IMAMAT 16
16
L᷊ou ko l᷊abo pangangampung u dosa
1Suapang ana i Harun darua nate su tempo ngu nanumba ngu putung ko ta nikao u Mawu, Mawu nuhengetang si Musa, 2#Ibr. 6:19angkung-E, “Ul᷊iko su ana u simbau u i Harun, himoneu kitang su tempo ko nitantu i sie botonge sumu Kamari ko Tumaniu Susi ko nihae dingang u pampele, ual᷊ingu ko su se'e Ia mutingkaandaghi u watangeng-Ku su l᷊al᷊ung u winawa su wawo u tataka Wantal᷊i u Pudadiandi. Boko i Harun l᷊umawang parenta e'e, i sie sarung mate. 3#Ibr. 9:7 Kitang dingang u l᷊al᷊eng mangonggo sasumba sapi ko ese makuda guna ngu korbang pangangampung u dosa, l᷊au simbau domba ko ese guna ngu korbang tutungang, i Harun botonge sumu Kamari ko Tumaniu Susi.”
4Tuhue i Harun mambeng muparhatikang manga atorang i'i. Su horo u sumu su l᷊al᷊ung u Kamari ko Tumaniu Susi, i sie mambeng mundeno bou e'e mul᷊oho pakeang u imam, e'e ko l᷊aku, sal᷊ana ko pol᷊o, l᷊aiki u kal᷊uwaeng l᷊au paporong, kaul᷊ie bou heka leneng.
5Bou e'e umati Israel mambeng manarakang si Harun kambing ko ese darua guna ngu korbang pangangampung u dosa dang simbau domba ko ese guna ngu korbang tongkateng. 6I Harun mambeng mangonggo sasumba sapi ko ese simbau guna ngu korbang pangangampung u dosa guna ngu watangenge sisane l᷊au guna ngu walaghenge. 7Kambing ko ese darua bou umati Israel mambeng iwawae sarang saruang tukari u Kema ngu Mawu. 8Su se'e i sie mambeng mundume u undi mupake watu darua, simbau itia ngu “guna ngu Mawu” dang simbau l᷊ai “guna ngi Azazel”.#16:8: Azazel: Mangal᷊eng u didato Ibrani i'i ta nikatitonang, pari musul᷊ung u roh ko dal᷊ai ko tana su tana l᷊inggi. 9Kambing ko napile guna ngu Mawu mambeng isumba guna ngu korbang pangangampung u dosa. 10Kambing ko napile guna ngu Azazel mambeng ipilo wiahi su saruang u Mawu bou e'e iuseri sarang tana l᷊inggi guna ngi Azazel, tadeau manga dosa ngu bangsa Israel imu.
11Suapang i Harun nangonggo sasumba dang nuhata sapi ko ese guna ngu korbang pangangampung u dosa guna ngu watangenge sisane dang guna ngu walaghenge, 12i sie mambeng mangal᷊a tampa u putung bou mesba dang mutaho tutuhi pakapene tampa e'e l᷊au dua nghangkung dupa ko maal᷊usi, bou e'e mumbawa tampa e'e sarang Kamari ko Tumaniu Susi. 13Dupa e'e mambeng itutunge su saruang u Wantal᷊i u Pudadiandi, hakiu tipunge nuhumbung tataka u Wantal᷊i e'e dang i Harun ta makawua e'e, watu'u boko i sie makawua e'e, i sie sarung mate. 14Bou e'e i Harun mambeng mangal᷊a daha ngu sapi singkodo, dang dingang u tal᷊imboronge mamusi u daha e'e su tingo ngu tataka Wantal᷊i u Pudadiandi dang paka pitu su saruang u Wantal᷊i.
15 #
Ibr. 9:12
Bou e'e i Harun mambeng muhata kambing guna ngu korbang pangangampung u dosa ngu umati Israel. Daha ngu kambing e'e mambeng iwawae sarang Kamari ko Tumaniu Susi, bou e'e ipusie su saruang u tataka Wantal᷊i u Pudadiandi dang su saruang u Wantal᷊i, kere ko seng mbuae nikoae dingang u daha ngu sapi ko ese. 16Dingang l᷊al᷊eng e'e i sie mupakasusi ngu Kamari ko Tumaniu Susi bou kal᷊al᷊amuhu u bangsa Israel dang bou apang dosa ngi sire. Kema ngu Mawu mambeng ipakasusi ual᷊ingu ene su tal᷊oara u pukakemang u Bangsa Israel dang nikahino ngu kal᷊al᷊amuhu i sire. 17Manita bou tempo ngi Harun sumu Kamari ko Tumaniu Susi guna ngu mukoa tundu ngu pananusi sarang i sie sumuwang, sarang singkatau ta botonge ene su l᷊al᷊ung u Kema e'e. Suapang nasue bou nukoa upacara guna ngu watangenge sisane, guna ngu walaghenge dang guna ngu kaul᷊i u bangsa Israel, 18I Harun mambeng sumuwang dang matamai sarang mesba korbang tutungang guna ngu mupakasusi mesba e'e. I sie mambeng mangal᷊a daha ngu sapi singkodo l᷊au daha ngu kambing, dang mamuha ngu e'e su manga sasunge su manga wuku ngu mesba. 19Dingang u tal᷊imboronge i sie mambeng mamusi singkodo daha e'e paka pitu su wawo u mesba. Dingang l᷊al᷊eng e'e i sie nupakasusi ngu mesba bou kal᷊al᷊amuhu u bangsa Israel, tadeau makoa ko susi.
