2 തെസ്‌ലോനിക്ക്യക്കാറാര് 2
2
കേ്ഡ്‌ഗെ്ട്ടവാ്
1ഏസുക്കാറാരെ, ണമ്മ്‌ദ് ആണ്ടവാ് ഏസു ക്‌റ്‌സ്‌ത്ത്‌ദ് ബരാവുണ പറ്റിമ് അവാനോഡെ ണമ്മ ഒന്റായി എജേരാദ്‌ണ പറ്റിമ് എമാക്ക് ണിമാക്കെ സൊല്ല്യ ഇര്‌ക്കാദ് എന്തായെന്റ് സൊന്ന: 2ആണ്ടവാ് ബന്താ് എന്ത് ഏദാറ്റ് ഒരു ണിഗാല് സൊല്ലിറ്റെന്തൊ, എമ്മ സൊന്നേരെന്തൊ, അല്ലാദെ പോന അച്ചെ ഒരു എ്ള്‌ത്ത് എമ്മ എ്ള്‌ദിനേരെന്തൊ ആരാറ്റ് ണിമാക്ക് സൊന്ന സട്ടന ണിമ്മ് മനേസ്സ് പെ്ഡെ പെ്ഡേക്കാമ് ബേ്ഡ അന്തബ്‌ട്ടെക്കാമ് ബേ്ഡ. 3ഏദാറ്റ് ഒരു ദിന്‌സിലി ണിമാണ ഏമാത്ത്യ ആര്‌ണാമ് ബ്‌ഡാദി. മുദ ആള്‌ഗ സാമ്യോഡെ എദ്‌ത്ത് ണില്ലുവാര്. അദ്‌ദൊപ്പ ണാസാക്ക് ബേ്ണ്ടി പ്‌റാന്തവാന്‌മ് കേ്ഡ്‌ഗെ്ട്ടവാന്‌മ് ആനവാ് ബെ്ളിപട്ട്‌മ് ബരുവാ്. 4അവാ് സാമികൂരേലി താന്‌ത്തെ സാമി എന്ത് ണഡിത്ത്‌കൊണ്ടിര്‌ക്കുവാ്. അവാ് സാമിക്കൊ സാമി എന്ത പേരിലി കുമ്മുഡ്‌റ ഏദാറ്റ് ജാദിഗാക്കൊ ബ്‌ഡ തനാണ ഉജാത്ത്‌റ എദ്‌റാളിത്തെ.
5ണാന് ണിമ്മ് പട്ടിലിര്‌ക്കാട്ടി താനെ ഈ കാര്യഗണെല്ല ണിമാക്ക് സൊല്ലിര്‌ക്കെ. അദ് ണിമാക്ക് ണെനേവു ഇര്‌ക്കുമല്ല? 6അവാ് സമ്യ ആഗാത്ത മുദാഗെ ബരാദ്‌ണ ഇപ്പ് തഡ്‌ത്തിര്‌ക്കാദ് എന്തായെന്റ് ണിമാക്ക് തെര്യു. 7സാമിക്ക് പോട്ടി ണിന്റ് സൂഗാന സെയ്‌ര പല കെ്ട്ട കാര്യഗാമ് സെയിത്ത്യാ് ഇപ്പ് താനെ ഉലഗാത്തിലി സെയ്‌ദ് കൊണ്ടിര്‌ക്കാ്. ആന അയ്യി കാര്യഗണ തഡ്‌ക്കവാ് ബയ്യിന ബ്‌ട്ട് ബിലാഗി ണില്ലുഡൊ. 8അക്കുളെ അയ്യി കേ്ഡ്‌ഗെ്ട്ടവാ് ബെ്ളിപഡുവാ്. ആണ്ടവാ് ഏസു മദ്‌പ്പുള്ള അദിഗാരിയായി ബെ്ളിപഡ്‌ഗാട്ടി അവാന അളിത്തെ്ഡ്‌ത്തെക്കി അവാന്‌ദ് അദിഗാരണ ഇല്ലാദാക്കുവാ്. 9സെയിത്ത്യാ് കൊഡുക്ക സക്‌ദ്യാലെ സെയ്‌ര കാര്യഗോഡേത്തെ അയ്യി കേ്ഡ്‌ഗെ്ട്ടവാ് ബെ്ളിപഡുവാ്. അവാ് പൊയ്യാന സക്‌ദിലി അഡ്യാളഗാമ് അദിസ്യഗാമ് സെയ്‌ദ് കൊണ്ട് ആള്‌ഗണ സദിക്കുവാ്. 10അച്ചെ സത്ത്യമാന സേദിന ണമ്പി ദെങ്കി കഡാക്ക്യ മനേസ്സില്ലാത്തവാര്‌ണ അവാ് സദിത്ത് പല കെ്ട്ട കാര്യഗാമ് സെയ്‌ദ് ഏമാത്തുവാ്. 11സത്ത്യണ ണമ്പ്യ മനേസ്സില്ലാത്ത എല്ലാര്‌ക്ക്‌മ് പൊയ്യാന കാര്യഗണ ണമ്പ്യ ഉള്ള മനേസ്സ് സാമി കൊഡുക്കുവാ്. 12അദ്‌ണാലെ സത്ത്യണ ണമ്പാദെ പാവ സെയ്‌രാദിലി പിര്യപട്ട് ണഡാന്തവാരൊട്ടുക്ക് ദണ്ടണേക്ക് സിക്കുവാര്.
