Moa Tïïc Nyïïatwieli 27
27
Kanya Ci Pøølli Röm Ki Jääy Mo Dwøŋ Mar Naam
1'Ba køøre na nø caani ni wa kïth yi Itali#27:1 Itali beeye paac mana en Yurööp ni pääny mare mana dwøŋ beeye Röm. ki jääy mo dwøŋ mar naam, Pøøl ki jø tööc møøk acïpge cer kwääy lwaa dïkuye mar nyeny Röm ma Agacta mo nyeŋŋe Julia. 2Ni ciwa yi jää paana cwøl na Adarmitiem na many man tïŋŋe ni cøøa yïth mïëc Eecia, ni aacwa ki gø, ni ö Aritarka ma nyï Macedönia mo käla Thecalönika, ni lööbe ki waani.
3'Ba na tïme na aruunnø man, waana mäk piny Caydan. 'Ba Julia, Pøøl atïïe na wøp, ni wëëk gø ciin baŋ nyïïawääte kiper gïno manynye. 4'Ba na tïŋwa kaace, waana ci buut acuul Caypara, kiper jamø atïmö ni kwönna baŋwa. 5'Ba na nø ŋutwa løø Cilicia ki Pampilia, waana pïï Mayra na en Licia. 6Kaace kwääy lwaa dïkuye ajïtö ki jää Alekdhandaria mo aa Itali, ni kïth waani yie. 7Ni cääthwa mëëth ki nïne mo thööth, këël mana pïïcwa buut Nida ki wääth mo raac. 'Ba na ö jame na män waani ki wääth, waana ci buut Kariit nyïm Calmöne. 8'Ba na nø cääthwa ki wääth mo raac, waana pïï kany mo cwøl ni Peer Eeben na näk kare cään ki paana cwøl ni Laceea.
9'Ba na nø gaal wääthi marwa ki nïne mo thööth, ni tïm pinynyi na arïïa ni paa kany mo beer kiper wääth naam, kiper nïr lam-wödö onø pöödhö, Pøøl acäänö ki geni, 10ni kööe, ni «Jaay, ajooda ni wääthi en kännö ki ŋwiili ki ränynyö mo dwøŋ døc, ni paa jammi mo en yi jääy ki dëër jääy keerge noo ränynyi, 'ba këël jwïëyø thuwø.» 11'Ba kwääy lwaa dïkuye leŋa luup mo wø caan kwääy jääyi ki wää jääy, ni käre ïthe ciiø ki luup moa caan Pøølli. 12'Ba kiper mana tïme ni dhi wääth manøgø paa kany mo beer ki man ruu jääyi yie ka arïïa, jiy mo thööth aköö, ni jääy laar aay kaace, ni ege caarø ni kanymør ge pïï Pinik, na näk dhi waath Kariit na näk raŋŋa rege ki jï løø kur pänh-cäŋ bäät cwiic ki bäät caam, nee put bëëte kaace ka arïïa.
Kanya Täk Atuunna Mo Dwøŋ
13'Ba na ö jam wø rïïw piny ni kwönne mëëth, acaarge ni kanya koorge athur kare, ni gøønyge jääy, ni cääthge ki deŋ ageel Kariit. 14'Ba ki nyi kany mo thiinh jam aŋalakiir mo raac døc aput kwönnö ki wøk ki jï løø wï-piny kur tuul-cäŋ. 15'Ba na tïm jääyi ni käär jame käärö ni ba løny ki man kem jamø, awëëkwa køøl, ni puti ya jame käärö. 16'Ba na nyiikwa buut acuula mo thiinh mo cwøl ni Køda, jääna thiinh adwøkwa yi jääy ni twöwa gø piny ki tïïc mo leth. 17'Ba na nø tïŋge gø maal, dëër jääna dwøŋ ameenge ki thøør nywïënyö. 'Ba køøre na lwäcge ni jääy køøla ya akwöny Cirti, abïï jamø aduuge piny, ni wëëkge jääy køøl. 18'Ba na tïme ni wa leeŋ athage leeŋŋø, na tïme na aruunnø man gena tägö ki man leeŋge jammi yi naam moa käär jääyi. 19'Ba na tïme na dää nïne, thøør jääy kiree aleeŋge yi naam ki ceŋge keerge. 20'Ba na tïme ni cäŋ ki ceer ba nëëni ki nïne mo thööth, na atuunna mo ba thiinh ena bäätwa, ŋäädhe marwa ki man näk mo wa kwøw këët arwäänyö jïwa na bäre.
