መዝሙረ ዳዊት 61

1ለመዘምራን አለቃ፥ በበገናዎች፥ የዳዊት መዝሙር።

2አምላክ ሆይ፥ ጩኸቴን ስማ፥

ጸሎቴንም አድምጥ።

3ልቤ ተስፋ በቈረጠ ጊዜ ከምድር ዳርቻ ወደ አንተ እጮኻለሁ፥

ከፍ ባለ ዓለት ላይ ትመራኛለህ።

4 # መዝ. 46፥2። በጠላት ፊት ጽኑ ግንብ፥

መጠጊያዬም ሆነኸኛልና።

5 # መዝ. 17፥8፤ 36፥8፤ 57፥2። በድንኳንህ ለዘለዓለም እኖራለሁ፥

በክንፎችህም ጥላ እጋረዳለሁ፥

6አቤቱ፥ አንተ ስእለቴን ሰምተሃልና፥

ስምህንም ለሚፈሩ ርስትን ሰጠሃቸው።

7 # መዝ. 21፥5። ለንጉሥ ከቀን በላይ ቀን ትጨምራለህ፥

ዓመታቱም ከትውልድ ወደ ትውልድ ይሆናሉ።

8 # መዝ. 72፥5፤ 89፥5፤30፤37፤ 85፥11፤ 89፥15፤25፤ ምሳ. 20፥28። በእግዚአብሔር ፊት ለዘለዓለም ይኖራል፥

ይጠብቁት ዘንድ ቸርነትንና እውነትን አዘጋጅለት።

9እንዲሁ ለስምህ ለዘለዓለም እዘምራለሁ

ስእለቴን ሁልጊዜ እፈጽም ዘንድ።

Currently Selected:

መዝሙረ ዳዊት 61: መቅካእኤ

Highlight

Copy

Want to have your highlights saved across all your devices? Sign up or sign in