ണിമാണ ദെങ്ക്‌സ്യ ബേ്ണ്ടി തെരിന്തെ്ഡ്‌ത്തിര്‌ക്കാ്
13ആണ്ടവാന്‌ദ് സീവാ്നാലെ ഏസുക്കാറാര് ആയിര്‌ക്കവാരെ, സാമിണിഗാലിലി ണിമാണ സുത്താപ്പുള്ളവാര് ആക്ക്യാമ് ണിമ്മ സത്ത്യണ ണമ്പി ദെങ്കി കഡാക്ക്യ ബേ്ണ്ടിമ്‌ത്തെ സാമി മുദാഗെ ണിമാണ തെരിന്തെ്ഡ്‌ത്തിര്‌ക്കാദ്. അദ്‌ണാലെ ണിമാക്ക് ബേ്ണ്ടി എമ്മ എപ്പ്‌മ് സാമിക്ക് ണണ്ണി സൊല്ലുറേര്. 14ണിമാണ ദെങ്ക്‌സി ണമ്മ് ആണ്ടവാ് ഏസു ക്‌റ്‌സ്‌ത്ത്‌ദ് മദ്‌പ്പ്‌ക്ക് പങ്ക്‌ക്കാറാര് ആയ ബേ്ണ്ടിത്തെ സാമി ണിമാണ ഒളേത്തിര്‌ക്കാദ്. അദ്‌ക്ക് ബേ്ണ്ടിത്തെ സാമിദ് ണല്ല സേദിന എമാണ ബെത്ത് ണിമാക്ക് സൊന്നാദ്. 15അദ്‌ണാലെ ഏസുക്കാറാരെ, എമ്മ ണിമാക്ക് സൊല്ലി തന്ത കാര്യഗണാമ് എ്ള്‌ദി തന്ത കാര്യഗണാമ് ണിമ്മ തള്ളാദെ അയ്യി സൊല്ലുസുലാക്കാത്തിലി ഒറേപ്പായി ണില്ലുഡൊ.
16-17ണമ്മോഡെ സീവാ് ബ്‌ട്ടവാന്‌മ് ണമാക്ക് പ്‌ണ്ണ്യ സെയ്‌ദ് ണമ്മ് മനേസ്സ്‌ക്ക് എപ്പേക്ക്‌മ് ഗുളിമെ തരവാന്‌മ് ഏസു ക്‌റ്‌സ്‌ത്ത്‌ണ കാത്തിര്‌ക്ക്യ ണല്ല ണെഞ്ചഡെ തന്തിര്‌ക്കവാന്‌മാന അപ്പനാന സാമിമ് ണമ്മ്‌ദ് ആണ്ടവാനാന ഏസു ക്‌റ്‌സ്‌ത്ത്‌മ് ണിമാണ ദയ്യിരപഡ്‌സി എല്ല ണല്ല കാര്യഗ സെയ്യാമ്, സൊല്ല്യാമ് ണിമാണ ബില പഡ്‌സാമ് സെയ്‌ഡൊ.
