Ciik Kiper Dïlämme 17
17
Ciik Kiper Remø
1'Ba Wuuö Jwøk acäänö ki Modhe ni kööe, 2ni «Caanï jï Aran ki wääte ki jø Icriel bëët ni kööï jïge ni gïna cem Wuuö Jwøki beeye en: 3‹Ni näk da ŋat dhi øt Icriel mo ŋädö ki dhieŋ wala nyi røømmø wala ateea no olämi yi twïër wala ŋaale wøk ŋää twïër, 4ni käre käl dho oduŋkaany røømmø ni cïp gø no olämi jï Wuuö Jwøk nyïm oduŋkaara mar Wuuö Jwøk kaagø, ajäla mar remø mana øc piny tïmö ni ena bäät ŋatøgø. Eni remø akøny piny ki jaak, ni teeŋ ŋatøgø wär tïme ni tøør yïthakic tuuŋge. 5Manøgø beeye kiper nee jø Icriel teeŋ olämme moa wara cïpge yi pwöla kälge baŋ Wuuö Jwøk dho oduŋkaany røømmø ni cïbi jï dïlämi, ni cïp ge jï Wuuö Jwøk no olämme mo wø duunni ki mëër. 6Dïlämi remø wär køny bäät gïn wø cïp olämme bääte mar Wuuö Jwøk na en dho oduŋkaany røømmø, ni ö eni thuwø ni waaŋ maaw no olämi man wø ŋwääi ni met jï Wuuö Jwøk. 7'Ba jø Icriel ba doo poodø ni ge cïpö ko olämme jï juuga näk otïïö na kït ateea, ni marge gaan wøk kaawat man wø tïïc dhaaŋ paaci mo rïïŋö køør käp. Luubö manøgø put bëëte na ciik jïge na bäre bäre ki yïth beenhnhe moge.›
8«Wär caanï jïge thuwø, ‹Ni näk da ŋat dhi øt Icriel, wala wëëllö mo path mo bëëdö dïge, mo cïpö ko olämi man wø waaŋ bäre wala teeŋ olämi mør, 9ni ba käl olämi manøgø dho oduŋkaany røømmø nee cïbe jï Wuuö Jwøk, ŋatøgø wär tïme ni tøør yïthakic tuuŋge.
10« ‹Ni näk da ŋat dhi øt Icriel wala wëëllö mo path mo bëëdö dïge mo cämö ki remø, aani, a na Wuuö Jwøk, dëëtwa neenwa neenø ki ŋata cam remø enø, ni tïïa eni ni tøør yïthakic tuuŋge. 11Kiper jwïëy mo dëël ena ri remø, ni beeye na cïba gø jïïu nee køny bäät gïn wø cïp olämme bääte no okïdi kiperu, kiper beeye ki køør jwïëy ni wø tïm remø no okïdi. 12Kiper manøgønø, acaana jï jø Icriel, ni «Kär dee dhaanhø dïïu mo cämö ki remø; këël wëëllö mo path mo bëëdö dïïu kär cämö ki remø thuwø.»
13« ‹Ni näk da ŋat Icriel wala wëëllö mo path mo bëëdö dïge mo cøøa baŋ dwaar, nee dwara lääy wala weny moa näk di camø, eni rem gø wär tïïe nee øc piny ni buŋ gø ki ŋøøm. 14Kiper jwïëy man wø en dëër lääy ena ri remø mare, ni beeye ni caana gø jï jø Icriel ni kär dee rem lääy mo camge. Kiper jwïëy man wø en dëër lääy ena ri remø mare, ni ŋat wø cam remø puta tïmö ni tøør yïthakic tuuŋge.
