IMAMAT 19
19
Tita ngu kasasusi l᷊au kal᷊aadili
1 Mawu nangoro si Musa 2#Im. 11:44-45; 1Ptr. 1:16puhabari su bangsa Israel parenta i'i, “Pakasusiko i kumu, ual᷊ingu Ia Mawu Ruata ngi kumu ko susi. 3#Sasu. 20:8,12; Sau. 5:12,16Apang taumata mambeng mangadati si papa l᷊au i mamange dang mamantughi l᷊ou ngu Sabati kere ko seng Daku niparenta. Ko Ia Mawu Ruata ngi kumu.
4 #
Sasu. 20:23, 34:17; Sau. 17:15; Im. 26:1 Kumbahang manumba barhala. Kumbahang mukoa patong bou logam dang manumba e'e. Ko Ia Mawu Ruata ngi kumu.
5Boko i kumu mangonggo sasumba binatang guna ngu korbang purarame, tuhukeko manga atorang ko seng Daku nionggo, tadeau korbang e'e Daku itarima. 6Ghisinge mambeng kinaseng su l᷊ou binatang e'e nihata arako ndai mal᷊ounge. Ghisi ko mborong nal᷊umbei su l᷊ou katilunge mambeng itutung pakasue, 7ual᷊ing u ghisi e'e ko haram. Boko ghisi e'e mang ikang l᷊ai, korbang e'e ta Daku itarima. 8I sai-sai ko kumina ghisi e'e munsal᷊a, ual᷊ingu ta nangadati apang ko nitani guna-Ku. Taumata e'e seng ta Daku irekeng l᷊ai kere tataho u umati-Ku.
9 #
Im. 23:22; Sau. 24:19-22 Boko i kumu manipo, kumbahang mamoto gandung ko nutumuwo su manga wiwihi u anseri kumu, dang kumbahang musul᷊e guna ngu munggopol᷊i gandung ko nal᷊umbei bou nipanipong. 10Kumbahang musul᷊e sarang awuhi u anggori kumu guna ngu munggopol᷊i manga wua ngu anggori ko natintang bou nipanipong kahimotongange. Dingang u manga wuange ko nanawo kumbahang al᷊akeng i kumu. Pakawalako e'e guna ngu taumata ko susa dang taumata ngu raghi. Ko Ia Mawu Ruata ngi kumu.
11 #
Sasu. 20:15, 16; Sau. 5:19, 20 Kumbahang manako, mangakal᷊i arako mul᷊eo. 12#Sasu. 20:7; Sau. 5:11; Mat. 5:33 Kumbahang mudiandi su l᷊al᷊ung u areng-Ku boko i kumu ta mupandung mungganapi diandi e'e, watu'u dingang u e'e i kumu seng nuhinakang areng-Ku. Ko Ia Mawu, Mawu Ruata ngi kumu. 13#Sau. 24:14-15 Kumbahang mupakasusa sinsul᷊ung i kumu arako muhampasi rarotonge. Wawaehi singkatau ko nuhal᷊i su koa i kumu kumbahang tahangeng i kumu, maneng kitang sihuwi. 14#Sau. 27:18Kumbahang mangane taumata ko wenggeli dang kumbahang mamilo watu ko kasangkonang su tingo ngu taumata ko wuta. I kumu pangadatiko l᷊au katakuko si Sia, watu'u Ia ko Mawu, Mawu Ruata ngi kumu.
15 #
Sasu. 23:6-8; Sau. 16:19 I kumu mambeng pakatul᷊iri boko mamonesi; kumbahang manimbuka su tau ko susa dang kumbahang mataku su tau ko kala. 16Kumbahang mangeke ngu l᷊ahinakang su tal᷊oara u manga taumata singkawanuau, tadeau i kumu ta makakoa papate su sinsul᷊ung i kumu taumata. Ko Ia Mawu.
