REKENANG 10
10
Manga tarompeti bou sal᷊aka
1 Mawu nuhengetang si Musa, 2“Koateko tarompeti darua bou sal᷊aka ko nighora guna ngu mukui ana u wanua mukomol᷊i arako guna ngu mundoi si sire puwua. 3Kamangkeng darua tiukang manandu, mangal᷊enge kaul᷊i u umati mambeng mukomol᷊i mul᷊iku si kau su mohong u tukari Kema-Ku. 4Kateho kamangkeng kitang simbau tiukang, mangal᷊enge kitang manga tumbonang ko mambeng mukomol᷊i mul᷊iku si kau. 5Kamangkeng tarompeti tiukang ko pol᷊o-pol᷊o, e'e tatia ngu manga suku ko mukema su simbuka ngu raki mambeng muwua. 6Kamangkeng tiukang ko pol᷊o-pol᷊o pakarua, kuteu manga suku su simbuka ngu timuhi mambeng muwua. Inau tingihi ko pol᷊o-pol᷊o mangal᷊enge umati mambeng muwua, 7arawe tingihie ko manandu mangal᷊enge umati mambeng mukomol᷊i. 8Manga tarompeti e'e mambeng tiukang u manga imam, manga ana i Harun. E'e ko atorang mambeng tuhukang i kumu sarang kal᷊iwuenge.
9Dang kamangkeng i kumu muparang su wanua ngi kumu guna ngu mutahatinda u watangenge bou roka ko mangalo, tiuko manga tarompeti e'e, kuteu Ia, Mawu Ruata ngi kumu, sarung mutul᷊ung dang mupakasal᷊amati kumu bou manga roka i kumu. 10L᷊ai su manga l᷊ou ngi kumu mahul᷊uasi, e'e ko su manga sal᷊iwang u wul᷊ang ko wuhu dang manga sal᷊iwang i kumu ko wal᷊inge, tarompeti e'e mambeng tiukang su tempo ngi kumu manumba ngu korbang tutungang dang korbang purarame si Sia. Kuteu Ia sarung mutul᷊ung i kumu. Ko Ia Mawu Ruata ngi kumu.”
Tau Israel nuwua
11Su l᷊al᷊ung taung karuange suapang u bangsa Israel nanintang u Mesir, su tanggali duampul᷊o wul᷊ang karuange, naawie winawa bou wawo u Kema ngu Mawu. 12Bou e'e tau Israel mutatuhu nuwua nanintang u tana l᷊inggi ngu Sinai, dang winawa e'e nangiro su tempo i sire nurating tana l᷊inggi ngu Paran.
13E'e kahimotongange i sire nuwua su parenta ngu Mawu si Musa. 14Kahimotongange nuwua sordado ko musirung su wawa u pandeli komol᷊ang Yehuda, pasukang mutatuhu: I Nahason, ana i Aminadab mangaha barisang suku ngi Yehuda, 15I Netaneel ana i Zuar mangaha barisang suku ngi Isakhar, 16dang i Eliab ana i Helon mangaha barisang suku ngi Zebulon.
17Bou e'e Kema ngu Mawu nibongkari dang nuwua hintou ngi Gerson dingang i Merari ko mamikul᷊i Kema e'e.
18Tuhue nuwua sordado ko musirung su wawa u pandeli komol᷊ang i Ruben, pasukang mutatuhu: i Elizur ana i Syedeur mangaha barisang suku ngi Ruben. 19I Selumiel ana i Zurisyadai manga barisang suku ngi Simeon, 20dang i Elyasaf ana i Rehuel mangaha barisang suku ngi Gad.
21Bou e'e nuwua manga tau Kehat ko mamikul᷊i manga sal᷊iumpuhi ko susi. Kamangkeng i sire murating u tampa pukakemang ko tuhue, Kema ngu Mawu seng bou nipasi.
22Bou e'e nakatuhu sordado ko musirung su wawa u pandeli komol᷊ang suku ngi Efraim, pasukang mutatuhu: i Elisama ana i Amihud mangaha barisang suku ngi Efraim, 23I Gamaliel ana i Pedazur mangaha barisang suku ngi Manasye, 24dang i Abidan ana i Gideoni mangaha barisang suku ngi Benyamin.
