Bwøth Wøk 31
31
Kanya Ö Jwøki Na Jier Bacaliil Ko Oliyap
(Bwøth Wøk 35:30-35)
1Køøre Wuuö Jwøk acäänö ki Modhe, ni kööe, 2ni «Neenï, Bacaliil wär Uri na näk nyikwaar Ur, na en ri tuuŋ Juuda, ajiera. 3Ni eni yaa mooø ki Jwïëc Jwøk, nee jïte ki leec wïc, ki riek waŋ man ŋäc acaara, ki riek waŋ man kwany jammi, ki man ŋäc teeŋ tïïe bëët, 4ni løny jïre ki man cäde ki man nyøth tïï warkey, ki gwel-bïrö, ki nywïënyö ma jwïël, 5ki tïï tieŋ nyeŋ kïte moa perge leth mo wø kïth yïth gïï wø maai piny ki ge, ki tïï tieŋ jenni; nee lønye jïre ki man tïïc teeŋ tïïe bëët ki riek waŋ. 6'Ba ennø, aani ki dëëra kiree, Oliyap wär Aycamak, na käl ri tuuŋ Daan, acïba nee Bacaliil kønye ki tïïe moøgø; ni tïïa jiy bëët moa nyeŋge reegø ki man ŋäcge tïïc, nee tïme ni løny jïge ki man tïïcge jammi bëët na karge moa köömma ïïni ki geni; 7ni beege oduŋkaany røømmø, ka acanduk man wø nyooth luumma tuut Jwøki ki jiy, ki rëëbi na en bääte na näk nyuudhi mar wëën raay, ki jammi bëët moo manynyi kiper yo oduŋkaara, 8ki tharabëëta ki jap tïïc moe, ki lambae ki gïn wø cïbi bäät gø mana no otïïö ki warkey mana tøŋ, ki jap tïïc moe bëët, ki gïn wø waaŋ gïn wø jïye ŋwääi ni met bääte, 9ki gïn wø cïp olämme mo wø waaŋ bääte ki jap tïïc moe bëët, ki gïr lwøk na näk caala thecet ki gïre man wø cïbi bäät gø, 10ka abïïe moa no ocwääö ki riek waŋ na en kur keerge kiper Aran na näk Kwääy Lam Mana Dwøŋ, ka abïïe mo wääte, ni beege abïïe mo wø røcge kany wø tïnyge aani ni gena dïlämme; 11ki maar rööny man wø judö ki gø, ki gïn wø waaŋ kanya en kur keere wø jïye ŋwääi ni met. Gïïögø bëët dege tïïö ki køør mana köömma ïïni ki gø bäre.»
Ciik Ki Man Gwøk Cäŋ Jwömö
12Køøre Wuuö Jwøk acäänö ki Modhe, ni kööe, 13«'Ba ïïni, wär caanï jï jø Icriel, ni kööï, ni ‹Kiper naa ŋäyu ni beeye aani na Wuuö Jwøk na cïp uuni kur keeru, ka adïëri møn, gwøgu nïr jwöm 'moa; ni manøgø beeye nyuudhi mano bëëdö yïthakiyø ki uuni këël beenhnhe mou bëët mo ööi.
14« ‹Kiper manøgønø, cäŋ jwömö dou gwøø, kiper beeye cäŋ mo ena kur keere jïïu. Ni ŋato päät gø jaak, ka adïëri møn, wär thøøe; kiper ŋato tïïö cäŋ manøgø jaak, wär tïme ni tøør yïthakic tuuŋge. 15Tïïe doo tïïö ki nïne abïciel, 'ba noo tïme na bïriet nïne, beeye cäŋ jwömö man jwöm røk yie, ni beeye cäŋ mo ena kur keere jïra, a na Wuuö Jwøk; ni ŋato tïïö jaak ki cäŋ jwömö, ka adïëri møn, wär thøøe.› 16'Ba jø Icriel cäŋ jwömö dege gwøø, ni wøørge gø këël beenhnhe moge bëët moo ööi, na luubö mo otuudö na bäre bäre. 17Gïnögø bëëdö na nyuudhi mo ena yïthakicwa ki jø Icriel na bäre bäre; kiper a na Wuuö Jwøk, maal ki piny acwääa ki nïne abïciel; 'ba na tïme na bïriet nïne, aani raa ajwöma, ni koodha ŋëëta.»
18'Ba kanya ö Wuuö Jwøki na lønye ki cäänö ki Modhe bäät Kïn Caynay, eni Modhe amooe ko opäp kïte ariiø moa näk ciik ogöör bäätge, ni ciik moa en bäät opäp kïte moøgø gööra Jwøki ki cere.
