« ‹Gwøgu ciik 'moa. Lääc paac ariiø ma teeŋi kär tïïyu nee dëëtge käärge. Pwöth mou kär piithu ki teeŋ wïth köödhi ariiø. Käru rwöö ka abïïe mo ocwääö ki teeŋ wïth waare ariiø.
20« ‹Ni näk da dïcwøø mo oci baŋ dhaagø ma laŋŋø na dhaagø, ni dhaaŋŋøgø onø miek dïcwøø mør, 'ba dhaagø manøgø poot kär wïïl wøk cer laŋ ni poot kär wiiø nee aae, geni, ge wär jääl; 'ba ge ba näk, kiper dhaagø manøgø poot kär wiiø. 21'Ba dïcwøø manøgø wär känne ki nywø røømmø no olämi mar wëën bääyö ni cïp gø jï Wuuö Jwøk dho oduŋkaany røømmø. 22Ni ö dïlämi ni tïïc nywø røømmø no okïdi nyïm Wuuö Jwøk kiper raay moa tïïc ŋatøgø, ni ö raayi moa tïïc ŋatøgø ni wëënni.
23« ‹Kanyo dønynyu yi ŋööm Keenan, kanyo pïïdhu ki teeŋ nyïïjenni bëët mo wø cam, nyïëdi moge wär kwaannu kaamar gïï mo ba waany. Wär bëëtge na gïï mo ba waany kiperu ki cwiiri adäk. Kär nee camma geni. 24'Ba noo tïme na ŋweer cwiiri, nyïëdi moge tïmö ni ena kur keerge, no olämme mo Wuuö Jwøk di pwøø ki køørge. 25'Ba noo tïme na bïï cwiiri, nyïëdi moge løny ki man cammu ge. Ki køør mano tïïyu manøgø bäre, nyïëdi mo ociek jïïu omeet. Beeye aani na Wuuö Jwøk, Jwøk maru.
26« ‹Rïŋö mo remø mare poot ena dëëre kär cammu.
« ‹Käru tïïö ki jap adïëda wala u tïïya tïï thïëth.
27« ‹Kär deŋ wïthu liellu, ni ba ŋatu jïëc tïgu.
28« ‹Kany wø näk mo dhaanhø jwöŋö kiper dhaanhø mo othøw, kär dëëre pwöde ki gïn mo beth. Uuni, kär dëëtu kätu. Beeye aani na Wuuö Jwøk.
29« ‹Kär nyïïu päätu ki man tïïyu ge na kääpe,#19:29 Teeŋ käp manøgø kanymør beeye man wø tïïc kwör wø läm juu yïthge mo patha adïëri. Kwaan Mikiya 1:7 kiper nee paac ba päth yi tïï käp, ni put paaci tïmö ni raac.
30« ‹Gwøgu cäŋ jwömö mara ni wøørru kar lam mara na en kur keere. Beeye aani na Wuuö Jwøk.
31« ‹Käru ci kun pëënynyu jøøa näk rege da juu mo cøøra jwïëc jiy moa no othøw, ki jøøa nyeŋge reegø ki jap ajuuk, kiper u tïmö nou ba waany ki køørge. Beeye aani na Wuuö Jwøk, Jwøk maru.
32« ‹Wøørru jøøa wïthge da lwaar ni beege jäle, ni lwäärru aani, a na Jwøk maru. Beeye aani na Wuuö Jwøk.
33« ‹Kanyo näk mo da wëëllö mo path mo bëëdö ka uuni yi ŋöömö maru, kär dee gïn mo raac mo tïïyu tïïö dëëre. 34Wëëllö mo path mo bëëdö dïïu wär raŋŋu kaamar ŋat pou, ni mëërru ki eni kaawat man wø mëërru ki dëëtu. Kiper uuna bëëdö na wëëlle yi ŋööm Ijep. Beeye aani na Wuuö Jwøk, Jwøk maru.
35« ‹Käru ŋudö ki ŋøl mo patha kare kar løøk, ni ba mudu ki jap røm mou. 36Jap røm mou wär bëëtge ni tiir, nee beeye mëëjaan#19:36 Mëëjaan beeye gïr røm man wø nyooth peek gïrpiny. wala iipa wala in.#19:36 Iipa beeye gïr røm mo kanymør röömi ki caapiia, ni rumi man wø cwøl ni in kanymør röömi ki jalöön. Beeye aani na Wuuö Jwøk, Jwøk maru, na käl uuni wøk ki yi ŋööm Ijep.
