Wïlöölö 46
46
Kanya Daa Jeekapi Ijep Ki Jø Paare
1Køøre Icriel atïŋŋö ni aae ki gïïa en jïre bëët; ni ö yi Bëërcïïba ni cïpe ko olämme jï Jwø wänni ma Aydhak.
2Ni ö Jwøki ni cääne ki Icriel ki wäär ki yïth lääk, ni kööe, «Jeekap, Jeekap.»
Ni kö Jeekapi, ni «Aani en.»
3Køøre Jwøk aköö, «Aana Jwøk, Jwøa näk Jwø wäru. Kärï lwäyö ki man ciï Ijep, kiper ïïno tïïa na wï jur mo dwøŋ kunöce. 4Aani aano cäädhi ki ïïni kanyo ciï Ijep, ni cäŋa ïïni duuö ki kunöce thuwø, ni ö Jocepi ni ŋen nyeŋŋï ki ceŋŋe kiree.»
5Køøre Jeekap atïŋŋö yi Bëërcïïba. Ni ö wääte ni kïthge eni, ko obwöre moge, ki määrge yïth jïëth wø tut okwëënyi moa jääŋ Peerø nee wääge kääri ki ge. 6Ni ö Jeekapi ki nyïïkwaaye bëët ni lwørge dhäk moge ki jammi moge, moa jootge yi ŋööm Keenan, ni öge Ijep. 7Ni bee eni ki wääte, ki wäät wääte, ki nyïïe, ki nyïï wääte. Ni ö eni ni käl nyïïkwaaye bëët Ijep.
8Nyeŋ wäät Icriel, ni beeye Jeekap, ki nyeŋ wäät wääte na ci Ijep beege ii.
Nyeŋ kanynye beeye Ruben.
9Ni nyeŋ wäät Ruben beege Anök, ki Pallu, ki Eedharan, ki Karmi.
10Ni nyeŋ wäät Cimien beege Jemuël, ki Jamin, ko Okat, ki Jaakin, ki Dhöar, ki Caul, o dhaaŋŋa näk nyi jø Keenan.
11Ni nyeŋ wäät Libay beege Gërcön, ki Kät, ki Mërari.
12Ni nyeŋ wäät Juuda beege Er, ki Önan, ki Ceela, ki Peereth, ki Dheera. 'Ba Er ki Önan, gena thøw yi ŋööm Keenan. 'Ba wäät Peereth beege Eedharan, ki Amul.
13Ni nyeŋ wäät Icakar beege Töla, ki Puwa, ki Jööp, ki Cimrön.
14Ni nyeŋ wäät Dhebulan beege Cërët, ki Ëlön, ki Jaalël.
15Ruben, ki Cimien, ki Libay, ki Juuda, ki Icakar, ki Dhebulan beege wäät Liia, na nywøle ki Jeekap yi Padan-Aram, ni nyaare ma Dina nywøle ka gø thuwø. Ni kwään jagøgø bëët ki wäätge beege pïëradäk kurdäk.
16Nyeŋ wäät Gaat beege Dhepön, ka Agi, ki Cuni, ki Ëdhbön, ki Ëri, ka Arödi ka Arëli.
17Ni nyeŋ wäät Acer beege Yimna, ki Yecuwa, ki Yecuwi, ki Beria; ni nyeŋ cöök jagøgø mana näk dhaagø beeye Cëëra. 'Ba wäät Beria beege Eber ki Melkiël.
18Gaat ka Acer beege wäät Dhelpa, dhaaŋŋa näk ŋat tïïc na cïp Leeban jï nyaare ma Liia, ni beege wääte na nywøle ki Jeekap; ni kwään jagøgø bëët ki wäätge beege apaar ka abïciel.
19Wäät Reecal cï Jeekap beege Jocep ki Benjamen. 20'Ba wäät Jocep na nywøle yi ŋööm Ijep beege Maneeca ki Ipariem, na nywølge ka Acenath, nyi Pötipëëra, kwääc lam mar pääny Ön.
21Ni wäät Benjamen beege Bëla, ki Bëkër, ka Acbël, ki Gëra, ki Neeman, ka Aki, ki Röc, ki Mupim, ki Upim, ka Art.
22Jocep ki Benjamen beege wäät Reecal na nywøle ki Jeekap; ni kwään jagøgø bëët ki wäätge beege jiy apaar kurŋween.
23Nyeŋ o Daan beeye Ucim.
24Ni nyeŋ wäät Naptali beege Jaadhël, ki Guni, ki Jedher, ki Cilëm.
25Daan ki Naptali beege wäät Bila, dhaaŋŋa näk ŋat tïïc na cïp Leeban jï nyaare ma Reecal; ni beege wääte na nywøle ki Jeekap; ni kwään jagøgø bëët ki wäätge beege abïriiø.
