ରୋମୀ 5
5
ପାର୍ମେଶ୍ୱାର୍ସ୍ଗାନେ ନାହ୍ମା ମେଲ୍ମିଲାପ୍ ମାନ୍ଚାକେର୍କିଚି
1ଏନ୍ଦେର୍ଗେକା ନାହ୍ମା ବିଶ୍ୱାସ୍ଘି ଲାଗାନ୍ ପାର୍ମେଶ୍ୱାର୍ସ୍ ନାମାନ୍ ତାଙ୍ଘା ନଜର୍ନୁ ନିର୍ଦ୍ଦୋଷ୍ କାମ୍ଚାସ୍ ତା ପ୍ରାଭୁ ଯୀଶୁ ଖ୍ରୀସ୍ତ୍କି ବଲୀ ଦ୍ୱାର୍ନୁ ପାର୍ମେଶ୍ୱାର୍ସ୍ଗାନେ ନାହ୍ମାଏ ମେଲ୍ମିଲାପ୍ ମାନ୍ଚ୍କିଚି। 2ଆ ପ୍ରାଭୁ ଯୀଶୁ ଖ୍ରୀସ୍ତ୍କି ଦ୍ୱାର୍ନୁ ବିଶ୍ୱାସ୍ଘି ଲାଗାନ୍ ପାର୍ମେଶ୍ୱାର୍ସ୍କି କ୍ରିପା ନାମାଗେ ହାଖ୍ଖର୍କିଚି, ଆରୁ ନାମ୍ ଆ କ୍ରିପାନୁ ରତ୍। ଆରୁ ନାମ୍ ପାର୍ମେଶ୍ୱାର୍ସ୍କି ମାହିମାଘି ଭାଗୁ ହାଖ୍ଖନାଘି ଆଶ୍ରାନୁ ରିଝୁତି ନାମ୍ ଉଜ୍ଜ୍ଦାତ୍। 3ଏତ୍କ ଖାଲି ମାଲ୍ଲା ନାମ୍ ନାହ୍ମା ଦୁଃଖୁ କଷଟ୍ନୁହିଁ ଖୁସ୍ ରାଦାତ୍। ଏନ୍ଦେର୍ଗେକା ନାମ୍ ଆହ୍ଦାତ୍ କା ଦୁଃଖୁ କଷଟ୍ତିନିନ୍ ସାହ୍ନା ଶକ୍ତି ହାଖ୍ଖରିଦ୍। 4ନାମ୍ ଧିରାଜ୍ତିନିନ୍ ପ୍ରାଭୁସ୍କି ନଜର୍ନୁ ବାନେତ୍। ଆରୁ ବାନେ ରାନାତିନିନ୍ ନାହ୍ମାଏନୁ ଆଶ୍ରାଦ୍ ସିର୍ଜାରିଦ୍। 5ଆରୁ ଆଶ୍ରାତି ହାତାଶ୍ ମା ମାନିଦ୍ ଏନ୍ଦେର୍ଗେକା ପାର୍ମେଶ୍ୱାର୍ସ୍ ନାମାଗେ ପାବିତାର୍ ଆତ୍ମା ଚିଚ୍କାଦାସ୍ ଆତ୍ତି ନାମ୍ ପାର୍ମେଶ୍ୱାର୍ସ୍ ତାଙ୍ଘା ବାନେ ହାଖ୍ଖନାବନ୍ ନାହ୍ମା ମନ୍ନୁ ଭାର୍ପୁର୍ ଚିଚ୍ଚକାଦାସ୍। 6ଏନ୍ଦେର୍ଗେକା ଯେତ୍କବାକେନ୍ ନାମ୍ କମ୍ଜୋର୍ ରାଚ୍କାତ୍, ଆରୁ ନାମ୍ ନିଜେ ବାଛ୍ରା ପଲ୍ଲାଲ୍କାତ୍ ଆ ଠିକ୍ ସାମାୟନୁ ଖ୍ରୀସ୍ତ୍ ନାହ୍ମା ଅଧର୍ମି ଆଲାର୍ଘି ଲାଗାନ୍ ନିଜର୍ ଜୀବନ୍ବନ୍ ବଲୀ ଚିଚ୍ଚଚାସ୍। 7ଧର୍ମି ଆଲାସ୍କି ଲାଗାନ୍ ନେଦିନ୍ ମା ଖିନାଏ ହାଲେହି ଅଣ୍ଟା ବାନେ ଆଲାସ୍କି ଲାଗାନ୍ ନେଦିନ୍ ଖିଆଗେ ଲାଗାନ୍ ତିୟାର୍ ମାନା ଅଙ୍ଗ୍ଦାସ୍। 