25Panginsuenge nuwuate sordado ko musirung su wawa u pandeli komol᷊ang suku ngi Dan. I sire ko mundadiaga l᷊ikuru komol᷊ang. I sire l᷊umal᷊eng pasukang mutatuhu: i Ahiezer ana i Amisyadai mangaha barisang suku ngi Dan. 26I Pagiel ana i Okhran mangaha barisang suku ngi Asyer, 27dang i Ahira ana i Enan mangaha barisang suku ngi Naftali. 28E'e ko hunsuri pubabarisi tau Israel, pasukang mutatuhu, suapang i sire nuwua mangal᷊ing tampa.
29I Musa nangul᷊i su ipaghie, I Hobab ana i Rehuel tau Midian, “I kami sarung muwua sarang tampa ko tumuhu didato ngu Mawu, sarung ionggo si kami. Mawu seng nudiandi ko mapia su tau Israel. Inau tuhue, i kami sarung mukoa ko mapia si kumu.”
30I Hobab nusumimbahi, “Tarima kase, kateho ia mo musul᷊e sau sarang kampongku.”
31Kumbahang manintang i kami, angkung i Musa, “I kau botonge mariadi mananibo u l᷊al᷊eng si kumu, watu i kau matitong su apa i kite botonge mukema su tana l᷊inggi. 32Boko i kau mutuhu, kuteu u kaul᷊i u ko mapia ko koateng u Mawu si kami, sarung koateng i kami l᷊ai si kau.”
Bangsa Israel nuwua
33Bou e'e bangsa Israel nanintang u Sinai, wul᷊uri u katanakeng u Mawu, i sire l᷊umal᷊eng tilu l᷊ou l᷊iwuenge. Wantal᷊i pudadiandi ngu Mawu sintinia iwawa mangihoro si sire, mundea tampa mukema guna ngi sire. 34Kamangkeng i sire muwua bou tampa u pukakemang, winawa ngu Mawu sintinia ene su wawo i sire su tempo l᷊ou.
35 #
Mzm. 68:2 Sintinia Wantal᷊i u Pudadiandi e'e sarung wawaneng, i Musa nangul᷊i, “Darisie, oh Mawu, pukaesiko roka-U hakiu taumata ko mubinsi i Kau mahuntal᷊ang.” 36Dang suapang Wantal᷊i u Pudadiandi e'e murating u tampa pangindul᷊eng, i Musa nangul᷊i, “Pusul᷊eko, oh Mawu, sarang hiwu ngu walagheng u Israel.”
Currently Selected:
REKENANG 10: PLT
Highlight
Copy
Compare
Share
Want to have your highlights saved across all your devices? Sign up or sign in
REKENANG 10
10
Manga tarompeti bou sal᷊aka
1 Mawu nuhengetang si Musa, 2“Koateko tarompeti darua bou sal᷊aka ko nighora guna ngu mukui ana u wanua mukomol᷊i arako guna ngu mundoi si sire puwua. 3Kamangkeng darua tiukang manandu, mangal᷊enge kaul᷊i u umati mambeng mukomol᷊i mul᷊iku si kau su mohong u tukari Kema-Ku. 4Kateho kamangkeng kitang simbau tiukang, mangal᷊enge kitang manga tumbonang ko mambeng mukomol᷊i mul᷊iku si kau. 5Kamangkeng tarompeti tiukang ko pol᷊o-pol᷊o, e'e tatia ngu manga suku ko mukema su simbuka ngu raki mambeng muwua. 6Kamangkeng tiukang ko pol᷊o-pol᷊o pakarua, kuteu manga suku su simbuka ngu timuhi mambeng muwua. Inau tingihi ko pol᷊o-pol᷊o mangal᷊enge umati mambeng muwua, 7arawe tingihie ko manandu mangal᷊enge umati mambeng mukomol᷊i. 8Manga tarompeti e'e mambeng tiukang u manga imam, manga ana i Harun. E'e ko atorang mambeng tuhukang i kumu sarang kal᷊iwuenge.
9Dang kamangkeng i kumu muparang su wanua ngi kumu guna ngu mutahatinda u watangenge bou roka ko mangalo, tiuko manga tarompeti e'e, kuteu Ia, Mawu Ruata ngi kumu, sarung mutul᷊ung dang mupakasal᷊amati kumu bou manga roka i kumu. 10L᷊ai su manga l᷊ou ngi kumu mahul᷊uasi, e'e ko su manga sal᷊iwang u wul᷊ang ko wuhu dang manga sal᷊iwang i kumu ko wal᷊inge, tarompeti e'e mambeng tiukang su tempo ngi kumu manumba ngu korbang tutungang dang korbang purarame si Sia. Kuteu Ia sarung mutul᷊ung i kumu. Ko Ia Mawu Ruata ngi kumu.”
Tau Israel nuwua
11Su l᷊al᷊ung taung karuange suapang u bangsa Israel nanintang u Mesir, su tanggali duampul᷊o wul᷊ang karuange, naawie winawa bou wawo u Kema ngu Mawu. 12Bou e'e tau Israel mutatuhu nuwua nanintang u tana l᷊inggi ngu Sinai, dang winawa e'e nangiro su tempo i sire nurating tana l᷊inggi ngu Paran.
13E'e kahimotongange i sire nuwua su parenta ngu Mawu si Musa. 14Kahimotongange nuwua sordado ko musirung su wawa u pandeli komol᷊ang Yehuda, pasukang mutatuhu: I Nahason, ana i Aminadab mangaha barisang suku ngi Yehuda, 15I Netaneel ana i Zuar mangaha barisang suku ngi Isakhar, 16dang i Eliab ana i Helon mangaha barisang suku ngi Zebulon.
17Bou e'e Kema ngu Mawu nibongkari dang nuwua hintou ngi Gerson dingang i Merari ko mamikul᷊i Kema e'e.
18Tuhue nuwua sordado ko musirung su wawa u pandeli komol᷊ang i Ruben, pasukang mutatuhu: i Elizur ana i Syedeur mangaha barisang suku ngi Ruben. 19I Selumiel ana i Zurisyadai manga barisang suku ngi Simeon, 20dang i Elyasaf ana i Rehuel mangaha barisang suku ngi Gad.
21Bou e'e nuwua manga tau Kehat ko mamikul᷊i manga sal᷊iumpuhi ko susi. Kamangkeng i sire murating u tampa pukakemang ko tuhue, Kema ngu Mawu seng bou nipasi.
22Bou e'e nakatuhu sordado ko musirung su wawa u pandeli komol᷊ang suku ngi Efraim, pasukang mutatuhu: i Elisama ana i Amihud mangaha barisang suku ngi Efraim, 23I Gamaliel ana i Pedazur mangaha barisang suku ngi Manasye, 24dang i Abidan ana i Gideoni mangaha barisang suku ngi Benyamin.
25Panginsuenge nuwuate sordado ko musirung su wawa u pandeli komol᷊ang suku ngi Dan. I sire ko mundadiaga l᷊ikuru komol᷊ang. I sire l᷊umal᷊eng pasukang mutatuhu: i Ahiezer ana i Amisyadai mangaha barisang suku ngi Dan. 26I Pagiel ana i Okhran mangaha barisang suku ngi Asyer, 27dang i Ahira ana i Enan mangaha barisang suku ngi Naftali. 28E'e ko hunsuri pubabarisi tau Israel, pasukang mutatuhu, suapang i sire nuwua mangal᷊ing tampa.
29I Musa nangul᷊i su ipaghie, I Hobab ana i Rehuel tau Midian, “I kami sarung muwua sarang tampa ko tumuhu didato ngu Mawu, sarung ionggo si kami. Mawu seng nudiandi ko mapia su tau Israel. Inau tuhue, i kami sarung mukoa ko mapia si kumu.”
30I Hobab nusumimbahi, “Tarima kase, kateho ia mo musul᷊e sau sarang kampongku.”
31Kumbahang manintang i kami, angkung i Musa, “I kau botonge mariadi mananibo u l᷊al᷊eng si kumu, watu i kau matitong su apa i kite botonge mukema su tana l᷊inggi. 32Boko i kau mutuhu, kuteu u kaul᷊i u ko mapia ko koateng u Mawu si kami, sarung koateng i kami l᷊ai si kau.”
Bangsa Israel nuwua
33Bou e'e bangsa Israel nanintang u Sinai, wul᷊uri u katanakeng u Mawu, i sire l᷊umal᷊eng tilu l᷊ou l᷊iwuenge. Wantal᷊i pudadiandi ngu Mawu sintinia iwawa mangihoro si sire, mundea tampa mukema guna ngi sire. 34Kamangkeng i sire muwua bou tampa u pukakemang, winawa ngu Mawu sintinia ene su wawo i sire su tempo l᷊ou.
35 #
Mzm. 68:2 Sintinia Wantal᷊i u Pudadiandi e'e sarung wawaneng, i Musa nangul᷊i, “Darisie, oh Mawu, pukaesiko roka-U hakiu taumata ko mubinsi i Kau mahuntal᷊ang.” 36Dang suapang Wantal᷊i u Pudadiandi e'e murating u tampa pangindul᷊eng, i Musa nangul᷊i, “Pusul᷊eko, oh Mawu, sarang hiwu ngu walagheng u Israel.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in