መጽሐፈ መዝሙር 148

148

ፍጥረቶች ሁሉ እግዚአብሔርን ያመስግኑ

1እግዚአብሔርን አመስግኑ!

ከላይ ከሰማያት አመስግኑት።

2እናንተ የእርሱ መላእክት ሁሉ አመስግኑት፤

በሰማይ ያላችሁ ሠራዊቱ ሁሉ አመስግኑት።

3ፀሐይና ጨረቃ አመስግኑት።

የምትበሩ ከዋክብት ሁሉ አመስግኑት፤

4ከፍተኞች ሰማያት አመስግኑት፤

ከጠፈር በላይ ያላችሁ ውሃዎችም አመስግኑት።

5ሁሉም የእግዚአብሔርን ስም ያመስግኑ!

እርሱ አዘዘ እነርሱም ተፈጠሩ።

6ምንጊዜም በማይፈርስ ድንጋጌ

ለዘለዓለም እስከ ዘለዓለም መሥርቶአቸዋል።

7የባሕር አራዊትና የውቅያኖስ ጥልቀቶች

እግዚአብሔርን ከምድር አመስግኑ።

8እሳትና በረዶ፥ ዐመዳይና ደመና፥

ትእዛዙን የምትፈጽሙም ብርቱዎች ነፋሳት

እግዚአብሔርን አመስግኑ።

9ኰረብቶችና ተራራዎች፥

የፍሬ ተክሎችና የደን ዛፎች ሁሉ አመስግኑት።

10አራዊትና ለማዳ እንስሶች፥

በምድር የምትሳቡና በክንፍ የምትበርሩ ፍጥረቶች ሁሉ

እግዚአብሔርን አመስግኑት።

11ነገሥታትና የምድር ሕዝቦች፥

መሳፍንትና ፈራጆች ሁሉ አመስግኑት።

12ጐልማሶችና ልጃገረዶች፥

ሽማግሌዎችና ልጆች ሁሉ አመስግኑት።

13የእርሱ ስም ከሌሎች ስሞች ስለሚበልጥና

ክብሩም ከምድርና ከሰማይ በላይ ከፍ ያለ ስለ ሆነ

ሁሉም የእግዚአብሔርን ስም ያመስግኑ!

14ለእርሱ ቅርብ የሆኑትን ታማኝ አገልጋዮቹን እስራኤልን

ከፍ ከፍ አደረጋቸው፤

ምስጋናንም አቀዳጃቸው።

እግዚአብሔርን አመስግኑ!

Currently Selected:

መጽሐፈ መዝሙር 148: አማ05

Highlight

Copy

Want to have your highlights saved across all your devices? Sign up or sign in

Learn More About አማርኛ አዲሱ መደበኛ ትርጉም