8ଯେତ୍କବାକେନ୍ ନାମ୍ ପାପୀନିନ୍ ରାଚ୍କାତ୍ ତା ଖ୍ରୀସ୍ତ୍ ନାହ୍ମା ପାପ୍ଘି ଲାଗାନ୍ ଜୀଆ ଚିଚ୍ଚାସ୍ ଲାଗ୍ଗିୟାସ୍। ଆରୁ ଇନ୍ନୁନ୍ତି ନାହ୍ମା ପ୍ରତି ପାର୍ମେଶ୍ୱାର୍ସ୍ ତାଙ୍ଘା ମାହାନ୍ ବାନେ ହାଖ୍ଖନାବନ୍ ଏଦିୟାସ୍। 9ଯୀଶୁ ଖ୍ରୀସ୍ତ୍କି ହେଁସୁତି ନାମ୍ ପାର୍ମେଶ୍ୱାର୍ସ୍କି ନଜର୍ନୁ ନିର୍ଦ୍ଦୋଷ୍ ମାନ୍ଚ୍କାତ୍ ଆରୁ ନାମାନ୍ ଆଖ୍ରୀ ନ୍ୟାୟ ଉଲ୍ଲାନୁହି ପାର୍ମେଶ୍ୱାର୍ସ୍କି ଦଣ୍ତ୍ତି ନାମ୍ ଜରୁର୍ ବାଛ୍ରତ୍କତ୍। 10ଯେତ୍କବାକେନ୍ ନାମ୍ ପାର୍ମେଶ୍ୱାର୍ସ୍କି ବିରୁଦ୍ଧ କାମାଲ୍କାତ୍ ହତ୍କବାକେନ୍ ପାର୍ମେଶ୍ୱାର୍ସ୍ ତାଙ୍ଘା ହାଦ୍ଦୁସ୍କି ମରନ୍ ଦ୍ୱାର୍ନୁ ତାଙ୍ଘାଗାନେ ନାହ୍ମା ମେଲ୍ମିଲାପ୍ କାମ୍ତାଚାସ୍। ଆରୁ ନାହ୍ମା ମେଲ୍ମିଲାପ୍ ଏନ୍ନେ ମାନ୍ଚାକେର୍କିଚି କା ପାର୍ମେଶ୍ୱାର୍ସ୍କି ହାଦ୍ଦୁସ୍କି ଜୀବନ୍ଘି ଦ୍ୱାର୍ନୁ ନାହ୍ମା ମୁକ୍ତି ଜରୁର୍ ମାନଦ୍। 11ଏତ୍କ ଖାଲି ମାଲ୍ଲା ଆକ୍କୁନ୍ ନାହ୍ମାଏ ପ୍ରାଭୁ ଯୀଶୁ ଖ୍ରୀସ୍ତ୍କି ଦ୍ୱାର୍ନୁ ପାର୍ମେଶ୍ୱାର୍ସ୍ଗାନେ ନାହ୍ମାଏ ମେଲ୍ମିଲାପ୍ ମାନ୍ଚାକେରା। ହୁଦ୍ଘିଲାଗାନ୍ ନାମ୍ ଆସ୍କି ଦ୍ୱାର୍ନୁ ପାର୍ମେଶ୍ୱାର୍ସ୍କି ମିଆଁ ଭାର୍ଷା ଉଇକିରି ରୀଜ୍ଝୁ କାମାଲ୍ଦାତ୍।
ଆଦାମ୍ସ୍କି ଦ୍ୱାର୍ନୁ ମରନ୍ ଆରୁ ଯୀଶୁ ଖ୍ରୀସ୍ତ୍କି ଦ୍ୱାର୍ନୁ ଉଜ୍ଜନାଦ୍
12ଆଦାମ୍ସ୍ ପାର୍ମେଶ୍ୱାର୍ସ୍କି ନିୟମ୍ବନ୍ ମା ମାନ୍ନାଘି କାରଣ୍ତି ପାପ୍ ଦୁନିଆଁନୁ ବାର୍ଚା। ଆରୁ ଆଦାମ୍ସ୍କି ମା ମାନ୍ନାଘି କାରଣତିହି ମରନ୍ଦ୍ ଜାମା ଆଲାର୍ଘିନୁ ଫାଏଲାରାଚା କେରା ଆରୁ ଜାମା ଆଲାର୍ ପାପୀ ମାନ୍ଚାର୍ କେରାର୍। 