Aydheea 2
2
Kanyo Ö Pinynyi Bäre Noo Tïme Ni Bëënna Wuuö Jwøk
1Man beeye luubö mana nyooth jï Aydheea wär Amöth kiper jø Juuda ki jø Jerucalem.
2'Ba kanyo tïme na aŋuun nïne,
kïdi mana en Øt Wuuö Jwøki bääte
okëël piny ni teek, ni tïme na wïth kïte;
eno tïŋ maal ni kaala thuuri,
ni ö wïth juurre bëët ni rwäthge bääte.
3Wïth juurre mo thööth öö ni köge,
ni «Ööu, owaa cøø bäät Kïn Wuuö Jwøk yi Øt Jwø Jeekap,
kiper nee ø pwönynye ki jööre, nee ø cäädhø øtjööre.»
Kiper luum ciik Jwøk wø caan ka yi Dhayan,
ni beeye Jerucalem ni wø ö luup Wuuö Jwøki ki yie.
4'Ba eni luup ŋøle ŋølø yïthakic wïth juurre,
ni ö wïth juurre mo thööth ni dwøk ge kanya ciel.
Ni ö geni ni thääthge opëëlle moge na jap puur,
ni thääthge tøøŋi moge na jap goor wïth jenni ki ge,
ni bäŋe wï jur mo kwany tøŋ ki wï jur mør,
ni ge ba pwönynyi këët ki leny.
5'Ba ennø, u na nyïïkwaac Jeekap,
ööu, nøø cäädhø ki yi tar mar Wuuö Jwøk.
Luum Cäŋ Wuuö Jwøk
6Wui Wuuö Jwøk, jiyï ma jø dhi øt Jeekap aweyï,
kiper mana caathge køør ajuuk mo jø kur tuul-cäŋ,
ni tïmge ni ge tïïö ki jap adïëda kaamar jø Pilitin,
ni dwätge ki juurre møøk.
7Yi ŋöömö marge opäŋ ki warkey ki gwet-bïrö,
ni jap kwärö moge ba løny ki kwaan;
ni ŋöömö marge thuwø päŋ ko okwëëc leny,
ki jïëth okwëëc leny mo ba løny ki kwaan.
8Ŋöömö marge bëëdö no opäŋ ki gïï wø lam na tïïcge ki ceŋge,
ni ge wøøra gïïögø na tïïcge ki lweetge.
9Ki køør japøge, jiy wïthge adwøk piny,
ni ö jøøa kwörge døøŋŋø ni dwøgi piny.
'Ba kär niï wëënna ge.
10Cou yïth agäp-kïte, ni kannu dëëtu kwöra ŋammø yïth ŋøøm,
nou lwäära wëëc Wuuö Jwøk ka ajiem mare na dwøŋ.
11'Ba nyøth røk ka atöör mar jiy odwøk piny,
ni ö bëëtö mar jø wø tïŋ dëëtge maal ni dwøgi piny.
'Ba Wuuö Jwøk keere beeye noo bëëdö ni di jiemø dïcäŋöce.
12'Ba Wuuö Jwøk, eni na wïth jammi bëët,
da cäŋ ajäla mare mo ööa bäät jø atöör ki jø wø tïŋ dëëtge maal mo ge dwøge piny yie,
13ni ö ajäla mare bäät jenni bëët mo lur Libaanø moa bäyö na näk wïthge opööth maal,
ki bäät jera teek mo Baacan,
14ki bäät kïte bëët moa bäyö,
ki bäät thuuri bëët moa bäyö,
15ki bäät uut koor bëët moa no ogeerø ni ena maal,
ki bäät kwör gwøk røk bëët moa no ogeerø ni teek,
16ki bäät baabuure bëët moa näk mo gath,
ki bäät jïëth näm bëët moa beyø.
17'Ba atöör mar jiy odwøk piny,
ni ö bëëtö mar jø wø tïŋ dëëtge maal ni dwøgi piny.
'Ba Wuuö Jwøk keere beeye noo bëëdö ni di jiemø dïcäŋöce.
18'Ba kït gïï wø lam rwäänyö na bäre bäre.
19'Ba jiy oreŋ kwöra ŋammø yïth kïte ki kwöra ŋammø yïth ŋøøm,
ni ge lwäära wëër mar Wuuö Jwøk ka ajiem mare na dwøŋ,
kanyo ö maal noo jäŋ piny.
20'Ba dïcäŋöce kït gïï wø lam moa tïïcge kiper dëëtge nee wøørge,
na no otïïö ki gwet-bïrö ki warkey, oleeŋge piny,
ni tïmge na mo adule ka adïlïge.
21Geno reŋ kwöra ŋammø yïth kïte ki kwöra no okaaŋŋø yïth kïte,
ni ge lwäära wëër mar Wuuö Jwøk ka ajiem mare na dwøŋ,
kanyo ö maal noo jäŋ piny.
22Weyu ŋääth dhaanhø, man ni jwïëy ka ume keere jaak en.
?Aŋø, da kare cøøn?