21'Ba kanya nø bëëtge ki nïne mo thööth ni ge ba cämö, Pøøl aci dïge, ni kööe, ni «Onää luumma you leŋø, ni ba tïŋŋu ki Kariit, u ba doo jïtö ki ŋwiili ki ränynyö man en. 22'Ba kawaane a kwaya uuni ki man magu cwïnynyu. Kiper bäŋ ŋat mo thøw dïïu, 'ba beeye dëër jääy keere noo ränynyi. 23Kiper yawïtïn kiree, nyïïatwiel maal mør mar Jwøk, ni näga dhaanhnhe en ni wø wøøra, acuŋŋö buuta. 24Ni kööe, ni ‹Kärï lwäyö, Pøøl. Ïïni, ï cuŋŋö nyïm Cidhar. Ni Jwøk thuwø yie met ki ïïni ki man gwøk jøøi bëët ni en yi jääy ki ïïni na aciel en.› 25Kiper manøgø nø, jaay, magu cwïnynyu. Kiper Jwøk yaa ŋäädhö ni gïnögø thura kare na adïëri, kaawat mana caani jïra. 26'Ba ø kwøŋ ka leeŋ ya acuula.»
27'Ba wääna tïm nïne na apaar kurŋween ni jääy marwa okøøl jamø løø naam Eedaria, kanya tïm pinynyi ni dï wäär, dïkïïwe acaarge ni karge ocäännö ka ageela. 28Kanyøgø naam arømge ni jootge gø na rumme ma pïërariiø. 'Ba na nyiikge nyïm mëëth gena cäŋ rummö, ni jïtge ki rumme ma apaar kurbïïc. 29'Ba kiper mana lwäcge ni kanymør wa cøøa bäät kïte, alïŋe aŋween mo jääy aleeŋge piny thar jääy, ni kwacge Jwøk nee øw laar ruuö. 30'Ba dïkïïwe atïmö ni ge manynya man kwalge dëëtge yi jääy ni jääy mana thiinh ege nø kïth naam, ni ge tïïya riek waŋ kede ge leeŋa alïŋe mo wï jääy piny. 31'Ba Pøøl aköö jï kwääy lwaak ki jø tøŋ, ni «Ni näk jøøgø ba bëëdö yi jääy, u ki dëëtu, u ba maar piem.» 32Kanyøgø jø tøŋ thøøth jääna thiinh aputge ŋøørø ni wëëkge gø tharø.
33'Ba na tïm kar øwi ni cään, gena kwaac Pøølli bëët nee ge cämge, ni kööe, ni «Dïcäŋi jïïu da nïne apaar kurŋween nou bëëdö nou lwäär nou ba cämö, ni bäŋ gïn mo maaru kïth dhøgu. 34Kiper manøgø nø, a kwaya uuni nou cämu, nee dëëtu tëënge, kiper bäŋ jëën wï dhaanhø aciel dïïu mo rwäänyi.» 35'Ba na nø caan gïnögø, ena lwötö ki møø. 'Ba na nø dwøk met ec jï Jwøk nyïmge bëët, møø apøte ni put tägö ki cam. 36Kanyøgø gena jïtö ki cøm cwïny bëët, ni cämge thuwø. 37'Ba wa na en yi jääy bëët, waana dïpe ariiø ki pïërabïriiø ka abïciel. 38'Ba na nø cämge ni jäŋge, beel awetge yi naam, ni ge døøya jääy mo jööt.
Kanya Räny Jääyi
39'Ba kanya ruu øwi, kaace kärge ŋiiø, 'ba gena jïtö ki cwøny mo opäär ka akwöö, ni caarge gø ni ni näk mo løny, jääy dege kïtha yie. 40Kanyøgø alïŋe apätge ni wiige ge yi naam, ni jø møøk päta thøøtha en dëët ogeelle. Køøre na nø tïŋge abïï jamø maal kiper jamø, gena cääth baŋ ageela. 41'Ba kanya ö jääyi ni gööc kany mo cwøk, anigëëk, ni magi ya pinynyi. Ni ö wïïe ni këët piny ni tïme ni ree ba maar tuk. 'Ba jïp jääy atoor athage.
42Kanyøgø jø tøŋ aköö ni jøøa näk otwöö 'näk, nee bäŋe dhaanhø mo kwaŋ wøk ni kwala ree. 43'Ba kwääy lwaa jø tøŋ ma dïpa, kiper mana näk mo eni manynya man gwøk Pøøl, gena mäne ki mana dege tïïö. Ni cïpe ki dwøl jï jøøa ŋäc kwaaŋ ni kwøŋge rege leeŋ yi naam, nee cige wøk, 44ni ci jø møga wøk ki bäät opämi wala ki bäät thäk jääy moa no otøyø. Ni pïïcge bäät ageela ni bäŋ gïn mo otägö dëëtge.