13ପାର୍ମେଶ୍ୱାର୍ସ୍ ମୁଶାସ୍କି ନିୟମ୍ ଚିନାଘି ଆଘ୍ଲିନିନ୍ ପାପ୍ ଦୁନିଆଁନୁ ରାଚା, ଲେକିନ୍ ଏକାସାନ୍ ନିୟମ୍ ମା ମାନ୍ନାଘି କାରଣ୍ତି ପାପ୍ବନ୍ ଗଣା ମା କାଇ। 14ଆଦାମ୍ସ୍ତି ହୋଇକିରି ମୁଶାସ୍କି ସାମାୟତକ୍ ମରନ୍ ଜାମା ଆଲାର୍ଘି ମିଆଁ ଶାସନ୍ କାମ୍ତେ ରାଇ। ଆବ୍ଡ଼ା ଆଲାର୍ ଆଦାମ୍ସ୍କି ଲେଖା ଏକ୍ରିନ୍ କାତ୍ଥା ମା ମାନ୍ନାଘି ଦ୍ୱାର୍ନୁ ପାପ୍ ମାଲ୍ଲା କାମ୍ଚ୍କାରୁର୍। ଆରୁ ଆଦାମ୍ସ୍ ତା ବାର୍ନାବାଲା ମୁକ୍ତିଦାତାସ୍କି ଲେଖା ରାଚାସ୍। 15ଆଦାମ୍ସ୍କି ନିୟମ୍ ମା ମାନ୍ନାଘି ଦ୍ୱାର୍ନୁ ଆରୁ ପାର୍ମେଶ୍ୱାର୍ସ୍କି କ୍ରିପା ଇ ଯୋଡ଼େନ୍ ତୁଲ୍ନା କାମା ପଲ୍ଲଦାତିନ୍। ଇ କାତ୍ଥାଦ୍ ସତ୍ତୁଦ୍ କା ଅଣ୍ଟା ଖାଲି ମୁନୁଷ୍ ଆଦାମ୍ସ୍କି କାତ୍ଥା ମା ମେନ୍ନାଘି କାରଣ୍ତି ବହୁତ୍ ଆଲାର୍ କେଚ୍ଚାର୍ କେରାର୍। ଲେକିନ୍ ଆନ୍ନେନିନ୍ ଅଣ୍ଟା ମୁନୁଷ୍ ଯୀଶୁ ଖ୍ରୀସ୍ତ୍ସ୍କି ଦ୍ୱାର୍ନୁ ପାର୍ମେଶ୍ୱାର୍ସ୍କି କ୍ରିପା ଜାମା ଆଲାର୍ଗେ ବାଗ୍ଗେ ହାଖ୍ରା। 16ଆଦାମ୍ସ୍କି କାତ୍ଥା ମା ମେନ୍ନା ଆରୁ ପାର୍ମେଶ୍ୱାର୍ସ୍କି କ୍ରିପାନୁ ଏନ୍ଦେର୍ହି ଫରକ୍ ମାଲ୍ଲାଦିନ୍। ଆଦାମ୍ସ୍କି କାତ୍ଥା ମା ମେନ୍ନାଘି କାରଣ୍ତି ଜାମା ଆଲାର୍ଘି ମିଆଁ ପାର୍ମେଶ୍ୱାର୍ସ୍କି ଦଣ୍ଡ୍ ବାର୍ଚା କେରା, ଲେକିନ୍ ଜାମା ଆଲାର୍ଘି ଦୋଷ୍ଘି ପାଛ୍ଲି ପାର୍ମେଶ୍ୱାର୍ସ୍କି ଏକା କ୍ରିପା ଚିୟାକେରା ଆସ୍କି ନଜର୍ନୁ ମୁନୁଷ୍ର୍ ନିର୍ଦ୍ଦୋଷ୍ ଠାହ୍ରାରାଚାର୍। 17ଆଦାମ୍ସ୍କି କାତ୍ଥା ମା ମେନ୍ନାଘି ଲାଗାନ୍ ଜାମା ଆଲାର୍ଘି ମିଆଁ ମରନ୍ଦ୍ ଶାସନ୍ କାମ୍ଚା, ଲେକିନ୍ ଯୀଶୁ ଖ୍ରୀସ୍ତ୍କି ଦ୍ୱାର୍ନୁ ପାର୍ମେଶ୍ୱାର୍ସ୍କି କ୍ରିପା ଆରୁ ପାପ୍ସ୍ତି ମୁକ୍ତିଘି ବାର୍ଦାନ୍ ଜାମା ମୁନୁଷ୍ର୍ଗେ ହାଖ୍ରା ଆରୁ ଜାମା ମୁନୁଷ୍ର୍ ସୁଃଖୁ ଜୀବନ୍ ବାଗ୍ଗେ ହାଖ୍ଖନାଘି ଲାଇଗ୍ ମାନ୍ଚାର୍ କେରାର୍।