17 #
Mat. 18:15 Kumbahang mundeso wawal᷊uang si sai-sai. Urusiko purarendehi kumu dingang i sai-sai, tadeau i kumu ta mubardosa ual᷊ingu taumata ko wal᷊inge. #19:17: Tadeau … ko wal᷊inge arako tadeau i kumu ta mubardosa su saruang-E. 18#Mat. 5:43, 19:19, 22:39; Mrk. 12:31; Luk. 10:27; Rm. 13:9; Gal. 5:14; Yak. 2:8Kumbahang mamal᷊isi saki u naung dang kumbahang mubinsi u taumata ko wal᷊inge, kateho kindaghiteko sinsul᷊ung i kumu kere i kumu mukumindaghi watangeng i kumu sisane. Ko Ia Mawu.
19 #
Sau. 22:9-11
Tuhuke ko apang parenta-Ku. Kumbahang mupul᷊anaghi binatang pal᷊iharang ko mutatintang haghinge. Kumbahang musuang darua haghi ngu sasuang su tana simpalang. Kumbahang mupake pakeang ko nianang bou darua haghi ngu banang.
20Boko singkatau ko ese mudiandi sarung muwal᷊u l᷊ange kowawine su ko ese ko wal᷊inge guna ngu ikoa dokae, dang taumata ko mo mul᷊uang l᷊ang e'e tangkeng namaehi, bou e'e ko pia l᷊ange ko horo mutatamba ngu badang dingang u l᷊ang e'e, i sire rua mambeng ihukung,#19:20: i sire rua mambeng ihukungarako hal᷊i e'e mambeng isalidiki. kateho ta botonge ihukung papate, watu'u maneng kirapa kowawine e'e mborong l᷊ange. 21Ko ese e'e mambeng mumbawa domba ko ese simbau su saruang u tukari u Kema-Ku guna ngu korbang ghaghanti ngu karugiang. 22Imam mambeng mangorbang u domba e'e su l᷊al᷊ung u tundu ngu pananusi, tadeau dosa ngu tau e'e iampungang. Kuteu Ia, Mawu Ruata sarung mangonggo ampunge si sie.
23Boko i kumu seng sumu su wanua ngu Kanaan dang musuang haghi ngu manga wua pai se'e, kuteu l᷊iwuenge tilu taung ko kahimotongange i kumu mambeng mundekeng manga wuange e'e ko haram dang ta botonge kanengang i kumu. 24Su taung kapae kaul᷊i u wuange mambeng ionggo kere tatarima kase i kumu si Sia, Mawu. 25Su taung kal᷊imange mbuhue i kumu botonge kumang wuange. Boko i kumu mukoa kaul᷊i u atorang e'e, kau manga wua ngi kumu sarung muwua nangilembo maul᷊i l᷊ai. Ko Ia Mawu Ruata ngi kumu.
26 #
Kar. 9:4; Im. 7:26-27, 17:10-14; Sau. 12:16,23, 15:23, 18:10 Kumbahang manginung daha. Kumbahang mupake manga titong ko marundung. 27#Im. 21:5; Sau. 14:1Kumbahang munggunting uta su sindihang u timbo i kumu arako mangahuri kumie kumu. 28Kumbahang mutato pisi ngi kumu guna ngu mukoa manga tatia arako mupakal᷊esi badang i kumu kere tatia ko kapul᷊al᷊utue su tau ko nate. Ko Ia Mawu.
29 #
Sau. 23:17
Kumbahang mupakasana hariga ngu manga ana i kumu kowawine dingang mukoa si sire kowawine ko dal᷊ai su kuil.#19:29: kowawine ko dal᷊ai su kuil: Manga kowawine ko dal᷊ai ko kahal᷊ie su manga kuil su Kanaan, tampa taumata manumba su mahang mawu kasasuburi. Pia pangangimang himoneu mutatamba u badang dingang u manga kowawine ko dal᷊ai e'e mangonggo kasasuburi su apang awuhi l᷊au binatang papal᷊iharang i sire. Dingang mukoa kere'e i kumu nupakawuhu u wanua ngi kumu, dang manga kakanoa ko ta nutatahino sarung kasaunge matamba mariadi su se'e. 30#Im. 26:2Pamantughiko l᷊ou ngu Sabati dang adatiko tampa ko seng nitani guna ngu manumba si Sia. Ko Ia Mawu.