Currently Selected:
Moa Tïïc Nyïïatwieli 27: AnyuB
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Ethiopia
Moa Tïïc Nyïïatwieli 27
27
Kanya Ci Pøølli Röm Ki Jääy Mo Dwøŋ Mar Naam
1'Ba køøre na nø caani ni wa kïth yi Itali#27:1 Itali beeye paac mana en Yurööp ni pääny mare mana dwøŋ beeye Röm. ki jääy mo dwøŋ mar naam, Pøøl ki jø tööc møøk acïpge cer kwääy lwaa dïkuye mar nyeny Röm ma Agacta mo nyeŋŋe Julia. 2Ni ciwa yi jää paana cwøl na Adarmitiem na many man tïŋŋe ni cøøa yïth mïëc Eecia, ni aacwa ki gø, ni ö Aritarka ma nyï Macedönia mo käla Thecalönika, ni lööbe ki waani.
3'Ba na tïme na aruunnø man, waana mäk piny Caydan. 'Ba Julia, Pøøl atïïe na wøp, ni wëëk gø ciin baŋ nyïïawääte kiper gïno manynye. 4'Ba na tïŋwa kaace, waana ci buut acuul Caypara, kiper jamø atïmö ni kwönna baŋwa. 5'Ba na nø ŋutwa løø Cilicia ki Pampilia, waana pïï Mayra na en Licia. 6Kaace kwääy lwaa dïkuye ajïtö ki jää Alekdhandaria mo aa Itali, ni kïth waani yie. 7Ni cääthwa mëëth ki nïne mo thööth, këël mana pïïcwa buut Nida ki wääth mo raac. 'Ba na ö jame na män waani ki wääth, waana ci buut Kariit nyïm Calmöne. 8'Ba na nø cääthwa ki wääth mo raac, waana pïï kany mo cwøl ni Peer Eeben na näk kare cään ki paana cwøl ni Laceea.
9'Ba na nø gaal wääthi marwa ki nïne mo thööth, ni tïm pinynyi na arïïa ni paa kany mo beer kiper wääth naam, kiper nïr lam-wödö onø pöödhö, Pøøl acäänö ki geni, 10ni kööe, ni «Jaay, ajooda ni wääthi en kännö ki ŋwiili ki ränynyö mo dwøŋ døc, ni paa jammi mo en yi jääy ki dëër jääy keerge noo ränynyi, 'ba këël jwïëyø thuwø.» 11'Ba kwääy lwaa dïkuye leŋa luup mo wø caan kwääy jääyi ki wää jääy, ni käre ïthe ciiø ki luup moa caan Pøølli. 12'Ba kiper mana tïme ni dhi wääth manøgø paa kany mo beer ki man ruu jääyi yie ka arïïa, jiy mo thööth aköö, ni jääy laar aay kaace, ni ege caarø ni kanymør ge pïï Pinik, na näk dhi waath Kariit na näk raŋŋa rege ki jï løø kur pänh-cäŋ bäät cwiic ki bäät caam, nee put bëëte kaace ka arïïa.
Kanya Täk Atuunna Mo Dwøŋ
13'Ba na ö jam wø rïïw piny ni kwönne mëëth, acaarge ni kanya koorge athur kare, ni gøønyge jääy, ni cääthge ki deŋ ageel Kariit. 14'Ba ki nyi kany mo thiinh jam aŋalakiir mo raac døc aput kwönnö ki wøk ki jï løø wï-piny kur tuul-cäŋ. 15'Ba na tïm jääyi ni käär jame käärö ni ba løny ki man kem jamø, awëëkwa køøl, ni puti ya jame käärö. 16'Ba na nyiikwa buut acuula mo thiinh mo cwøl ni Køda, jääna thiinh adwøkwa yi jääy ni twöwa gø piny ki tïïc mo leth. 17'Ba na nø tïŋge gø maal, dëër jääna dwøŋ ameenge ki thøør nywïënyö. 'Ba køøre na lwäcge ni jääy køøla ya akwöny Cirti, abïï jamø aduuge piny, ni wëëkge jääy køøl. 18'Ba na tïme ni wa leeŋ athage leeŋŋø, na tïme na aruunnø man gena tägö ki man leeŋge jammi yi naam moa käär jääyi. 19'Ba na tïme na dää nïne, thøør jääy kiree aleeŋge yi naam ki ceŋge keerge. 20'Ba na tïme ni cäŋ ki ceer ba nëëni ki nïne mo thööth, na atuunna mo ba thiinh ena bäätwa, ŋäädhe marwa ki man näk mo wa kwøw këët arwäänyö jïwa na bäre.
