REKENANG 3
3
Manga ana i Harun
1Ko i'i walagheng i Harun l᷊au i Musa su tempo ngu Mawu nuhengetang si Musa su Wul᷊uri u Sinai. 2#Rek. 26:60I Harun pia anae ko ese pa: I Nadab ko iyakang, tuhue i Abihu, i Eleazar l᷊au i Itamar. 3I sire nitabisi nakoa imam dingang tundu ngu manuang l᷊ana su timboe. 4#Im. 10:1-2; Rek. 26:61 Kateho i Nadab l᷊au i Abihu napul᷊e asal᷊ie su tana l᷊inggi ngu Sinai, su tempo ngi sire mupasaruang Mawu dingang u putung ko dal᷊ai. I sire rua ko wanto. Inau su tempo ngi Harun mborong wiahi, i Eleazar l᷊au i Itamar nuhal᷊i kere imam.
Manga taumata ngu Lewi nitibo guna ngu mutangkiang manga imam
5 Mawu nuhengetang si Musa, 6Roiko suku ngi Lewi pasongo pupasaruang, dang tiboko i sire makoa manga mutatangkiang si Harun. 7I sire muhal᷊i su Kema-Ku dang mambeng mutangkiang manga imam dang kaul᷊i u umati dingang u hal᷊i i sire su Kema-Ku e'e. 8Hal᷊i i sire ko mangurusi kaul᷊i u sal᷊iumpuhi u Kema-Ku dang mukoa hal᷊i su Kema-Ku e'e kere ghaghanti ngu manga taumata ngu Israel. 9Bou bangsa Israel, kitang suku ngu Lewi ko Daku ipuhal᷊i makoa mutatangkiang tatapi si Harun dingang u hintounge. 10Kateho i Harun dang manga anae mambeng ihengkeu guna ngu mupal᷊al᷊eng hal᷊i kere imam; su l᷊ikuri sire, i sai l᷊ai ko manal᷊uka mukoa hal᷊i e'e mambeng ihukung pateng. 11Mawu nuhengetang si Musa, 12-13#Sasu. 13:2“Orasi i'i apang tau Lewi Daku ipile mariadi koa-Ku. Su tempo ngu Ia namate kaul᷊i u ana ko iyakang u bangsa Mesir, Daku itani makoa guna ngu Ia kaul᷊i u manga ana ko ese iyakang u taumata Israel dingang u kaul᷊i u binatang papal᷊iharang i sire ko kahimotongange ipahana. Kaul᷊i u e'e ko koa-Ku. Kere ghaghanti ngu manga ana ko ese iyakang ngu Israel, ia mangal᷊a taumata ngu Lewi guna ngu Ia, i sire sarung mariadi koa-Ku. Ko Ia Mawu.”
Pundarekeng taumata ngu Lewi
14Su tana l᷊inggi ngu Sinai Mawu nangoro si Musa 15pamohe apang taumata ngu Lewi tumuhu hintou l᷊au walaghenge singkatau-singkatau; apang manga ana ko ese umurie simbul᷊ang sintarai mambeng iwohe arenge. 16Bou e'e i Musa nukoa parenta ngu Mawu e'e. 17-20I Lewi pia anae tatilu ko ese: I Gerson, i Kehat dang i Merari. I sire e'e ko i upung u manga hintou ko isigho tumuhu areng i sire. I Gerson pia anae darua kol᷊aese: I Libni dang i Simei. I Kehat pia anae pa kol᷊aese: I Amram, i Yizhar, i Hebron dang i Uziel. Merari pia anae darua kol᷊aese: I Mahli dang i Musi. I sire e'e ko i upung u bou manga walagheng ko isigho tumuhu areng i sire.
21Hintou ngi Gerson nariadi bou walagheng i Libni dang walagheng i Simei. 22Ul᷊i u manga ko ese hintou ngi Gerson ko umurie simbul᷊ang sintarai mawawohe pia pituhiwul᷊imahasu su kataunge. 23-24I Elyasaf ana i Lael nanumbonang hintou e'e. Su l᷊al᷊ung u pukakemang bangsa Israel, hintou e'e nangal᷊a tampa su simbuka ngu wahe su l᷊ikuru Kema ngu Mawu. 25Su l᷊al᷊ung u mangurusi Kema ngu Mawu, i sire mambeng mutuhung hal᷊i u Kema, dingang u tatakae, pampele su tukari sasukange, 26Heka ko nul᷊iku poresi u Kema dingang u mesba, dang sasara tukari u poresi e'e. I sire mutuhung kaul᷊i u hal᷊i ko pia tarange dingang u manga barang e'e.