Currently Selected:
2 തെസ്‌ലോനിക്ക്യക്കാറാര് 2: സാമിദ് സേദി
Highlight
Share
Copy
Want to have your highlights saved across all your devices? Sign up or sign in
New Life Literature
2 തെസ്‌ലോനിക്ക്യക്കാറാര് 2
2
കേ്ഡ്‌ഗെ്ട്ടവാ്
1ഏസുക്കാറാരെ, ണമ്മ്‌ദ് ആണ്ടവാ് ഏസു ക്‌റ്‌സ്‌ത്ത്‌ദ് ബരാവുണ പറ്റിമ് അവാനോഡെ ണമ്മ ഒന്റായി എജേരാദ്‌ണ പറ്റിമ് എമാക്ക് ണിമാക്കെ സൊല്ല്യ ഇര്‌ക്കാദ് എന്തായെന്റ് സൊന്ന: 2ആണ്ടവാ് ബന്താ് എന്ത് ഏദാറ്റ് ഒരു ണിഗാല് സൊല്ലിറ്റെന്തൊ, എമ്മ സൊന്നേരെന്തൊ, അല്ലാദെ പോന അച്ചെ ഒരു എ്ള്‌ത്ത് എമ്മ എ്ള്‌ദിനേരെന്തൊ ആരാറ്റ് ണിമാക്ക് സൊന്ന സട്ടന ണിമ്മ് മനേസ്സ് പെ്ഡെ പെ്ഡേക്കാമ് ബേ്ഡ അന്തബ്‌ട്ടെക്കാമ് ബേ്ഡ. 3ഏദാറ്റ് ഒരു ദിന്‌സിലി ണിമാണ ഏമാത്ത്യ ആര്‌ണാമ് ബ്‌ഡാദി. മുദ ആള്‌ഗ സാമ്യോഡെ എദ്‌ത്ത് ണില്ലുവാര്. അദ്‌ദൊപ്പ ണാസാക്ക് ബേ്ണ്ടി പ്‌റാന്തവാന്‌മ് കേ്ഡ്‌ഗെ്ട്ടവാന്‌മ് ആനവാ് ബെ്ളിപട്ട്‌മ് ബരുവാ്. 4അവാ് സാമികൂരേലി താന്‌ത്തെ സാമി എന്ത് ണഡിത്ത്‌കൊണ്ടിര്‌ക്കുവാ്. അവാ് സാമിക്കൊ സാമി എന്ത പേരിലി കുമ്മുഡ്‌റ ഏദാറ്റ് ജാദിഗാക്കൊ ബ്‌ഡ തനാണ ഉജാത്ത്‌റ എദ്‌റാളിത്തെ.
5ണാന് ണിമ്മ് പട്ടിലിര്‌ക്കാട്ടി താനെ ഈ കാര്യഗണെല്ല ണിമാക്ക് സൊല്ലിര്‌ക്കെ. അദ് ണിമാക്ക് ണെനേവു ഇര്‌ക്കുമല്ല? 6അവാ് സമ്യ ആഗാത്ത മുദാഗെ ബരാദ്‌ണ ഇപ്പ് തഡ്‌ത്തിര്‌ക്കാദ് എന്തായെന്റ് ണിമാക്ക് തെര്യു. 7സാമിക്ക് പോട്ടി ണിന്റ് സൂഗാന സെയ്‌ര പല കെ്ട്ട കാര്യഗാമ് സെയിത്ത്യാ് ഇപ്പ് താനെ ഉലഗാത്തിലി സെയ്‌ദ് കൊണ്ടിര്‌ക്കാ്. ആന അയ്യി കാര്യഗണ തഡ്‌ക്കവാ് ബയ്യിന ബ്‌ട്ട് ബിലാഗി ണില്ലുഡൊ. 8അക്കുളെ അയ്യി കേ്ഡ്‌ഗെ്ട്ടവാ് ബെ്ളിപഡുവാ്. ആണ്ടവാ് ഏസു മദ്‌പ്പുള്ള അദിഗാരിയായി ബെ്ളിപഡ്‌ഗാട്ടി അവാന അളിത്തെ്ഡ്‌ത്തെക്കി അവാന്‌ദ് അദിഗാരണ ഇല്ലാദാക്കുവാ്. 9സെയിത്ത്യാ് കൊഡുക്ക സക്‌ദ്യാലെ സെയ്‌ര കാര്യഗോഡേത്തെ അയ്യി കേ്ഡ്‌ഗെ്ട്ടവാ് ബെ്ളിപഡുവാ്. അവാ് പൊയ്യാന സക്‌ദിലി അഡ്യാളഗാമ് അദിസ്യഗാമ് സെയ്‌ദ് കൊണ്ട് ആള്‌ഗണ സദിക്കുവാ്. 10അച്ചെ സത്ത്യമാന സേദിന ണമ്പി ദെങ്കി കഡാക്ക്യ മനേസ്സില്ലാത്തവാര്‌ണ അവാ് സദിത്ത് പല കെ്ട്ട കാര്യഗാമ് സെയ്‌ദ് ഏമാത്തുവാ്. 11സത്ത്യണ ണമ്പ്യ മനേസ്സില്ലാത്ത എല്ലാര്‌ക്ക്‌മ് പൊയ്യാന കാര്യഗണ ണമ്പ്യ ഉള്ള മനേസ്സ് സാമി കൊഡുക്കുവാ്. 12അദ്‌ണാലെ സത്ത്യണ ണമ്പാദെ പാവ സെയ്‌രാദിലി പിര്യപട്ട് ണഡാന്തവാരൊട്ടുക്ക് ദണ്ടണേക്ക് സിക്കുവാര്.