21'Ba kanya nø bëëtge ki nïne mo thööth ni ge ba cämö, Pøøl aci dïge, ni kööe, ni «Onää luumma you leŋø, ni ba tïŋŋu ki Kariit, u ba doo jïtö ki ŋwiili ki ränynyö man en. 22'Ba kawaane a kwaya uuni ki man magu cwïnynyu. Kiper bäŋ ŋat mo thøw dïïu, 'ba beeye dëër jääy keere noo ränynyi. 23Kiper yawïtïn kiree, nyïïatwiel maal mør mar Jwøk, ni näga dhaanhnhe en ni wø wøøra, acuŋŋö buuta. 24Ni kööe, ni ‹Kärï lwäyö, Pøøl. Ïïni, ï cuŋŋö nyïm Cidhar. Ni Jwøk thuwø yie met ki ïïni ki man gwøk jøøi bëët ni en yi jääy ki ïïni na aciel en.› 25Kiper manøgø nø, jaay, magu cwïnynyu. Kiper Jwøk yaa ŋäädhö ni gïnögø thura kare na adïëri, kaawat mana caani jïra. 26'Ba ø kwøŋ ka leeŋ ya acuula.»
27'Ba wääna tïm nïne na apaar kurŋween ni jääy marwa okøøl jamø løø naam Eedaria, kanya tïm pinynyi ni dï wäär, dïkïïwe acaarge ni karge ocäännö ka ageela. 28Kanyøgø naam arømge ni jootge gø na rumme ma pïërariiø. 'Ba na nyiikge nyïm mëëth gena cäŋ rummö, ni jïtge ki rumme ma apaar kurbïïc. 29'Ba kiper mana lwäcge ni kanymør wa cøøa bäät kïte, alïŋe aŋween mo jääy aleeŋge piny thar jääy, ni kwacge Jwøk nee øw laar ruuö. 30'Ba dïkïïwe atïmö ni ge manynya man kwalge dëëtge yi jääy ni jääy mana thiinh ege nø kïth naam, ni ge tïïya riek waŋ kede ge leeŋa alïŋe mo wï jääy piny. 31'Ba Pøøl aköö jï kwääy lwaak ki jø tøŋ, ni «Ni näk jøøgø ba bëëdö yi jääy, u ki dëëtu, u ba maar piem.» 32Kanyøgø jø tøŋ thøøth jääna thiinh aputge ŋøørø ni wëëkge gø tharø.
33'Ba na tïm kar øwi ni cään, gena kwaac Pøølli bëët nee ge cämge, ni kööe, ni «Dïcäŋi jïïu da nïne apaar kurŋween nou bëëdö nou lwäär nou ba cämö, ni bäŋ gïn mo maaru kïth dhøgu. 34Kiper manøgø nø, a kwaya uuni nou cämu, nee dëëtu tëënge, kiper bäŋ jëën wï dhaanhø aciel dïïu mo rwäänyi.» 35'Ba na nø caan gïnögø, ena lwötö ki møø. 'Ba na nø dwøk met ec jï Jwøk nyïmge bëët, møø apøte ni put tägö ki cam. 36Kanyøgø gena jïtö ki cøm cwïny bëët, ni cämge thuwø. 37'Ba wa na en yi jääy bëët, waana dïpe ariiø ki pïërabïriiø ka abïciel. 38'Ba na nø cämge ni jäŋge, beel awetge yi naam, ni ge døøya jääy mo jööt.
Kanya Räny Jääyi
39'Ba kanya ruu øwi, kaace kärge ŋiiø, 'ba gena jïtö ki cwøny mo opäär ka akwöö, ni caarge gø ni ni näk mo løny, jääy dege kïtha yie. 40Kanyøgø alïŋe apätge ni wiige ge yi naam, ni jø møøk päta thøøtha en dëët ogeelle. Køøre na nø tïŋge abïï jamø maal kiper jamø, gena cääth baŋ ageela. 41'Ba kanya ö jääyi ni gööc kany mo cwøk, anigëëk, ni magi ya pinynyi. Ni ö wïïe ni këët piny ni tïme ni ree ba maar tuk. 'Ba jïp jääy atoor athage.
42Kanyøgø jø tøŋ aköö ni jøøa näk otwöö 'näk, nee bäŋe dhaanhø mo kwaŋ wøk ni kwala ree. 43'Ba kwääy lwaa jø tøŋ ma dïpa, kiper mana näk mo eni manynya man gwøk Pøøl, gena mäne ki mana dege tïïö. Ni cïpe ki dwøl jï jøøa ŋäc kwaaŋ ni kwøŋge rege leeŋ yi naam, nee cige wøk, 44ni ci jø møga wøk ki bäät opämi wala ki bäät thäk jääy moa no otøyø. Ni pïïcge bäät ageela ni bäŋ gïn mo otägö dëëtge.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Ethiopia