18ଆଦାମ୍ସ୍ ପାର୍ମେଶ୍ୱାର୍ସ୍କି ନିୟମ୍ ମା ମାନ୍ନାଘି କାରଣ୍ତି ଜାମା ଆଲାର୍ ପାର୍ମେଶ୍ୱାର୍ସ୍କି ନଜର୍ନୁ ଦୋଷୀ ମାନ୍ଚାର୍ କେରାର୍ ଲେକିନ୍ ଯୀଶୁ ଖ୍ରୀସ୍ତ୍ସ୍କି ବଲୀଘି ଦ୍ୱାର୍ନୁ ପାର୍ମେଶ୍ୱାର୍ସ୍ଗାନେ ବାନେ ସମ୍ୱନ୍ଧ ମାନ୍ଚା ଆରୁ ଜାମାର୍ଘି ଲାଗାନ୍ ସବୁଦିନ୍ତା ଜୀବନ୍ ହାଖ୍ଖରା। 19ଆରୁ ଆଦାମ୍ସ୍ ପାର୍ମେଶ୍ୱାର୍ସ୍କି ଆଦେଶ୍ବନ୍ ମା ମାନ୍ଚାସ୍ ଆରୁ ଜାମା ଆଲାର୍ ପାପୀ ମାନ୍ଚାର୍। ଲେକିନ୍ ଯୀଶୁ ଖ୍ରୀସ୍ତ୍ସ୍ ପାର୍ମେଶ୍ୱାର୍ସ୍କି ହୁକୁମ୍ବନ୍ ମାନ୍ଚାସ୍ ହୁଦ୍ଘିଲାଗାନ୍ ଢେର୍ ଆଲାର୍ ପାର୍ମେଶ୍ୱାର୍ସ୍କି ନଜର୍ନୁ ନିର୍ଦ୍ଦୋଷ୍ ଠାହ୍ରାରାଚାର୍। 20ପାର୍ମେଶ୍ୱାର୍ସ୍ ମୁଶାସ୍କେ ନିୟମ୍ ଚିଚ୍ଚାସ୍ ଆଙ୍ଗେନ୍ ଆଲାର୍ ପାପ୍ବନ୍ ଆହା ଅଙ୍ଗିୟାର୍। ଲେକିନ୍ ପାପ୍ ଆରୁ ବାଢ଼୍ରାଗେ ଲାଗ୍ଗିୟା, ଏକାସାନ୍ ବାଗ୍ଗେ ପାପ୍ ମାନ୍ଚା ଆସାନ୍ ପାର୍ମେଶ୍ୱାର୍ସ୍କି କ୍ରିପା ଆରୁହି ବାଗ୍ଗେ ମାନ୍ଚା। 21ପାପ୍ଘି ଲାଗାନ୍ ମରନ୍ ମାନ୍ଚା। ଲେକିନ୍ ପାର୍ମେଶ୍ୱାର୍ସ୍କି କ୍ରିପା ଇଦ୍ଘିନ୍ତି ଆରୁହି ଢେର୍ବାଗ୍ଗେ ମାନ୍ଚା। ଆନ୍ନେନିନ୍ ନାହ୍ମାଏ ପ୍ରାଭୁ ଯୀଶୁ ଖ୍ରୀସ୍ତ୍କି ଦ୍ୱାର୍ନୁ ନାମ୍ ପାର୍ମେଶ୍ୱାର୍ସ୍କି ନଜର୍ନୁ ନିର୍ଦ୍ଦୋଷ୍ ମାନ୍ଚ୍କାତ୍ କେର୍କାତ୍ ଆରୁ ଜାମାର୍ଗେ ସବୁଦିନ୍ତା ଜୀବନ୍ ହାଖ୍ଖରା।
Currently Selected:
ରୋମୀ 5: xis
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