26Kwään jiy bëët moa näk jic Jeekap, na näk dhi øde na ö Ijep, beege jiy ma pïërabïciel ka abïciel; 'ba määr wääte kär kwaan dëëtge. 27Ni wäät Jocep na nywøle Ijep beege ariiø. Ni tuuŋ Jeekap bëët na ö Ijep beege jiy ma pïërabïriiø.
28Kanyøgø Jeekap Juuda ajääŋŋe nyïme baŋ Jocep, kiper nee øtjöör Göcën nyoodhe jïge; ni ö geni ni pïïcge yi ŋööm Göcën. 29Kanyøgøøni Jocep jääne ni wø tut okwëënyi ajiiŋŋe ni ci kuna røømge ki wänni ma Icriel yi Göcën; 'ba kanya pïïe buute, wänni agääme ki ŋut gø ni jwöŋe ki kany mo bäär mëëth.
30Ni kö Icrielli jï Jocep, ni «Kawaane kaawat mana jooda täärnyïmï niï poot kwøw, këël a doo thøw køør man nø, bäŋ gïre.»
31Køøre Jocep aköö jï uutwänni ki tuuŋ wänni bäre, ni «Aani a cøøa kuna caana gø jï Peerø, ni kööa, ni ‹Nyïïmera ki tuuŋ wära, jøøa en yi ŋööm Keenan, gena ö baŋa. 32'Ba gena jiy ma dïkwääc dïëk, ni tïïc marge beeye kwaac lääc paac. 'Ba pïïth dïëk moge ki dhäk moge bëët akälge, ki japa en jïge bëët.› 33'Ba no ö Peerø noo cwøl uuni ni pëëny uuni, ni ‹?Tïïc mana ŋäyu a tïïa ŋø?›, 34wäru kööu, ni ‹Tïïc mar laagï beeye kwaac lääc paac ki mana kälge thïnhö këël kawaane; ni beeye tïïc mana ŋäcwa, këël kwäcwa thuwø.› Kiper ni näk luummögø caannu caannø, løny jïïu ki man bëëdu ŋööm Göcën. Kiper tïï dïkwääy beeye gïn mo raac døc ki baŋ jø Ijep.»
Currently Selected:
Wïlöölö 46: AnyuB
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Ethiopia
Wïlöölö 46
46
Kanya Daa Jeekapi Ijep Ki Jø Paare
1Køøre Icriel atïŋŋö ni aae ki gïïa en jïre bëët; ni ö yi Bëërcïïba ni cïpe ko olämme jï Jwø wänni ma Aydhak.
2Ni ö Jwøki ni cääne ki Icriel ki wäär ki yïth lääk, ni kööe, «Jeekap, Jeekap.»
Ni kö Jeekapi, ni «Aani en.»
3Køøre Jwøk aköö, «Aana Jwøk, Jwøa näk Jwø wäru. Kärï lwäyö ki man ciï Ijep, kiper ïïno tïïa na wï jur mo dwøŋ kunöce. 4Aani aano cäädhi ki ïïni kanyo ciï Ijep, ni cäŋa ïïni duuö ki kunöce thuwø, ni ö Jocepi ni ŋen nyeŋŋï ki ceŋŋe kiree.»
5Køøre Jeekap atïŋŋö yi Bëërcïïba. Ni ö wääte ni kïthge eni, ko obwöre moge, ki määrge yïth jïëth wø tut okwëënyi moa jääŋ Peerø nee wääge kääri ki ge. 6Ni ö Jeekapi ki nyïïkwaaye bëët ni lwørge dhäk moge ki jammi moge, moa jootge yi ŋööm Keenan, ni öge Ijep. 7Ni bee eni ki wääte, ki wäät wääte, ki nyïïe, ki nyïï wääte. Ni ö eni ni käl nyïïkwaaye bëët Ijep.
8Nyeŋ wäät Icriel, ni beeye Jeekap, ki nyeŋ wäät wääte na ci Ijep beege ii.
Nyeŋ kanynye beeye Ruben.
9Ni nyeŋ wäät Ruben beege Anök, ki Pallu, ki Eedharan, ki Karmi.
10Ni nyeŋ wäät Cimien beege Jemuël, ki Jamin, ko Okat, ki Jaakin, ki Dhöar, ki Caul, o dhaaŋŋa näk nyi jø Keenan.
11Ni nyeŋ wäät Libay beege Gërcön, ki Kät, ki Mërari.
12Ni nyeŋ wäät Juuda beege Er, ki Önan, ki Ceela, ki Peereth, ki Dheera. 'Ba Er ki Önan, gena thøw yi ŋööm Keenan. 'Ba wäät Peereth beege Eedharan, ki Amul.