27Hintou i Kehat nariadi bou manga walagheng i Amram, i Yizhar, i Hebron dang i Uziel. 28Manga ko ese ko umurie simbul᷊ang sintarai bou hintou e'e kaul᷊ie wal᷊uhiwu nunguhasu su kataunge. Hal᷊i i sire mangurusi manga barang su Kema ngu Mawu. 29-30I Elisafan ana i Uziel nanumbonang hintou e'e. Su l᷊al᷊ung u pukakemang e'e, hintou e'e natana su simbuka ngu timuhi Kema ngu Mawu. 31I sire mutuhung hal᷊i u Wantal᷊i u Pudadiandi, meda, rihi ngu sol᷊o, manga mesba, manga sal᷊iumpuhi ko ipake u manga imam su kamari ko susi, dingang u pampele ko nuhae ngu kamari ko susi. I sire mutuhung kaul᷊i u hal᷊i ko pia tarange dingang u barang e'e.
32Tumbonang suku ngi Lewi e'e ko I Eleazar, ana i Harun. I sie mundiaga manga taumata ko muhal᷊i su kamari ko susi.
33Hintou i Merari nariadi bou walagheng i Mahli l᷊au u walagheng i Musi. 34Manga ko ese umurie simbul᷊ang sintarai bou hintou e'e kaul᷊ie nunguhiwuduahasu su kataunge. 35I Zuriel ana i Abihail munanumbonang hintou e'e. Su l᷊al᷊ung u pukakemang, hintou e'e natana su simbuka ngu sawunahi bou Kema ngu Mawu. 36I sire mutuhung su hal᷊i rihi ngu Kema e'e, manga sal᷊awakunge, manga rihinge, pangilenange dingang u kaul᷊i u sal᷊iumpuhi dingang u kaul᷊i u hal᷊i ko pia tarange dingang u manga barang e'e. 37L᷊ai dingang u manga rihi, manga pangilenange, manga pasa l᷊au u manga tal᷊i guna ngu l᷊ikuru lilahie.
38Su l᷊al᷊ung u pukakemang, i Musa l᷊au i Harun dingang u manga anae mambeng matana su tingo ngu Kema ngu Mawu, su simbuka ngu raki. I sire mutuhung bangsa Israel su kamari ko susi. Su l᷊ikuri sire, i sai ko manuka mukoa hal᷊i e'e mambeng ihukung pateng. 39Kaul᷊i u manga ko ese su l᷊al᷊ung u suku ngi Lewi ko umurie simbul᷊ang sintarai ko niwohe i Musa tuhu hintou u simbau-simbau bou parenta ngu Mawu, kaul᷊ie duampul᷊odua su hiwunge su kataunge.
Taumata ngu Lewi nakoa ghaghanti ngu ana ko ese ko iyakang u Israel
40-41 Mawu nuhengetang si Musa, “Kaul᷊i u ana ko iyakang ko ese u Israel e'e ko koa-Ku. Woheko manga areng i sire ko umurie simbul᷊ang sintarai. Kateho kere ghaghanti ngi sire, Ia mul᷊ahe kaul᷊i u taumata ngu Lewi mariadi koa-Ku. Ia ko Mawu! Dang binatang papal᷊iharang u taumata ngu Lewi Daku ilahe makoa ghaghanti ngu kaul᷊i u binatang ko kahimotongange nihana su tal᷊oara u binatang papal᷊ihara ngu bangsa Israel.” 42I Musa nukoa apang ko niparenta ngu Mawu; i sie namohe areng u kaul᷊i u ana ko ese iyakang 43ko umurie simbul᷊ang sintarai. I sire kaul᷊ie duampul᷊odua su hiwunge duahasupitumpul᷊otilu su kataunge.
44Bou e'e Mawu nuhengetang si Musa, 45“Taniko manga taumata ngu Lewi guna ngu Ia kere ghaghanti kaul᷊i u ana iyakang ko ese u Israel, l᷊ai binatang papal᷊iharang u taumata ngu Lewi kere pungganti binatang papal᷊iharang u taumata ngu Israel. 46Watu'u manga ana iyakang ko ese u Israel duahasupitumpul᷊otilu su kataunge lebe maul᷊i bou ul᷊i u manga taumata ngu Lewi, inau ko lebe e'e mambeng itubusi kumu. 47Bou apang ana, i kumu mambeng pamaehi l᷊ima doi sal᷊aka tumuhu hariga ko ipake su Kema-Ku; 48onggoko doi e'e si Harun l᷊au su manga anae.” 49I Musa tumuhu parenta ngu Mawu e'e. 50I sie nangal᷊a sihiwutiluhasunungupul᷊ol᷊ima doi sal᷊aka, 51l᷊au nanarakang si Harun l᷊au u manga anae.