ରୋମୀ 5
5
ପାର୍ମେଶ୍ୱାର୍ସ୍ଗାନେ ନାହ୍ମା ମେଲ୍ମିଲାପ୍ ମାନ୍ଚାକେର୍କିଚି
1ଏନ୍ଦେର୍ଗେକା ନାହ୍ମା ବିଶ୍ୱାସ୍ଘି ଲାଗାନ୍ ପାର୍ମେଶ୍ୱାର୍ସ୍ ନାମାନ୍ ତାଙ୍ଘା ନଜର୍ନୁ ନିର୍ଦ୍ଦୋଷ୍ କାମ୍ଚାସ୍ ତା ପ୍ରାଭୁ ଯୀଶୁ ଖ୍ରୀସ୍ତ୍କି ବଲୀ ଦ୍ୱାର୍ନୁ ପାର୍ମେଶ୍ୱାର୍ସ୍ଗାନେ ନାହ୍ମାଏ ମେଲ୍ମିଲାପ୍ ମାନ୍ଚ୍କିଚି। 2ଆ ପ୍ରାଭୁ ଯୀଶୁ ଖ୍ରୀସ୍ତ୍କି ଦ୍ୱାର୍ନୁ ବିଶ୍ୱାସ୍ଘି ଲାଗାନ୍ ପାର୍ମେଶ୍ୱାର୍ସ୍କି କ୍ରିପା ନାମାଗେ ହାଖ୍ଖର୍କିଚି, ଆରୁ ନାମ୍ ଆ କ୍ରିପାନୁ ରତ୍। ଆରୁ ନାମ୍ ପାର୍ମେଶ୍ୱାର୍ସ୍କି ମାହିମାଘି ଭାଗୁ ହାଖ୍ଖନାଘି ଆଶ୍ରାନୁ ରିଝୁତି ନାମ୍ ଉଜ୍ଜ୍ଦାତ୍। 3ଏତ୍କ ଖାଲି ମାଲ୍ଲା ନାମ୍ ନାହ୍ମା ଦୁଃଖୁ କଷଟ୍ନୁହିଁ ଖୁସ୍ ରାଦାତ୍। ଏନ୍ଦେର୍ଗେକା ନାମ୍ ଆହ୍ଦାତ୍ କା ଦୁଃଖୁ କଷଟ୍ତିନିନ୍ ସାହ୍ନା ଶକ୍ତି ହାଖ୍ଖରିଦ୍। 4ନାମ୍ ଧିରାଜ୍ତିନିନ୍ ପ୍ରାଭୁସ୍କି ନଜର୍ନୁ ବାନେତ୍। ଆରୁ ବାନେ ରାନାତିନିନ୍ ନାହ୍ମାଏନୁ ଆଶ୍ରାଦ୍ ସିର୍ଜାରିଦ୍। 5ଆରୁ ଆଶ୍ରାତି ହାତାଶ୍ ମା ମାନିଦ୍ ଏନ୍ଦେର୍ଗେକା ପାର୍ମେଶ୍ୱାର୍ସ୍ ନାମାଗେ ପାବିତାର୍ ଆତ୍ମା ଚିଚ୍କାଦାସ୍ ଆତ୍ତି ନାମ୍ ପାର୍ମେଶ୍ୱାର୍ସ୍ ତାଙ୍ଘା ବାନେ ହାଖ୍ଖନାବନ୍ ନାହ୍ମା ମନ୍ନୁ ଭାର୍ପୁର୍ ଚିଚ୍ଚକାଦାସ୍। 6ଏନ୍ଦେର୍ଗେକା ଯେତ୍କବାକେନ୍ ନାମ୍ କମ୍ଜୋର୍ ରାଚ୍କାତ୍, ଆରୁ ନାମ୍ ନିଜେ ବାଛ୍ରା ପଲ୍ଲାଲ୍କାତ୍ ଆ ଠିକ୍ ସାମାୟନୁ ଖ୍ରୀସ୍ତ୍ ନାହ୍ମା ଅଧର୍ମି ଆଲାର୍ଘି ଲାଗାନ୍ ନିଜର୍ ଜୀବନ୍ବନ୍ ବଲୀ ଚିଚ୍ଚଚାସ୍। 7ଧର୍ମି ଆଲାସ୍କି ଲାଗାନ୍ ନେଦିନ୍ ମା ଖିନାଏ ହାଲେହି ଅଣ୍ଟା ବାନେ ଆଲାସ୍କି ଲାଗାନ୍ ନେଦିନ୍ ଖିଆଗେ ଲାଗାନ୍ ତିୟାର୍ ମାନା ଅଙ୍ଗ୍ଦାସ୍। 