ണിമാണ ദെങ്ക്‌സ്യ ബേ്ണ്ടി തെരിന്തെ്ഡ്‌ത്തിര്‌ക്കാ്
13ആണ്ടവാന്‌ദ് സീവാ്നാലെ ഏസുക്കാറാര് ആയിര്‌ക്കവാരെ, സാമിണിഗാലിലി ണിമാണ സുത്താപ്പുള്ളവാര് ആക്ക്യാമ് ണിമ്മ സത്ത്യണ ണമ്പി ദെങ്കി കഡാക്ക്യ ബേ്ണ്ടിമ്‌ത്തെ സാമി മുദാഗെ ണിമാണ തെരിന്തെ്ഡ്‌ത്തിര്‌ക്കാദ്. അദ്‌ണാലെ ണിമാക്ക് ബേ്ണ്ടി എമ്മ എപ്പ്‌മ് സാമിക്ക് ണണ്ണി സൊല്ലുറേര്. 14ണിമാണ ദെങ്ക്‌സി ണമ്മ് ആണ്ടവാ് ഏസു ക്‌റ്‌സ്‌ത്ത്‌ദ് മദ്‌പ്പ്‌ക്ക് പങ്ക്‌ക്കാറാര് ആയ ബേ്ണ്ടിത്തെ സാമി ണിമാണ ഒളേത്തിര്‌ക്കാദ്. അദ്‌ക്ക് ബേ്ണ്ടിത്തെ സാമിദ് ണല്ല സേദിന എമാണ ബെത്ത് ണിമാക്ക് സൊന്നാദ്. 15അദ്‌ണാലെ ഏസുക്കാറാരെ, എമ്മ ണിമാക്ക് സൊല്ലി തന്ത കാര്യഗണാമ് എ്ള്‌ദി തന്ത കാര്യഗണാമ് ണിമ്മ തള്ളാദെ അയ്യി സൊല്ലുസുലാക്കാത്തിലി ഒറേപ്പായി ണില്ലുഡൊ.
16-17ണമ്മോഡെ സീവാ് ബ്‌ട്ടവാന്‌മ് ണമാക്ക് പ്‌ണ്ണ്യ സെയ്‌ദ് ണമ്മ് മനേസ്സ്‌ക്ക് എപ്പേക്ക്‌മ് ഗുളിമെ തരവാന്‌മ് ഏസു ക്‌റ്‌സ്‌ത്ത്‌ണ കാത്തിര്‌ക്ക്യ ണല്ല ണെഞ്ചഡെ തന്തിര്‌ക്കവാന്‌മാന അപ്പനാന സാമിമ് ണമ്മ്‌ദ് ആണ്ടവാനാന ഏസു ക്‌റ്‌സ്‌ത്ത്‌മ് ണിമാണ ദയ്യിരപഡ്‌സി എല്ല ണല്ല കാര്യഗ സെയ്യാമ്, സൊല്ല്യാമ് ണിമാണ ബില പഡ്‌സാമ് സെയ്‌ഡൊ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Life Literature