Currently Selected:
REKENANG 3: PLT
Highlight
Copy
Compare
Share
Want to have your highlights saved across all your devices? Sign up or sign in
REKENANG 3
3
Manga ana i Harun
1Ko i'i walagheng i Harun l᷊au i Musa su tempo ngu Mawu nuhengetang si Musa su Wul᷊uri u Sinai. 2#Rek. 26:60I Harun pia anae ko ese pa: I Nadab ko iyakang, tuhue i Abihu, i Eleazar l᷊au i Itamar. 3I sire nitabisi nakoa imam dingang tundu ngu manuang l᷊ana su timboe. 4#Im. 10:1-2; Rek. 26:61 Kateho i Nadab l᷊au i Abihu napul᷊e asal᷊ie su tana l᷊inggi ngu Sinai, su tempo ngi sire mupasaruang Mawu dingang u putung ko dal᷊ai. I sire rua ko wanto. Inau su tempo ngi Harun mborong wiahi, i Eleazar l᷊au i Itamar nuhal᷊i kere imam.
Manga taumata ngu Lewi nitibo guna ngu mutangkiang manga imam
5 Mawu nuhengetang si Musa, 6Roiko suku ngi Lewi pasongo pupasaruang, dang tiboko i sire makoa manga mutatangkiang si Harun. 7I sire muhal᷊i su Kema-Ku dang mambeng mutangkiang manga imam dang kaul᷊i u umati dingang u hal᷊i i sire su Kema-Ku e'e. 8Hal᷊i i sire ko mangurusi kaul᷊i u sal᷊iumpuhi u Kema-Ku dang mukoa hal᷊i su Kema-Ku e'e kere ghaghanti ngu manga taumata ngu Israel. 9Bou bangsa Israel, kitang suku ngu Lewi ko Daku ipuhal᷊i makoa mutatangkiang tatapi si Harun dingang u hintounge. 10Kateho i Harun dang manga anae mambeng ihengkeu guna ngu mupal᷊al᷊eng hal᷊i kere imam; su l᷊ikuri sire, i sai l᷊ai ko manal᷊uka mukoa hal᷊i e'e mambeng ihukung pateng. 11Mawu nuhengetang si Musa, 12-13#Sasu. 13:2“Orasi i'i apang tau Lewi Daku ipile mariadi koa-Ku. Su tempo ngu Ia namate kaul᷊i u ana ko iyakang u bangsa Mesir, Daku itani makoa guna ngu Ia kaul᷊i u manga ana ko ese iyakang u taumata Israel dingang u kaul᷊i u binatang papal᷊iharang i sire ko kahimotongange ipahana. Kaul᷊i u e'e ko koa-Ku. Kere ghaghanti ngu manga ana ko ese iyakang ngu Israel, ia mangal᷊a taumata ngu Lewi guna ngu Ia, i sire sarung mariadi koa-Ku. Ko Ia Mawu.”
Pundarekeng taumata ngu Lewi
14Su tana l᷊inggi ngu Sinai Mawu nangoro si Musa 15pamohe apang taumata ngu Lewi tumuhu hintou l᷊au walaghenge singkatau-singkatau; apang manga ana ko ese umurie simbul᷊ang sintarai mambeng iwohe arenge. 16Bou e'e i Musa nukoa parenta ngu Mawu e'e. 17-20I Lewi pia anae tatilu ko ese: I Gerson, i Kehat dang i Merari. I sire e'e ko i upung u manga hintou ko isigho tumuhu areng i sire. I Gerson pia anae darua kol᷊aese: I Libni dang i Simei. I Kehat pia anae pa kol᷊aese: I Amram, i Yizhar, i Hebron dang i Uziel. Merari pia anae darua kol᷊aese: I Mahli dang i Musi. I sire e'e ko i upung u bou manga walagheng ko isigho tumuhu areng i sire.
21Hintou ngi Gerson nariadi bou walagheng i Libni dang walagheng i Simei. 22Ul᷊i u manga ko ese hintou ngi Gerson ko umurie simbul᷊ang sintarai mawawohe pia pituhiwul᷊imahasu su kataunge. 23-24I Elyasaf ana i Lael nanumbonang hintou e'e. Su l᷊al᷊ung u pukakemang bangsa Israel, hintou e'e nangal᷊a tampa su simbuka ngu wahe su l᷊ikuru Kema ngu Mawu. 25Su l᷊al᷊ung u mangurusi Kema ngu Mawu, i sire mambeng mutuhung hal᷊i u Kema, dingang u tatakae, pampele su tukari sasukange, 26Heka ko nul᷊iku poresi u Kema dingang u mesba, dang sasara tukari u poresi e'e. I sire mutuhung kaul᷊i u hal᷊i ko pia tarange dingang u manga barang e'e.
27Hintou i Kehat nariadi bou manga walagheng i Amram, i Yizhar, i Hebron dang i Uziel. 28Manga ko ese ko umurie simbul᷊ang sintarai bou hintou e'e kaul᷊ie wal᷊uhiwu nunguhasu su kataunge. Hal᷊i i sire mangurusi manga barang su Kema ngu Mawu. 29-30I Elisafan ana i Uziel nanumbonang hintou e'e. Su l᷊al᷊ung u pukakemang e'e, hintou e'e natana su simbuka ngu timuhi Kema ngu Mawu. 31I sire mutuhung hal᷊i u Wantal᷊i u Pudadiandi, meda, rihi ngu sol᷊o, manga mesba, manga sal᷊iumpuhi ko ipake u manga imam su kamari ko susi, dingang u pampele ko nuhae ngu kamari ko susi. I sire mutuhung kaul᷊i u hal᷊i ko pia tarange dingang u barang e'e.
32Tumbonang suku ngi Lewi e'e ko I Eleazar, ana i Harun. I sie mundiaga manga taumata ko muhal᷊i su kamari ko susi.
33Hintou i Merari nariadi bou walagheng i Mahli l᷊au u walagheng i Musi. 34Manga ko ese umurie simbul᷊ang sintarai bou hintou e'e kaul᷊ie nunguhiwuduahasu su kataunge. 35I Zuriel ana i Abihail munanumbonang hintou e'e. Su l᷊al᷊ung u pukakemang, hintou e'e natana su simbuka ngu sawunahi bou Kema ngu Mawu. 36I sire mutuhung su hal᷊i rihi ngu Kema e'e, manga sal᷊awakunge, manga rihinge, pangilenange dingang u kaul᷊i u sal᷊iumpuhi dingang u kaul᷊i u hal᷊i ko pia tarange dingang u manga barang e'e. 37L᷊ai dingang u manga rihi, manga pangilenange, manga pasa l᷊au u manga tal᷊i guna ngu l᷊ikuru lilahie.
38Su l᷊al᷊ung u pukakemang, i Musa l᷊au i Harun dingang u manga anae mambeng matana su tingo ngu Kema ngu Mawu, su simbuka ngu raki. I sire mutuhung bangsa Israel su kamari ko susi. Su l᷊ikuri sire, i sai ko manuka mukoa hal᷊i e'e mambeng ihukung pateng. 39Kaul᷊i u manga ko ese su l᷊al᷊ung u suku ngi Lewi ko umurie simbul᷊ang sintarai ko niwohe i Musa tuhu hintou u simbau-simbau bou parenta ngu Mawu, kaul᷊ie duampul᷊odua su hiwunge su kataunge.
Taumata ngu Lewi nakoa ghaghanti ngu ana ko ese ko iyakang u Israel
40-41 Mawu nuhengetang si Musa, “Kaul᷊i u ana ko iyakang ko ese u Israel e'e ko koa-Ku. Woheko manga areng i sire ko umurie simbul᷊ang sintarai. Kateho kere ghaghanti ngi sire, Ia mul᷊ahe kaul᷊i u taumata ngu Lewi mariadi koa-Ku. Ia ko Mawu! Dang binatang papal᷊iharang u taumata ngu Lewi Daku ilahe makoa ghaghanti ngu kaul᷊i u binatang ko kahimotongange nihana su tal᷊oara u binatang papal᷊ihara ngu bangsa Israel.” 42I Musa nukoa apang ko niparenta ngu Mawu; i sie namohe areng u kaul᷊i u ana ko ese iyakang 43ko umurie simbul᷊ang sintarai. I sire kaul᷊ie duampul᷊odua su hiwunge duahasupitumpul᷊otilu su kataunge.
44Bou e'e Mawu nuhengetang si Musa, 45“Taniko manga taumata ngu Lewi guna ngu Ia kere ghaghanti kaul᷊i u ana iyakang ko ese u Israel, l᷊ai binatang papal᷊iharang u taumata ngu Lewi kere pungganti binatang papal᷊iharang u taumata ngu Israel. 46Watu'u manga ana iyakang ko ese u Israel duahasupitumpul᷊otilu su kataunge lebe maul᷊i bou ul᷊i u manga taumata ngu Lewi, inau ko lebe e'e mambeng itubusi kumu. 47Bou apang ana, i kumu mambeng pamaehi l᷊ima doi sal᷊aka tumuhu hariga ko ipake su Kema-Ku; 48onggoko doi e'e si Harun l᷊au su manga anae.” 49I Musa tumuhu parenta ngu Mawu e'e. 50I sie nangal᷊a sihiwutiluhasunungupul᷊ol᷊ima doi sal᷊aka, 51l᷊au nanarakang si Harun l᷊au u manga anae.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in