37« ‹Kiper manøgønø, ciik 'moa bëët ki luup ŋøl 'moa bëët wär gwøgu ni kïthu ge bäät tïïc. Beeye aani na Wuuö Jwøk.› »
Currently Selected:
Ciik Kiper Dïlämme 19: AnyuB
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Ethiopia
Ciik Kiper Dïlämme 19
19
Ciik Ki Man Bëëdö Ki Bëëtö Ma Kare
1'Ba Wuuö Jwøk acäänö ki Modhe ni kööe, 2ni «Caanï jï dhaanh Icriel bäre ni kööï jïge ni Wuuö Jwøk aköö, ni ‹Bëëdu nou ena kur keeru, kiper aani, a na Wuuö Jwøk, a ena kur keera.
3« ‹Ŋati man nø dëëtu, menni ki wänni wär wøøre, ni gwøgu cäŋ jwömö mara. Beeye aani na Wuuö Jwøk, Jwøk maru.
4« ‹Kär nou gaa baŋ juu møøk, ni ba lëënynyu dëëtu ki juu mo lammu. Beeye aani na Wuuö Jwøk, Jwøk maru.
5« ‹Kany wø näk mou cïpö jï Wuuö Jwøk ko olämme mo wø duunni ki mëër, wär cïpu ki jöö mo løny ki man jïëc uuni ki gø. 6Teeŋ olämi manøgø wär put cam dïcäŋo cïpu gø yie, këël amöölla maya, 'ba mano dööŋ noo këët ri dää nïne wär put waaŋ ki maac. 7'Ba ni näk mo dagø mo ocamø ri dää nïne, beeye gïn mo raac ni ba løny ki man jïëy. 8Ŋato cam gø ri dää nïne, ajäla mare ena bääte, kiper eni gïn mo ocïp kur keere jïra, a na Wuuö Jwøk, apääde, ni teeŋ ŋatøgø wär put tïmö ni tøør yïthakic tuuŋge.
9« ‹'Ba kany wäru kayu caammi yïth pwöth mou, kär kayu këël teegi, ni ba døøu køøru ki man kwanynyu caammi moa no odööŋ piny ri kac. 10Ni ba døøu køøru ki man datu nyïïomøki mou wala ki man kwanynyu moa no opäth piny. Beeye aani na Wuuö Jwøk, Jwøk maru.
11« ‹Kärï kwätö, ni ba cäänï ka akaade, ni ba cäänï ki tööt dëër dhaanhø mør.
12« ‹Kärï kööŋ ŋëët nyeŋŋa ki gïn ma tööt, kiper tïmö niï pääta nyeŋŋa, a na Jwøk marï; beeye aani na Wuuö Jwøk.
13« ‹Kär dhaanhø mør caanni, ni ba twierï gø. Ŋat mo tïïö baŋï ki gwel, gwete kär tïïyï nee ruue baŋï ki wäär bäre këël amöölla.
14« ‹Kär dhaanhø ma miiŋ janynyï, ni ba rïï gïn mo cwaanya tielø nyïm cwør, 'ba bëëdï niï lwäära aani, a na Jwøk marï. Beeye aani na Wuuö Jwøk.
15« ‹Kärï ŋudö ki ŋøl mo patha kare kar løøk. Kär niï cwaga ŋata can, ni ba lwäärï ŋata kare dwøŋ; 'ba wär tïme ni mar dhaanhø ŋølï na kare.
16« ‹Kärï wïdö yïthakic jiy ni marï waac nyeŋ, ni ba jølï luubö mo raanynya jwïëc wadu. Beeye aani na Wuuö Jwøk.
17« ‹Kär dee män mo magï maaø ki yi cwïnyï ki ŋat pou. Wadu wär joogï; 'ba ni näk mo ba joogï, bääyö tïmö ni marï thuwø.
18« ‹Kär kwörï coolï, ni ba bëëdï niï män ki jø pou, 'ba mëërï ki ŋat mør kaawat man wø mëërï ki dëërï. Beeye aani na Wuuö Jwøk.
19« ‹Gwøgu ciik 'moa. Lääc paac ariiø ma teeŋi kär tïïyu nee dëëtge käärge. Pwöth mou kär piithu ki teeŋ wïth köödhi ariiø. Käru rwöö ka abïïe mo ocwääö ki teeŋ wïth waare ariiø.