Kambing ko maitung
20Suapang bou nukoa tundu ngu pananusi Kamari ko Tumaniu Susi dang manga bahageang ko wal᷊inge bou Kema ngu Mawu l᷊au mesbange, i Harun mambeng mangonggo kambing ko wiahi su Mawu ko nipile guna ngi Azazel.#16:20: Azazel: Tuhunge 16:8. 21I sie mambeng mamilo l᷊imange darua su wawo u timbo u kambing e'e apiru mangaku kaul᷊i u pusansal᷊a, dosa l᷊au palanggarang u bangsa Israel. Dingang kere'e kaul᷊i u pusansal᷊a ngu bangsa Israel nial᷊ing su wawo u timbo u kambing e'e. Bou e'e singkatau ko seng nionggol᷊ang u hal᷊i manguseri kambing e'e sarang tana l᷊inggi. 22Kambing e'e numbawa kaul᷊i u dosa ngu bangsa Israel sarang tampa ko l᷊inggi ko takoae taumatange dang kambing e'e mambeng ipilo su tana l᷊inggi.
23 #
Yeh. 44:19
Nasue e'e i Harun mambeng sumu su l᷊al᷊ung u Kema, mamuka pakeang u imam ko nil᷊ohoe su tempo ngu nusumu su Kamari ko Tumaniu Susi, dang manintang pakeang e'e su se'e. 24Bou e'e i sie mambeng mundeno su tampa simbau ko seng nihae dang mul᷊oho l᷊akue sisane. Nasue e'e i sie mambeng sumuwang dang mangonggo korbang tongkateng guna ngu pangangampung u dosange sisane l᷊au dosa ngu bangsa Israel. 25Tawa u binatang guna ngu korbang pangangampung u dosa mambeng itutung su mesba.
26Taumata ko namilo kambing guna ngi Azazel su tana l᷊inggi mambeng mangunsa pakeange dang mundeno su horo u mapul᷊e sarang pukakemang. 27#Ibr. 13:11Sapi ko ese l᷊au kambing guna ngu korbang pangangampung u dosa, ko dahange niwawa pasu su l᷊al᷊ung u Kamari ko Tumaniu Susi guna ngu pangangampung dosa, mambeng iwawa pasuwang su l᷊ikuru pukakemang dang itutung. Pisi, ghisi l᷊au tataho u tiang binatang darua e'e mambeng itutung kaul᷊ie. 28Taumata ko nanutung e'e mambeng mangunsa l᷊akue dang mundeno su horo u mapul᷊e sarang pukakemang.
Kakakoa mamantughi l᷊ou pangangampung u dosa
29-31 #
Im. 23:26-32; Rek. 29:7-11 Manga atorang i'i mambeng tuhukang sarang kal᷊iwuenge. Su tanggali mapul᷊o wul᷊ang kapitunge, tau Israel l᷊au tau raghi ko natana su tal᷊oara i sire mambeng mupuasa dang nilarang muhal᷊i, ual᷊ingu l᷊ou i'i l᷊ou ko tumaniu susi. Su l᷊ou e'e mambeng ikoa tundu guna ngu mupakasusi ngu bangsa Israel bou apang dosa ngi sire tadeau i sire mabursi. 32Imam ko Mawantughi, ko seng nitabisi dang seng nitani guna ngu Mawu Ruata ko nungganti si papange, mambeng mukoa tundu ngu pananusi e'e. I sie mambeng mul᷊oho l᷊aku ko nitani 33bou e'e mukoa tundu ngu pananusi Kamari ko Tumaniu Susi, manga bahageang ko wal᷊inge bou Kema ngu Mawu, mesba, manga imam l᷊au kaul᷊i u bangsa Israel. 34Tundu e'e mambeng ikoa paghisa sintaung guna ngu mupakasusi bangsa ngu Israel bou apang dosa ngi sire. Ko e'e manga atorang ko mambeng ituhukang sarang kal᷊iwuenge.
I Musa nukoa kere ko seng niparenta ngu Mawu si sie.