13Ni nyeŋ wäät Icakar beege Töla, ki Puwa, ki Jööp, ki Cimrön.
14Ni nyeŋ wäät Dhebulan beege Cërët, ki Ëlön, ki Jaalël.
15Ruben, ki Cimien, ki Libay, ki Juuda, ki Icakar, ki Dhebulan beege wäät Liia, na nywøle ki Jeekap yi Padan-Aram, ni nyaare ma Dina nywøle ka gø thuwø. Ni kwään jagøgø bëët ki wäätge beege pïëradäk kurdäk.
16Nyeŋ wäät Gaat beege Dhepön, ka Agi, ki Cuni, ki Ëdhbön, ki Ëri, ka Arödi ka Arëli.
17Ni nyeŋ wäät Acer beege Yimna, ki Yecuwa, ki Yecuwi, ki Beria; ni nyeŋ cöök jagøgø mana näk dhaagø beeye Cëëra. 'Ba wäät Beria beege Eber ki Melkiël.
18Gaat ka Acer beege wäät Dhelpa, dhaaŋŋa näk ŋat tïïc na cïp Leeban jï nyaare ma Liia, ni beege wääte na nywøle ki Jeekap; ni kwään jagøgø bëët ki wäätge beege apaar ka abïciel.
19Wäät Reecal cï Jeekap beege Jocep ki Benjamen. 20'Ba wäät Jocep na nywøle yi ŋööm Ijep beege Maneeca ki Ipariem, na nywølge ka Acenath, nyi Pötipëëra, kwääc lam mar pääny Ön.
21Ni wäät Benjamen beege Bëla, ki Bëkër, ka Acbël, ki Gëra, ki Neeman, ka Aki, ki Röc, ki Mupim, ki Upim, ka Art.
22Jocep ki Benjamen beege wäät Reecal na nywøle ki Jeekap; ni kwään jagøgø bëët ki wäätge beege jiy apaar kurŋween.
23Nyeŋ o Daan beeye Ucim.
24Ni nyeŋ wäät Naptali beege Jaadhël, ki Guni, ki Jedher, ki Cilëm.
25Daan ki Naptali beege wäät Bila, dhaaŋŋa näk ŋat tïïc na cïp Leeban jï nyaare ma Reecal; ni beege wääte na nywøle ki Jeekap; ni kwään jagøgø bëët ki wäätge beege abïriiø.
26Kwään jiy bëët moa näk jic Jeekap, na näk dhi øde na ö Ijep, beege jiy ma pïërabïciel ka abïciel; 'ba määr wääte kär kwaan dëëtge. 27Ni wäät Jocep na nywøle Ijep beege ariiø. Ni tuuŋ Jeekap bëët na ö Ijep beege jiy ma pïërabïriiø.
28Kanyøgø Jeekap Juuda ajääŋŋe nyïme baŋ Jocep, kiper nee øtjöör Göcën nyoodhe jïge; ni ö geni ni pïïcge yi ŋööm Göcën. 29Kanyøgøøni Jocep jääne ni wø tut okwëënyi ajiiŋŋe ni ci kuna røømge ki wänni ma Icriel yi Göcën; 'ba kanya pïïe buute, wänni agääme ki ŋut gø ni jwöŋe ki kany mo bäär mëëth.
30Ni kö Icrielli jï Jocep, ni «Kawaane kaawat mana jooda täärnyïmï niï poot kwøw, këël a doo thøw køør man nø, bäŋ gïre.»
31Køøre Jocep aköö jï uutwänni ki tuuŋ wänni bäre, ni «Aani a cøøa kuna caana gø jï Peerø, ni kööa, ni ‹Nyïïmera ki tuuŋ wära, jøøa en yi ŋööm Keenan, gena ö baŋa. 32'Ba gena jiy ma dïkwääc dïëk, ni tïïc marge beeye kwaac lääc paac. 'Ba pïïth dïëk moge ki dhäk moge bëët akälge, ki japa en jïge bëët.› 33'Ba no ö Peerø noo cwøl uuni ni pëëny uuni, ni ‹?Tïïc mana ŋäyu a tïïa ŋø?›, 34wäru kööu, ni ‹Tïïc mar laagï beeye kwaac lääc paac ki mana kälge thïnhö këël kawaane; ni beeye tïïc mana ŋäcwa, këël kwäcwa thuwø.› Kiper ni näk luummögø caannu caannø, løny jïïu ki man bëëdu ŋööm Göcën. Kiper tïï dïkwääy beeye gïn mo raac døc ki baŋ jø Ijep.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Ethiopia