Currently Selected:
Bwøth Wøk 31: AnyuB
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Ethiopia
Bwøth Wøk 31
31
Kanya Ö Jwøki Na Jier Bacaliil Ko Oliyap
(Bwøth Wøk 35:30-35)
1Køøre Wuuö Jwøk acäänö ki Modhe, ni kööe, 2ni «Neenï, Bacaliil wär Uri na näk nyikwaar Ur, na en ri tuuŋ Juuda, ajiera. 3Ni eni yaa mooø ki Jwïëc Jwøk, nee jïte ki leec wïc, ki riek waŋ man ŋäc acaara, ki riek waŋ man kwany jammi, ki man ŋäc teeŋ tïïe bëët, 4ni løny jïre ki man cäde ki man nyøth tïï warkey, ki gwel-bïrö, ki nywïënyö ma jwïël, 5ki tïï tieŋ nyeŋ kïte moa perge leth mo wø kïth yïth gïï wø maai piny ki ge, ki tïï tieŋ jenni; nee lønye jïre ki man tïïc teeŋ tïïe bëët ki riek waŋ. 6'Ba ennø, aani ki dëëra kiree, Oliyap wär Aycamak, na käl ri tuuŋ Daan, acïba nee Bacaliil kønye ki tïïe moøgø; ni tïïa jiy bëët moa nyeŋge reegø ki man ŋäcge tïïc, nee tïme ni løny jïge ki man tïïcge jammi bëët na karge moa köömma ïïni ki geni; 7ni beege oduŋkaany røømmø, ka acanduk man wø nyooth luumma tuut Jwøki ki jiy, ki rëëbi na en bääte na näk nyuudhi mar wëën raay, ki jammi bëët moo manynyi kiper yo oduŋkaara, 8ki tharabëëta ki jap tïïc moe, ki lambae ki gïn wø cïbi bäät gø mana no otïïö ki warkey mana tøŋ, ki jap tïïc moe bëët, ki gïn wø waaŋ gïn wø jïye ŋwääi ni met bääte, 9ki gïn wø cïp olämme mo wø waaŋ bääte ki jap tïïc moe bëët, ki gïr lwøk na näk caala thecet ki gïre man wø cïbi bäät gø, 10ka abïïe moa no ocwääö ki riek waŋ na en kur keerge kiper Aran na näk Kwääy Lam Mana Dwøŋ, ka abïïe mo wääte, ni beege abïïe mo wø røcge kany wø tïnyge aani ni gena dïlämme; 11ki maar rööny man wø judö ki gø, ki gïn wø waaŋ kanya en kur keere wø jïye ŋwääi ni met. Gïïögø bëët dege tïïö ki køør mana köömma ïïni ki gø bäre.»
Ciik Ki Man Gwøk Cäŋ Jwömö
12Køøre Wuuö Jwøk acäänö ki Modhe, ni kööe, 13«'Ba ïïni, wär caanï jï jø Icriel, ni kööï, ni ‹Kiper naa ŋäyu ni beeye aani na Wuuö Jwøk na cïp uuni kur keeru, ka adïëri møn, gwøgu nïr jwöm 'moa; ni manøgø beeye nyuudhi mano bëëdö yïthakiyø ki uuni këël beenhnhe mou bëët mo ööi.
14« ‹Kiper manøgønø, cäŋ jwömö dou gwøø, kiper beeye cäŋ mo ena kur keere jïïu. Ni ŋato päät gø jaak, ka adïëri møn, wär thøøe; kiper ŋato tïïö cäŋ manøgø jaak, wär tïme ni tøør yïthakic tuuŋge. 15Tïïe doo tïïö ki nïne abïciel, 'ba noo tïme na bïriet nïne, beeye cäŋ jwömö man jwöm røk yie, ni beeye cäŋ mo ena kur keere jïra, a na Wuuö Jwøk; ni ŋato tïïö jaak ki cäŋ jwömö, ka adïëri møn, wär thøøe.› 16'Ba jø Icriel cäŋ jwömö dege gwøø, ni wøørge gø këël beenhnhe moge bëët moo ööi, na luubö mo otuudö na bäre bäre. 17Gïnögø bëëdö na nyuudhi mo ena yïthakicwa ki jø Icriel na bäre bäre; kiper a na Wuuö Jwøk, maal ki piny acwääa ki nïne abïciel; 'ba na tïme na bïriet nïne, aani raa ajwöma, ni koodha ŋëëta.»
18'Ba kanya ö Wuuö Jwøki na lønye ki cäänö ki Modhe bäät Kïn Caynay, eni Modhe amooe ko opäp kïte ariiø moa näk ciik ogöör bäätge, ni ciik moa en bäät opäp kïte moøgø gööra Jwøki ki cere.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Ethiopia