Currently Selected:
IMAMAT 16: PLT
Highlight
Copy
Compare
Share
Want to have your highlights saved across all your devices? Sign up or sign in
IMAMAT 16
16
L᷊ou ko l᷊abo pangangampung u dosa
1Suapang ana i Harun darua nate su tempo ngu nanumba ngu putung ko ta nikao u Mawu, Mawu nuhengetang si Musa, 2#Ibr. 6:19angkung-E, “Ul᷊iko su ana u simbau u i Harun, himoneu kitang su tempo ko nitantu i sie botonge sumu Kamari ko Tumaniu Susi ko nihae dingang u pampele, ual᷊ingu ko su se'e Ia mutingkaandaghi u watangeng-Ku su l᷊al᷊ung u winawa su wawo u tataka Wantal᷊i u Pudadiandi. Boko i Harun l᷊umawang parenta e'e, i sie sarung mate. 3#Ibr. 9:7 Kitang dingang u l᷊al᷊eng mangonggo sasumba sapi ko ese makuda guna ngu korbang pangangampung u dosa, l᷊au simbau domba ko ese guna ngu korbang tutungang, i Harun botonge sumu Kamari ko Tumaniu Susi.”
4Tuhue i Harun mambeng muparhatikang manga atorang i'i. Su horo u sumu su l᷊al᷊ung u Kamari ko Tumaniu Susi, i sie mambeng mundeno bou e'e mul᷊oho pakeang u imam, e'e ko l᷊aku, sal᷊ana ko pol᷊o, l᷊aiki u kal᷊uwaeng l᷊au paporong, kaul᷊ie bou heka leneng.
5Bou e'e umati Israel mambeng manarakang si Harun kambing ko ese darua guna ngu korbang pangangampung u dosa dang simbau domba ko ese guna ngu korbang tongkateng. 6I Harun mambeng mangonggo sasumba sapi ko ese simbau guna ngu korbang pangangampung u dosa guna ngu watangenge sisane l᷊au guna ngu walaghenge. 7Kambing ko ese darua bou umati Israel mambeng iwawae sarang saruang tukari u Kema ngu Mawu. 8Su se'e i sie mambeng mundume u undi mupake watu darua, simbau itia ngu “guna ngu Mawu” dang simbau l᷊ai “guna ngi Azazel”.#16:8: Azazel: Mangal᷊eng u didato Ibrani i'i ta nikatitonang, pari musul᷊ung u roh ko dal᷊ai ko tana su tana l᷊inggi. 9Kambing ko napile guna ngu Mawu mambeng isumba guna ngu korbang pangangampung u dosa. 10Kambing ko napile guna ngu Azazel mambeng ipilo wiahi su saruang u Mawu bou e'e iuseri sarang tana l᷊inggi guna ngi Azazel, tadeau manga dosa ngu bangsa Israel imu.
11Suapang i Harun nangonggo sasumba dang nuhata sapi ko ese guna ngu korbang pangangampung u dosa guna ngu watangenge sisane dang guna ngu walaghenge, 12i sie mambeng mangal᷊a tampa u putung bou mesba dang mutaho tutuhi pakapene tampa e'e l᷊au dua nghangkung dupa ko maal᷊usi, bou e'e mumbawa tampa e'e sarang Kamari ko Tumaniu Susi. 13Dupa e'e mambeng itutunge su saruang u Wantal᷊i u Pudadiandi, hakiu tipunge nuhumbung tataka u Wantal᷊i e'e dang i Harun ta makawua e'e, watu'u boko i sie makawua e'e, i sie sarung mate. 14Bou e'e i Harun mambeng mangal᷊a daha ngu sapi singkodo, dang dingang u tal᷊imboronge mamusi u daha e'e su tingo ngu tataka Wantal᷊i u Pudadiandi dang paka pitu su saruang u Wantal᷊i.
15 #
Ibr. 9:12
Bou e'e i Harun mambeng muhata kambing guna ngu korbang pangangampung u dosa ngu umati Israel. Daha ngu kambing e'e mambeng iwawae sarang Kamari ko Tumaniu Susi, bou e'e ipusie su saruang u tataka Wantal᷊i u Pudadiandi dang su saruang u Wantal᷊i, kere ko seng mbuae nikoae dingang u daha ngu sapi ko ese. 16Dingang l᷊al᷊eng e'e i sie mupakasusi ngu Kamari ko Tumaniu Susi bou kal᷊al᷊amuhu u bangsa Israel dang bou apang dosa ngi sire. Kema ngu Mawu mambeng ipakasusi ual᷊ingu ene su tal᷊oara u pukakemang u Bangsa Israel dang nikahino ngu kal᷊al᷊amuhu i sire. 17Manita bou tempo ngi Harun sumu Kamari ko Tumaniu Susi guna ngu mukoa tundu ngu pananusi sarang i sie sumuwang, sarang singkatau ta botonge ene su l᷊al᷊ung u Kema e'e. Suapang nasue bou nukoa upacara guna ngu watangenge sisane, guna ngu walaghenge dang guna ngu kaul᷊i u bangsa Israel, 18I Harun mambeng sumuwang dang matamai sarang mesba korbang tutungang guna ngu mupakasusi mesba e'e. I sie mambeng mangal᷊a daha ngu sapi singkodo l᷊au daha ngu kambing, dang mamuha ngu e'e su manga sasunge su manga wuku ngu mesba. 19Dingang u tal᷊imboronge i sie mambeng mamusi singkodo daha e'e paka pitu su wawo u mesba. Dingang l᷊al᷊eng e'e i sie nupakasusi ngu mesba bou kal᷊al᷊amuhu u bangsa Israel, tadeau makoa ko susi.