20« ‹Ni näk da dïcwøø mo oci baŋ dhaagø ma laŋŋø na dhaagø, ni dhaaŋŋøgø onø miek dïcwøø mør, 'ba dhaagø manøgø poot kär wïïl wøk cer laŋ ni poot kär wiiø nee aae, geni, ge wär jääl; 'ba ge ba näk, kiper dhaagø manøgø poot kär wiiø. 21'Ba dïcwøø manøgø wär känne ki nywø røømmø no olämi mar wëën bääyö ni cïp gø jï Wuuö Jwøk dho oduŋkaany røømmø. 22Ni ö dïlämi ni tïïc nywø røømmø no okïdi nyïm Wuuö Jwøk kiper raay moa tïïc ŋatøgø, ni ö raayi moa tïïc ŋatøgø ni wëënni.
23« ‹Kanyo dønynyu yi ŋööm Keenan, kanyo pïïdhu ki teeŋ nyïïjenni bëët mo wø cam, nyïëdi moge wär kwaannu kaamar gïï mo ba waany. Wär bëëtge na gïï mo ba waany kiperu ki cwiiri adäk. Kär nee camma geni. 24'Ba noo tïme na ŋweer cwiiri, nyïëdi moge tïmö ni ena kur keerge, no olämme mo Wuuö Jwøk di pwøø ki køørge. 25'Ba noo tïme na bïï cwiiri, nyïëdi moge løny ki man cammu ge. Ki køør mano tïïyu manøgø bäre, nyïëdi mo ociek jïïu omeet. Beeye aani na Wuuö Jwøk, Jwøk maru.
26« ‹Rïŋö mo remø mare poot ena dëëre kär cammu.
« ‹Käru tïïö ki jap adïëda wala u tïïya tïï thïëth.
27« ‹Kär deŋ wïthu liellu, ni ba ŋatu jïëc tïgu.
28« ‹Kany wø näk mo dhaanhø jwöŋö kiper dhaanhø mo othøw, kär dëëre pwöde ki gïn mo beth. Uuni, kär dëëtu kätu. Beeye aani na Wuuö Jwøk.
29« ‹Kär nyïïu päätu ki man tïïyu ge na kääpe,#19:29 Teeŋ käp manøgø kanymør beeye man wø tïïc kwör wø läm juu yïthge mo patha adïëri. Kwaan Mikiya 1:7 kiper nee paac ba päth yi tïï käp, ni put paaci tïmö ni raac.
30« ‹Gwøgu cäŋ jwömö mara ni wøørru kar lam mara na en kur keere. Beeye aani na Wuuö Jwøk.
31« ‹Käru ci kun pëënynyu jøøa näk rege da juu mo cøøra jwïëc jiy moa no othøw, ki jøøa nyeŋge reegø ki jap ajuuk, kiper u tïmö nou ba waany ki køørge. Beeye aani na Wuuö Jwøk, Jwøk maru.
32« ‹Wøørru jøøa wïthge da lwaar ni beege jäle, ni lwäärru aani, a na Jwøk maru. Beeye aani na Wuuö Jwøk.
33« ‹Kanyo näk mo da wëëllö mo path mo bëëdö ka uuni yi ŋöömö maru, kär dee gïn mo raac mo tïïyu tïïö dëëre. 34Wëëllö mo path mo bëëdö dïïu wär raŋŋu kaamar ŋat pou, ni mëërru ki eni kaawat man wø mëërru ki dëëtu. Kiper uuna bëëdö na wëëlle yi ŋööm Ijep. Beeye aani na Wuuö Jwøk, Jwøk maru.
35« ‹Käru ŋudö ki ŋøl mo patha kare kar løøk, ni ba mudu ki jap røm mou. 36Jap røm mou wär bëëtge ni tiir, nee beeye mëëjaan#19:36 Mëëjaan beeye gïr røm man wø nyooth peek gïrpiny. wala iipa wala in.#19:36 Iipa beeye gïr røm mo kanymør röömi ki caapiia, ni rumi man wø cwøl ni in kanymør röömi ki jalöön. Beeye aani na Wuuö Jwøk, Jwøk maru, na käl uuni wøk ki yi ŋööm Ijep.
37« ‹Kiper manøgønø, ciik 'moa bëët ki luup ŋøl 'moa bëët wär gwøgu ni kïthu ge bäät tïïc. Beeye aani na Wuuö Jwøk.› »
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Ethiopia