റോമക്കാറാര് 3
3
1എഗുദാര് ആനാദ്‌ണാലെ അവാര്‌ക്ക് എന്ത പെര്‌മെ? സുന്നത്ത് സാത്ത്‌റ കളിത്താദ്‌ണാലെ എന്താറ്റ് ഉവഗാര ഇര്‌ക്ക്‌ദ? 2ഇര്‌ക്ക്‌ദ്, എത്തിന്യൊ ദിന്‌സിലി ഉവഗാരഗ ഇര്‌ക്ക്‌ദ്, അയ്യി ഉവഗാരത്തിലി ഒണ്ണാവദ് കാര്യ എങ്കാദ് സാമി സൊല്ലുസുലാക്കണ അവാര് കയ്യിക്ക് കൊഡുത്തിര്‌ക്കാദ്‌ത്തെ.
3എഗുദാരിലി ലേസ ആള്‌ഗ ണമ്പാത്താദ്‌ണാലെ സാമിമ് താന് സൊന്ന ബാക്ക്‌ണ സെയ്‌ദ് കൊഡുക്കാദെ ണമ്പ്യമുഡ്യാത്തവാ് ആവാന? 4ഇല്ലേഗെ ഇല്ലെ. സാമ്യെ,
<<ണീ സൊല്ലുറ ബാക്കിലി ണീ ണേര്‌മെക്കാറാ് എന്ത് കാട്ടുവെ,
ആര്‌മ് ണിന്നോഡെ ബാദിത്ത് ഗെലിസ്യ മുഡ്യമാട്ട>>#സാമി പാട്ട് ബുക്ക് 51:4
എന്ത് സാമി സൊല്ലുസുലാക്കാത്തിലി എ്ള്‌ദിര്‌ക്ക പാസെ സാമി സത്ത്യ ഉള്ളവാ്ത്തെ, എല്ല മന്‌സാര്‌മ് പൊയ്യിപിത്ത്‌ളാട്ടക്കാറാര് എന്ത്‌ത്തെ ബരു.
5ആന സാമി എത്തറ ണേര്‌മെക്കാറാ് എന്ത് തെരിരദാനാക്കി ണമ്മ റമ്പ പാവ സെയ്‌ദ് കൊണ്ടിര്‌ക്കുഡൊ എന്ത് ആരാറ്റ് സൊന്നാക്കി ണമാക്ക് എന്ത ബദ്‌ള് സൊല്ല്യ മുഡ്യു? അച്ചാനാക്കി ണമാണ ദണ്ടിക്ക സാമി ണേര്‌മെക്കാറാ് അല്ല എന്ത്‌താനെ? (മന്‌സാര് സൊല്ലുറ പാസെ ണാന് സൊല്ലുറെ) 6ഇല്ലേഗെ ഇല്ലെ, സാമി ണേര്‌മെക്കാറാ് അല്ലാദെ പോന സാമിക്ക് ഉലഗണ എച്ചെ ബിദിക്ക്യ മുഡ്യു? 7ഒരുത്താ്: <<ണാന് സൊല്ലുറ ഉറുട്ട്‌ണാലെ സാമിദ് സത്ത്യാമ് സാമിദ് പേര്‌പെര്‌മേമ് ഉദാഗ്‌റദാനാക്കി എനാണ പാവ സെയ്‌രവാ് എന്ത് സൊല്ലുറാദ് എന്ത്‌ക്ക്?>> എന്ത് സൊന്നാ് എന്ത് ബെയ്യിരി. 8അച്ചാനാക്കി <<ണല്ലാദ് കെ്ഡേക്ക്യ ബേ്ണ്ടി കെ്ട്ടാദ് സെയ്‌ഡൊ>> എന്ത് സൊല്ലുറ പാസെത്തെ അദ്. എമ്മ അച്ചെ സൊല്ലുറേര് എന്ത് ലേസ ആള്‌ഗ എമാണ പറ്റി കോളു സൊല്ലുറാരല്ല. അച്ച്‌ള ആള്‌ഗാക്ക് കെ്ഡേക്ക ദണ്ടണെ കെ്ഡേക്ക്യ ഉള്ളാദ്‌ത്തെ.
ആര്‌മ് ണേര്‌മെക്കാറാരല്ല
9സെരി, അദ്‌ണാലെ എഗുദാര് അല്ലാത്ത ജാദിഗണ ബ്‌ഡ എഗുദാരായിര്‌ക്ക ണമാക്ക് എന്ത പെര്‌മെ ഇര്‌ക്ക്‌ദ്? ഇല്ലേഗെ ഇല്ലെ, എഗുദാരാനാല്‌മ് സെരി എഗുദാര് അല്ലാത്ത ജാദിഗ ആനാല്‌മ് സെരി എല്ലാര്‌മ് ഒരേപാസെ പാവാക്ക് ആളായിര്‌ക്കവാര്‌ത്തെ എന്ത് ണമ്മ ണേരാത്ത്യെ കാട്ടി കൊഡുത്തിര്‌ക്കാമല്ല. 10സാമി ബുക്കിലി ഇച്ചെ എ്ള്‌ദി ബെത്തിര്‌ക്ക്‌ദ്:
<<ണേര്‌മെക്കാറാ് ആര്‌മില്ലെ, ഒരുത്താ് ബീസാക്ക് ഇല്ലെ.
11ണെപ്പ്‌കെ്ഡേസ്‌റവാ് ആര്‌മില്ലെ,
സാമിന ണെനേക്കവാര് ആര്‌മില്ലെ.
12ണമ്മ എല്ലാര്‌മ് സാമിന തള്ള്യെക്കി ഒന്റുക്കുമ് ആഗാത്തവാര് ആയെക്കിനാമ്,
ണല്ലാദ് സെയ്‌രവാ് ആര്‌മില്ലെ,
ഒരു മന്‌സാ് ബീസാക്കില്ലെ.>>#സാമി പാട്ട് ബുക്ക് 14:1–3; 53:1; കൂട്ടഗാക്ക് സൊല്ലുറ ണായഗ 7:20
13<<പൊദേവണ പേന്തിന ണാറ്റ ബര പാസെത്തെ അവാര്‌ദ് ബായിലിര്‌ന്ത് ബര ണായഗൊട്ടുക്ക്,
അവാര് ബായാലെ സദിക്കാര്.>>#സാമി പാട്ട് ബുക്ക് 5:9
<<അവാര് ബായിലിര്‌ന്ത് ബര ബാക്ക്‌ഗെല്ല പാമ്പ് ണഞ്ച്‌ണ പാസെത്തെ.>>#സാമി പാട്ട് ബുക്ക് 140:3
14<<അവാര്‌ദ് ബായിലിര്‌ന്ത് ബര ണായഗൊട്ടുക്ക് സാപ ഇക്ക്‌റ ണായഗാമ് കീ്ട്ടുവ ബെത്ത് പേസ്‌റ ണായഗാമ്‌ത്തെ.>>#സാമി പാട്ട് ബുക്ക് 10:7
15<<അവാര് കൊലെ സെയ്യ ബേ്ണ്ടി ഓഡിണഡാക്കാര്.
16അവാര് പോരപട്ടെല്ല ആള്‌ഗണ കെ്ഡ്‌സ്‌റ കാര്യഗാമ്,
അവാര്‌ണ കജട്ടപഡ്‌സ്‌റ കാര്യഗാമ്‌ത്തെ സെയ്‌രാദ്.
17ണിമ്മദ്യോഡെ പെ്ളേക്ക്യ അവാര്‌ക്ക് തെര്യാദിര്‌ക്ക്‌ദ്.>>#എസയ്യാ് 59:7,8
18<<അവാര്‌ഗ സാമിന ബെലെ ബെക്കാദില്ലെ.>>#സാമി പാട്ട് ബുക്ക് 36:1
19മോസെ ബെത്ത സാമി സട്ടാത്തിലി സൊല്ലിര്‌ക്ക കാര്യ അയ്യി സട്ട കെ്ഡേത്തവാര് അദ്‌ക്ക് കെ്ട്ട്‌പട്ട് ണഡാക്ക്യ ബേ്ണ്ടിത്തെ. ആന അയ്യി സട്ട കെ്ഡേത്തവാര് ഗൂഡി അദേപാസെ ണഡാക്കാദില്ലെ. അദ്‌ണാലെ ണാന് പാവ സെയ്യാലെ എന്ത് സൊല്ലി ഒരു മന്‌സാന്‌ക്ക്‌മ് തപ്പ്‌സി കഡാക്ക്യ മുഡ്യമാട്ട. അച്ചെ ഉലഗാത്തില്യ എല്ല മന്‌സാര്‌മ് സാമി മുന്തുക്ക് ദണ്ടണെ കെ്ഡേക്ക്യ തഗ്‌ദി ഉള്ളവാര്‌ത്തെ. 20അദ്‌ണാലെ മോസെ ബെത്ത സാമി സട്ടാത്തിലി സൊല്ലിര്‌ക്ക കാര്യഗണ സെയ്‌രാദ്‌ണാലെ ആര്‌മ് സാമി മുന്തുക്ക് ണേര്‌മെക്കാറാ് ആരാദില്ലെ. അയ്യി സട്ട പാവ എങ്കാദ് എന്ത എന്തുള്ള ബോദണ തര്‌ദ്.
ണമ്പിക്ക്യാലെ ണേര്‌മെക്കാറാര് ആരാദ്
21ആന ഇപ്പ് മോസെ ബെത്ത സാമി സട്ട ഇല്ലാദെ താനെ സാമി മന്‌സാര്‌ണ ണേര്‌മെക്കാറാര് ആക്ക്‌റാനെന്ത് ഇപ്പ് ബെ്ളിപട്ടിര്‌ക്ക്‌ദ്. മോസെ ബെത്ത സാമി സട്ടാമ് സാമിദാസ്‌ഗാമ് ഇദ്‌ണ ണേര്‌ത്തെ എന്ത് സൊല്ലുറാര്. 22ഇപ്പ് ഏസു ക്‌റ്‌സ്‌ത്ത്‌ണ ണമ്പ്‌റ ണമ്പിക്കാലെത്തെ സാമി എല്ല ആള്‌ഗണാമ് ണേര്‌മെക്കാറാര് ആക്ക്‌റാദ്. ഈ കാര്യാത്തിലി എഗുദാനെന്തൊ എഗുദാനല്ലാത്തവാനെന്തൊ സാമി പ്‌റ്‌ത്ത് കാണ്‌റാദില്ലെ 23എന്ത്‌ക്കെന്റ എല്ല മന്‌സാര്‌മ് പാവ സെയ്‌ദ് സാമ്യോഡെ ഇര്‌ന്ത് കെ്ഡേക്ക മദ്‌പ്പ്‌ണ ഇല്ലാദാക്കി എക്കിനാര്. 24സാമി തന്ന് പ്‌ണ്ണ്യാത്തിലി ക്‌റ്‌സ്‌ത്ത് ഏസുവാലെ ണമാണ ബ്‌ഡ്‌സി എ്ഡ്‌ത്ത് ണേര്‌മെക്കാറാര് ആക്കിനാ്. അദ് കെ്ഡേസ്യ ബേ്ണ്ടി ആര്‌മ് ബെലെ കൊഡുക്ക്യ തേവില്ലെ. 25ക്‌റ്‌സ്‌ത്ത് ഏസുണ ണമ്പ്‌റവാര്‌ക്ക് അവാ് സൂസിന സോരെനാലെ പാവ തീര്യ ബേ്ണ്ടി സാമി അവാന എല്ല മന്‌സാര്‌ക്ക് ബേ്ണ്ടി ഒപ്പഡിത്ത് കൊഡുത്താ്. താന് ണേര്‌മെക്കാറാ് എന്ത് കാട്ടി കൊഡുക്ക്യാത്തെ സാമി ഇച്ചെ സെയ്‌ദാദ്. എന്ത്‌ക്കെന്റ തനാക്കിര്‌ക്ക പൊറിമേലി അവാര് മുദ സെയ്‌ദ പാവഗണെല്ല പൊറുത്താനല്ല. 26താന് ണേര്‌മെക്കാറാ് എന്ത്‌മ് ഏസുണ ണമ്പ്‌റവാന താന് ണേര്‌മെക്കാറാ് ആക്ക്‌റാ് എന്ത്‌മ് ഈ കാലാത്തിലി കാട്ടി കൊഡുക്ക്യാത്തെ സാമി അച്ചെ സെയ്‌ദാദ്.
27അദ്‌ണാലെ ണമാക്ക് മേനാമ്പ് കാട്ട്യ എന്ത ഇര്‌ക്ക്‌ദ്? ഒന്റുമെ ഇല്ലെ. ഏദ്‌ണാലെ? മോസെ ബെത്ത സാമി സട്ടപഡി ണഡാന്തണാലേഗ? അല്ല അദ് ണമ്മ ണമ്പ്‌റ ണമ്പിക്ക്യാലെത്തെ. 28അച്ചെ മോസെ ബെത്ത സാമി സട്ടപഡി ണഡാക്കാദ്‌ണാലെ അല്ല ണമ്മ ണമ്പ്‌റ ണമ്പിക്കെണാലെത്തെ സാമി ണമാണ ണേര്‌മെക്കാറാ് ആക്ക്‌റാദ് എന്ത് ണമ്മ കണക്കാക്ക്‌റാമ്. 29അല്ല, ഈ സാമി എഗുദാര്‌ക്ക്‌താനെ ഉള്ള സാമ്യ? എഗുദാര് അല്ലാത്തവാര്‌ക്ക്‌മ് സാമി അല്ലാഗ? ണേര്‌മായിമ് എഗുദാര് അല്ലാത്തവാര്‌ദ്‌മ് സാമിത്തെ. 30സാമി എങ്കാദ് ഒരുത്താ്ത്തെ. എഗുദാരാഡൊ എഗുദാര് അല്ലാത്തവാരാഡൊ ക്‌റ്‌സ്‌ത്ത് ഏസുണ ണമ്പ്‌റ ണമ്പിക്ക്യാലെത്തെ എല്ലാര്‌ണാമ് ണേര്‌മെക്കാറാര് ആക്ക്‌റാദ്. 31ഈ സൊല്ലുറ ണമ്പിക്ക്യാലെ ണമ്മ മോസെ ബെത്ത സാമി സട്ടണ ബെലെ ഇല്ലാത്താദ് ആക്ക്‌റാമ? ഇല്ലേഗെ ഇല്ലെ, ഈ ണമ്പിക്ക്യാലെ അയ്യി സട്ടണ ണമ്മ ഒറേപ്പുള്ളാദ്‌ത്തെ ആക്ക്‌റാമ്.
Currently Selected:
റോമക്കാറാര് 3: സാമിദ് സേദി
Highlight
Share
Copy
Want to have your highlights saved across all your devices? Sign up or sign in
New Life Literature