8ଯେତ୍କବାକେନ୍ ନାମ୍ ପାପୀନିନ୍ ରାଚ୍କାତ୍ ତା ଖ୍ରୀସ୍ତ୍ ନାହ୍ମା ପାପ୍ଘି ଲାଗାନ୍ ଜୀଆ ଚିଚ୍ଚାସ୍ ଲାଗ୍ଗିୟାସ୍। ଆରୁ ଇନ୍ନୁନ୍ତି ନାହ୍ମା ପ୍ରତି ପାର୍ମେଶ୍ୱାର୍ସ୍ ତାଙ୍ଘା ମାହାନ୍ ବାନେ ହାଖ୍ଖନାବନ୍ ଏଦିୟାସ୍। 9ଯୀଶୁ ଖ୍ରୀସ୍ତ୍କି ହେଁସୁତି ନାମ୍ ପାର୍ମେଶ୍ୱାର୍ସ୍କି ନଜର୍ନୁ ନିର୍ଦ୍ଦୋଷ୍ ମାନ୍ଚ୍କାତ୍ ଆରୁ ନାମାନ୍ ଆଖ୍ରୀ ନ୍ୟାୟ ଉଲ୍ଲାନୁହି ପାର୍ମେଶ୍ୱାର୍ସ୍କି ଦଣ୍ତ୍ତି ନାମ୍ ଜରୁର୍ ବାଛ୍ରତ୍କତ୍। 10ଯେତ୍କବାକେନ୍ ନାମ୍ ପାର୍ମେଶ୍ୱାର୍ସ୍କି ବିରୁଦ୍ଧ କାମାଲ୍କାତ୍ ହତ୍କବାକେନ୍ ପାର୍ମେଶ୍ୱାର୍ସ୍ ତାଙ୍ଘା ହାଦ୍ଦୁସ୍କି ମରନ୍ ଦ୍ୱାର୍ନୁ ତାଙ୍ଘାଗାନେ ନାହ୍ମା ମେଲ୍ମିଲାପ୍ କାମ୍ତାଚାସ୍। ଆରୁ ନାହ୍ମା ମେଲ୍ମିଲାପ୍ ଏନ୍ନେ ମାନ୍ଚାକେର୍କିଚି କା ପାର୍ମେଶ୍ୱାର୍ସ୍କି ହାଦ୍ଦୁସ୍କି ଜୀବନ୍ଘି ଦ୍ୱାର୍ନୁ ନାହ୍ମା ମୁକ୍ତି ଜରୁର୍ ମାନଦ୍। 11ଏତ୍କ ଖାଲି ମାଲ୍ଲା ଆକ୍କୁନ୍ ନାହ୍ମାଏ ପ୍ରାଭୁ ଯୀଶୁ ଖ୍ରୀସ୍ତ୍କି ଦ୍ୱାର୍ନୁ ପାର୍ମେଶ୍ୱାର୍ସ୍ଗାନେ ନାହ୍ମାଏ ମେଲ୍ମିଲାପ୍ ମାନ୍ଚାକେରା। ହୁଦ୍ଘିଲାଗାନ୍ ନାମ୍ ଆସ୍କି ଦ୍ୱାର୍ନୁ ପାର୍ମେଶ୍ୱାର୍ସ୍କି ମିଆଁ ଭାର୍ଷା ଉଇକିରି ରୀଜ୍ଝୁ କାମାଲ୍ଦାତ୍।
ଆଦାମ୍ସ୍କି ଦ୍ୱାର୍ନୁ ମରନ୍ ଆରୁ ଯୀଶୁ ଖ୍ରୀସ୍ତ୍କି ଦ୍ୱାର୍ନୁ ଉଜ୍ଜନାଦ୍
12ଆଦାମ୍ସ୍ ପାର୍ମେଶ୍ୱାର୍ସ୍କି ନିୟମ୍ବନ୍ ମା ମାନ୍ନାଘି କାରଣ୍ତି ପାପ୍ ଦୁନିଆଁନୁ ବାର୍ଚା। ଆରୁ ଆଦାମ୍ସ୍କି ମା ମାନ୍ନାଘି କାରଣତିହି ମରନ୍ଦ୍ ଜାମା ଆଲାର୍ଘିନୁ ଫାଏଲାରାଚା କେରା ଆରୁ ଜାମା ଆଲାର୍ ପାପୀ ମାନ୍ଚାର୍ କେରାର୍। 