15« ‹Kany wø näk da dhaanhø, nee ŋat Icriel wala wëëllö mo path, mo ocämö ki rïŋ lääy mo othøw keere wala lääy mo onäk cwienynyi, ŋatøgø abïïge wär penye ni lwøe ki pïï; 'ba eni bëëdö ni ba waany këël kanyo päth cäŋŋi. Køøre nø, eni tïmö ni waany. 16'Ba ni näk mo ŋatøgø abïïge ba penye ni ba lwøk dëëre, bääyö mare ena bääte keere.› »
Currently Selected:
Ciik Kiper Dïlämme 17: AnyuB
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Ethiopia
Ciik Kiper Dïlämme 17
17
Ciik Kiper Remø
1'Ba Wuuö Jwøk acäänö ki Modhe ni kööe, 2ni «Caanï jï Aran ki wääte ki jø Icriel bëët ni kööï jïge ni gïna cem Wuuö Jwøki beeye en: 3‹Ni näk da ŋat dhi øt Icriel mo ŋädö ki dhieŋ wala nyi røømmø wala ateea no olämi yi twïër wala ŋaale wøk ŋää twïër, 4ni käre käl dho oduŋkaany røømmø ni cïp gø no olämi jï Wuuö Jwøk nyïm oduŋkaara mar Wuuö Jwøk kaagø, ajäla mar remø mana øc piny tïmö ni ena bäät ŋatøgø. Eni remø akøny piny ki jaak, ni teeŋ ŋatøgø wär tïme ni tøør yïthakic tuuŋge. 5Manøgø beeye kiper nee jø Icriel teeŋ olämme moa wara cïpge yi pwöla kälge baŋ Wuuö Jwøk dho oduŋkaany røømmø ni cïbi jï dïlämi, ni cïp ge jï Wuuö Jwøk no olämme mo wø duunni ki mëër. 6Dïlämi remø wär køny bäät gïn wø cïp olämme bääte mar Wuuö Jwøk na en dho oduŋkaany røømmø, ni ö eni thuwø ni waaŋ maaw no olämi man wø ŋwääi ni met jï Wuuö Jwøk. 7'Ba jø Icriel ba doo poodø ni ge cïpö ko olämme jï juuga näk otïïö na kït ateea, ni marge gaan wøk kaawat man wø tïïc dhaaŋ paaci mo rïïŋö køør käp. Luubö manøgø put bëëte na ciik jïge na bäre bäre ki yïth beenhnhe moge.›
8«Wär caanï jïge thuwø, ‹Ni näk da ŋat dhi øt Icriel, wala wëëllö mo path mo bëëdö dïge, mo cïpö ko olämi man wø waaŋ bäre wala teeŋ olämi mør, 9ni ba käl olämi manøgø dho oduŋkaany røømmø nee cïbe jï Wuuö Jwøk, ŋatøgø wär tïme ni tøør yïthakic tuuŋge.
10« ‹Ni näk da ŋat dhi øt Icriel wala wëëllö mo path mo bëëdö dïge mo cämö ki remø, aani, a na Wuuö Jwøk, dëëtwa neenwa neenø ki ŋata cam remø enø, ni tïïa eni ni tøør yïthakic tuuŋge. 11Kiper jwïëy mo dëël ena ri remø, ni beeye na cïba gø jïïu nee køny bäät gïn wø cïp olämme bääte no okïdi kiperu, kiper beeye ki køør jwïëy ni wø tïm remø no okïdi. 12Kiper manøgønø, acaana jï jø Icriel, ni «Kär dee dhaanhø dïïu mo cämö ki remø; këël wëëllö mo path mo bëëdö dïïu kär cämö ki remø thuwø.»
13« ‹Ni näk da ŋat Icriel wala wëëllö mo path mo bëëdö dïge mo cøøa baŋ dwaar, nee dwara lääy wala weny moa näk di camø, eni rem gø wär tïïe nee øc piny ni buŋ gø ki ŋøøm. 14Kiper jwïëy man wø en dëër lääy ena ri remø mare, ni beeye ni caana gø jï jø Icriel ni kär dee rem lääy mo camge. Kiper jwïëy man wø en dëër lääy ena ri remø mare, ni ŋat wø cam remø puta tïmö ni tøør yïthakic tuuŋge.
15« ‹Kany wø näk da dhaanhø, nee ŋat Icriel wala wëëllö mo path, mo ocämö ki rïŋ lääy mo othøw keere wala lääy mo onäk cwienynyi, ŋatøgø abïïge wär penye ni lwøe ki pïï; 'ba eni bëëdö ni ba waany këël kanyo päth cäŋŋi. Køøre nø, eni tïmö ni waany. 16'Ba ni näk mo ŋatøgø abïïge ba penye ni ba lwøk dëëre, bääyö mare ena bääte keere.› »
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Ethiopia