Kambing ko maitung
20Suapang bou nukoa tundu ngu pananusi Kamari ko Tumaniu Susi dang manga bahageang ko wal᷊inge bou Kema ngu Mawu l᷊au mesbange, i Harun mambeng mangonggo kambing ko wiahi su Mawu ko nipile guna ngi Azazel.#16:20: Azazel: Tuhunge 16:8. 21I sie mambeng mamilo l᷊imange darua su wawo u timbo u kambing e'e apiru mangaku kaul᷊i u pusansal᷊a, dosa l᷊au palanggarang u bangsa Israel. Dingang kere'e kaul᷊i u pusansal᷊a ngu bangsa Israel nial᷊ing su wawo u timbo u kambing e'e. Bou e'e singkatau ko seng nionggol᷊ang u hal᷊i manguseri kambing e'e sarang tana l᷊inggi. 22Kambing e'e numbawa kaul᷊i u dosa ngu bangsa Israel sarang tampa ko l᷊inggi ko takoae taumatange dang kambing e'e mambeng ipilo su tana l᷊inggi.
23 #
Yeh. 44:19
Nasue e'e i Harun mambeng sumu su l᷊al᷊ung u Kema, mamuka pakeang u imam ko nil᷊ohoe su tempo ngu nusumu su Kamari ko Tumaniu Susi, dang manintang pakeang e'e su se'e. 24Bou e'e i sie mambeng mundeno su tampa simbau ko seng nihae dang mul᷊oho l᷊akue sisane. Nasue e'e i sie mambeng sumuwang dang mangonggo korbang tongkateng guna ngu pangangampung u dosange sisane l᷊au dosa ngu bangsa Israel. 25Tawa u binatang guna ngu korbang pangangampung u dosa mambeng itutung su mesba.
26Taumata ko namilo kambing guna ngi Azazel su tana l᷊inggi mambeng mangunsa pakeange dang mundeno su horo u mapul᷊e sarang pukakemang. 27#Ibr. 13:11Sapi ko ese l᷊au kambing guna ngu korbang pangangampung u dosa, ko dahange niwawa pasu su l᷊al᷊ung u Kamari ko Tumaniu Susi guna ngu pangangampung dosa, mambeng iwawa pasuwang su l᷊ikuru pukakemang dang itutung. Pisi, ghisi l᷊au tataho u tiang binatang darua e'e mambeng itutung kaul᷊ie. 28Taumata ko nanutung e'e mambeng mangunsa l᷊akue dang mundeno su horo u mapul᷊e sarang pukakemang.
Kakakoa mamantughi l᷊ou pangangampung u dosa
29-31 #
Im. 23:26-32; Rek. 29:7-11 Manga atorang i'i mambeng tuhukang sarang kal᷊iwuenge. Su tanggali mapul᷊o wul᷊ang kapitunge, tau Israel l᷊au tau raghi ko natana su tal᷊oara i sire mambeng mupuasa dang nilarang muhal᷊i, ual᷊ingu l᷊ou i'i l᷊ou ko tumaniu susi. Su l᷊ou e'e mambeng ikoa tundu guna ngu mupakasusi ngu bangsa Israel bou apang dosa ngi sire tadeau i sire mabursi. 32Imam ko Mawantughi, ko seng nitabisi dang seng nitani guna ngu Mawu Ruata ko nungganti si papange, mambeng mukoa tundu ngu pananusi e'e. I sie mambeng mul᷊oho l᷊aku ko nitani 33bou e'e mukoa tundu ngu pananusi Kamari ko Tumaniu Susi, manga bahageang ko wal᷊inge bou Kema ngu Mawu, mesba, manga imam l᷊au kaul᷊i u bangsa Israel. 34Tundu e'e mambeng ikoa paghisa sintaung guna ngu mupakasusi bangsa ngu Israel bou apang dosa ngi sire. Ko e'e manga atorang ko mambeng ituhukang sarang kal᷊iwuenge.
I Musa nukoa kere ko seng niparenta ngu Mawu si sie.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in