13ପାର୍ମେଶ୍ୱାର୍ସ୍ ମୁଶାସ୍କି ନିୟମ୍ ଚିନାଘି ଆଘ୍ଲିନିନ୍ ପାପ୍ ଦୁନିଆଁନୁ ରାଚା, ଲେକିନ୍ ଏକାସାନ୍ ନିୟମ୍ ମା ମାନ୍ନାଘି କାରଣ୍ତି ପାପ୍ବନ୍ ଗଣା ମା କାଇ। 14ଆଦାମ୍ସ୍ତି ହୋଇକିରି ମୁଶାସ୍କି ସାମାୟତକ୍ ମରନ୍ ଜାମା ଆଲାର୍ଘି ମିଆଁ ଶାସନ୍ କାମ୍ତେ ରାଇ। ଆବ୍ଡ଼ା ଆଲାର୍ ଆଦାମ୍ସ୍କି ଲେଖା ଏକ୍ରିନ୍ କାତ୍ଥା ମା ମାନ୍ନାଘି ଦ୍ୱାର୍ନୁ ପାପ୍ ମାଲ୍ଲା କାମ୍ଚ୍କାରୁର୍। ଆରୁ ଆଦାମ୍ସ୍ ତା ବାର୍ନାବାଲା ମୁକ୍ତିଦାତାସ୍କି ଲେଖା ରାଚାସ୍। 15ଆଦାମ୍ସ୍କି ନିୟମ୍ ମା ମାନ୍ନାଘି ଦ୍ୱାର୍ନୁ ଆରୁ ପାର୍ମେଶ୍ୱାର୍ସ୍କି କ୍ରିପା ଇ ଯୋଡ଼େନ୍ ତୁଲ୍ନା କାମା ପଲ୍ଲଦାତିନ୍। ଇ କାତ୍ଥାଦ୍ ସତ୍ତୁଦ୍ କା ଅଣ୍ଟା ଖାଲି ମୁନୁଷ୍ ଆଦାମ୍ସ୍କି କାତ୍ଥା ମା ମେନ୍ନାଘି କାରଣ୍ତି ବହୁତ୍ ଆଲାର୍ କେଚ୍ଚାର୍ କେରାର୍। ଲେକିନ୍ ଆନ୍ନେନିନ୍ ଅଣ୍ଟା ମୁନୁଷ୍ ଯୀଶୁ ଖ୍ରୀସ୍ତ୍ସ୍କି ଦ୍ୱାର୍ନୁ ପାର୍ମେଶ୍ୱାର୍ସ୍କି କ୍ରିପା ଜାମା ଆଲାର୍ଗେ ବାଗ୍ଗେ ହାଖ୍ରା। 16ଆଦାମ୍ସ୍କି କାତ୍ଥା ମା ମେନ୍ନା ଆରୁ ପାର୍ମେଶ୍ୱାର୍ସ୍କି କ୍ରିପାନୁ ଏନ୍ଦେର୍ହି ଫରକ୍ ମାଲ୍ଲାଦିନ୍। ଆଦାମ୍ସ୍କି କାତ୍ଥା ମା ମେନ୍ନାଘି କାରଣ୍ତି ଜାମା ଆଲାର୍ଘି ମିଆଁ ପାର୍ମେଶ୍ୱାର୍ସ୍କି ଦଣ୍ଡ୍ ବାର୍ଚା କେରା, ଲେକିନ୍ ଜାମା ଆଲାର୍ଘି ଦୋଷ୍ଘି ପାଛ୍ଲି ପାର୍ମେଶ୍ୱାର୍ସ୍କି ଏକା କ୍ରିପା ଚିୟାକେରା ଆସ୍କି ନଜର୍ନୁ ମୁନୁଷ୍ର୍ ନିର୍ଦ୍ଦୋଷ୍ ଠାହ୍ରାରାଚାର୍। 17ଆଦାମ୍ସ୍କି କାତ୍ଥା ମା ମେନ୍ନାଘି ଲାଗାନ୍ ଜାମା ଆଲାର୍ଘି ମିଆଁ ମରନ୍ଦ୍ ଶାସନ୍ କାମ୍ଚା, ଲେକିନ୍ ଯୀଶୁ ଖ୍ରୀସ୍ତ୍କି ଦ୍ୱାର୍ନୁ ପାର୍ମେଶ୍ୱାର୍ସ୍କି କ୍ରିପା ଆରୁ ପାପ୍ସ୍ତି ମୁକ୍ତିଘି ବାର୍ଦାନ୍ ଜାମା ମୁନୁଷ୍ର୍ଗେ ହାଖ୍ରା ଆରୁ ଜାମା ମୁନୁଷ୍ର୍ ସୁଃଖୁ ଜୀବନ୍ ବାଗ୍ଗେ ହାଖ୍ଖନାଘି ଲାଇଗ୍ ମାନ୍ଚାର୍ କେରାର୍।
18ଆଦାମ୍ସ୍ ପାର୍ମେଶ୍ୱାର୍ସ୍କି ନିୟମ୍ ମା ମାନ୍ନାଘି କାରଣ୍ତି ଜାମା ଆଲାର୍ ପାର୍ମେଶ୍ୱାର୍ସ୍କି ନଜର୍ନୁ ଦୋଷୀ ମାନ୍ଚାର୍ କେରାର୍ ଲେକିନ୍ ଯୀଶୁ ଖ୍ରୀସ୍ତ୍ସ୍କି ବଲୀଘି ଦ୍ୱାର୍ନୁ ପାର୍ମେଶ୍ୱାର୍ସ୍ଗାନେ ବାନେ ସମ୍ୱନ୍ଧ ମାନ୍ଚା ଆରୁ ଜାମାର୍ଘି ଲାଗାନ୍ ସବୁଦିନ୍ତା ଜୀବନ୍ ହାଖ୍ଖରା। 19ଆରୁ ଆଦାମ୍ସ୍ ପାର୍ମେଶ୍ୱାର୍ସ୍କି ଆଦେଶ୍ବନ୍ ମା ମାନ୍ଚାସ୍ ଆରୁ ଜାମା ଆଲାର୍ ପାପୀ ମାନ୍ଚାର୍। ଲେକିନ୍ ଯୀଶୁ ଖ୍ରୀସ୍ତ୍ସ୍ ପାର୍ମେଶ୍ୱାର୍ସ୍କି ହୁକୁମ୍ବନ୍ ମାନ୍ଚାସ୍ ହୁଦ୍ଘିଲାଗାନ୍ ଢେର୍ ଆଲାର୍ ପାର୍ମେଶ୍ୱାର୍ସ୍କି ନଜର୍ନୁ ନିର୍ଦ୍ଦୋଷ୍ ଠାହ୍ରାରାଚାର୍। 20ପାର୍ମେଶ୍ୱାର୍ସ୍ ମୁଶାସ୍କେ ନିୟମ୍ ଚିଚ୍ଚାସ୍ ଆଙ୍ଗେନ୍ ଆଲାର୍ ପାପ୍ବନ୍ ଆହା ଅଙ୍ଗିୟାର୍। ଲେକିନ୍ ପାପ୍ ଆରୁ ବାଢ଼୍ରାଗେ ଲାଗ୍ଗିୟା, ଏକାସାନ୍ ବାଗ୍ଗେ ପାପ୍ ମାନ୍ଚା ଆସାନ୍ ପାର୍ମେଶ୍ୱାର୍ସ୍କି କ୍ରିପା ଆରୁହି ବାଗ୍ଗେ ମାନ୍ଚା। 21ପାପ୍ଘି ଲାଗାନ୍ ମରନ୍ ମାନ୍ଚା। ଲେକିନ୍ ପାର୍ମେଶ୍ୱାର୍ସ୍କି କ୍ରିପା ଇଦ୍ଘିନ୍ତି ଆରୁହି ଢେର୍ବାଗ୍ଗେ ମାନ୍ଚା। ଆନ୍ନେନିନ୍ ନାହ୍ମାଏ ପ୍ରାଭୁ ଯୀଶୁ ଖ୍ରୀସ୍ତ୍କି ଦ୍ୱାର୍ନୁ ନାମ୍ ପାର୍ମେଶ୍ୱାର୍ସ୍କି ନଜର୍ନୁ ନିର୍ଦ୍ଦୋଷ୍ ମାନ୍ଚ୍କାତ୍ କେର୍କାତ୍ ଆରୁ ଜାମାର୍ଗେ ସବୁଦିନ୍ତା ଜୀବନ୍ ହାଖ୍ଖରା।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.