റോമക്കാറാര് 13
13
അദിഗാരിഗാക്ക് അഞ്ചുഡൊ
1എല്ല ആള്‌ഗാമ് അദിഗാരഗാക്ക് കെ്ട്ട്‌പട്ട് ണഡാക്കുഡൊ. എന്ത്‌ക്കെന്റ, സാമി ബെക്കാത്ത ഒരു അദിഗാരമില്ലെ. ഇപ്പ് ണമ്മ കണ്ട് ബര അദിഗാരഗെല്ല സാമി ബെത്ത അദിഗാരഗാത്തെ. 2അദ്‌ണാലെ അയ്യി അദിഗാരഗണ എദ്‌ത്ത് ണില്ല്‌റവാ് സാമി ബെത്ത അദിഗാരണാത്തെ എദ്‌ത്ത് ണില്ല്‌റാദ്. അച്ചെ എദ്‌ത്ത് ണില്ല്‌റവാര് ദണ്ടണെ കെ്ഡേസുവാര്. 3ണല്ല കാര്യഗ സെയ്‌രവാര്‌ക്ക് ആള്‌റവാര്‌ണ അഞ്ച്യ തേവില്ലെ. ആന കെ്ട്ട കാര്യഗ സെയ്‌രവാര് ആള്‌റവാര്‌ണ അഞ്ചുഡൊ. ആള്‌റവാര്‌ണ അഞ്ചാദിര്‌ക്ക്യ ആസെപഡ്‌റേന? അച്ചാനാക്കി ണല്ല കാര്യഗ സെയ്യി. അപ്പ് ണീ ആള്‌റവാനോഡിര്‌ന്ത് ണല്ല പേര് ബാങ്കുവെ. 4എന്ത്‌ക്കെന്റ, അയാള് ണിമ്മ്‌ദ് ണല്ലാദ്‌ക്ക് ബേ്ണ്ടി താനെ സാമി ബേലെക്കാറാനായി ഇര്‌ക്കാദ്. ആന ണീ കെ്ട്ടാദ് സെയ്‌രദാനാക്കി ആള്‌റവാന അഞ്ചുഡൊ. എന്ത്‌ക്കെന്റ ദണ്ടണെ തര്യ ഉള്ള അദിഗാര കണ്ടിപ്പായിമ് അയാള്‌ക്ക് ഇര്‌ക്ക്‌ദ്. കെ്ട്ടാദ് സെയ്‌രവാര്‌ക്ക് ദണ്ടണെ ബിദിക്ക്യ ബേ്ണ്ടി പളി എ്ഡ്‌ക്ക സാമിദ് ബേലെക്കാറാ്ത്തെ അയാള്. 5അദ്‌ണാലെ കെ്ഡേക്ക ദണ്ടണേന ണെനേത്ത് താനേമല്ല, അച്ചെ സെയ്‌ഡൊ എന്ത് മനേസ്സ് സൊല്ലുറാദ്‌ണാലേമ് ആള്‌റവാര്‌ക്ക് കെ്ട്ട്‌പട്ട് ണഡാക്കുഡൊ എങ്കാദ് ബേ്ഡുമാന കാര്യാത്തെ.
6അദ്‌ണാലെത്തെ ണിമ്മ ണ്‌ഗ്‌ദി അഡേക്കാദ്. അദിഗാരിഗ സാമി ബേലെക്കാറാരായി അവാര് സെയ്‌ര ബേലേക്ക് ബേ്ണ്ടി തമാണ താനെ ഒപ്പഡിത്ത് കൊഡുത്തിര്‌ക്കാരല്ല. 7എല്ലാര്‌ക്ക്‌മ് കൊഡുക്ക്യ ഉള്ളാദ്‌ണെല്ല കൊഡിരി. ണ്‌ഗ്‌ദി കൊഡുക്കവാന്‌ക്ക് ണ്‌ഗ്‌ദിമ്, ബരിപണ കൊഡുക്കവാന്‌ക്ക് ബരിപണാമ്, മദ്‌പ്പ് കൊഡുക്കവാന്‌ക്ക് മദ്‌പ്പ്‌മ്, മാന കാട്ട്‌റവാന്‌ക്ക് മാനാമ് കാട്ടുഡൊ.
സീവാ് ബ്‌ഡ്യ ണമ്മ കഡാമെപട്ടവാര്‌ത്തെ
8ആങ്കീങ്ക് സീവാ് ബ്‌ട്ട് ണഡാക്ക കഡാമെ ണിമാക്ക് ഇര്‌ക്ക്‌ദ്. അല്ലാദെ ബേ്റെ ഒന്റുക്ക്‌മ് കഡാമെപട്ടിര്‌ക്കാദി. അഡ്‌ത്തവാരോഡെ സീവാ് ബ്‌ട്ട് ണഡാക്കവാ് മോസെ ബെത്ത സാമി സട്ടപഡി ണഡാക്കാനല്ല. 9<<ബേസ്യാഡ ബേ്ഡ, കൊലെ സെയ്യ ബേ്ഡ, ത്‌റ്‌ഡ ബേ്ഡ, കെ്ട്ടാദ്‌ക്ക് ആസെ ബെക്ക ബേ്ഡ>>#പയണ 20:13–15,17; മറ്‌ദെ സൊല്ലുറ സട്ട 5:17–19,21 എങ്ക കല്‌പനെഗാമ് ബാക്ക്യുള്ള ഏദ് കല്‌പനെഗാമ് <<ണീ ണിനാണ പാസെ അഡ്‌ത്തവാര്‌ണാമ് സീവാ് ബ്‌ഡുവെ>>#ലേവ്യാര് 19:18 എങ്ക കല്‌പനേലി അഡാങ്കിര്‌ക്ക്‌ദ്. 10അഡ്‌ത്തവാര്‌ണ സീവാ് ബ്‌ട്ട് ണഡാന്ത അവാര്‌ക്ക് ണീ കെ്ട്ടാദ് സെയ്യ മാട്ടെ. അദ്‌ണാലെ സീവാ് ബ്‌ട്ട് ണഡാക്കവാ് മോസെ ബെത്ത സാമി സട്ടപഡി ണഡാന്തിര്‌ക്കാ്.
11ണിമ്മ ണല്ല സേദിന ണമ്പിന സമ്യാണ ബെത്ത് ണോഡിന ണമ്മ ദെങ്കി കഡാക്കാദ്‌ക്കുള്ള സമ്യ ഇപ്പ് ഒരേപെ്ട്ട് അഡ്‌ത്തിര്‌ക്ക്‌ദ്. അദ്‌ണാലെ ഇദ്‌ണെല്ല സെയ്‌രി. എന്ത്‌ക്കെന്റ് സൊന്ന ണിമ്മ ഉറാങ്കി എ്ന്ത്‌റ ണേര ബന്ത്‌ദ്. 12ഇദാ ഇ്റ്‌ട്ട് ബെ്ഡ്യ പക്കായിര്‌ക്ക്‌ദ്. അദ്‌ണാലെ ഇ്റ്‌ട്ട്‌ക്ക് എ്ണേന്ത കാര്യഗണ സെയ്‌രാദ്‌ണ തള്ളി ബെ്ള്‌സാക്ക് എ്ണേന്ത കാര്യഗണ സെയ്‌രി. 13പഗാലിലി ണഡാക്ക ആള്‌ഗണ പാസെ ണമ്മ മര്യാദ്യുള്ളവാരായി ണഡാന്ത് കൊള്ളിരി. തിന്ത്‌കുഡിത്ത് കൂത്താഡി ബോദേ്റി ണഡാക്കാദ്‌ണാമ്, കുഡിത്ത് ണഡാക്കാദ്‌ണാമ്, കാമാക്ക് അഡിപട്ട് കണ്ടപഡിക്ക് ണഡാക്കാദ്‌ണാമ്, ബെത്ത് ണഡാക്കാദ്‌ണാമ്, എര്‌സ ബെത്ത് ണഡാക്കാദ്‌ണാമ് തള്ളി 14ആണ്ടവാ് ഏസു ക്‌റ്‌സ്‌ത്ത്‌ക്ക് ഇര്‌ക്ക ഗുണഗ ഉള്ളവാരായി താനെ ണഡായിരി. സരിഗല ആസെപഡ്‌റ കെ്ട്ട ആസെഗണ സെയ്യ ബേ്ണ്ട്യുള്ള കാര്യഗാക്കായി ണിമ്മ ണെനേക്കാദി.
Currently Selected:
റോമക്കാറാര് 13: സാമിദ് സേദി
Highlight
Share
Copy
Want to have your highlights saved across all your devices? Sign up or sign in
New Life Literature
റോമക്കാറാര് 13
13
അദിഗാരിഗാക്ക് അഞ്ചുഡൊ
1എല്ല ആള്‌ഗാമ് അദിഗാരഗാക്ക് കെ്ട്ട്‌പട്ട് ണഡാക്കുഡൊ. എന്ത്‌ക്കെന്റ, സാമി ബെക്കാത്ത ഒരു അദിഗാരമില്ലെ. ഇപ്പ് ണമ്മ കണ്ട് ബര അദിഗാരഗെല്ല സാമി ബെത്ത അദിഗാരഗാത്തെ. 2അദ്‌ണാലെ അയ്യി അദിഗാരഗണ എദ്‌ത്ത് ണില്ല്‌റവാ് സാമി ബെത്ത അദിഗാരണാത്തെ എദ്‌ത്ത് ണില്ല്‌റാദ്. അച്ചെ എദ്‌ത്ത് ണില്ല്‌റവാര് ദണ്ടണെ കെ്ഡേസുവാര്. 3ണല്ല കാര്യഗ സെയ്‌രവാര്‌ക്ക് ആള്‌റവാര്‌ണ അഞ്ച്യ തേവില്ലെ. ആന കെ്ട്ട കാര്യഗ സെയ്‌രവാര് ആള്‌റവാര്‌ണ അഞ്ചുഡൊ. ആള്‌റവാര്‌ണ അഞ്ചാദിര്‌ക്ക്യ ആസെപഡ്‌റേന? അച്ചാനാക്കി ണല്ല കാര്യഗ സെയ്യി. അപ്പ് ണീ ആള്‌റവാനോഡിര്‌ന്ത് ണല്ല പേര് ബാങ്കുവെ. 4എന്ത്‌ക്കെന്റ, അയാള് ണിമ്മ്‌ദ് ണല്ലാദ്‌ക്ക് ബേ്ണ്ടി താനെ സാമി ബേലെക്കാറാനായി ഇര്‌ക്കാദ്. ആന ണീ കെ്ട്ടാദ് സെയ്‌രദാനാക്കി ആള്‌റവാന അഞ്ചുഡൊ. എന്ത്‌ക്കെന്റ ദണ്ടണെ തര്യ ഉള്ള അദിഗാര കണ്ടിപ്പായിമ് അയാള്‌ക്ക് ഇര്‌ക്ക്‌ദ്. കെ്ട്ടാദ് സെയ്‌രവാര്‌ക്ക് ദണ്ടണെ ബിദിക്ക്യ ബേ്ണ്ടി പളി എ്ഡ്‌ക്ക സാമിദ് ബേലെക്കാറാ്ത്തെ അയാള്. 5അദ്‌ണാലെ കെ്ഡേക്ക ദണ്ടണേന ണെനേത്ത് താനേമല്ല, അച്ചെ സെയ്‌ഡൊ എന്ത് മനേസ്സ് സൊല്ലുറാദ്‌ണാലേമ് ആള്‌റവാര്‌ക്ക് കെ്ട്ട്‌പട്ട് ണഡാക്കുഡൊ എങ്കാദ് ബേ്ഡുമാന കാര്യാത്തെ.
6അദ്‌ണാലെത്തെ ണിമ്മ ണ്‌ഗ്‌ദി അഡേക്കാദ്. അദിഗാരിഗ സാമി ബേലെക്കാറാരായി അവാര് സെയ്‌ര ബേലേക്ക് ബേ്ണ്ടി തമാണ താനെ ഒപ്പഡിത്ത് കൊഡുത്തിര്‌ക്കാരല്ല. 7എല്ലാര്‌ക്ക്‌മ് കൊഡുക്ക്യ ഉള്ളാദ്‌ണെല്ല കൊഡിരി. ണ്‌ഗ്‌ദി കൊഡുക്കവാന്‌ക്ക് ണ്‌ഗ്‌ദിമ്, ബരിപണ കൊഡുക്കവാന്‌ക്ക് ബരിപണാമ്, മദ്‌പ്പ് കൊഡുക്കവാന്‌ക്ക് മദ്‌പ്പ്‌മ്, മാന കാട്ട്‌റവാന്‌ക്ക് മാനാമ് കാട്ടുഡൊ.
സീവാ് ബ്‌ഡ്യ ണമ്മ കഡാമെപട്ടവാര്‌ത്തെ
8ആങ്കീങ്ക് സീവാ് ബ്‌ട്ട് ണഡാക്ക കഡാമെ ണിമാക്ക് ഇര്‌ക്ക്‌ദ്. അല്ലാദെ ബേ്റെ ഒന്റുക്ക്‌മ് കഡാമെപട്ടിര്‌ക്കാദി. അഡ്‌ത്തവാരോഡെ സീവാ് ബ്‌ട്ട് ണഡാക്കവാ് മോസെ ബെത്ത സാമി സട്ടപഡി ണഡാക്കാനല്ല. 9<<ബേസ്യാഡ ബേ്ഡ, കൊലെ സെയ്യ ബേ്ഡ, ത്‌റ്‌ഡ ബേ്ഡ, കെ്ട്ടാദ്‌ക്ക് ആസെ ബെക്ക ബേ്ഡ>>#പയണ 20:13–15,17; മറ്‌ദെ സൊല്ലുറ സട്ട 5:17–19,21 എങ്ക കല്‌പനെഗാമ് ബാക്ക്യുള്ള ഏദ് കല്‌പനെഗാമ് <<ണീ ണിനാണ പാസെ അഡ്‌ത്തവാര്‌ണാമ് സീവാ് ബ്‌ഡുവെ>>#ലേവ്യാര് 19:18 എങ്ക കല്‌പനേലി അഡാങ്കിര്‌ക്ക്‌ദ്. 10അഡ്‌ത്തവാര്‌ണ സീവാ് ബ്‌ട്ട് ണഡാന്ത അവാര്‌ക്ക് ണീ കെ്ട്ടാദ് സെയ്യ മാട്ടെ. അദ്‌ണാലെ സീവാ് ബ്‌ട്ട് ണഡാക്കവാ് മോസെ ബെത്ത സാമി സട്ടപഡി ണഡാന്തിര്‌ക്കാ്.
11ണിമ്മ ണല്ല സേദിന ണമ്പിന സമ്യാണ ബെത്ത് ണോഡിന ണമ്മ ദെങ്കി കഡാക്കാദ്‌ക്കുള്ള സമ്യ ഇപ്പ് ഒരേപെ്ട്ട് അഡ്‌ത്തിര്‌ക്ക്‌ദ്. അദ്‌ണാലെ ഇദ്‌ണെല്ല സെയ്‌രി. എന്ത്‌ക്കെന്റ് സൊന്ന ണിമ്മ ഉറാങ്കി എ്ന്ത്‌റ ണേര ബന്ത്‌ദ്. 12ഇദാ ഇ്റ്‌ട്ട് ബെ്ഡ്യ പക്കായിര്‌ക്ക്‌ദ്. അദ്‌ണാലെ ഇ്റ്‌ട്ട്‌ക്ക് എ്ണേന്ത കാര്യഗണ സെയ്‌രാദ്‌ണ തള്ളി ബെ്ള്‌സാക്ക് എ്ണേന്ത കാര്യഗണ സെയ്‌രി. 13പഗാലിലി ണഡാക്ക ആള്‌ഗണ പാസെ ണമ്മ മര്യാദ്യുള്ളവാരായി ണഡാന്ത് കൊള്ളിരി. തിന്ത്‌കുഡിത്ത് കൂത്താഡി ബോദേ്റി ണഡാക്കാദ്‌ണാമ്, കുഡിത്ത് ണഡാക്കാദ്‌ണാമ്, കാമാക്ക് അഡിപട്ട് കണ്ടപഡിക്ക് ണഡാക്കാദ്‌ണാമ്, ബെത്ത് ണഡാക്കാദ്‌ണാമ്, എര്‌സ ബെത്ത് ണഡാക്കാദ്‌ണാമ് തള്ളി 14ആണ്ടവാ് ഏസു ക്‌റ്‌സ്‌ത്ത്‌ക്ക് ഇര്‌ക്ക ഗുണഗ ഉള്ളവാരായി താനെ ണഡായിരി. സരിഗല ആസെപഡ്‌റ കെ്ട്ട ആസെഗണ സെയ്യ ബേ്ണ്ട്യുള്ള കാര്യഗാക്കായി ണിമ്മ ണെനേക്കാദി.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Life Literature