31 #
Sau. 18:11; 1Sam. 28:3; 2Mar. 23:4; Yes. 8:19 Kumbahang matamai mundo tughu su dukun ko mukoa pukakauhi dingang u manga roh u taumata ko nate. Boko i kumu mukoa e'e i kumu makoa ko mal᷊amuhu. Ko Ia Mawu Ruata ngi kumu.
32Kahunggeko l᷊au adatiko manga taumata ko maghaghurang. Pangadatiko l᷊au katakuko i kumu si Sia, watu'u ko Ia Mawu.
33 #
Sasu. 22:21; Sau. 24:17-18, 27:19 Kumbahang mutingkai taumata ngu raghi ko natana su wanua ngi kumu. 34Koako i sire kere i kumu mukoa su taumata ko singkawanua ngi kumu dang kindaghiteko i sire kere i kumu mukumindaghi u watangeng i kumu. Putinaungko himoneu i kumu l᷊ai mbuae nuwiahi kere tau raghi su Mesir. Ko Ia Mawu, Mawu Ruata ngi kumu.
35 #
Sau. 25:13-16; Sas. 20:10; Yeh. 45:10 Kumbahang mangakal᷊i taumata ko wal᷊inge dingang mupake ukurang, timbangang arako takarang l᷊inga. 36Pupakeko meteri, timbangang l᷊au takarang ko nuhino. Ko Ia Mawu, Mawu Ruata ngi kumu, dang Ia seng numbawa si kumu nusumuwang bou Wanua ngu Mesir. 37Tuhukeko apang tita l᷊au parenta-Ku. Ko Ia Mawu.”
Currently Selected:
IMAMAT 19: PLT
Highlight
Copy
Compare
Share
Want to have your highlights saved across all your devices? Sign up or sign in
IMAMAT 19
19
Tita ngu kasasusi l᷊au kal᷊aadili
1 Mawu nangoro si Musa 2#Im. 11:44-45; 1Ptr. 1:16puhabari su bangsa Israel parenta i'i, “Pakasusiko i kumu, ual᷊ingu Ia Mawu Ruata ngi kumu ko susi. 3#Sasu. 20:8,12; Sau. 5:12,16Apang taumata mambeng mangadati si papa l᷊au i mamange dang mamantughi l᷊ou ngu Sabati kere ko seng Daku niparenta. Ko Ia Mawu Ruata ngi kumu.
4 #
Sasu. 20:23, 34:17; Sau. 17:15; Im. 26:1 Kumbahang manumba barhala. Kumbahang mukoa patong bou logam dang manumba e'e. Ko Ia Mawu Ruata ngi kumu.
5Boko i kumu mangonggo sasumba binatang guna ngu korbang purarame, tuhukeko manga atorang ko seng Daku nionggo, tadeau korbang e'e Daku itarima. 6Ghisinge mambeng kinaseng su l᷊ou binatang e'e nihata arako ndai mal᷊ounge. Ghisi ko mborong nal᷊umbei su l᷊ou katilunge mambeng itutung pakasue, 7ual᷊ing u ghisi e'e ko haram. Boko ghisi e'e mang ikang l᷊ai, korbang e'e ta Daku itarima. 8I sai-sai ko kumina ghisi e'e munsal᷊a, ual᷊ingu ta nangadati apang ko nitani guna-Ku. Taumata e'e seng ta Daku irekeng l᷊ai kere tataho u umati-Ku.
9 #
Im. 23:22; Sau. 24:19-22 Boko i kumu manipo, kumbahang mamoto gandung ko nutumuwo su manga wiwihi u anseri kumu, dang kumbahang musul᷊e guna ngu munggopol᷊i gandung ko nal᷊umbei bou nipanipong. 10Kumbahang musul᷊e sarang awuhi u anggori kumu guna ngu munggopol᷊i manga wua ngu anggori ko natintang bou nipanipong kahimotongange. Dingang u manga wuange ko nanawo kumbahang al᷊akeng i kumu. Pakawalako e'e guna ngu taumata ko susa dang taumata ngu raghi. Ko Ia Mawu Ruata ngi kumu.
11 #
Sasu. 20:15, 16; Sau. 5:19, 20 Kumbahang manako, mangakal᷊i arako mul᷊eo. 12#Sasu. 20:7; Sau. 5:11; Mat. 5:33 Kumbahang mudiandi su l᷊al᷊ung u areng-Ku boko i kumu ta mupandung mungganapi diandi e'e, watu'u dingang u e'e i kumu seng nuhinakang areng-Ku. Ko Ia Mawu, Mawu Ruata ngi kumu. 13#Sau. 24:14-15 Kumbahang mupakasusa sinsul᷊ung i kumu arako muhampasi rarotonge. Wawaehi singkatau ko nuhal᷊i su koa i kumu kumbahang tahangeng i kumu, maneng kitang sihuwi. 14#Sau. 27:18Kumbahang mangane taumata ko wenggeli dang kumbahang mamilo watu ko kasangkonang su tingo ngu taumata ko wuta. I kumu pangadatiko l᷊au katakuko si Sia, watu'u Ia ko Mawu, Mawu Ruata ngi kumu.
15 #
Sasu. 23:6-8; Sau. 16:19 I kumu mambeng pakatul᷊iri boko mamonesi; kumbahang manimbuka su tau ko susa dang kumbahang mataku su tau ko kala. 16Kumbahang mangeke ngu l᷊ahinakang su tal᷊oara u manga taumata singkawanuau, tadeau i kumu ta makakoa papate su sinsul᷊ung i kumu taumata. Ko Ia Mawu.
17 #
Mat. 18:15 Kumbahang mundeso wawal᷊uang si sai-sai. Urusiko purarendehi kumu dingang i sai-sai, tadeau i kumu ta mubardosa ual᷊ingu taumata ko wal᷊inge. #19:17: Tadeau … ko wal᷊inge arako tadeau i kumu ta mubardosa su saruang-E. 18#Mat. 5:43, 19:19, 22:39; Mrk. 12:31; Luk. 10:27; Rm. 13:9; Gal. 5:14; Yak. 2:8Kumbahang mamal᷊isi saki u naung dang kumbahang mubinsi u taumata ko wal᷊inge, kateho kindaghiteko sinsul᷊ung i kumu kere i kumu mukumindaghi watangeng i kumu sisane. Ko Ia Mawu.
19 #
Sau. 22:9-11
Tuhuke ko apang parenta-Ku. Kumbahang mupul᷊anaghi binatang pal᷊iharang ko mutatintang haghinge. Kumbahang musuang darua haghi ngu sasuang su tana simpalang. Kumbahang mupake pakeang ko nianang bou darua haghi ngu banang.
20Boko singkatau ko ese mudiandi sarung muwal᷊u l᷊ange kowawine su ko ese ko wal᷊inge guna ngu ikoa dokae, dang taumata ko mo mul᷊uang l᷊ang e'e tangkeng namaehi, bou e'e ko pia l᷊ange ko horo mutatamba ngu badang dingang u l᷊ang e'e, i sire rua mambeng ihukung,#19:20: i sire rua mambeng ihukungarako hal᷊i e'e mambeng isalidiki. kateho ta botonge ihukung papate, watu'u maneng kirapa kowawine e'e mborong l᷊ange. 21Ko ese e'e mambeng mumbawa domba ko ese simbau su saruang u tukari u Kema-Ku guna ngu korbang ghaghanti ngu karugiang. 22Imam mambeng mangorbang u domba e'e su l᷊al᷊ung u tundu ngu pananusi, tadeau dosa ngu tau e'e iampungang. Kuteu Ia, Mawu Ruata sarung mangonggo ampunge si sie.
23Boko i kumu seng sumu su wanua ngu Kanaan dang musuang haghi ngu manga wua pai se'e, kuteu l᷊iwuenge tilu taung ko kahimotongange i kumu mambeng mundekeng manga wuange e'e ko haram dang ta botonge kanengang i kumu. 24Su taung kapae kaul᷊i u wuange mambeng ionggo kere tatarima kase i kumu si Sia, Mawu. 25Su taung kal᷊imange mbuhue i kumu botonge kumang wuange. Boko i kumu mukoa kaul᷊i u atorang e'e, kau manga wua ngi kumu sarung muwua nangilembo maul᷊i l᷊ai. Ko Ia Mawu Ruata ngi kumu.
26 #
Kar. 9:4; Im. 7:26-27, 17:10-14; Sau. 12:16,23, 15:23, 18:10 Kumbahang manginung daha. Kumbahang mupake manga titong ko marundung. 27#Im. 21:5; Sau. 14:1Kumbahang munggunting uta su sindihang u timbo i kumu arako mangahuri kumie kumu. 28Kumbahang mutato pisi ngi kumu guna ngu mukoa manga tatia arako mupakal᷊esi badang i kumu kere tatia ko kapul᷊al᷊utue su tau ko nate. Ko Ia Mawu.
29 #
Sau. 23:17
Kumbahang mupakasana hariga ngu manga ana i kumu kowawine dingang mukoa si sire kowawine ko dal᷊ai su kuil.#19:29: kowawine ko dal᷊ai su kuil: Manga kowawine ko dal᷊ai ko kahal᷊ie su manga kuil su Kanaan, tampa taumata manumba su mahang mawu kasasuburi. Pia pangangimang himoneu mutatamba u badang dingang u manga kowawine ko dal᷊ai e'e mangonggo kasasuburi su apang awuhi l᷊au binatang papal᷊iharang i sire. Dingang mukoa kere'e i kumu nupakawuhu u wanua ngi kumu, dang manga kakanoa ko ta nutatahino sarung kasaunge matamba mariadi su se'e. 30#Im. 26:2Pamantughiko l᷊ou ngu Sabati dang adatiko tampa ko seng nitani guna ngu manumba si Sia. Ko Ia Mawu.
31 #
Sau. 18:11; 1Sam. 28:3; 2Mar. 23:4; Yes. 8:19 Kumbahang matamai mundo tughu su dukun ko mukoa pukakauhi dingang u manga roh u taumata ko nate. Boko i kumu mukoa e'e i kumu makoa ko mal᷊amuhu. Ko Ia Mawu Ruata ngi kumu.
32Kahunggeko l᷊au adatiko manga taumata ko maghaghurang. Pangadatiko l᷊au katakuko i kumu si Sia, watu'u ko Ia Mawu.
33 #
Sasu. 22:21; Sau. 24:17-18, 27:19 Kumbahang mutingkai taumata ngu raghi ko natana su wanua ngi kumu. 34Koako i sire kere i kumu mukoa su taumata ko singkawanua ngi kumu dang kindaghiteko i sire kere i kumu mukumindaghi u watangeng i kumu. Putinaungko himoneu i kumu l᷊ai mbuae nuwiahi kere tau raghi su Mesir. Ko Ia Mawu, Mawu Ruata ngi kumu.
35 #
Sau. 25:13-16; Sas. 20:10; Yeh. 45:10 Kumbahang mangakal᷊i taumata ko wal᷊inge dingang mupake ukurang, timbangang arako takarang l᷊inga. 36Pupakeko meteri, timbangang l᷊au takarang ko nuhino. Ko Ia Mawu, Mawu Ruata ngi kumu, dang Ia seng numbawa si kumu nusumuwang bou Wanua ngu Mesir. 37Tuhukeko apang tita l᷊au parenta-Ku. Ko Ia Mawu.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in