Currently Selected:
Aydheea 2: AnyuB
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia
Aydheea 2
2
Kanyo Ö Pinynyi Bäre Noo Tïme Ni Bëënna Wuuö Jwøk
1Man beeye luubö mana nyooth jï Aydheea wär Amöth kiper jø Juuda ki jø Jerucalem.
2'Ba kanyo tïme na aŋuun nïne,
kïdi mana en Øt Wuuö Jwøki bääte
okëël piny ni teek, ni tïme na wïth kïte;
eno tïŋ maal ni kaala thuuri,
ni ö wïth juurre bëët ni rwäthge bääte.
3Wïth juurre mo thööth öö ni köge,
ni «Ööu, owaa cøø bäät Kïn Wuuö Jwøk yi Øt Jwø Jeekap,
kiper nee ø pwönynye ki jööre, nee ø cäädhø øtjööre.»
Kiper luum ciik Jwøk wø caan ka yi Dhayan,
ni beeye Jerucalem ni wø ö luup Wuuö Jwøki ki yie.
4'Ba eni luup ŋøle ŋølø yïthakic wïth juurre,
ni ö wïth juurre mo thööth ni dwøk ge kanya ciel.
Ni ö geni ni thääthge opëëlle moge na jap puur,
ni thääthge tøøŋi moge na jap goor wïth jenni ki ge,
ni bäŋe wï jur mo kwany tøŋ ki wï jur mør,
ni ge ba pwönynyi këët ki leny.
5'Ba ennø, u na nyïïkwaac Jeekap,
ööu, nøø cäädhø ki yi tar mar Wuuö Jwøk.
Luum Cäŋ Wuuö Jwøk
6Wui Wuuö Jwøk, jiyï ma jø dhi øt Jeekap aweyï,
kiper mana caathge køør ajuuk mo jø kur tuul-cäŋ,
ni tïmge ni ge tïïö ki jap adïëda kaamar jø Pilitin,
ni dwätge ki juurre møøk.
7Yi ŋöömö marge opäŋ ki warkey ki gwet-bïrö,
ni jap kwärö moge ba løny ki kwaan;
ni ŋöömö marge thuwø päŋ ko okwëëc leny,
ki jïëth okwëëc leny mo ba løny ki kwaan.
8Ŋöömö marge bëëdö no opäŋ ki gïï wø lam na tïïcge ki ceŋge,
ni ge wøøra gïïögø na tïïcge ki lweetge.
9Ki køør japøge, jiy wïthge adwøk piny,
ni ö jøøa kwörge døøŋŋø ni dwøgi piny.
'Ba kär niï wëënna ge.
10Cou yïth agäp-kïte, ni kannu dëëtu kwöra ŋammø yïth ŋøøm,
nou lwäära wëëc Wuuö Jwøk ka ajiem mare na dwøŋ.
11'Ba nyøth røk ka atöör mar jiy odwøk piny,
ni ö bëëtö mar jø wø tïŋ dëëtge maal ni dwøgi piny.
'Ba Wuuö Jwøk keere beeye noo bëëdö ni di jiemø dïcäŋöce.
12'Ba Wuuö Jwøk, eni na wïth jammi bëët,
da cäŋ ajäla mare mo ööa bäät jø atöör ki jø wø tïŋ dëëtge maal mo ge dwøge piny yie,
13ni ö ajäla mare bäät jenni bëët mo lur Libaanø moa bäyö na näk wïthge opööth maal,
ki bäät jera teek mo Baacan,
14ki bäät kïte bëët moa bäyö,
ki bäät thuuri bëët moa bäyö,
15ki bäät uut koor bëët moa no ogeerø ni ena maal,
ki bäät kwör gwøk røk bëët moa no ogeerø ni teek,
16ki bäät baabuure bëët moa näk mo gath,
ki bäät jïëth näm bëët moa beyø.
17'Ba atöör mar jiy odwøk piny,
ni ö bëëtö mar jø wø tïŋ dëëtge maal ni dwøgi piny.
'Ba Wuuö Jwøk keere beeye noo bëëdö ni di jiemø dïcäŋöce.
18'Ba kït gïï wø lam rwäänyö na bäre bäre.
19'Ba jiy oreŋ kwöra ŋammø yïth kïte ki kwöra ŋammø yïth ŋøøm,
ni ge lwäära wëër mar Wuuö Jwøk ka ajiem mare na dwøŋ,
kanyo ö maal noo jäŋ piny.
20'Ba dïcäŋöce kït gïï wø lam moa tïïcge kiper dëëtge nee wøørge,
na no otïïö ki gwet-bïrö ki warkey, oleeŋge piny,
ni tïmge na mo adule ka adïlïge.
21Geno reŋ kwöra ŋammø yïth kïte ki kwöra no okaaŋŋø yïth kïte,
ni ge lwäära wëër mar Wuuö Jwøk ka ajiem mare na dwøŋ,
kanyo ö maal noo jäŋ piny.
22Weyu ŋääth dhaanhø, man ni jwïëy ka ume keere jaak en.
?Aŋø, da kare cøøn?
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia