Aydheea Luubö Mo Cäänö Kaper Wëël Aydheea
Luubö Mo Cäänö Kaper Wëël Aydheea
Aydheea beeye nyikuŋ Jwøk mo dwøŋ mo othïïŋ Jwøki yi Jerucalem ni køpa luum Wuuö Jwøk yïth nïr nyeye aŋween mo jø Juuda. Nyeye moøgø beege Udhaya, ki Jötham, ki Eeyeth, ki Edhekaya. Jwøk ree anyoodhe jï Aydheea ni cwøl gø nee dwøre købe jï jø poge (Tiel 6).
Wëël Aydheea opääŋŋö na kwöre adäk. Ki mano täge ki tielø 1—35, Aydheea caana luup ajäla moa caan Jwøki ni jääla jø Juuda. Kiper geni, ge bëëdö ni wïthge teek ki luum Jwøk, ni Jwøk ege kwierø ki køør tïïe moge. 'Ba Wuuö Jwøk poot bëëdö ni cøøra geni ki man løkge cwïnyge ni køpge raay moge; ni manøgø beeye jöö eni keere mano wëëk geni bødhø ka ajäla. Aydheea luum Macaaya acaane ki kwöre mo thööth ni nyootha bëënynyö mar gø mano en yi nyïm yi bura mare. (7:14; 8:14; 9:2, 6-7; 11:1-2)
'Ba tiel 36—39 cäänö kaper gïï møøk ma atägö yïth nïr nyeya ma Edhekaya, kanya ö nyeny Aciria na määnynye baŋ Jerucalem; ni cäänö kaper täw mana leth na tägö dëër Edhekaya, ki kanya ö Edhekaya na nyooth jap kwär moe bëët jï jøøa jääŋ nyeya mar Babiløn.
'Ba ki mano täge ki tiel 40—66, Aydheea caana luup cøm cwïny, ki luup moa caan Jwøki ni bëët jø Icriel dwøge kare køør gïïa leth na jwørge ceŋ jø Babiløn. Ni gïnögø tïïc Jwøki tïïö ki køør dööŋö mare ki teek mare. 'Ba tiel 40—48 yie da luup mo thööth mo cäänö kaper teek mar Jwøk ki dööŋö mare. Ni tiel 49—57 nyootha öö mar Macaaya, kanyo ööe ni ena ŋat tïïc mar Jwøk kuna jwør gïï mo leth, ni tïme na pïëmi mar jiy. Eni di kwierø, ni tïme no okïdi kiper raac jiy. 'Ba kare otïmö ni dwøŋ, ni tïme na bwödhi yi buc mëër ki bëënynyö mar bäät piny bäre. 'Ba tiel 58—66 nyootha gø ni jiy bëët moo køp raacge nyïme noo ŋääth eni, ge di piemø. 'Ba dïcäŋaca Jerucalem ocäŋ geerrø, ni ö nyeŋ kee mo Icriel ni nyaacge, ni tïm Macaaya na kwäärö yi Dhayan. 'Ba bëët-mëër, ki bëënynyö, ki ŋøl luup ma kare, otägi, ni ö Jwøki ni tïïc jammi bëët ni nyärö.
Luup moa no ogöörö yi wëël Aydheea beege ii:
Luup ajäla moa caan kiper jø Juuda (Tielø 1—12)
Luup ajäla moa caan kiper wïth juurre møøk (Tiel 13—23)
Luup moa caan kiper cäŋ mar Wuuö Jwøk (Tiel 24—27)
Luup ajäla ki luup gwïëth (Tiel 28—35)
Luum gïïa tägö røk nïr nyeya ma Edhekaya (Tiel 36—39)
Luup cøm cwïny kiper pïëm mano piem jø Icriel ki gø (Tiel 40—48)
Luum Macaaya mano jääŋ Jwøki (Tiel 49—57)
Luum gïïo beyø moo tägi kiper jø Icriel yi nyïm (Tiel 58—66) ø
Currently Selected:
Aydheea Luubö Mo Cäänö Kaper Wëël Aydheea: AnyuB
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia
Aydheea Luubö Mo Cäänö Kaper Wëël Aydheea
Luubö Mo Cäänö Kaper Wëël Aydheea
Aydheea beeye nyikuŋ Jwøk mo dwøŋ mo othïïŋ Jwøki yi Jerucalem ni køpa luum Wuuö Jwøk yïth nïr nyeye aŋween mo jø Juuda. Nyeye moøgø beege Udhaya, ki Jötham, ki Eeyeth, ki Edhekaya. Jwøk ree anyoodhe jï Aydheea ni cwøl gø nee dwøre købe jï jø poge (Tiel 6).
Wëël Aydheea opääŋŋö na kwöre adäk. Ki mano täge ki tielø 1—35, Aydheea caana luup ajäla moa caan Jwøki ni jääla jø Juuda. Kiper geni, ge bëëdö ni wïthge teek ki luum Jwøk, ni Jwøk ege kwierø ki køør tïïe moge. 'Ba Wuuö Jwøk poot bëëdö ni cøøra geni ki man løkge cwïnyge ni køpge raay moge; ni manøgø beeye jöö eni keere mano wëëk geni bødhø ka ajäla. Aydheea luum Macaaya acaane ki kwöre mo thööth ni nyootha bëënynyö mar gø mano en yi nyïm yi bura mare. (7:14; 8:14; 9:2, 6-7; 11:1-2)
'Ba tiel 36—39 cäänö kaper gïï møøk ma atägö yïth nïr nyeya ma Edhekaya, kanya ö nyeny Aciria na määnynye baŋ Jerucalem; ni cäänö kaper täw mana leth na tägö dëër Edhekaya, ki kanya ö Edhekaya na nyooth jap kwär moe bëët jï jøøa jääŋ nyeya mar Babiløn.
'Ba ki mano täge ki tiel 40—66, Aydheea caana luup cøm cwïny, ki luup moa caan Jwøki ni bëët jø Icriel dwøge kare køør gïïa leth na jwørge ceŋ jø Babiløn. Ni gïnögø tïïc Jwøki tïïö ki køør dööŋö mare ki teek mare. 'Ba tiel 40—48 yie da luup mo thööth mo cäänö kaper teek mar Jwøk ki dööŋö mare. Ni tiel 49—57 nyootha öö mar Macaaya, kanyo ööe ni ena ŋat tïïc mar Jwøk kuna jwør gïï mo leth, ni tïme na pïëmi mar jiy. Eni di kwierø, ni tïme no okïdi kiper raac jiy. 'Ba kare otïmö ni dwøŋ, ni tïme na bwödhi yi buc mëër ki bëënynyö mar bäät piny bäre. 'Ba tiel 58—66 nyootha gø ni jiy bëët moo køp raacge nyïme noo ŋääth eni, ge di piemø. 'Ba dïcäŋaca Jerucalem ocäŋ geerrø, ni ö nyeŋ kee mo Icriel ni nyaacge, ni tïm Macaaya na kwäärö yi Dhayan. 'Ba bëët-mëër, ki bëënynyö, ki ŋøl luup ma kare, otägi, ni ö Jwøki ni tïïc jammi bëët ni nyärö.
Luup moa no ogöörö yi wëël Aydheea beege ii:
Luup ajäla moa caan kiper jø Juuda (Tielø 1—12)
Luup ajäla moa caan kiper wïth juurre møøk (Tiel 13—23)
Luup moa caan kiper cäŋ mar Wuuö Jwøk (Tiel 24—27)
Luup ajäla ki luup gwïëth (Tiel 28—35)
Luum gïïa tägö røk nïr nyeya ma Edhekaya (Tiel 36—39)
Luup cøm cwïny kiper pïëm mano piem jø Icriel ki gø (Tiel 40—48)
Luum Macaaya mano jääŋ Jwøki (Tiel 49—57)
Luum gïïo beyø moo tägi kiper jø Icriel yi nyïm (Tiel 58—66) ø
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia