അപ്പൊസലല 26
26
പവുലോസ് അഗിറിപ്പാ് റാജാവു മുന്തുക്ക് ബാദിക്കാ്
1അഗിറിപ്പാ് റാജാവു പവുലോസ്‌ണ, <<ഇനി ണിനാക്ക് സൊല്ല്യ ഇര്‌ക്കാദ്‌ണ സൊല്ലു>> എന്ത് സൊന്നാ്.
അക്കുളെ പവുലോസ് കയ്യി ണീ്ട്ടി കൊണ്ട് തനാക്ക് സൊല്ല്യ ഇര്‌ക്കാദ്‌ണ സൊന്നാ്: 2<<അഗിറിപ്പാ് മഗാറാജെ, എഗുദാര് എന്ന് തലേക്ക് ഏ്റിസിര്‌ക്ക കുറ്റഗാക്ക് ണേരെ, ഇന്റ് ണിന്ന് മുന്തുക്ക് ബാദിക്ക്യ കെ്ഡേക്കുമെന്ത് ണാന് ണെനേക്കാഗെ ഇല്ലെ. 3എന്ത്‌ക്കെന്റ എഗുദാര്‌ദ് സട്ട്‌മെ്ട്ട്‌ഗാമ് അവാര്‌ദ് തറ്‌ക്കഗാമ് ണിനാക്ക് ണലമായി തെര്യുമല്ല, അദ്‌ണാലെ ണാന് സൊല്ലുറാദ്‌ണ സെറ്റെ ണീ പൊറിമോഡെ കേ്ക്കുഡോമെ.
4ണാന് സിന്നാദിലിര്‌ന്തെ എന്ന് ണാഡിലിമ് എര്‌സലേമിലിമ് പെ്ളേത്ത് ബന്താദ് എച്ചെന്ത് എഗുദാര്‌ക്ക് മുച്ചുഡാമ് തെര്യു. 5എഗുദ മദാത്തിലി ഇര്‌ക്കവാരിലിതാനെ എത്തിന്യൊ കൂട്ടഗ ഇര്‌ക്കാര്. അദിലി ബെത്ത്, അവാര്‌ണ ബ്‌ഡ എല്ല സട്ടണാമ് അദേപാസെ താനെ സെയ്‌ര, പരിസല കൂട്ടാത്തിലി പട്ട എഗുദാ്ത്തെ ണാന്. അദ് അവാര്‌ക്ക് മുദ ഇര്‌ന്തെ തെര്യു. ബേ്ഡുമാന അവാര്‌ക്ക് ഇദ്‌ണ ണേര് എന്ത് സൊല്ലില. 6എമ്മ് പാട്ടലാക്കെ സാമി തരേന്ത് സൊല്ലിര്‌ക്ക ബാക്ക്‌വരഗ കെ്ഡേക്കു എന്ത് ണാന് ണെഞ്ചഡോഡെ കാത്തിര്‌ക്കെ. ഇദ്‌ണ സൊല്ല്യാക്കു ണാന് ഇപ്പ് ണിമ്മ് മുന്തുക്ക് കേ്ള്‌വിക്ക് ആളായിര്‌ക്കാദ്. 7സാമി തരുവെ എന്ത് സൊല്ലിര്‌ന്ത ഈ ബാക്ക്‌വരഗ കെ്ഡേക്കു എന്ത് എമ്മ്‌ദ് പന്നന്റ് ബങ്കേസഗാമ് ണെഞ്ചഡോഡെ കാത്തിര്‌ന്താര്. അദ് കെ്ഡേക്ക്യ ബേ്ണ്ടി അവാര് ഇ്റ്‌ട്ട്‌പഗാല് സാമിന കുമ്മുഡി ബന്താര്. അച്ചെ ണാന് ണമ്പി കാത്തിര്‌ന്താദ്‌ണാലെത്തെ, മഗാറാജെ ഈ എഗുദാര് എനാണ കുറ്റാക്ക് ആളാക്കി ഇര്‌ക്കാദ്. 8സത്തവാര്‌ണ സാമി ഉജുറേ്ത്തമട്ടാനെന്ത് ണിമാക്ക് ണമ്പ്യമുഡ്യാത്താദ് എന്ത്‌ക്ക്?
9ണസറത്ത് ഊര്‌ക്കാറാ് ഏസുണ ണമ്പിര്‌ക്ക ആള്‌ഗാക്ക് ണേരെ എനാക്ക് സെയ്യ മുഡിന്താദ് എന്തല്ലാഗൊ അദ്‌ഗെല്ല ണാന് സെയ്യുഡൊ എന്ത് ഒരു ഗള്യേലി ണെനേത്തിര്‌ന്തെ. 10അദേ അദ്‌ണാത്തെ ണാന് എര്‌സലേമിലി സെയ്‌ദാദ്, എഗുദ പൂസാരി തലെവലോഡിര്‌ന്ത് അദിഗാര കെ്ഡേസി സാമിന ണമ്പിര്‌ന്ത എത്തിന്യൊ ആള്‌ഗണ ണാന് ജെയില്‌ക്ക് ഇക്കിനെ. അദ്‌താനെമല്ല അവാര്‌ഗണ കൊല്ല്യ ബിദിക്കാട്ടി സെരിത്തെ എന്ത് സൊല്ലാമ് സെയ്‌ദെ. 11ണാന് എത്തിന്യൊ ജമ്പ് എഗുദാര് പരേസ്‌റ കൂരെക്ക്‌റാഗ പോയി അവാര്‌ക്ക് ദണ്ടണെ കൊഡുത്തെ. പിന്നെ അവാര്‌ണ <ഇനി ഒരു ണാള്‌മ് എമ്മ ഏസുണ ണമ്പമാട്ടേര്> എന്ത് സൊല്ലിസ്യ ണോഡിനെ. അവാരോഡെ ഇര്‌ക്ക മൊനേക്ക് ബേ്റെ പട്ടണാക്ക്‌റാഗ ഗൂഡി പോയി ണാന് ഇച്ച്‌ളവാര്‌ണ കൊഡിമെപഡ്‌സിര്‌ക്കെ.>>
പവുലോസ് താന് എച്ചെ ഏസുണ ണമ്പിനെ എന്ത് സൊല്ലുറാ്
12<<ഇച്ചെല്ല സെയ്യ എഗുദ പൂസാരി തലെവല അദിഗാര തരുഡൊ എന്ത് ണാന് കേ്ട്ടെ. അദ്‌ക്ക് അവാര് എനാക്ക് അദിഗാര തന്തിര്‌ക്ക എ്ള്‌ത്ത്‌മ് തന്താര്. അച്ചെ ണാന് ദമാസ്‌ക്കോസ്‌ക്ക് പോനെ. 13മഗാറാജെ അച്ചെ പോയി കൊണ്ടിര്‌ക്കാട്ടി ണഡ് ഉച്ചി ണേരാത്തി ണേരകാല്‌ണ ബ്‌ഡ ണല്ല ബെ്ള്‌സ അഡിക്കാദ്‌ണ ണാന് കണ്ടെ. അയ്യി ബെ്ള്‌സ ബാനാത്തിലിര്‌ന്ത് ബന്ത് എനാക്ക്‌മ് എന്നോഡെ ബന്തവാര്‌ക്ക്‌മ് സുറ്റുമ് അഡിത്ത്‌ദ്. 14സട്ടന എമ്മെല്ലാവാര് മണ്ണ്‌ക്കെ ബ്‌ന്തേര്. അക്കുളെ എവുറാര് ണായാത്തി: <സവുലെ, സവുലെ ണീ എന്ത്‌ക്ക് എനാണ കൊഡിമെപഡ്‌സ്‌റെ? ണീ എന്നോഡെ മുട്ടി ണിനാക്ക് ബമ്പ്‌ണ കെ്ഡേസാദെ> എന്ത് എനാക്ക് സൊല്ലുറ ഒരു ജദ്ദണ ണാന് കേ്ട്ടെ.
15അക്കുളെ ണാന് കേ്ട്ടെ: <ആണ്ടവാനെ ണീ ആര്?>
അക്കുളെ ആണ്ടവാ് ഇച്ചെ സൊന്നാ്: <ണീ കൊഡിമെപഡ്‌സികൊണ്ട് ഇര്‌ക്ക ഏസുത്തെ ണാന്. 16സെരി, ണീ എ്ന്ത് ണില്ല്. ണാന് ണിനാണ എന്ന്‌ദ് ബേലേക്ക് തെരിന്തെ്ഡ്‌ത്തിര്‌ക്കെ. അദ്‌ക്ക്‌ത്തെ ണാന് ണിന്ന് മുന്തുക്ക് ബെ്ളിപട്ടാദ്. ആന എനാണ ഇപ്പ് കണ്ടാദ്‌ണ പറ്റിമ് ഇനി ണാന് ണിനാക്ക് കാട്ടി തര്യ പോരാദ്‌ണ പറ്റിമ് ണീ ആള്‌ഗാക്കെ സൊല്ലുഡൊ. 17ണാന് ണിനാണ എഗുദാര്‌ക്കേമ്, എഗുദാര് അല്ലാത്ത ജാദിഗാക്ക്‌മ് അന്‌പ്പ്‌വെ. അവാര് ണിനാണ ഒന്റുമ് സെയ്യാത്ത പഡി ണാന് ണിനാണ പാദ്‌ഗാക്കുവെ. 18ണീ അവാര്‌ക്ക് ണേര് എന്തായെന്റ് കാട്ടി കൊഡുക്കുഡൊ. അവാര്‌ണ ഇ്റ്‌ട്ടിലിര്‌ന്ത് ബെ്ള്‌സ സാരിമ് സെയിത്ത്യാന്‌ദ് അദിഗാരത്തിലിര്‌ന്ത് സാമി സാരിമ് തില്‌പ്പുഡൊ. അച്ചെ അവാര് എനാണ ണമ്പിനാദ്‌ണാലെ സാമി അവാര്‌ദ് പാവഗണ പൊറുക്കുവാ്. അവാര്‌ക്ക്‌മ് സാമി തെരിന്തെ്ഡ്‌ത്തവാര് കൂട്ടാത്തിലി കെ്ഡേക്ക ഒരു പങ്ക് കെ്ഡേക്കു.> >>
പവുലോസ് തന്ന്‌ദ് ബേലെന പറ്റി സൊല്ലുറാ്
19<<അദ്‌ണാലെ അഗിറിപ്പാ് മഗാറാജെ, മേലോഗാത്തിലിര്‌ന്ത് ബന്ത മന്‌സാ് എനാക്ക് സൊന്ന കാര്യഗണ ണാന് സെയ്യാദെ ഇര്‌ക്കാലെ. 20എല്ല ആള്‌ഗാമ് തമ്മ സെയ്‌രാദ് പാവ എന്ത് തെരിന്ത് അദ്‌ണ തള്ള്യെക്കി സാമി സാരി തിലിമ്പുഡൊ. അച്ചെ അദ്‌ണ തള്ള്യെക്കി സാമി സാരി തിലിമ്പിനേര് എന്ത് കാട്ടി കൊഡുക്കാദ്‌ക്കുള്ള ബേലെഗ സെയ്‌ഡൊ. അദ് ണാന് മുദ ദമാസ്‌ക്കോസിലിമ് എര്‌സലേമിലിമ് അദ്‌ക്ക് പ്‌റ എഗുദ ണാഡ് മുച്ചുഡാമ് എഗുദാര് അല്ലാത്ത ജാദിഗ പട്ട്‌ക്ക്‌മ് പോയി സൊന്നെ. 21എഗുദാര് ഈ ഒരു കാര്യണ സൊല്ലിത്തെ സാമികൂരേലി ബെത്ത് എനാണ പ്‌ഡിത്ത് കൊല്ല്യപട്ടാദ്. 22ഇദാ, ഇന്നാരമാട്ട്‌ക്ക്‌മ് സാമി എനാണ കയ്യിതാങ്കികൊണ്ടെ ഇര്‌ക്കാ്. അദ്‌ണാലെത്തെ ണാന് ഇദിലി ണിന്റ് കൊണ്ട് താന്തവരെന്തില്ലെ ഉജാന്തവാരെന്തില്ലെ എല്ലാരോഡേമ് ഒരേപാസെ, ണാന് കണ്ട കാര്യഗണാമ് കേ്ട്ട കാര്യഗണാമ് പറ്റി സൊല്ലുറാദ്. മോസേമ് സാമിദാസ്‌ഗാമ് ണഡാക്കു എന്ത് സൊല്ലിര്‌ന്ത അദേ കാര്യഗണാത്തെ ണാന്‌മ് സൊല്ലുറാദ്. 23അവാര്: <എഗുദാര്‌ക്ക്‌മ് എഗുദാര് അല്ലാത്ത ജാദിഗാക്ക്‌മ് ഉജുറു പെ്ളേസ്‌റാദ്‌ക്ക് ബേ്ണ്ടി ക്‌റ്‌സ്‌ത്ത് സാഡൊ> എന്ത്‌മ് <അയാള് സത്തവാരിലിര്‌ന്ത് ഉജുറേ്റ മുദ ആള് ആയിര്‌ക്കുഡൊ> എന്ത്‌മ് സൊല്ലിര്‌ക്കാര്.>>
24പവുലോസ് തനാക്ക് സൊല്ല്യ ഇര്‌ക്കാദ്‌ണ ഇച്ചെ സൊല്ലികൊണ്ട് ഇര്‌ക്കാട്ടി പെസ്‌ത്തോസ് ബെല്ല്യാദ്‌ക്ക് ഒളേത്ത് സൊന്നാ്: <<പവുലോസെ, ണിനാക്ക് പയിത്ത്യാത്തെ. ണിന്ന്‌ദ് ദാസ്‌ത്തി പഡിപ്പ് ണിനാണ പയിത്ത്യ ബീ്ത്തിര്‌ക്ക്‌ദ്.>>
25അക്കുളെ പവുലോസ് സൊന്നാ്: <<ബെല്ല്യവാനാന പെസ്‌ത്തോസെ, എനാക്ക് പയിത്ത്യ ഒന്റുമ് ഇല്ലെ. ണാന് ണല്ല ബുദ്ദ്യോഡെ ണേര്‌ണാത്തെ സൊല്ലുറാദ്. 26അഗിറിപ്പാ് മഗാറാജെ, ഈ കാര്യഗണെല്ല ണിനാക്ക് തെര്യു. അദ്‌ണാലെ ണാന് ണിനാക്ക് ണല്ല ദയ്യിരത്തോഡെതാനെ സൊല്ലുറെ. ഈ കാര്യഗണെല്ല ണീ കേ്ട്ടിര്‌ക്കുവെ എന്ത് എനാക്ക് തെര്യു. എന്ത്‌ക്കെന്റ ഇദ്‌ഗെല്ല ണഡാന്താദ് ആള്‌ഗ ഇല്ലാത്ത പട്ടിലി അല്ല. 27അഗിറിപ്പാ് മഗാറാജെ, ണീ സാമിദാസ്‌ഗണ ണമ്പ്‌റേന? എന്ത എനാക്ക് തെര്യു ണീ ണമ്പ്‌റേനെന്ത്.>>
28അക്കുളെ അഗിറിപ്പാ് റാജാവു പവുലോസ്‌ക്ക് സൊന്നാ്: <<ഈ ലേസ ണേരകൊണ്ടെ ണീ എനാണ ഏസുക്കാറാ് ആക്ക്യ ണോഡുറേഗ?>>
29അക്കുളെ പവുലോസ് സൊന്നാ്: <<മഗാറാജെ, ഒരു ലേസ ഗള്യെ ആനാല്‌മ് സെരി എത്തറാഗൊ ഗള്യെ ആനാല്‌മ് സെരി ണീ താനേമല്ല ഇന്റ് ണാന് സൊല്ലുറാദ്‌ണ കേ്ക്ക മുച്ചുഡ ആള്‌ഗാമ് എല്ല കാര്യാത്തിലിമ് എനാണ പാസെ ആഡൊ എന്ത് ണാന് സാമിന ബേ്ണ്ടികൊള്ളുറെ. ആന എനാണ പാസെ ണിമാണാമ് കയ്യികുട്ടേക്ക് ഇക്ക്‌റക്കില്ലെ എന്ത് ണാന് ആസെപഡ്‌റെ.>>
30അക്കുളെ പെസ്‌ത്തോസ്‌മ് അഗിറിപ്പാ് റാജാവുമ് ബെ്റ്‌ണ്ണിക്കാമ് അദിലിര്‌ക്ക ബാക്കി ആള്‌ഗാമ് എ്ന്ത് ണിന്റാര്. 31അവാര് ലേസ അക്കോസ പോയി തമ്മ തമ്മ പേസിര്‌ന്ത് സൊന്നാര്: <<ജെയില്‌ക്ക് ഇക്ക്‌റാദ്‌ക്കുള്ള കുറ്റഗൊ, കൊല്ലുറാദ്‌ക്കുള്ള കുറ്റഗൊ ഇയാള് സെയ്യാലെ.>>
32അഗിറിപ്പാ് റാജാവു പെസ്‌ത്തോസ്‌ക്ക് സൊന്നാ്: <<റോമ ണാഡ് റാജാവു തന്ന് കേസ്‌ക്ക് ബിദി സൊല്ലുഡൊ എന്ത് ഇയാള് സൊല്ലാട്ടി പോയിര്‌ന്ത ഇയാള്‌ണ ഇപ്പ് താനെ ബ്‌ഡ്യ ആയിര്‌ന്ത്‌ദ്.>>
Currently Selected:
അപ്പൊസലല 26: സാമിദ് സേദി
Highlight
Share
Copy
Want to have your highlights saved across all your devices? Sign up or sign in
New Life Literature
അപ്പൊസലല 26
26
പവുലോസ് അഗിറിപ്പാ് റാജാവു മുന്തുക്ക് ബാദിക്കാ്
1അഗിറിപ്പാ് റാജാവു പവുലോസ്‌ണ, <<ഇനി ണിനാക്ക് സൊല്ല്യ ഇര്‌ക്കാദ്‌ണ സൊല്ലു>> എന്ത് സൊന്നാ്.
അക്കുളെ പവുലോസ് കയ്യി ണീ്ട്ടി കൊണ്ട് തനാക്ക് സൊല്ല്യ ഇര്‌ക്കാദ്‌ണ സൊന്നാ്: 2<<അഗിറിപ്പാ് മഗാറാജെ, എഗുദാര് എന്ന് തലേക്ക് ഏ്റിസിര്‌ക്ക കുറ്റഗാക്ക് ണേരെ, ഇന്റ് ണിന്ന് മുന്തുക്ക് ബാദിക്ക്യ കെ്ഡേക്കുമെന്ത് ണാന് ണെനേക്കാഗെ ഇല്ലെ. 3എന്ത്‌ക്കെന്റ എഗുദാര്‌ദ് സട്ട്‌മെ്ട്ട്‌ഗാമ് അവാര്‌ദ് തറ്‌ക്കഗാമ് ണിനാക്ക് ണലമായി തെര്യുമല്ല, അദ്‌ണാലെ ണാന് സൊല്ലുറാദ്‌ണ സെറ്റെ ണീ പൊറിമോഡെ കേ്ക്കുഡോമെ.
4ണാന് സിന്നാദിലിര്‌ന്തെ എന്ന് ണാഡിലിമ് എര്‌സലേമിലിമ് പെ്ളേത്ത് ബന്താദ് എച്ചെന്ത് എഗുദാര്‌ക്ക് മുച്ചുഡാമ് തെര്യു. 5എഗുദ മദാത്തിലി ഇര്‌ക്കവാരിലിതാനെ എത്തിന്യൊ കൂട്ടഗ ഇര്‌ക്കാര്. അദിലി ബെത്ത്, അവാര്‌ണ ബ്‌ഡ എല്ല സട്ടണാമ് അദേപാസെ താനെ സെയ്‌ര, പരിസല കൂട്ടാത്തിലി പട്ട എഗുദാ്ത്തെ ണാന്. അദ് അവാര്‌ക്ക് മുദ ഇര്‌ന്തെ തെര്യു. ബേ്ഡുമാന അവാര്‌ക്ക് ഇദ്‌ണ ണേര് എന്ത് സൊല്ലില. 6എമ്മ് പാട്ടലാക്കെ സാമി തരേന്ത് സൊല്ലിര്‌ക്ക ബാക്ക്‌വരഗ കെ്ഡേക്കു എന്ത് ണാന് ണെഞ്ചഡോഡെ കാത്തിര്‌ക്കെ. ഇദ്‌ണ സൊല്ല്യാക്കു ണാന് ഇപ്പ് ണിമ്മ് മുന്തുക്ക് കേ്ള്‌വിക്ക് ആളായിര്‌ക്കാദ്. 7സാമി തരുവെ എന്ത് സൊല്ലിര്‌ന്ത ഈ ബാക്ക്‌വരഗ കെ്ഡേക്കു എന്ത് എമ്മ്‌ദ് പന്നന്റ് ബങ്കേസഗാമ് ണെഞ്ചഡോഡെ കാത്തിര്‌ന്താര്. അദ് കെ്ഡേക്ക്യ ബേ്ണ്ടി അവാര് ഇ്റ്‌ട്ട്‌പഗാല് സാമിന കുമ്മുഡി ബന്താര്. അച്ചെ ണാന് ണമ്പി കാത്തിര്‌ന്താദ്‌ണാലെത്തെ, മഗാറാജെ ഈ എഗുദാര് എനാണ കുറ്റാക്ക് ആളാക്കി ഇര്‌ക്കാദ്. 8സത്തവാര്‌ണ സാമി ഉജുറേ്ത്തമട്ടാനെന്ത് ണിമാക്ക് ണമ്പ്യമുഡ്യാത്താദ് എന്ത്‌ക്ക്?
9ണസറത്ത് ഊര്‌ക്കാറാ് ഏസുണ ണമ്പിര്‌ക്ക ആള്‌ഗാക്ക് ണേരെ എനാക്ക് സെയ്യ മുഡിന്താദ് എന്തല്ലാഗൊ അദ്‌ഗെല്ല ണാന് സെയ്യുഡൊ എന്ത് ഒരു ഗള്യേലി ണെനേത്തിര്‌ന്തെ. 10അദേ അദ്‌ണാത്തെ ണാന് എര്‌സലേമിലി സെയ്‌ദാദ്, എഗുദ പൂസാരി തലെവലോഡിര്‌ന്ത് അദിഗാര കെ്ഡേസി സാമിന ണമ്പിര്‌ന്ത എത്തിന്യൊ ആള്‌ഗണ ണാന് ജെയില്‌ക്ക് ഇക്കിനെ. അദ്‌താനെമല്ല അവാര്‌ഗണ കൊല്ല്യ ബിദിക്കാട്ടി സെരിത്തെ എന്ത് സൊല്ലാമ് സെയ്‌ദെ. 11ണാന് എത്തിന്യൊ ജമ്പ് എഗുദാര് പരേസ്‌റ കൂരെക്ക്‌റാഗ പോയി അവാര്‌ക്ക് ദണ്ടണെ കൊഡുത്തെ. പിന്നെ അവാര്‌ണ <ഇനി ഒരു ണാള്‌മ് എമ്മ ഏസുണ ണമ്പമാട്ടേര്> എന്ത് സൊല്ലിസ്യ ണോഡിനെ. അവാരോഡെ ഇര്‌ക്ക മൊനേക്ക് ബേ്റെ പട്ടണാക്ക്‌റാഗ ഗൂഡി പോയി ണാന് ഇച്ച്‌ളവാര്‌ണ കൊഡിമെപഡ്‌സിര്‌ക്കെ.>>
പവുലോസ് താന് എച്ചെ ഏസുണ ണമ്പിനെ എന്ത് സൊല്ലുറാ്
12<<ഇച്ചെല്ല സെയ്യ എഗുദ പൂസാരി തലെവല അദിഗാര തരുഡൊ എന്ത് ണാന് കേ്ട്ടെ. അദ്‌ക്ക് അവാര് എനാക്ക് അദിഗാര തന്തിര്‌ക്ക എ്ള്‌ത്ത്‌മ് തന്താര്. അച്ചെ ണാന് ദമാസ്‌ക്കോസ്‌ക്ക് പോനെ. 13മഗാറാജെ അച്ചെ പോയി കൊണ്ടിര്‌ക്കാട്ടി ണഡ് ഉച്ചി ണേരാത്തി ണേരകാല്‌ണ ബ്‌ഡ ണല്ല ബെ്ള്‌സ അഡിക്കാദ്‌ണ ണാന് കണ്ടെ. അയ്യി ബെ്ള്‌സ ബാനാത്തിലിര്‌ന്ത് ബന്ത് എനാക്ക്‌മ് എന്നോഡെ ബന്തവാര്‌ക്ക്‌മ് സുറ്റുമ് അഡിത്ത്‌ദ്. 14സട്ടന എമ്മെല്ലാവാര് മണ്ണ്‌ക്കെ ബ്‌ന്തേര്. അക്കുളെ എവുറാര് ണായാത്തി: <സവുലെ, സവുലെ ണീ എന്ത്‌ക്ക് എനാണ കൊഡിമെപഡ്‌സ്‌റെ? ണീ എന്നോഡെ മുട്ടി ണിനാക്ക് ബമ്പ്‌ണ കെ്ഡേസാദെ> എന്ത് എനാക്ക് സൊല്ലുറ ഒരു ജദ്ദണ ണാന് കേ്ട്ടെ.
15അക്കുളെ ണാന് കേ്ട്ടെ: <ആണ്ടവാനെ ണീ ആര്?>
അക്കുളെ ആണ്ടവാ് ഇച്ചെ സൊന്നാ്: <ണീ കൊഡിമെപഡ്‌സികൊണ്ട് ഇര്‌ക്ക ഏസുത്തെ ണാന്. 16സെരി, ണീ എ്ന്ത് ണില്ല്. ണാന് ണിനാണ എന്ന്‌ദ് ബേലേക്ക് തെരിന്തെ്ഡ്‌ത്തിര്‌ക്കെ. അദ്‌ക്ക്‌ത്തെ ണാന് ണിന്ന് മുന്തുക്ക് ബെ്ളിപട്ടാദ്. ആന എനാണ ഇപ്പ് കണ്ടാദ്‌ണ പറ്റിമ് ഇനി ണാന് ണിനാക്ക് കാട്ടി തര്യ പോരാദ്‌ണ പറ്റിമ് ണീ ആള്‌ഗാക്കെ സൊല്ലുഡൊ. 17ണാന് ണിനാണ എഗുദാര്‌ക്കേമ്, എഗുദാര് അല്ലാത്ത ജാദിഗാക്ക്‌മ് അന്‌പ്പ്‌വെ. അവാര് ണിനാണ ഒന്റുമ് സെയ്യാത്ത പഡി ണാന് ണിനാണ പാദ്‌ഗാക്കുവെ. 18ണീ അവാര്‌ക്ക് ണേര് എന്തായെന്റ് കാട്ടി കൊഡുക്കുഡൊ. അവാര്‌ണ ഇ്റ്‌ട്ടിലിര്‌ന്ത് ബെ്ള്‌സ സാരിമ് സെയിത്ത്യാന്‌ദ് അദിഗാരത്തിലിര്‌ന്ത് സാമി സാരിമ് തില്‌പ്പുഡൊ. അച്ചെ അവാര് എനാണ ണമ്പിനാദ്‌ണാലെ സാമി അവാര്‌ദ് പാവഗണ പൊറുക്കുവാ്. അവാര്‌ക്ക്‌മ് സാമി തെരിന്തെ്ഡ്‌ത്തവാര് കൂട്ടാത്തിലി കെ്ഡേക്ക ഒരു പങ്ക് കെ്ഡേക്കു.> >>
പവുലോസ് തന്ന്‌ദ് ബേലെന പറ്റി സൊല്ലുറാ്
19<<അദ്‌ണാലെ അഗിറിപ്പാ് മഗാറാജെ, മേലോഗാത്തിലിര്‌ന്ത് ബന്ത മന്‌സാ് എനാക്ക് സൊന്ന കാര്യഗണ ണാന് സെയ്യാദെ ഇര്‌ക്കാലെ. 20എല്ല ആള്‌ഗാമ് തമ്മ സെയ്‌രാദ് പാവ എന്ത് തെരിന്ത് അദ്‌ണ തള്ള്യെക്കി സാമി സാരി തിലിമ്പുഡൊ. അച്ചെ അദ്‌ണ തള്ള്യെക്കി സാമി സാരി തിലിമ്പിനേര് എന്ത് കാട്ടി കൊഡുക്കാദ്‌ക്കുള്ള ബേലെഗ സെയ്‌ഡൊ. അദ് ണാന് മുദ ദമാസ്‌ക്കോസിലിമ് എര്‌സലേമിലിമ് അദ്‌ക്ക് പ്‌റ എഗുദ ണാഡ് മുച്ചുഡാമ് എഗുദാര് അല്ലാത്ത ജാദിഗ പട്ട്‌ക്ക്‌മ് പോയി സൊന്നെ. 21എഗുദാര് ഈ ഒരു കാര്യണ സൊല്ലിത്തെ സാമികൂരേലി ബെത്ത് എനാണ പ്‌ഡിത്ത് കൊല്ല്യപട്ടാദ്. 22ഇദാ, ഇന്നാരമാട്ട്‌ക്ക്‌മ് സാമി എനാണ കയ്യിതാങ്കികൊണ്ടെ ഇര്‌ക്കാ്. അദ്‌ണാലെത്തെ ണാന് ഇദിലി ണിന്റ് കൊണ്ട് താന്തവരെന്തില്ലെ ഉജാന്തവാരെന്തില്ലെ എല്ലാരോഡേമ് ഒരേപാസെ, ണാന് കണ്ട കാര്യഗണാമ് കേ്ട്ട കാര്യഗണാമ് പറ്റി സൊല്ലുറാദ്. മോസേമ് സാമിദാസ്‌ഗാമ് ണഡാക്കു എന്ത് സൊല്ലിര്‌ന്ത അദേ കാര്യഗണാത്തെ ണാന്‌മ് സൊല്ലുറാദ്. 23അവാര്: <എഗുദാര്‌ക്ക്‌മ് എഗുദാര് അല്ലാത്ത ജാദിഗാക്ക്‌മ് ഉജുറു പെ്ളേസ്‌റാദ്‌ക്ക് ബേ്ണ്ടി ക്‌റ്‌സ്‌ത്ത് സാഡൊ> എന്ത്‌മ് <അയാള് സത്തവാരിലിര്‌ന്ത് ഉജുറേ്റ മുദ ആള് ആയിര്‌ക്കുഡൊ> എന്ത്‌മ് സൊല്ലിര്‌ക്കാര്.>>
24പവുലോസ് തനാക്ക് സൊല്ല്യ ഇര്‌ക്കാദ്‌ണ ഇച്ചെ സൊല്ലികൊണ്ട് ഇര്‌ക്കാട്ടി പെസ്‌ത്തോസ് ബെല്ല്യാദ്‌ക്ക് ഒളേത്ത് സൊന്നാ്: <<പവുലോസെ, ണിനാക്ക് പയിത്ത്യാത്തെ. ണിന്ന്‌ദ് ദാസ്‌ത്തി പഡിപ്പ് ണിനാണ പയിത്ത്യ ബീ്ത്തിര്‌ക്ക്‌ദ്.>>
25അക്കുളെ പവുലോസ് സൊന്നാ്: <<ബെല്ല്യവാനാന പെസ്‌ത്തോസെ, എനാക്ക് പയിത്ത്യ ഒന്റുമ് ഇല്ലെ. ണാന് ണല്ല ബുദ്ദ്യോഡെ ണേര്‌ണാത്തെ സൊല്ലുറാദ്. 26അഗിറിപ്പാ് മഗാറാജെ, ഈ കാര്യഗണെല്ല ണിനാക്ക് തെര്യു. അദ്‌ണാലെ ണാന് ണിനാക്ക് ണല്ല ദയ്യിരത്തോഡെതാനെ സൊല്ലുറെ. ഈ കാര്യഗണെല്ല ണീ കേ്ട്ടിര്‌ക്കുവെ എന്ത് എനാക്ക് തെര്യു. എന്ത്‌ക്കെന്റ ഇദ്‌ഗെല്ല ണഡാന്താദ് ആള്‌ഗ ഇല്ലാത്ത പട്ടിലി അല്ല. 27അഗിറിപ്പാ് മഗാറാജെ, ണീ സാമിദാസ്‌ഗണ ണമ്പ്‌റേന? എന്ത എനാക്ക് തെര്യു ണീ ണമ്പ്‌റേനെന്ത്.>>
28അക്കുളെ അഗിറിപ്പാ് റാജാവു പവുലോസ്‌ക്ക് സൊന്നാ്: <<ഈ ലേസ ണേരകൊണ്ടെ ണീ എനാണ ഏസുക്കാറാ് ആക്ക്യ ണോഡുറേഗ?>>
29അക്കുളെ പവുലോസ് സൊന്നാ്: <<മഗാറാജെ, ഒരു ലേസ ഗള്യെ ആനാല്‌മ് സെരി എത്തറാഗൊ ഗള്യെ ആനാല്‌മ് സെരി ണീ താനേമല്ല ഇന്റ് ണാന് സൊല്ലുറാദ്‌ണ കേ്ക്ക മുച്ചുഡ ആള്‌ഗാമ് എല്ല കാര്യാത്തിലിമ് എനാണ പാസെ ആഡൊ എന്ത് ണാന് സാമിന ബേ്ണ്ടികൊള്ളുറെ. ആന എനാണ പാസെ ണിമാണാമ് കയ്യികുട്ടേക്ക് ഇക്ക്‌റക്കില്ലെ എന്ത് ണാന് ആസെപഡ്‌റെ.>>
30അക്കുളെ പെസ്‌ത്തോസ്‌മ് അഗിറിപ്പാ് റാജാവുമ് ബെ്റ്‌ണ്ണിക്കാമ് അദിലിര്‌ക്ക ബാക്കി ആള്‌ഗാമ് എ്ന്ത് ണിന്റാര്. 31അവാര് ലേസ അക്കോസ പോയി തമ്മ തമ്മ പേസിര്‌ന്ത് സൊന്നാര്: <<ജെയില്‌ക്ക് ഇക്ക്‌റാദ്‌ക്കുള്ള കുറ്റഗൊ, കൊല്ലുറാദ്‌ക്കുള്ള കുറ്റഗൊ ഇയാള് സെയ്യാലെ.>>
32അഗിറിപ്പാ് റാജാവു പെസ്‌ത്തോസ്‌ക്ക് സൊന്നാ്: <<റോമ ണാഡ് റാജാവു തന്ന് കേസ്‌ക്ക് ബിദി സൊല്ലുഡൊ എന്ത് ഇയാള് സൊല്ലാട്ടി പോയിര്‌ന്ത ഇയാള്‌ണ ഇപ്പ് താനെ ബ്‌ഡ്യ ആയിര്‌ന്ത്‌ദ്.>>
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Life Literature